貴州遵義黔營羊肉粉

營業中

休息中

冬天就係要食碗羊肉補補身🤭✨羊肉粉羊肉片好薄身 數量唔算多 肉質比較實淨 唔會有臊味 貴州米粉比較粗身 食落好彈牙同滑溜份量唔算多 但湯底味道唔錯✨羊腩粉羊腩好林 份量都唔算多 比較細粒 大食啲真係會唔飽✨羊肉串羊肉串燒得好乾身 可惜份量少 肉同脂肪夾集 但油脂味唔算香仲有蒜比你配埋一齊食俗語話 食肉唔食蒜 香味少一半所以大家可以試下 都有一番風味性價比唔算高 份量都偏少 大食啲既真係會唔夠飽 但味道算唔錯 食完暖粒粒 下次黎會想試下其他小食

路過一試黔營羊肉粉🍜羊肉粉🍜涼拌牛肉湯底唔錯 餐廳主要都係食羊少量其他不過佢啲羊肉份量唔夠多 如果有人中意食酥味 佢d羊肉就無咩酥味 我唔太食辣 所以多數叫小辣或清湯 聽人講要食到中辣先至覺得辣如你係嗰啲純粹想食吓米粉 試下佢湯底既人 可以試下 中意食羊既人就不要太高期望 除左羊肉粉 羊既其他部位都有得食👍

已經好多年冇食過羊肉粉了！ 最近見到v city對面新開咗這間羊肉粉店， 繁忙時間經常見到門外都有人排隊，不知道係等攞外賣還是等入坐。 心想一定要來試一試羊肉粉$52羊肉粉內的羊肉切得很薄， 羊肉分量不多， 我食到羊肉片有些少騷味，但不是每一塊都騷。 這個雲南米粉望落去似我哋成日食嘅米線，但米線口感較煙韌，這個雲南米粉口感較滑溜，我個人比較喜歡這個雲南米粉。羊肉麵$55羊肉麵也是薄切，羊肉份量少 ，男朋友食話唔覺得有騷味。 清湯湯頭香濃， 好飲， 加點青花椒， 有少少麻嘅感覺， 我男朋友話！ 小份手抓羊排$88清湯燉煮的羊排好味道！ 肉味香濃！ 但份量少，只得兩舊件，賣88元 ， 性價比低！ 羊肉蔥花捲$45這個羊肉蔥花捲似手抓餅既皮， 內裏有羊肉碎， 一份一開為四， 但有其中兩件， 羊肉碎放得比較少 ，唔均勻。原本好食嘅都覺得扣些少分！ 牛肉串$16x2牛肉串有肉味 ，味道不錯， 但肉量少， 牛肉串上灑上紅色嘅辣椒粉，看似好辣，但其實不算好辣的！總結： 味道好，但肉量少， 以這個價錢來說，應該給多點肉才對， 性價比低！ 但我哋會再嚟食 ，但因為太貴，唔會經常食囉！羊肉粉和羊肉麵的湯底

難得閒日出去搵食🤭天寒地凍見到間「羊肉粉」又唔洗等位就一於入咗去～🐑羊肉粉✔️羊肉都算軟滑，入口唔算好「鞋」👍🏻✔️酥味適中，好易入口🥰✔️呢種「粉」好特別，佢叫貴州米粉，食落口感比較似粗版既米線，都好好味😋😋🔅🔅🔅超級推薦：紅糖糍粑🔅好有驚喜，外脆內軟，夠熱，甜味適中👍🏻👍🏻美中不足⋯⋯⋯⛔️粉麵份量太太太太太少，一碗粉都超過💲50，但好似食幾啖就冇晒咁🥲🥲女仔午餐勉強夠，男士分分鐘兩碗先夠飽🙈🙈但整體來講食物質素幾好，員工態度好，環境亦乾淨😊

呢間羊肉專門店係元朗都有1間，都想話試下未有機會試，屯門呢間分店都係開左無幾耐，收工就約埋老友係呢間新店試下啦。7點左右黎到都已經坐滿人，大約等左5分鐘左右有人埋單就有位入，餐廳面積都唔算細擺到十張枱，枱上另有d調味粉同生蒜俾你即場開黎食，好地道大陸風味，睇下餐牌9成食物都同羊有關，除左常見既羊腩羊排之外仲有d重口味野，如羊腦，羊胎盤等等，小弟就唔太識欣賞，所以食返d大路野試下先。羊肉麵小弟揀左唔辣，湯底都係用返羊肉湯，都算幾鮮甜，羊肉完全唔羶，大約有10片左右，切得都幾薄，麵質幾爽口彈牙，但唔知咩麵黎，口感似手打烏冬。羊肉粉(微辣)老友揀左呢個，粉有d似米線但較粗身，加左辣就算係微辣老友都話幾辣下，怕辣既朋友要留意啦。涼拌羊雜叫左個羊雜小食要微辣，大陸d辣油真係唔講得笑，微辣都幾辣，羊雜有d羊肺片羊肚羊小腸咁，份量不多同埋切得好細，師父刀功真好，咸酸菜份量仲多過d羊雜，味道其實還好既，但$58黎講真係唔太抵。羊肉蔥花卷千層酥餅包住d羊肉碎，羊肉份量不多，酥餅係幾酥脆，$45有點貴。今日試左d比較大路既食物算係唔錯既，但有d野份量較少而且價錢都定得比較高，服務方面d阿姐都算幾好禮貌，鐘

姐姐全部講普通話，唔係好溝通倒🤣我見倒「芹菜羊肉湯餃」，我問姐姐餃子🥟裡面有無芹菜，佢答我全店得一款餃🫣羊肉粒好正，一啲都唔梗，幾嫩下紅糖糍巴還好，但好抵食，大大碟最鍾意❤️羊肉夾餅🥰🥰🥰

今日同老婆去食，大約早上10點幾左右叫了一碗羊肉粉，牛肉麵，羊肉夾膜，羊肉2串個2碗粉非常咸，同侍應講，仲要大聲話返我地話湯底係咁，態度惡劣，羊肉串賣16蚊串，得2舊肉其他都係脂肪，羊肉夾膜，唔熱，塊夾膜仲要凍點解我會去食？因為昨晚經過，老闆親自出門口講今晚好多人，大家不好意思，招呼不到大家見你老闆咁好禮貌，未第二日去試，點知原來係咁既結果2個人食左183蚊，貼錢賣難受，仲要食唔飽，要去買其他野食先飽肚，真心後悔，強烈建議大家唔好去食，貪新鮮既人都唔好去希望老闆及待應見到我呢篇野