貳號冰室

營業中

休息中

貳號冰室藏身於火炭星凱．堤岸商場，以現代簡約的白色裝潢打破傳統冰室印象，鄰近港鐵火炭站B出口，步行僅需1分鐘，成為區內上班族的便捷食堂。  「自家製菜脯海鮮炒飯」展現港式鑊氣精髓，米粒分明且金黃乾爽，菜脯的鹹香與彈牙蝦仁、魷魚交織出豐富層次，加入炒蛋夠飽足感，整體口感清爽不油膩。另一碟「翡翠珍珠帶子雞粒炒飯」則以濕潤帶子為焦點，帶子鮮嫩易咬，搭配翡翠色蔬菜粒與雞肉，炒功均勻且香氣十足，珍珠米粒粒分明，滿足感滿分。  上菜速度驚人，15分鐘內即能享用熱騰騰的炒飯或意粉，搭配凍飲的套餐定價合理，適合趕時間的工廈上班族。特別推薦凍檸茶，茶底甘醇不苦澀，為炎夏注入清涼。  雖為快餐定位，但環境乾淨明亮，座位寬敞。  整體而言，貳號冰室以創意港式炒碟與高效服務立足火炭，是區內高CP值的午餐首選，值得一試再試！

藏身火炭商場的冰室，主打港式茶記混搭創新元素，白色主調裝潢打破傳統冰室印象。午市即試兩款人氣炒碟——自家製菜脯海鮮炒飯鑊氣十足，金黃米粒彈牙不油膩，鹹香菜脯與彈牙蝦仁、魷魚交織出層次感，驚喜在加入炸瑤柱絲提鮮！卡邦尼炒意走濃郁路線，忌廉汁掛滿意粉卻保留炒製焦香，煙肉碎與半熟蛋黃拌勻後更添滑順，惟芝士味稍嫌含蓄。上菜速度媲美快餐（15分鐘內），連飲品定價合理，適合趕時間的工廈上班族。特別欣賞凍檸茶茶底甘醇無苦澀味，加分！整體屬區內高質快餐之選，下次試埋其它～

今日下晝突然間好想食2號冰室呢個咖喱豬扒飯,之前食過覺得好好食，因為豬扒好脆,同埋好鬆,同埋超級大塊,佢哋個咖喱其實個汁算好鍾意潔身少少呢個係需要改進，但係佢哋個咖喱都唔算好辣，但係都好好味

今日突然間好想食呢個蔥油雞扒煎蛋飯，蔥油好正好好食，耐唔耐都會叫呢個飯嚟食，因為自己本身都好鍾意食蔥，另外佢個雞扒煎得好香個皮好脆，加埋杯齋啡，下午茶會比平時抵食$58

有人早餐突然間好想食2號冰室.,於是就走咗去嗌咗個早餐,我叫咗雪菜絲米,有炒蛋本來係一個孫總包，我就轉左菠蘿油,因為突然間好想食佢哋個菠蘿油,佢哋個菠蘿油好出色，因為啲油佢係個牛油唔會好硬，同埋佢有啲油出咗嚟好正個菠蘿包個皮都唔會成日跌落嚟同埋好脆

日期：2025年3月15（六）用餐時間：16:30-17:15人數：2人消費：1381. 侍應阿姐中意講八卦。得閒吹一兩句冇問題，但講到大大聲就真係唔好，我地唔想聽，勸左都阻止唔到2. 食物質素不俗，惟份量嚴重不足。60蚊嘅茶餐真係唔算街坊價，一碗沙嗲牛肉河，得三塊牛肉真係搞唔掂3. 服務員態度可以改善下。點餐、放餸落檯，好似欠左你咁，同佢講「可唔可以覆一覆單」，服務員居然可以已讀不回唔知呢間餐廳嘅公司點請人，但食左兩間分店都係食物質素好好，但服務出事

呢間餐廳上年新開張，吸引好多打工仔去食飯，入面都幾大，容納到好多人，但好多時都要搭枱，除非係卡位。午餐有lunch menu 同日常menu，分別在於lunch menu 包餐湯 (可選中湯或紅湯)，同埋熱飲。正常menu 熱飲加$6。今日揀左個咖哩雞飯，佢個咖哩有啲辣，但餐牌冇說明，而且雞肉比較少，大約只有2個雞件，2個薯仔，2條椰菜，食晒都唔太夠飽。味道都正常，附近冇乜選擇黎講都已經算係好味，但就唔好咁高期望。

今日又去咗2號冰室食早餐，好耐冇食過雪菜肉絲米，今日又好想加$10食一個菠蘿油，幫我search吓肉絲賣算幾大都幾好食，個菠蘿油好脆好香個牛油好足料好好食，價錢係$51，近近哋可以再嚟食

今日突然間好想食菠蘿油，驚起身10.0鐘仲有時間食早餐，又叫咗個沙嗲牛肉公仔，有個炒蛋，加$10可以有一個菠蘿油，個菠蘿油超正，佢可以啲皮唔會碎，牛油好足料唔錯唔錯，個蛋炒得好好食$51呢個早餐都算幾抵食

在火炭堤岸冇咩選擇，我哋選擇咗2號冰室。餐廳環境都幾舒適，雖然地方唔大，但設計得幾有氣氛。今次我試咗雞髀咖喱飯，咖喱汁幾香，味道濃郁，雞髀都算嫩滑，口感非常好。每一口都令人感到滿足，尤其係配上熱辣辣的白飯，簡直係絕配。另外，叫餐時仲有一碗例湯，湯底清甜，對於一餐來講非常合適。飲品方面，我選擇咗凍檸檬茶，爽口又解渴，十分適合當日的天氣。儘管當日食肆爆滿,但服務員仍然效率迅速,不用等太久就可以落座享用美食。整體來說,這家食肆無論在食物質素、價錢和服務態度等各方面,都算是火炭一帶難得的好選擇。

星凱堤岸去年入伙以嚟一直未有商場，近幾個月商場總算開咗， 入面幾間食肆，其中一間就係2號冰室。最初開張見好多人排隊， 費事排長龍所以未幫襯過。咁啱今晚經過，見人龍唔係好長就試下排，原來都好快入得。食物方面我哋叫咗三個小菜套餐，分別係蒸水蛋，蜜椒薯仔雞翼，拍蒜菜心。 上菜都算快，份量都幾充足。食物嘅味道都唔錯，尤其係薯仔雞翼，外脆內軟，好啱送飯。 例湯就味道一般。價錢方面都尚可接受。 我哋再單點多一個白飯，都要成12蚊，有少少貴。 不過整體食物質素都幾好，會再幫襯。