豬屋日本料理

營業中

休息中

數落上水都唔太多日本餐廳，有時想食下平民少少既日本野都要坐多兩個站先有，但最近發現係舊墟到多左間平民日本野!今日就叫左幾樣野返屋企同呀媽SHARE，試下餐廳既質素。餐廳有唔少便當類既野食，亦有小食﹑壽司，應有盡有，選擇都好多。青森便當青森便當入面有一個咖喱/燒汁飯﹑三文魚壽司兩客﹑七味燒豬頸肉﹑蟹棒沙律仲有個辣味螺肉，首先係種類方面夠豐富，試左三文魚壽司厚身新鮮，咖喱飯味道正常係有少少甜味既日式咖喱，但份量竟然多到媽媽要分一半出黎先食得哂HAHAHA 燒豬頸肉既口感都做得不錯，有肉汁得黎又夠乾身油香配埋飯食就剛剛好。福岡便當青森便當入面都有係咖喱/燒汁飯，配炸豬排﹑餃子﹑辣味螺肉同埋魚餅。個人最鐘意食個炸豬排，可能因為當日我係6點去到，同場仲未有太多人入座，師傅收到ORDER即叫即做，熱辣辣既豬排配埋咖喱飯好好味!灸燒芝士大蝦反卷芝士大蝦反卷都值得推介，師傅微微燒左芝士，大蝦炸得脆身再配上沙律醬非常好食，成個卷切開有足足8件，超級抵食。炙燒左口魚壽司左口魚壽司雖然單價會比較貴，但物有所值，灸燒過之後既左口魚入口微微溶化，魚油香味加埋壽司飯既醋味非常夾。整體質素良好。今次兩個人叫左4樣野

見外賣自取個價錢超級抵，咁就坐低試吓水溫睇吓掂唔掂檔先~🤭🍽️三色田園盛 $68茄子同翠玉瓜燒得好靚，翠玉瓜咬落口感唔錯，而且夠鮮甜。紫心香芋丸好特別，外皮脆卜卜，內裏軟心香芋餡料味道濃厚，煙煙韌韌好特別。🍽️福岡流心芝士漢堡扒拉麵 $69有幾款湯底可供選擇，今次揀咗豬骨湯底。豬骨湯底味道濃郁，拉麵煮得好彈牙唔會好腍身。流心芝士漢堡流心效果相當不錯，相當邪惡又滿足。🍽️秋田便當 $94除咗螺肉之外仲有三款刺身: 三文魚、甜蝦、帶子，帶子好鮮甜。吉列雞扒份量都幾大份，食落外脆內軟，完全唔難咬亦都唔會好乾身。豬軟骨好入味及腍身，配埋咖喱飯食唔錯。呢個價錢咁多款嘢食我覺得幾抵。🍹激爽手打鴨屎香檸檬茶 $18(套餐升級)最近好Hit嘅鴨屎香檸檬茶！鴨屎香檸檬茶茶底濃厚，配上香水檸檬嘅酸味好味又解渴，澀得嚟好好飲！.拉麵同便當都唔錯，下次再嚟！😆

呢間豬屋已經喺上水開咗一段時間，終於有機會食個晚飯試一試。入到嚟感覺環境幾舒服，帶點懷舊風嘅日式佈置。Menu上嘅選擇都唔少，有好多唔同款式嘅便當，非常吸引。🍺沖繩Orion生啤見到就覺得好吸引，挑起咗想飲啤酒嘅心情🥗鱈場蟹棒蟹籽粟米沙律沙律比想像中大份，超多醬！🦀日本忌廉蟹肉薯餅薯餅有兩件，好creamy🍱秋田便當便當賣相精緻，非常豐富同吸引。首先有三款刺身，包括三文魚，有頭甜蝦，同埋帶子，一啲都唔Hea。前菜有充滿童年回憶嘅味付螺肉。豬軟骨好入味，炸雞扒都幾嫩，幾juicy，唔會炸得過火。仲有甜甜嘅日式咖喱飯。正呀🍱沖繩便當同樣有刺身同前菜。而主菜就有吉列千層芝心豬扒，金菇牛肉卷。另外加咗$16，將咖喱飯轉辛辣豬骨湯拉麵🍜辣得好過癮一個便當可以一次過滿足你嘅胃口！

聽朋友介紹，係上水呢間日式料理，主打食便當同丼飯，便當價錢親民選擇又多，有我最愛的吉列千層芝士豬扒，要試一試💓薩摩便當 $108遇上了期間限定，咖喱飯、鹽燒安格斯封門柳、七味燒豬頸肉、蟹籽加州卷、味付螺肉，成個組合都幾豐，豬頸肉煎得非常出色，外焦脆內彈牙，好配咖哩飯啊💓沖繩便當 $98這個便當CP值好高，先有多到滿瀉嘅咖哩汁同飯，仲吉列千層芝心豬扒、汁燒金菇牛肉卷、三文魚刺身、帶子刺身、甜蝦刺身、味付螺肉，樣樣都好好食，刺身全部都好新鮮，吉列千層芝士豬扒外脆內嫩，我最鐘意食💓超級大杯水果茶 跟餐價＋ $36大大杯，粒粒果肉包括香橙、蘋果、青柑桔、青檸等等，非常之清爽解渴，好正💸平均每位消費 $120

最近放工好鍾意買呢一間嘅外賣返去做晚餐，Menu有好多選擇，最常叫佢嘅便當，一大盒有四樣嘢食，夠飽又抵食👍🏻秋田便當秋田便當係我最常食嘅，有大塊嘅吉列雞扒，汁煮豬軟骨，咖喱飯，螺肉，同埋刺身。刺身外賣會有個小小嘅冰包凍住佢防止天氣熱變壞，幾貼心。三文魚帶子甜蝦都好鮮甜咖喱飯係有少少辣度嘅，咖喱唔係得個甜字，成個便當有生嘢有熱嘢超豐富串燒拼盤呢個串燒拼盤有牛舌，鰻魚，雞串等等，鰻魚串係最最好食，鰻魚肉好腍，冇骨，調味適中，下次絕對要散叫多幾串鰻魚😋野菜拉麵通常食咁多肉都會配一個菜。炒椰菜好大盤，上面仲有木魚碎，撈埋落拉麵湯度食更Jeng😋🥲

人在上水區但唔熟上水區，就開OpenRice黎咗呢間”豬屋”🐷街坊小店，但入面空間唔小，座位闊落，坐得舒服好多ONE PIECE掛畫，同好呀喂～😂👍🏻坐低後就可以掃QR CODE落單，叫咗份”至尊惹味套餐”，有好多嘢食，加埋杯嘢飲埋單唔使二百蚊，經濟抵食！「三文魚蜆肉味噌湯 」上枱時平平無奇，一攞匙羹𢳂起就見到超多蜆肉同三文魚～「蟹籽栗米沙律」沙律份量幾多+ 「刺身3款」 (三文魚2件，帶子2件，有頭甜蝦1件） 刺身夠新鮮，厚切「香炸軟殼蟹」炸到金黃色香口無比+「蒜香牛油比目魚 」上枱”嘩”一聲，好大塊比目魚質地嫩滑套餐跟白飯一碗，我另外加錢改咗要「芝士咖喱撈烏冬」，好大碗呀！！烏冬配甜甜地鹹鹹地又唔辣嘅咖喱撈勻食好味！仲有甜品「福岡朱古力蛋糕」飲埋杯「芒果爆多多」飽到上天靈蓋～

親民日本料理，午市便當份量十足📍地點：上水🍽️菜式：日本菜💰人均消費：午餐 HK$100~120🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：方枱/ 卡位📝落單方式：QR code落單【薩摩便當】💰HK$110鹽燒安格斯封門柳,七味燒豬頸肉3件,粒粒蟹籽加州卷3件,咖哩飯,味付螺肉封門柳有肉味，豬頸肉燒得香口。加州卷多蟹籽，食落唔乾。咖哩汁鋪滿飯面，好送飯。【沖繩便當】💰HK$100吉列千層芝心豬扒1件，汁燒金菇牛肉卷2件,刺身-三文魚2件，帶子2件，有頭甜蝦1隻，咖哩飯，味付螺肉吉列皮厚度剛好，千層豬扒好特別，用豬腩片夾芝士卷成。金菇牛肉卷個汁夠惹味。個便當有相當份量刺身，頗抵食。.豬屋日本料理 🏷️上水馬會道170號地舖

上水有間好有格調嘅日式餐廳，每次經過都想試吓，不過趁住而家奧運，梗係買返屋企一路睇電視一路食啦🤣奈良便當咖哩飯非常豐富，份量非常十足，便當有: 日式炸嫩雞 4件，福岡流心芝士漢堡扒 1件，日本滋味牛肉薯餅1件，味付螺肉。福岡流心芝士漢堡扒，混合後味道恰度好處，美味可口。日本滋味牛肉薯餅，炸至金黃色浮面，薯香皮脆。日式炸嫩雞，炸到非常好口，肉汁豐盈，肉質有彈性，唔會乾爭爭。日式蜜糖烤雞翼（4件）味道香甜，兩邊烤得剛剛好，雞翼外皮是脆卜卜的，非常美味的雞翼。日式汁燒牛肉飯滿滿嘅牛肉白飯上面，一啖咬落去牛肉嘅燒過嘅香味特別濃郁，牛肉嫩滑唔會韌，加埋日式燒汁非常美味。照燒翠玉瓜（4件）翠玉瓜又甜又香，燒得啱啱好。荔枝椰果梳打大熱天當然要喝梳打，加埋我最愛嘅椰果。

冇嚟上水一排，見開咗啲新鋪就揀咗呢間心水日本料理款式及定食都好吸引人均只需$100多啲，就食到高質創作料理平日仲有免加一，簡直冇得輸🦀蟹味噌甲羅燒（配🍙紫菜飯團）$58呢個組合極夾，拼埋蟹籽及蟹棒絲；蟹膏非常鮮美濃郁，調咗味噌更鹹香；一定要趁熱食🍣脆脆巨炮航空母艦拼盤(4件)$58辣味三文魚、蟹膏蟹棒、蟹籽、粒粒三文魚 ，脆卜卜既夾心紫菜＋巨炮醬油，口感有層次豐富，每件巧上心思，人氣高打卡一流🥢極尚自選三色丼$118辣味三文魚、蔥花拖羅蓉、生芥末八爪魚填滿一杯杯，暖暖珍珠米飯心百般滋味，一次滿足晒三個願望（附送三文魚味噌湯）仲有其它三款可（+$升級蟹膏蟹棒、醬油漬三文魚籽或海膽)🌿手打鴨屎香檸檬茶手打潮飲，激爽清新好重檸香

上水馬會道條街都有唔少野食，豬屋日本料理菜式豐富，特別係便當非常多選擇價錢都非常親民薩摩便當有茶碗蒸，加洲卷，咖哩飯，封門柳，豬頸肉，冷盤小食，岩曬食肉獸，兩款肉都煮得剛好特選壽司set嘅魚生有油香，壽司大大舊，配埋稻庭烏冬，超抵食口痕叫多樣小食，炸香芋丸炸得岩岩好，唔會成口油，有咬口，芋泥好香，好食！Set本身咖包飲品，加配野飲唔貴，本身餐廳會上玄米茶，好香，餐廳環境都坐得好舒服，Lunchtime去到都唔少人，想食記得預早時間呀

上水想搵日本野食？呢度有💁🏻‍♀️豬屋日本料理（上水）餐廳乾淨企理，價錢合理極尚自選三色丼 配 跟得上潮流嘅激爽手打鴨屎香檸檬茶$136（辣味三文魚、蔥花拖羅蓉、生芥末八爪魚，附送三文魚味噌湯）三色丼飯賣相精緻吸引，魚生新鮮好味，用匙羹食就可以，夠方便😜手打鴨屎香檸檬茶🍹味道到位又清新名古屋便當 配 極冰爽沖繩直送Orion生啤$126（蒲燒鰻魚、照燒鯖花魚2件、挪威三文魚壽司2件、咖喱飯、味付螺肉）便當既咖喱好味唔辣，大小朋友都啱食，鰻魚淋滑無骨😋👍🏼配上冰凍啤酒，係炎炎夏日一樂事下次會想試餐廳海報上嘅便當，感覺都非常抵食，期待😀

平時偶爾都會去上水食飯，今次見到間新餐廳豬屋日本料理，記得前身都係日本餐廳，但依家翻新左成間餐廳都更靚更舒適。呢度提供嘅菜式豐富而且價錢親民，特別適合想享受高質日本料理嘅朋友。———————————————🌟照燒雞扒蕃茄濃湯烏冬 $74呢個菜式嘅湯底係用鮮茄熬製，非常濃郁，稻庭烏冬煙韌度啱啱好，唔會過硬或者過軟。雞扒睇落唔大塊，但食落發現份量都唔少，燒汁調味出色，皮脆肉嫩，非常滿足。🌟秋田便當 $94呢個便當非常豐富，刺身三種（三文魚兩件、帶子兩件及有頭甜蝦一隻）、脆香吉列雞扒、汁煮豬軟骨同味付螺肉，主食仲有咖哩飯，飯底本身採用用珍珠米配上咖哩汁超正。刺身好新鮮，吉列雞扒外脆內嫩，咬落去仲有肉汁，豬軟骨軟糯入味，螺肉味道鮮美，整個便當真係令人非常滿足。🌟炙燒蒲燒鰻魚加州卷(3件) $42呢個加州卷選用炙燒蒲燒鰻魚，鰻魚燒得非常香，面頭仲有少少蟹籽，味道層次分明。🌟芒果爆多多 $22呢個飲品真係非常特別，鮮芒嘅味道酸甜適中，同益力多味道非常夾，兩種味道互相襯托，飲落非常清新，係一個好好嘅餐後甜品。🔸整體食評🔸豬屋日本料理嘅環境舒適，難得嘅係價錢都真係親民同時又有好多選擇，夜晚邊食都見到好

上星期晚餐想食日本野，見呢間豬屋開咗咁耐都未食過，一於係度晚餐啦！我哋叫咗沖繩便當同埋鹿屋便當！沖繩便當有超好食 吉列千層芝心豬扒係卷埋咗嘅豬腩片加埋芝士一齊炸嘅，所以食落真係有千層感覺，豬肉片之間係夾住芝士🧀好香濃有層次感！汁燒金菇肥牛卷 多汁有咬口，外皮燒過下食落小小焦香，唔錯👍鹿屋便當有一大塊鯖魚做主角，鯖魚燒得剛剛好，魚肉嫩，外皮烤得香口七味燒豬頸肉 好大塊，肉感豐富，食落去煙煙韌韌咁樣，落咗七味粉一齊燒，好入味。佢哋出嘅便當都配有三種刺身，包括三文魚、帶子同牡丹蝦，刺食大份又新鮮，食熟食仲可以有刺身過口癮，抵啦。十分欣賞佢地嘅炸蝦卷，有心炸而且炸得好食，好大一條卷，食完飽咗三成，份量十足！

上水馬會道新開了一間日式料理店，見內面都頗多食客，便和朋友一同來試試。內面有很多日式裝飾及海報，幾特別。晚餐有很多選擇，例如魚生丼、便當等等，今次選了晚餐便當。沖繩便當每一款便當都會包括螺肉粒作為前菜。而便當食物款式也很豐富，有三種刺身，包括蝦刺身、帶子一整個、和三文魚刺身兩片，味道也新鮮。吉列千層芝心豬扒是把豬肉和芝士融合，再與炸粉一起炸，外層香脆，芝士豐富飽滿。還有滿滿金菇的汁燒金菇牛肉卷。奈良便當是一個滿滿是肉的便當。有福岡流心芝士漢堡扒，內面芝士很流心突出。牛肉薯餅的忌廉和牛肉味也突出，亦炸得香脆。晚餐配飲品可以減六元。今次點了草莓爆多多和芒芒爆多多。內有滿滿的益力多乳酸味和濃濃的水果味。

位於上水嘅「豬屋日本料理」，係一間人氣相當高嘅日式餐廳，最近去嗰度食咗晚餐，試咗幾款特色菜，真係好滿足！首先，炙燒芝士大蝦反卷真係一個大驚喜。呢款壽司反卷內裡包住大蝦，蝦肉鮮嫩多汁，外層鋪滿咗炙燒芝士，芝士香味濃郁，配合大蝦嘅鮮甜，真係一口一個滿足。每一件反卷都係精心製作，擺盤精美，令人食指大動。醬燒三文魚壽司都係唔錯嘅選擇。三文魚表面輕輕炙燒過，帶出一陣陣嘅焦香味，再加上特製嘅醬汁，味道更加豐富。三文魚肉質細嫩，入口即化，每一口都充滿咗海洋嘅鮮味同醬汁嘅甜香。再嚟就係七味燒豬頸肉豬骨湯拉麵，呢個係我嘅最愛之一。豬骨湯底濃郁香醇，湯頭鮮甜，充滿咗豬骨嘅鮮味。拉麵本身彈牙，有嚼勁，搭配燒得香口嘅豬頸肉，七味粉嘅香辣味提升咗整個拉麵嘅味道層次，食落去非常滋味。最後，秋田便當亦非常值得推薦。呢個便當包括咗咖哩飯、刺身三種（三文魚、帶子同埋有頭甜蝦）。咖哩飯嘅咖哩汁濃郁，非常開胃；刺身部分，新鮮度一流，三文魚嘅油脂豐富，帶子嘅肉質鮮甜，而甜蝦則爽口彈牙，每一口都充滿咗海洋嘅鮮味。豬屋嘅環境舒適，裝潢充滿日式風情，讓人一踏入餐廳就感受到濃厚嘅日本氛圍。服務方面，員工態度親切友善，令人感覺非常賓至