貴族甜品 (埃華街)

營業中

休息中

星期六食完晚飯時間，出面企左好多人排隊，等左大概15分鐘先到我地，環境淺窄，都係速食之地，兩大兩細叫左個少女時代同童趣。少女時代即係益力多味棉花冰+芋圓+紅豆，不過佢乳酸味都叫濃，唔似有d鋪頭淡而無味，食飽飯更見開胃。童趣就係自選兩個雪糕單球再加d雜果，d生果都幾新鮮，係自欺欺人既健康之選😋整體味道ok,選擇眾多，可惜坐得唔係幾舒服，唔係適合慢慢傾計，下次有機會會再試窩夫

試左椰子牛奶蛋白，好淡椰子味，好淡牛奶味，只有蛋白味。綠豆沙好杰，唔係人人都會喜歡。其他芝麻糊，木瓜雪耳係正常。 但有位綠色長髮幫我地落單既小姐，佢既服務態度真係好惡劣。一行埋黎佢就已經好唔耐煩，態度極差，落單要"慢慢地"同佢講因為佢會跟唔到同好混亂，繼而就燥底。我地落單時想改一樣甜品，佢就即時黑面好似要佢零分重作咁。 最後都係落漏左一樣甜品，但佢就不停係旁邊碟碟不休，類似話"我唔知有咩落錯囉" 其實你咁不滿自己既工作，如果情況許可的話，不如你考慮下轉工？ 無謂留係度辛苦自己，辛苦客人。 如果係咁既食物質素，但要受D咁既服務態度。我寧願去澳牛俾人鬧。起碼佢有食物質素搭救。Guys, don't waste your money on this terrible customer service. Even the food is not worth it.

🍧大角咀特色小店林立，一班朋友嬉嬉哈哈食過飯後，最好就是找一間糖水店繼續吹水。路過幾次呢間小店，卻每次都不耐煩要等位，沒有緣份光顧。這天星期天來到，驚喜地不用等位。中西式糖水甜品選擇很多，雪糕生果豆腐花種類也多，最啱三心兩意的女仔慢慢挑選。紅豆雪米糍豆腐花紅豆夠甜，豆腐花也夠滑，但糯米糍就跟餐牌不一樣，沒有流心的。椰皇芋圓湯圓椰皇很新鮮芋圓湯圓都很彈牙的食物上也不錯只是座位上有點狹窄，服務員也欠缺笑容，這是比較可惜的。

呢間甜品鋪去過之前其他分店都唔錯, 今晚睇完戲食完飯帶埋個甜品輕輕鬆鬆咁就好圓滿啦... 我哋兩個情侶睇咗一陣餐牌,竟然心有靈犀決定揀兩樣甜品都是一模一樣, 原來好朋友總是有默契的!甜品我哋揀咗一凍一熱。 凍甜品是日本紅豆豆腐花， 講真唔係好識分平時的紅豆和日本紅豆的分別，不過既然佢咁講我梗係信啦。 本來平平無奇的紅豆豆腐花加埋個雪米糍又即刻覺得豐富咗喎，不過食落其實味道就不算好特別。熱甜品是椰皇燉蛋配湯圓， 由於我唔係特別鍾意椰皇再加湯圓,所以我就覺得普普通通。不過我老婆就覺得合格有餘！最後一定要彈，就是這裏的服務生態度認真麻麻。 叫我哋 拉枱櫈冇講唔該， 態度硬掘。所以服務分要扣！

朋友相約在 大角咀 吃晚飯, 我和太座例必早到四處逛逛, 無無聊聊, 倒不如先吃個甜品, 才吃正餐 ~Menu ~蛋白杏仁茶 $ 30 : 顏色奶白, 入口溫和柔順, 杏仁味道濃郁也吃得到滑嫩的蛋白, 稀杰度也適中, 熱度不算很熱, 不會燙口, 熱度是比室溫稍高一點, 口感實在非常香滑, 而且也不太甜, 吃後, 身體感到暖和, 據聞吃蛋白杏仁茶是有養顏功效的, 像我這樣的中年男人實在需要多吃養顏食品 ~真的沒有想過, 在這樣新派的甜品店, 竟然能吃得到這樣有水準的傳統中式甜品, 真的值得一讚 ~本篇完 ~

今天28日是Pancake Day, 身處大角咀卻想找pancake吃，應應節嘛！ 曾到過的甜品店已不再在人世，只好隨便的逛隨便的找，直至找到《貴族》。甜品店都有下午茶餐，特選的甜品會比正價便宜一些，還可以加錢換Latte/Matcha Latte。Waffle with Pancake $33 芒果粒爆甜，大粒又多汁，窩夫是熱的，既香又脆囗，最重要是没有苦味，與芒果雪糕一起吃，冷完又熱，此時此刻你會知道自己有没有敏感牙齒，哈哈我的牙齒好健康！芒果班戟大大個，用刀把班戟切開兩半，芒果肉厚，忌廉不膩囗，班戟皮滑溜溜，芒果是既甜又多汁，班戟好吃到不行！味道 4環境 3服務 3衛生 4抵食 4

收工想搵個地吹水但又唔想食甘飽就只有食甜品啦睇餐牌都見到有幾多款揀 中式定西式 飲品 窩夫 雪糕咩都有 多到自己都揀唔落手 因為咩都想試下因為鐘意食抹茶 所以最尾都揀左個抹茶紅豆沙冰雪糕除左紅豆 上面仲有d小丸子 所以食完成個都幾飽下苦澀既抹茶加上甜甜既紅豆真係絕配黎可惜既係d冰唔太碎 有時食到好大舊冰好硬

今日原本想食車品品，點知等左成半粒鐘，條隊都唔郁，係果陣留意到隔離有間甜品，咁就食完晚飯要去食下甜品先......個menu 有好多新穎既甜品，又有waffles, 但因為太飽，還是食d輕量既野吧龍珠二世 $41原本係$33，但因為我加左芋圓，要另加$8，其實都幾貴，呢間既芋圓並唔係一般既紫色，佢有埋黃色，白色，真係夠特別，不過還是係台灣食的好味d, 主要係芒果甜品，所以味道都不會太差，沒什麼驚喜紅棗雪蓮子燉桃膠 $38都好足料，完全係滋補養顏之選，女士既恩物，加上味道又唔會好甜真係正

巨蜂提子雪花冰小丸子+雲尼拿雪糕🍧。$35.好食既，巨蜂提子味重，小丸子煙韌，紅豆同雲尼拿都好夾。芒果黑馬皇子$30.芒果、荔枝、黑珍珠、芒果汁。所有野夾埋一齊好食，多汁果味香，尤其是荔枝味香咁。

今日黎到呢間甜品店😀😀食甜品,兩個人食既🤔咁就叫做3樣甜品啦💪🏻地一樣係呢個榴槤公主👸重口味之選😈，鍾意食榴槤既朋友可以試下呀，面頭果d係真既榴蓮肉黎ga😍😍好香好滑👍🏻仲要好甜先😋下面仲加埋d榴蓮沙冰同榴蓮布丁呀😋😋唔錯唔錯女孩仔最愛既心太軟😍😍賣相十分，可惜味道就一般😟😟心太軟朱古力太硬啦🙈🙈希望下次食可以再改良d啦哇，呢個不得了，草莓雪糕好食，草莓味好足呀👍🏻👍🏻d金轉又幾好食wor好香口呀🙆🏻🙆🏻呢個係好食既 整體黎講唔係好貴👍🏻👍🏻但係好食既

After having dinner with my friends and we walk around in Olympic cityAfter that, we would like to have something sweet therefore we search openrice and found out Nobles dessert which is near us..Then we arrived there, there are lot of people and we need to wait for around 10 mins then we get in,I ordered Kyoho Sorbert which is grape sorbert, cookies ice-cream and some red bean on top.It is fantastic and the red bean and the sorbert is matched. 

剛經過順道買了杏汁雪耳蓮子糖水，回家打開外買碗，一陣濃烈攻鼻的杏仁霜味，即是茶餐廳用作沖飲品的杏仁霜，開粉做糖品！心想算吧！29蚊。但用匙羹一"筆"如漿糊一樣，食一口有一陣傻味。開粉做甜品已經無誠意可言，買得出街基本都要能入口，這個糖水食了兩口已經再吃不下。

菜單很有特色，不同類別的甜品以貴族的稱號命名，例如：伯爵﹑男爵我點了香蕉窩夫，這道甜品要等很長的時間才能完成，證明了是鮮製的食物上來時還是熱的，很脆，沒有放久了的感覺，香蕉很新鮮，沒有變壞或將會變壞的味道廚師很有心思，在窩夫的每一格裡，加了花形的醬，返到背面，格裡沒有醬，有點失望，但也明白為何沒有看圖片以為只有兩塊，上來時發現有三塊，很驚喜這份量足夠我skip晚餐直接來吃甜品，早知就不吃晚餐了$43不算便宜，但很多地方的窩夫也要這價錢，所以價錢不會令我卻步下次有機會還要來

每次來這裡，必叫 "宇治金時冰" ~ >3< 真的很好吃又抵吃 ~ 賣相十分唔錯，材料豐富。好的刨冰應該入口即溶，呢間做到 ! 綠茶奶味很夠。加上紅豆和白玉，正 ~ 份量都 ok !如果去唔到日本吃正宗宇治金時，來呢間吃, 止下渴都十分 ok !

我耐唔耐去大角咀找我的好姐妹出來飯局，早前約好姐妹在奧海城行街,我同好姐妹行完奧海城之後，好姐妹帶我去她的屋企附近甜品店,她去過覺得幾好味,就和我來了貴族甜品，這裡的地方十分適中,我和好姐妹入到餐廳之後，就叫了3個甜品，價錢亦不太貴，這裡的甜品又不錯。服務亦幾好,店員亦推介店内熱門甜品給我們，好姐妹叫了店員推介椰汁湯圓，我要了朱古力香蕉窩夫+紅豆豆腐花，我和好姐妹吃完後覺得真的幾好味,甜品當晚餐不是第一次了,這裡十分飽肚,環境亦不錯，下次可以再來味道紅豆豆腐花,豆腐花口感好滑,味道又不太甜,再配合紅豆好夾呀！味道好好味朱古力香蕉窩夫,窩夫口感好脆，又不會太硬,朱古力雪糕有濃郁朱古力味道，出奇不是太甜,甜味剛剛好服務我覺得店員十分有禮貌，主動推介店内甜品環境地方十分適中,座位坐得舒適價錢平均50元一個，亦不是太貴