賢河小食

營業中

休息中

食過幾次賢河多數都叫佢叉燒拉麵今日收工忽然間想食飯，就叫左個咖喱吉列豬扒飯多數我就會準備去到嘅時候先打電話落單去到餐廳就可以直接俾錢攞外賣返到屋企見到原來佢豬扒會擺喺飯面、咖喱汁另上其實咁樣好好咁就唔會浸淋咗塊吉列豬扒咖喱係日本甜咖喱味，好好餸飯$35完全冇要求性價比超高👍👍

我係今晚有得食炸鮮奶嗰個女仔呀，個炸鮮奶超級好食喎，脆卜卜，鮮奶唔係好甜，軟綿綿，個小丸子都好好食！兩個哥哥仲好好人添！好開心，夜返華明邨都仲有嘢食！👍🏻👍🏻

今日去買外賣食，叫咗個咖哩烏冬，本身都覺得唔錯，只係麵有啲偏淋，點知食食下見到有蟲！好明顯見到有腳所以唔會睇錯！食完而家超想嘔🤮個胃有啲痛，好唔乾淨🤢隻蟲仲要都唔細隻🦟

難得今日去附近返工 見到呢間好似幾抵食嘅小食店 咁裏面有各款唔同嘅烏冬、雞扒、豬扒等等。價錢唔貴，所以買咗嚟試吓 ！大約等五至10分鐘左右。即叫即整都熱辣辣嘅，烏冬係日本稻庭烏冬， 都幾嫩滑！不過個湯底好重味精😵‍💫食完會好頸渴。重點嚟啦！！！佢哋嘅雞扒真係我食過最難食嘅嘢 …..嗰啲肉硬過石頭咁！一睇知係雪藏貨。啲肉除咗係莓嘅之外，塊皮仲要燶晒 ，睇張相都睇到。食左幾啖就扔晒 冇咩事都唔好再買呢個嚟食 真係好差😅

呢間店只可以外賣 食飯時間都幾多人係門口等 今次嗌左吉列豬扒烏冬 辛辣湯 價錢唔貴 份量適中 辣度都適中 唔會話太辣 等待嘅時間都可以接受 職員態度友善 呢間配飲品只係有紙包飲品選擇

附近比較少日式餐廳，佢主打日式粉麵飯同小食勝在夠快同選選多，價錢實惠有牛肉飯、拉麵、烏冬揀而小食就有春卷、忌廉薯餅叫咗個吉列豬扒烏冬D烏冬好多，多列食唔晒塊扒雖然大但有點薄身整體味道不錯，想買個快飯的話依間係一個唔錯嘅選擇

食過呢一間餐廳外賣好多次👍🏻👍🏻餐廳性價比好高之前食過佢嘅堅魚湯烏冬好抵又好食👍🏻👍🏻鰻魚飯鰻魚好大條又係好抵食！今次試吓食佢嘅日式咖喱飯🍛今次揀咗日式咖喱炸雞飯👍🏻👍🏻炸雞🍗好大件，炸得一啲都唔乾，咖喱汁就有啲辣😂但整體來講都幾好食又抵食 $33 咋

講得明係街坊定食首先第一樣野就係要抵食自選刺身魚生飯 5款先係68蚊你可以自己揀鐘意食嘅食材刺身解凍得好好唔會食到冰凍嘅刺身飯都會加左少少飯素係醋飯入面帶返少少咸味當然你唔可以期望刺身有咩驚人嘅鮮度但佢地絕對對得住呢個價錢同埋以咁嘅價錢咁嘅份量嘅刺身係呢頭黎講,性價比已經好高另外壽司set都係抵食X鮮都要賣你3蚊一件壽司啦呢到有9件, 仲要包一碗熱湯烏冬都係48蚊真係諗唔到有咩可以挑剔最值得欣賞係呢一少包wasibi原產地係日本呢啲細微位就睇得出有無心啦出面啲放題全部都係其他地方產嫁下次想幫襯埋放題試下加油!

平時經開lunch 見到好多人食，所以心郁郁又想試下，叫左碟三文魚蟹籽炒飯，落枱先知份量咁多，又唔係貴🤩下次真係要叫返少飯先得😅唔怪得咁多學生都會黎食，雖然好逼，不過價錢咁平係咁上下啦。樓面待應真係好忙，服務同價錢都成正比嘅，即使漏咗單，待應都好快幫我跟返，最緊要係出餐真係好快，岩曬趕時間嘅上班族。

前後食過幾次 其實都幾好食😋放題食物又多選擇 甜蝦同三文魚都好新鮮 次次去食都會叫好多😂😂熟食都好ok 。 重點係！！！！ 嘢食上得好快！！！同埋係真係冇偷單！ 出面放題好多拎偷單🤷🏻‍♀️ 計埋人均200 其實都幾抵🥳最近一次食過lunch set 又係抵到傻🤪叫咗個原條鰻魚飯 58咋！！！ 出面邊度搵？真心同埋試咗杯西柚梳打，夏天飲啱晒😋😋整體黎講 都真心覺得呢間日本野幾好超級推薦！！！！！！之後應該會成日去食😂

環境都幾亁淨  食物素質幾好 我同幾個朋友食完都覺得幾好食 佢地的員工服務都算唔錯 野食都算黎得幾快 等左大概十分鐘到 而且食物價錢都算中等 唔算太貴 平民小食 經過都可以去試下 唔錯唔錯

本人曾多次光臨此店，皆因食物質素平得黎又有保證，絕對係性價比高既首選。並且服務職員非常有禮，見到我地趕時間會主動同廚房講加快速度，亦會細心檢查食物包裝情況，睇下有冇漏汁、檢查餐具齊全等，非常細緻。

同朋友經過見到都幾多人食，所以决定入去試下，雖然座位會逼，不過食物又真係幾正，因為我本身對味精敏感，出街食飯都比較多要求，樓面個妹妹雖然好忙，不過都好有禮貌，而且仲唔會怕我尼啲麻煩人要走鹽&味精，真係唔話得呀！！我都明白待應繁忙時間真係會做到無表情🤣不過疫情之下互相體諒吓啦！

黑面都算，態度語氣極差，問攞餐牌，「自己點啦」鬼知咩第一次嚟😡好啦落了order，出餐竟然成個餐劈落張枱度🤬已經忍住度氣，嗌左個滑蛋豬扒飯，啲雞蛋同飯硬嘅，淡而無味道，難食諗唔明點解咁多人坐喺度，係咪好多人都係第一次嚟中伏😖不過咁講，花都雖然多食肆，但多學生同住宅，lunch時間基本上間間都爆曬已經試過兩次，唔會再有下次！第一次當妳心情唔好，第二次都係咁，仲要一齊去嘅朋友都火滾，即係證明人有問題之後發現原來有幾個朋友都有同等遭遇，在依間餐廳受氣，都係個女職員嘅態度，我朋友本身出咗名好脾氣，咁都激嬲到佢真係不得了！粉嶺都大把好嘢食，淨係日本料理，花都仲有間藤津，係地方細細地，但起碼唔使受氣；華明邨有間都好食，夜晚貴啲但lunch都抵食，仲要坐得舒服，服務態度又好，有一次帶埋小朋友，啲職員仲氹小朋友開心，主動攞BB櫈，兩個大人3個BB，比張六人枱我哋，係Lunch繁忙時間，非常之有人情味同愛心👍🏻 除咗澳牛奶公司，呢間野都算經典服務態度

今日1:43叫落完單外賣，足足等25分鐘才取到外賣，25分鐘叫外賣app都有多，我叫咗個刺身壽司飯，蟹子軍艦，牛油軟殼蟹卷餐有兩碗烏冬。烏冬一早已經放出在桌面、但係洞凍食嘅嘢往往要等最耐，我已經催了兩次，一次已經等咗20分鐘，回應我揸緊軟殼蟹，之後25分鐘我再同他們說，我落單後入嚟食嘅客人已經食完，但我仲未取食物，我在出面等了25分鐘有多，這樣不如我取消，他們回應我，已有 包緊，實在太過久，後悔不堂食。P.S.我疫情這麼久都是叫外賣app,都會叫賢河，這間食物真心不錯，只是post上嚟話俾大家聽話，不要叫外賣在外等，一係糖食一係外賣APP完。