賞茶 (荷里活廣場)

營業中

休息中

次次去到賞茶都會飲呢款就係熱嘅手工芋頭牛奶🤓自己本身好鐘意香芋類嘅所以見呢間有點都試一試估唔到比想像中好飲😛啖啖都係濃濃的而且仲有細細嘅芋頭粒有得飲之餘仲有得咬真係唔錯架😉

今日打風，落波掛3號之後大概1小時半，到荷里活廣場分店看看開門未。未開都預左啦，但態度洗唔洗咁惡劣？問佢開門未，個四眼男職員啤住我，好惡咁話「未開呀！」，跟住仲擰轉頭啤多我一次去同個同事講野。一直未幫襯過呢間，買開樓下天仁x茶諗住今次試呢間，點知係咁巴閉㗎！去佢Facebook 專頁睇d 留言，原來間野d員工態度出晒名👍🏻 ！

由於本人住於荷里活廣場附近，在那兒逛逛，看見旁邊有一個餐牌特別耀眼奪目，便走了過去，原來那就是「賞茶」的餐牌！那裡有不同口味的茶，全部都很有特色本人較喜歡喝奶茶，看看奶茶系列，有9款喔😯！而且，你們還可以加配料，如：布丁丶胚芽等（當然要加錢啦)我便隨便點了一個波霸奶茶（即珍珠奶茶）奶茶真係好正，下面D珍珠更正。珍珠又多，奶茶又好味，估下佢幾多錢？咁大杯，$17咋！你又可以自己揀多冰/少冰/走冰，多甜/少甜/走甜！點解？就係因為佢地係即刻整架！你可以睇住佢地整嘅過程，好有趣架！我有一次11:XX去到，點知原來佢12:00先開門，唉！想飲杯野咋喎💦🙍🏼（tips黎架）😉而家趁佢地未加價，快快脆買左佢啦！

無去荷里活廣場一段時間估吾到面目全非好多鋪位都大調遷 仲加入左吾少新鋪包捨小有既手搖台式飲品店話說之前已經飲過賞茶既飲品佢係九龍公園泳池對出既分店超方便但一路都無機會下佢D台式小食鹽酥雞 梅子地瓜條…….真係諗起都流口水我見有約3款SET做緊優惠一款指定小食配一款指定飲品 整體會平$3-5可惜我想試既梅子地瓜條同波霸奶茶無做套餐優惠所以焗住散叫喇梅子地瓜條每次遊台必食不過我吾太中意食酦野 好彩佢呢間個梅子粉吾算太酦地瓜條份量吾太多 但條條都好長好粗食落真材實料 啖啖蕃薯肉好想下次試埋個鹽酥雞至於個飲品值得大讚好抵飲 $20有找大大杯珍珠屬於中size 咬落夠冧夠彈奶同茶既份量配合得宜 入口好滑好香奶味吾想太甜既我叫左微糖 甜度岩岩好亦吾會好淡中意淡口味少少既朋友可以試下

係荷里活睇完戲，行行下見到間新開的台式奶茶店，於是就諗住試下啦店除左有飲品外，都有其他套餐小食order (e.g 鹽酥雞) 咁佢話極品波霸賞奶茶係多人買同秋冬推介就試下啦杯野係好味過x 茶既，不過就冇乜茶味lor，奶粉好似太多... 珍珠(波霸) 就細細粒唔算甜，冇乜咬口，我覺得書店賣的奶茶好果d lor orz ... 不過$21 都算係大杯既，味道可以接受我地等ge 時候都有其他人排隊，下次可能order 其他野試下la

經過見新開試下，極品波霸賞奶茶！茶味淡，仲飲到有茶葉碎，「鞋」冇茶香。奶味淡，唔得滑，得甜味。珍珠夠「霖」身但有小小「癡」牙！總體覺得麻麻地，唔值21蚊！其它未試過唔評論！極品波霸賞奶茶就真係一般！