賞茶 (已結業)

今日同老婆食完晚飯行咗陣，攰攰地就最好係浪漫一下啦！唔明呀... 即係搵個地方，無論食甜品抑或飲杯嘢都好，最緊要係有得坐下果隻囉！環境方面，Lee間真係幾好，係商場入面嘅開放式茶座，地方大，易搵位，又開揚，算乾淨咁啦。。。我自己就要咗杯凍嘅"胚芽奶茶"少甜，台式飲品嚟講奶茶都算OK，估唔到胚芽咁好味，有口感，唔會"淋"，有得"o趙"下，我鐘意！講到胚芽，真係唔係間間台式飲品店出嘅都好食，有D勁唔掂架，麥皮咁"淋"晒嗰D呢。記得老婆上次飲過嗰杯係熱嘅"養生芝麻奶茶"微糖，再之前飲過凍嘅麻麻地，但熱嘅嗰個芝麻香味真係引到唔飲熱嘢嘅我都試咗啖，估唔到Lee間嘅"胚芽"同"芝麻"都有得"o趙"，真係唔錯唔錯...…查看更多

13Nov2016一向都有人說馬鞍山是美食沙漠, 因為大多餐廳選擇都是大集團旗下品牌, 而且聚集在大型商場(都是那兩個貼著MTR的), 稍為晚都關門了, 原來不只食店, 想找杯有質素的飲品都不容易, 最近留意到Taste&759(是-都是連鎖)對出的「賞茶」, 好有台灣feel. 而且經常大排長龍, 見天氣漸冷, menu上有喜歡的薑汁乜乜乜, 便加入隊伍.薑汁latte Order時問了是否以鮮奶還是奶粉沖調, 職員confirm了是鮮奶, 立時放心order, 等候時間有點長......5分鐘？沒計時, 好東西一定值得等, 到我的薑汁latte ready了, 還貼心地幫忙開啓放飲管, 這薑汁很真實, 奶味夠濃而溫度不是燙傷咀唇的熱, 有錯請糾正-我好喜歡這店使用的薑糖, 猜是來自台灣才有的質素. 每次經過....都是long queue的...這是件好事…查看更多

有成20張枱比客人坐，普通既飲品店黎講，佢算大同埋多位。環境方面都幾好，唔算太嘈，可能因為比較角落，有大概10張梳化位，好闊好舒服。:):):)飲品方面，價錢尚可以，平均大約$20一杯，又夠大杯，款式都幾多。本人就推介飲百香綠茶同荔枝烏龍。味道好清香，唔會太甜，飲完唔會覺得頸渴。最好叫少甜啦，少甜已經夠味。我試過飲波霸奶茶(珍珠奶茶)，甜到飛起，叫左少甜都甜到漏。其實係d珍珠甜，甜到越飲越頸渴。所以唔建議叫波霸奶茶。其他口感茶都唔錯，值得一試。買飲品仲可以以優惠價換購一份多士，抵食！總括來講，環境同飲品都唔錯，我成日都去幫襯既。…查看更多

放假係馬鞍山新港城行街，多人到爆，行到累累地，就穿天橋過去馬鞍山廣場搵野食，去得果到其實下午茶選擇唔多，晉豬一定要去呢間食佢至愛既吐司，環境尚可，但撞正商場有活動就好嘈，平日去會寧靜d，坐位唔算多，撞正有學生係到扮溫書，就真係等極都無位坐囉😤老實講佢地既台式飲品麻麻，奶蓋綠茶(太甜無茶味)，巧克力拿鐵(直頭無味，淡)，巧克力咖啡(都係得個甜字)，最後黎親都係飲極品波霸奶茶，味道都還可以，珍珠細細粒都幾好趙，飲品就真係一般，重點都係推介返佢地既吐司😋巧克力香蕉吐司磚，晉豬必食，一個人絕對無可能食得哂，即叫即整要等成20分鐘，但下午茶有咩所謂，時間都係拎黎hea😂，最緊要出黎熱辣辣，吐司上面再加多個巧克力雪糕，中間吐司磚又甜又香口，流哂口水😋草莓冰淇淋吐司磚，我比較喜歡呢個味道，雪糕係士多啤梨味，仲有棉花糖，又香又脆既吐司磚配合練奶一流，喜歡甜品既朋友真係要試下，雖然每次食完都好有罪惡感🙈…查看更多

好神奇地，我d朋友大部分都同我一樣住係馬鞍山十幾年，係標準既馬鞍山友，由於住得近，好多時一個whatsapp就會拉到人去食tea，今日都唔例外，去左食呢個千層吐司:):)個樣真係好fancy，三層高，入面已經切好晒一粒粒四方形吐司粒，方便食用，上面大大球雪糕，仲有奶泡，朱古力蛋糕粒同棉花糖，我最鐘意食既甜品都係晒度XD之前都有食過其他cafe類似既甜品，呢個好食在於佢每個部分都有落心機整，好似吐司粒粒咁，唔係齋焗就算，而係每一粒都有搽牛油同蜜糖去焗，出到黎外面脆，入面個芯係好香既焦香蜜糖甜味!! 吐司走香甜路線，心仔都有d驚咁多奶泡淋係面會唔會太甜，一食落口，即刻有答案：係唔會既 因為佢唔係普通既忌廉，而係平時沖飲品果層奶蓋黎! 第一次食到甜品有呢個味道，有奶香又唔太甜，平衡得好好。估唔到鋪仔細細，出品咁有驚喜，有時gimmick係唔夠既，有無用心機做，一試就知。…查看更多

OMG... 咩黎嫁 唔係人飲囉:(:(茘枝蘆薈 一d茘枝味都冇 分明係凍水加糖水 再加少許蘆薈服務態度一般 環境都可以既... 雖然我冇坐係到食 但見到個環境都唔錯 有得俾人慢慢坐下食下…查看更多

布甸奶茶 $20因為工作關係所以呢排成日黎馬鞍山，咁當然要喺呢頭揾多d同試多d唔同嘅食肆啦！今次就喺馬鞍山中心見到呢間台式飲品店，就貪得意試下。呢間鋪係open area度，側邊劃左個area擺左好多枱櫈。佢嘅鋪面設計以自然為主題，睇落好舒服。亦係呢個原因令好多人都買杯野坐喺度同朋友傾計，亦都有學生喺度做功課，傾project，補習etc。其實台式飲品店嘅menu度度都差唔多，不過呢度就多左野食可以揀，有吐司，cheesecake，apple crumble等。因為唔係特别肚餓，我就淨係揀左我嘅挚愛布甸奶茶。不過一望落價錢$20，相比起坊間嘅價錢真係有d貴，份量又唔係特别多。一飲落去真係不得了，超級甜，淨係得甜味而蓋過哂奶茶味。我第一次試所以冇嗌少甜嗰d，如果大家想飲呢度嘅奶茶記住要少甜。布甸份量都幾多下，唔會話一早就食哂d布甸得番奶茶。下次有機會再黎嘅話可能會試下佢d水果茶啦，應該會好過奶茶。…查看更多

馬鞍山愈來愈多台式奶茶店，今次試咗賞茶叫咗波霸奶茶，少甜少冰但飲落去都係超級凍，甜味我覺得係正常，無叫少甜應該好甜味道真係好淡。。奶味同茶味都好淡，有種水水地嘅feel，明明啱啱開始飲，但已經淡到好似啲冰已經溶晒咁波霸（啫係珍珠），我覺得數量太少，同埋好細粒，唔知係咪因為杯野偏大杯嘅關係（飲完好飽，不過係飲到飽唔係食珍珠食到飽）不過口感唔錯，唔會太甜，咬開亦唔會好粉同一patpat，幾有嚼勁～…查看更多

平時行過都唔起眼，有日好奇就望下menu，竟然有厚吐司。馬鞍山曾經有[食物沙漠]之稱，睇泥開始脱名。大鄉里未食過既我當然即嗌當午餐，原來一點後先供應，制作時間半個鐘。有兩種味，分别係奶蓋草莓冰淇淋吐司同埋奶蓋巧克力香蕉吐司。我同友人一人一款。吐司粒一食，好濃好香既蜜糖味，脆度岩岩好，外脆內嫩，好好食。後來食過出名果d吐司(係銅鑼灣)唔夠呢個香同好食。食到最後二粒吐司粒開始飽。由於第一次食唔知一般食既人食唔食埋個框。仲食得落同框仲有蜜糖咪食，食哂兩層框，最底個框食左一邊，食唔落果三邊，食得好辛苦:(。我一個女仔差三邊就食哂一個厚多士，女友人就食剩一層框。無論食唔食埋個框都好，建議兩個女仔share一個。…查看更多

復活節的星期天不打算去太遠，於是飯後便去試試新開不久的「賞茶」，見網友說吐司磚還好，而暫時只有這間有這個甜品，於是試試這間。時間不算到下午茶時間，所以很快有位找到，由於是自己找座位，發現服務生沒有去收拾，好幾張檯都擺放著人客吃完仍在檯上之食物，要自行找人才有人來收起。叫了芝麻奶茶，杯是夠「大」，但一上手便知多冰，飲上去淡而無味，芝麻味又淡到幾乎不覺，奶茶更無奶茶味，感覺如一杯奶茶加了三杯冰溝稀一樣，絕不再試此店飲品。吐司磚只有兩款，我不吃士多啤梨，於是選了朱古力香蕉。等了30分鐘才到，醬汁還好，這個只覺多士四邊不夠脆，如果再脆一點會好味，整體不能叫「好食」，只能叫普通之下當口痕時可以之選擇。…查看更多

《馬鞍山賞茶熱特集》今次來到第三站 - 賞茶。先小試牛刀買杯茶試一下:)選了極品波霸賞奶茶(少甜，走冰)。有別於市場上的茶店，此店不用透明膠杯，用了紙杯包裝。用作封頂的膠片，圖案使內褢的奶茶若隱若現，只看到奶茶並不是裝滿杯，而且奶茶色澤很淺，頂部佈厚厚滿滿的冰粒。雖然這個包裝多了一份神秘感，但當看到了那透明膠片後，頓時也增加了中伏感…其實當摸上手時已覺不對勁，十分冰感，前提是我已叫了走冰… 但明白到可能製作過程有冰是必需的，可能已經盡量小冰了吧！可是當嚐第一口，便覺真的中伏了！超重奶味，完全沒有茶味，而且是很甜！(前提是我已叫了少甜…)珍珠口感雖不俗，但之前的所有已在最曉食心中扣了分…明明在買的時候已說清了要求，為何到手後全部一一相反？很無奈又失望的一次馬鞍山賞茶經歷 …查看更多