豬屋日本料理

營業中

休息中

平時都有堂食，今日外賣，雖然是經外賣平台，但包裝非常好，雜錦刺身飯有冰種，麵豉湯仲有三文魚肉，保持新鮮，還加送靚靚外賣袋，食物和堂食一樣份量，沒有偷工減料，會再續。

今日唔想煮飯，落車附近有間日式餐廳，咁不如行過去睇睇。餐廳門外餐牌都幾吸引，廚窗海報有個期間限定便當好似幾好食，咁最後我就揀左薩摩便當同一個刺生丼。餐廳幾細心，熱同凍嘢分開兩袋包起，刺身裡果袋仲加左粒塊。薩摩便當：便當幾豐富，有味付螺肉做前菜小食，鹽燒安格斯封門柳燒得幾靚，肉帶少少紅，唔韌，有牛味。另外豬頸肉同蟹籽加州卷都好食，飯加左燒汁，食落有味唔單調，幾好。特選五色丼 + 麵豉湯：麵豉湯夠味道，五色丼賣相幾好，有三文魚、北寄貝、帶子、赤蝦同海膽，每款刺生都係厚切大塊，魚生幾新鮮，整體唔錯。

平時好少經過田心村原來田心村附近都有啲食肆今晚因為自己一個人食飯所以就選擇咗呢間日式餐廳打算食個便當就搞掂超級多選擇嘅一間餐廳有湯拉麵烏冬又有壽司、刺身、吉列豬咖喱飯同埋不同的小食我最後揀咗伊賀便當配咖喱飯🍛$85（有牛油帶子、蟹籽加州卷、蟹棒）份量十足(超級大份量)建議order時可以按少飯如果係食量唔大嘅朋友另外加$8 加左碗三文魚味噌湯湯味道鮮甜😋材料充足碗內放咗好幾舊三文魚三文魚肉質好滑好味😋真心推介!!!見到呢個海膽壽司$58忍唔住order一碟每件都鋪左厚厚既海膽🤗味道鮮甜👍正~~~真心推介!!!餐廳真係提供好多選擇唔怪得之平日夜晚都咁多人黎食6:30p.m. 已經坐滿所以如果打算平日夜晚黎食建議早少少到 總而言之，性價比高嘅日式料理餐廳!!!

晚市時間坐滿人～等咗15分鐘就有位睇餐牌見佢D便當魚生、炸物樣樣有都幾豐富叫咗2個餐～沖繩便當、爆脆吉列配豬骨濃湯拉麵～沖繩便當～有：吉列千層芝心豬扒、2件汁燒金菇牛肉卷、2件三文魚、2件帶子、1條帶頭甜蝦、咖喱飯、味付螺肉～吉列千層係用豚肉片卷芝士再炸粉～味道還可以～魚生都算新鮮～咖喱飯偏甜～唔夠熱開始有層油～金菇牛肉卷上面有燒汁幾惹味爆脆吉列配豬骨濃湯拉麵餐～有：炸紫薯餅、名古屋雞翼、脆香吉列豬扒、豬骨濃湯拉麵、三文魚味噌湯～呢個幾餐基本上都係炸嘢～名古屋雞翼香口幾好味～豬骨濃湯拉麵湯底夠濃～三文魚味噌湯少許魚腥味都有好多三文魚粒便當幾好～樣樣有D賣相吸引～一人有杯綠茶加一服務費

穿過大圍田心村就會見到豬屋，嚟到一定要食便當，勁大份，每款都好好食！今次嗌咗薩摩便當，當中包括咗鹽燒安格斯封門柳、七味燒豬頸肉、蟹籽加州卷、味付螺肉，飯仲可以揀燒汁/咖哩汁，今次揀咗超好食嘅燒汁飯！牛扒燒到5成熟，中間保留咗牛肉嘅肉汁，面就有層熟嘅鹽燒味包住，第一啖首先係鹽燒味，之後就會食到啲肉汁味。燒豬頸肉好有驚喜，3塊都好大塊，燒得好惹味，少少嘅肥肉特顯咗豬嘅奶臊味，餸飯一流！當然唔少得燒汁飯，好開胃，燒汁配牛扒一流！另外仲嗌咗個蟹味噌甲羅燒拉麵。一見到甲羅燒就諗起大阪磯丸！豬屋甲羅燒嘅蟹味好濃郁，我偏好留起成個最後食！另外仲配有一兜仔蟹籽，好少見可以成兜食嘅蟹籽，係一個好好嘅體驗！另外仲有個多春魚小食，每條都有好多春，直頭連骨食都仲得！

今日喺大圍站附近工作朋友推介這一家賣日式便當的餐廳，就買個外賣返公司食門口見到便當款式非常多,都真係揀咗好耐先揀得到最後我自己揀咗一個沖繩便當轉烏冬同事就揀咗一個宮崎便當配咖哩飯等外賣嘅時候坐咗喺入面等，見到裏面嘅裝修都非常有特色我自己揀咗這一個沖繩便當因為一見到有 刺身三種、 吉字千層芝心豬扒、 金菇牛肉卷好厲害，竟然有一個便當係全部嘢都鍾意食刺身三種，覺得三文魚、蝦甜、帶子都新鮮吉列千層芝心豬扒啖啖肉同埋芝士， 吉列炸漿夠脆，滿滿邪惡但係好好食因為我自己唔係好想食飯就加13蚊轉烏冬我係食完實在覺得份量係太多食完再繼續工作覺得完全係大滿足同事就揀咗這個宮崎便當大大份照燒雞扒， 食咗同事一件雞扒厚肉，燒汁帶甜味，令到雞扒很惹味鹽燒雞肉大葱， 又淋滑又濃味底有兩件燒過嘅翠玉瓜 咖哩飯個略覺咖哩汁唔係好夠，不過食到尾可以撈啲配埋照燒雞肉食又覺得好正覺得這一家便當非常有特色下次再經過可以再食其他便當

近日，我去了大圍一家日本餐廳。餐廳不僅裝修獨特，而且食物美味，所以想推介給大家。=======環境=======餐廳的裝修以木系為主，很有格調。牆上掛滿了很多日本風的擺設。整體裝修風格簡約，讓人感到很舒適。=======食物=======🔶枝豆 $32在這家餐廳，食物的種類多樣，讓人眼花繚亂。首先，我點了一份枝豆作為開胃小點。枝豆很新鮮，清新而美味。🔶 和風黑椒牛舌粒拉麵$75和風黑椒牛舌粒拉麵的色香味美，令人回味無窮。嫩滑的牛舌粒搭配著特製的和風黑椒醬汁，入口鮮嫩多汁，牛舌的獨特風味與黑椒的香辣相得益彰。🔶 秋田便當 $94便當中包括咖哩飯、炸雞扒、牛肉和刺身（帶子、三文魚、頭甜蝦）。咖哩飯香氣四溢，咬上一口，米飯融合了咖哩的香辣味道。炸雞扒外酥內嫩，口感極佳。牛肉經過適度的烹調，入口即化，散發出濃郁的肉香。而新鮮的刺身更是為整個便當增添了一絲清爽的口感。=======總結=======埋單共$201。總的來說，這家餐廳不僅環境舒適，而且食物的味道也非常出眾，很值得再光顧。

奈良便當$78 便當有日式炸嫩雞、流心芝士漢堡扒、牛肉薯餅。餐廳可以比你揀轉咖哩飯做其他飯，有燒汁飯呀、豬骨拉麵呀、烏冬呀咁樣。炸雞件唔錯，唔會太油，而且都大舊。本身鐘意食芝士漢堡扒，咬落去之後入面啲芝士仲可以拉絲添！牛肉薯餅個皮炸得夠脆，都大份量。鹿屋便當$92依個便當有好多唔同種類嘅小食。有鹽燒鯖花魚，七味燒豬頸肉,刺身三種（三文魚2件，帶子2件，有頭甜蝦1隻)同埋味付螺肉。鯖花魚燒完之後有加多層蜜汁上去，食落去甜甜地好送飯。燒豬頸肉火候掌握得好好，個皮有燒焦小小，食落去有陣炭火味。三種刺身都好吸引，同埋份量都好多。咖哩飯嘅咖哩係日式咖哩，甜甜地，小朋友都食得。

三式迷你丼 $118我迷你當有兩款飯，一款係鰻魚飯，另一款係刺身丼，仲有一個三文魚麵豉湯，啱晒選擇困難症嘅人，抵食之餘，仲有唔少嘅選擇。😆鰻魚飯上面嘅鰻魚肉質比較厚實，飯用珍珠米，配埋鰻魚汁食，味道唔錯。油甘魚同三文魚嘅刺身丼屋有刺身兩片，油金魚味濃，但食第一啖已經有未清理好嘅鱗片🥲🥲不過之後都食唔到有鱗片。三文魚麵豉湯有一小塊三文魚，仲有幾片昆布，我麵豉湯味道適中，唔會太鹹，亦唔會因為用咗三文魚易有魚腥味。

大圍除咗火車站附近嘅食肆其實行遠少少去田心村附近其實都有好多選擇～今次試吓呢間食日式料理嘅你間舖頭望落似家庭式經營 但係Menu都有唔少選擇價錢又幾相宜 平日仲有學生優惠～～⭐️十和田便當 $88便當都幾豐富 有黑椒照燒雞件、燒菠蘿、蒲燒鯛魚腩、螺肉、咖喱飯個人覺得個薄燒鯛魚腩最出色！🐟有啲似鰻魚汁嘅味道 但係口感更加好😋配上燒菠蘿都係幾特別嘅配搭 咖喱飯係比較辛口嘅日式咖喱🍛成個便當整體都好豐富 😆男仔食都會夠飽！⭐️ 北海角切雜錦魚生丼 $72呢個魚生丼有三文魚油甘魚 同埋其他螺類仲有啲蟹籽玉子青瓜～～🥒食落都口感都幾豐富！魚生都新鮮～😋飯嘅量都唔少，最後都食唔晒～⭐️ 特選燒物盛 $92四款串燒都幾出色😋😋有椒鹽燒珍寶牛、鹽燒雞肉大蔥串、鹽燒雞肉軟骨串另外嗰個冇記錯嘅話應該係雞肉～🙈份量好足之餘都好夠風味✨✨如果大家想食串燒都可以嚟呢度試吓～整體評分：⭐️⭐️⭐️⭐️家庭式日本餐廳 份量好足如果黎開呢一頭都可以試吓～

<快食>放工後不想煮飯，來到大圍一間<豬屋日式料理> 買便當，每盒平均$50-$110 就有交易，性價比高。沖繩便當吉列千層芝心豬扒1件＋汁燒金菇牛肉卷2件＋味付螺肉刺身三種（三文魚2件，帶子2件，有頭甜蝦1隻）日式汁燒牛肉飯 $59照燒雞扒飯（咖喱） $59首要是必叫咖喱飯，日式甜咖喱，醬汁比較厚身，內有好多薯仔紅蘿蔔，送飯一流。三款便當較有驚喜的是沖繩便當咖喱，尤其是吉列千層芝心豬扒，千層實是用多塊薄豚肉卷埋，內沾上芝士，再用吉列烹調，熱呼呼的，有驚喜。一盒便當有齊四款食物，滿足～三文魚手卷大大份既三文魚手卷，每一口也吃到肉質肥美三文魚，抵食福岡流心芝士漢堡扒（2件）手打的漢堡扒，肉質軟熟，最驚喜是芝士真的是流心，唔錯！

豬屋係大圍一間特色日本料理店，佢最特別嘅地方係內部裝修非常日式。佢嘅菜式豐富多樣，包括小食吉列蠔同主食蒲燒鰻魚咖喱飯配吉列蝦同青森便當。- 小食： - 吉列蠔：一道精緻嘅小食。蠔被烤至微熟，外層酥脆，內裡鮮嫩多汁。配以特製醬汁，增添了菜式嘅風味。吉列蠔味道鮮美，絕對係一個不容錯過既選擇。- 主食： - 蒲燒鰻魚咖喱飯配吉列蝦：呢個主食結合咗蒲燒鰻魚同咖喱飯，再配上吉列蝦。鰻魚經過蒲燒烤製，肉質鮮嫩多汁，滋味獨特。咖喱飯香氣四溢，配合鰻魚更加美味。吉列蝦外脆內嫩，提供了一種口感上嘅對比。這道菜式結合日本傳統蒲燒和咖喱風味，絕對能滿足你。 - 青森便當（入面包括咖喱飯，燒汁豬頸肉，豬軟骨，加州卷，味付螺肉）呢個便當給人一種豐盛感。咖喱飯香氣四溢，配合燒汁豬頸肉同豬軟骨，肉質鮮嫩多汁。加州卷提供了一種清新的口感，而味付螺肉作為前菜，增添了整個便當的豐富度。青森便當結合了不同嘅日本傳統風味，每一款都帶來不同的驚喜。豬屋以其內部裝修非常日式而聞名，帶給你一種身臨日本的感覺。佢嘅菜式非常精緻，提供了多種選擇。無論係吉列蠔、蒲燒鰻魚咖喱飯配吉列蝦定青森便當，你都可以品嚐到道地嘅日本美食。

去開大圍附近，上open rice search 下食咩好見到有間豬屋便當好吸引，餐牌好多選擇，今晚晚餐叫左沖繩便當同朝日便當2款外賣包裝得企理 外賣盒多格數 可以裝到不同的食物沖繩便當有主菜炸芝士豬扒、小食有螺肉、附送刺身有三文魚、帶子、螺肉，刺身新鮮，金菇牛肉卷牛味香，炸芝士豬扒同咖哩飯好夾，份量充足好食 另一個朝日便當有燒比目魚、燒元貝同燒菠蘿 個飯個汁可以選咖喱同燒汁，揀左燒汁，燒比目魚肉魚脂香滑、燒元貝就正常發揮，燒菠蘿香甜，好滿足的一餐，一定會再幫襯🥰

今時今日咁嘅服務態度仲可以開舖？事原因為我同朋友遲咗,所以叫另一班朋友幫我哋囉位,但是這班朋友忘記了,所以沒有幫到我們囉位,而當時我們還不知他們忘記了,所以第一時間就進店了,結果被女職員不耐煩地把我們踢走,態度十分惡劣,說:「你哋未囉飛喎」當時我哋不知發生甚麼,事出突然,而且我承認是我和朋友溝通出現問題才導致事情發生,但是明明女職員可以禮貌咁請我哋走,但是非要用咁嘅態度,「請通呢？出去等啦！」眼神充滿不屑呵而且間店食物一般,紙包飲品味道奇怪千萬唔好去呢問店

今次去到新界既大圍探朋友，一場黎到就梗係食飯埋飯先番屋企，我地想食日本野就揀左呢間餐廳，我地就揀左食海鮮刺身丼😋其中一碗係北海角切雜錦魚生丼（$72），呢個飯感覺係蟹籽沙律+三文魚既飯，不過就唔係沙律醬撈，係wasabi+豉油食，味道都好既，夾埋d沙律幾fresh既感覺😃另一碗我就叫左赤身三色丼（$118），刺身佢比左每樣三片，食落感覺普通，新鮮程度都係中等，係屬正常程度既一碗刺身飯，兩個餐都送一碗味噌湯，都ok👌🏻呢間餐廳我感覺就係中等水平，唔算差，諗唔到食乜又經開不妨一試😗