影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食家推介
貢茶可以話係由中學飲到而家，以前最鍾意飲嘅係珍珠奶茶，但係隨住越黎越多嘅台灣珍珠奶茶店喺香港開店之後，都冇咩再去貢茶飲珍珠奶茶啦。今次同事無端端話叫貢茶外賣，我見咁耐冇試過，所以都叫咗一杯。不過今次我冇嗌到最普通嘅珍珠奶茶，因為有時咬珍珠真係咬到牙都軟，加上我知道貢茶嘅珍珠比其他過江龍店嘅珍珠奶茶係遜色一啲，所以我今次嗌左仙草奶凍加布丁，估唔到仙草同布丁有驚喜！🎈仙草奶凍（加$3要多樣配料：布丁🍮）唔知係咪太耐冇飲，我覺得貢茶嘅奶茶味道有進步，而且甜度適中，仙草同布丁都好滑好味，突然後悔冇加$3變珍寶裝，唯一美中不足嘅地方就係奶茶好快就飲完，最後剩低好多仙草同布丁，如果個比例再控制一下會更加好。
繼續閱讀
珍珠奶茶喺香港都一直都好受歡迎，貢茶都算幾多分店，屹立不倒，成日經經過過都見到。今次嚟去油塘站大本營嘅分店，中，聞到手搖飲品嘅香味，心思思想飲番杯，於是就買咗杯😋珍珠奶茶(冷) ($18 - 正價：$21）- 珍珠奶茶微糖少冰係我自己鍾愛嘅preference，茶底香濃，茶味突出得嚟又唔會太過甜，入口順滑幾好飲，珍珠甜甜哋得嚟又唔會好硬，軟硬適中，煙煙韌韌，好有嚼勁👍🏻- 平時經過都會買番杯，水準都keep得到☺️今次用埋MoneyBag嘅優惠，$18就買到大大杯有質素嘅珍奶，超值😆下次有經貢茶嘅分店，一定會再encore😆
繼續閱讀
手搖飲品周圍都有，想飲嗰陣隨時梗係有間係你左緊🤣。天氣咁熱叫咗杯冬瓜茶飲，消消暑，平時鍾意叫25%糖，不過店員就唔建議，所以就聽佢講揀50%糖👍🏻。雖然揀咗半糖，但杯冬瓜茶都好清甜，唔會甜到漏👍🏻，都唔錯🤤。
繼續閱讀
區內僅有嘅台飲店之一。平時路過都見到好多街坊同學生幫襯。店舖細細。喺地鐵站附近地點方便。愈來愈多報導話台飲唔健康。所以為左健康啲。飲襯都盡量飲鮮奶。貢茶唔興用鮮奶。所以可以轉鮮奶飲品唔多。想飲珍珠鮮奶茶。不過冇得就咁轉。要order香濃奶茶$19。+4轉鮮奶。+$3加珍珠。default係大size。要細size所以平左$2。珍珠新鮮。口感煙韌。有微微甜味。份量亦足。叫左半糖已經覺得夠哂甜。鮮奶味濃。不過茶味唔夠濃。搞到個味有啲似奶溝水。
繼續閱讀
好耐無飲珍珠奶荼，因為知道飲一杯等如食咗好多糖。但今晚食完飯行返屋企，見有人拎住一杯，攪到我又心思思，結果都係抵唔住誘惑。奶蓋奶茶 $22 - 先講包裝，貢茶係無杯蓋，面層係將杯入機器，之後有一層膠全封式。但想講飲奶蓋係要打開杯蓋，之後45度將芝士奶泡同茶一齊入口，咁先好飲。但而家只可選擇用飲管飲，或者撕開膠紙。我揀咗撕開膠紙飲，但發現之後好唔方便，因為無咗個蓋好危險。奶蓋好杰好挺身，芝士鹹香味亦算濃郁，但茶唔夠香，茶味比較淡。珍珠奶茶 $20 - 茶味同樣係淡，奶味就比較濃。甜度方面，唔知係咪冰多咗少少，所以又唔覺得好甜。而珍珠份量亦唔算好多，但口感煙韌，好有咬口。
繼續閱讀
您可能會有興趣的...