豚丼のぶたはげ (德福廣場1期)

營業中

休息中

過年過節食太多肉，今日過節，就唔燒肉邊爐啦。來食豚x，有肉有刺身有瓜蔬。之前試過幾次刺身飯，今日就試下天婦羅，配搭其他配菜。天婦羅份量都唔少，大大碗味增湯，有涼拌唔知咩沙律菜，海鮮蛋碗，唔錯，次次都有叫。配菜刺身份量唔多唔少，剛剛好，都算新鮮。天婦羅大大件，質素都ok，品種繁多。飯後還有個透明黑頭涼粉結尾。試過好幾次呢間，服務人員都幾好，反應迅速，但之前可以用商場現金券，最近幾個月就唔得了，希望以後可以參與翻，會多d幫襯。

日本過江龍「豚丼のぶたはげ 」源於北海道的超人氣豚丼專門店，今日經開入嚟試吓，試咗個豚丼同日本和牛壽喜燒，豚肉夠多汁，原來醬汁有八十年歷史，和牛壽喜燒好豐富包括有壽喜燒鍋，刺身拼盤，茶碗蒸，味噌湯，小菜仲有個美味甜品。

嚟自北海道十勝帶廣的人氣豚丼專門店「豚丼のぶたはげ BUTAHAGE」主打食北海道帶廣名物稀有豚肉🐷宜家更推出季節限定鍋物料理「海鮮石狩鍋定食」🍲等大家過一個暖笠笠嘅冬天⛄️🔸海鮮石狩鍋定食$138🍲定食包括主食、天婦羅小食、前菜、甜品、飲品🍹「海鮮石狩鍋」係日本北海道嘅郷士料理，由於石狩川係鮭魚盛產嘅區域，火鍋以鮭魚做主要食材，湯底用上真鯛、鰹魚、昆布、白味噌熬煮，味道醇厚鮮甜。鍋入面有三文魚片、三文魚腩片、北海道產帆立貝，大大隻又鮮甜、有厚肉嘅廣島產牡蠣、蔬菜等新鮮食材，火鍋一路滾湯底就更加鮮甜無比，十分滋味。如果唔夠喉仲可以追加配料，令火鍋更豐富！定食包括天婦羅小食，有海老和沙錐魚，天婦羅外層酥脆，魚肉結實，都好好食！甜品係黑糖寒天，份量好多，好滿足！由即日起至 2 月 24 日晚市時段都有「海鮮石狩鍋定食」供應，等大家可以感受冬日暧笠笠嘅日式料理滋味！🔸帯広豚天丼$95使用日本かみこみ豚！即係稀有豚肉，係經過專家評級而挑選最優質的3-5%豚肉眼及豚腩肉。我地就揀左天丼，有稀有豚肉、半熟蛋、野菜及紫菜天婦羅，鋪滿飯面。稀有豚肉肉質軟腍，有少少半肥瘦的感覺，整成天婦羅用左少少黑椒調味

冬天最適合品嚐暖笠笠嘅鍋物！源自於北海道人氣豚丼專門店 @butahagehk 推出冬日限定海鮮石狩鍋定食✨輕鬆在港食北海道鍋物真味由即日起至2月24日每日晚市時段6pm後供應·🍲海鮮石狩鍋定食BUTAHAGE 選用了當造的日本北海道產帆立貝鮮甜甘美大隻 以及廣島產牡蠣🦪肉質彈牙肥美再配搭石狩鍋主要食材 三文魚片和三文魚腩片湯底更以真鯛 鰹魚 昆布 白味噌製作 醇厚鮮甜與鍋內菇菌蔬菜互相融和 令鮮甜味度加倍提升配白飯/烏冬🥢仲可以追加配料 貼合個人口味·🍤天婦羅小食定食除了主食石狩鍋 還有小食 前菜 甜品 飲料天婦羅小食選用大受港人喜愛的海老及沙錐魚金黃酥脆麵衣與鮮嫩蝦肉🐟沙錐魚則肉質結實淋上秘製的天婦羅醬 大口咬下超療癒 好高質啊🍨附送的清爽果茶 水信玄餅佐黑糖醬也很滿意·🥩炙燒宮崎牛丼同場加映新推出的期間限定 啱晒鍾意食牛嘅你選用宮崎牛 勇奪3次「和牛奥林匹克運動會」日本冠軍🏅無論肉質定脂肪比例都有質素保證霜降比例均勻 口感緊緻滑順 入口即融 肉汁豐富🐮炙燒宮崎牛沾蛋汁去除油膩感 更可用來拌飯

📍 HONG KONG 📍天氣涼就想食啲熱嘢，搞到我忍唔住去食豚肉天婦羅嘅地方食咗個壽喜燒🤣#和牛壽喜燒御膳講真見到佢乜都有咁樣就忍唔住嗌咗呢個，的確好豐富嘅，有壽喜燒鍋，刺身拼盤，茶碗蒸，味噌湯，小菜同個甜品。不過個壽喜燒個湯都算濃嘅，不過和牛我就卄真係唔係好食得出🤣仲因為佢得兩三片所以慳住慳住食🥹刺身拼盤都有螺，三文魚，同隻大蝦🍤甜品好黑糖啫喱，我又覺得幾好食喎🤣整體來講其實真係好大份，頭盤到甜品都有，無話因為好多款就細份左🥹🫢但相對地我覺得主菜遜色咗少少，下次想是真啲可能真係要食返豚丼🤣______________________________

北海道十勝帶広市 （おびひろ)位於札幌既東邊，係札幌坐JR大約2個半鐘多D。帶広市的豬肉丼就係ぶたはげ。今日經過德褔廣場，一於同女友試下呢間既豚丼。門口等左10分鐘左右，好快坐低左，叫左帶広豚天丼同埋豚丼ロース（並）。坐左一陣好快有得食啦！帶広豚天丼天婦羅食得多，豚肉天婦羅真係未食過。天丼入邊有約5塊豬肉，幾香同埋好有油香，唔鞋，好好食，5塊真係唔夠喉。除左豬肉外，仲有炸蛋，撈飯一流！加埋蘆筍，紫菜，南瓜同長芋，材料都好豐富。天婦羅脆漿算係幾薄，呢個價錢算係唔錯。女友就食豚丼ロース（並），我試左一塊肉都幾juicy ，個汁類似燒汁，女仔食四塊肉啱啱好。

【北海道☃️人氣豚丼專門店🐷】《Butahage豚丼のぶたはげ》▪️▪️▪️▪️▪️▪️▪️▪️▪️▪️▪️Butahage豚丼のぶたはげ 係2021年正式加入香港市場，雖然佢哋多數舖頭都係商場，價錢相對比較高🥹，但係食物質素絕對對得住價錢🤩，對比其他丼飯店絕對唔輸蝕稀有豚肉丼（特盛）$112每一塊肉嘅份量都充滿誠意，見到肉鋪滿曬飯嘅上面，真係垂涎三尺 🫠。調味方面，同一般市面上買到嘅烤肉汁有少少分別，味道比較濃郁，飯量亦都啱啱好，唔會話有太多飯嘅情況出現。一啖肉一啖飯加埋烤肉汁咁食好快就成碗都食曬😆。 拖羅三文魚飯丼 $172正常嚟到呢間餐廳應該唔會嗌拖羅三文魚飯😝(應該好似正常menu亦都冇，好似係屬於期間限定) ，算係比較驚喜。魚生嘅quality幾高，魚生除咗新鮮之外亦都比較肥美😉，係一間專食豚肉丼飯嘅舖頭食到令人幾意外，不過呢個價錢去食專門魚生店飯嘅CP值比較高🤧▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍九龍灣偉業街33號德福廣場1期地下G54A2號舖📍太古康山道1號康怡廣場北座地下G3號舖

德福廣場多了很多特式食肆，今日我們沒選燒肉店沒揀韓國餐，選了豚丼のぶたはげ，沒有中伏還有驚喜呢。佢地個餐牌附帶圖片好清楚。我被其中的帶廣名物稀有豚肉（並盛）吸引住。有前菜，有大大碗又多料的豚肉味噌湯，有茶碗蒸，有甜品。豚肉丼的豚肉汁味濃郁，豚肉大大塊，肉汁滲入丼飯內令平日忍住唔食咁多殿粉質的我都清晒成碗飯。朋友叫了個極上八種海鮮刺身重配天婦羅，刺身好新鮮，帶子沒腥味又彈牙，螺肉刺身夠爽脆，赤蝦大大隻，就是嫌魚生沒用厚切。天婦羅不油不膩。餐廳雖然沒奉上日本茶只送上凍開水但水質不錯，沒水喉水味。此餐廳值得再來。

放工OT完自己一個人走左去呢間豚丼試下，叫左個和牛壽喜燒set，一份天婦羅，加一杯啤酒。啤酒好夠凍，飲落去果下好似一天的辛勞都消失。和牛壽喜燒set，配菜都夠多，美中不足的係和牛得兩片，好似要慳住食咁....但蝦刺身夠新鮮夠鮮甜，湯唔太咸, 整體都不錯。天婦羅略為油左D，可能索油索得唔夠澈底, 所以有D油膩感。不過用黎送啤酒都係一個不錯的選擇。可能時間都比較夜，所以人流不太多，服務都尚算不錯。

小編假日去左九龍灣，入左德福搵好西，到處都人山人海！ 好彩搵到間都唔差既日式丼飯，小編仲未有機會真正飛去日本前都可以望丼飯思念家鄉😆😆😆【海老魷魚天丼】$78好多件炸物望起都非常之開心哦！❤️件件都尚算脆口！ 日式炸物既犀利位就係將小編不喜歡既蔬菜都變到個賣相好好食！😂 飯都好彈牙煙靭， 如果可以再多啲汁就更加好味啦！【 帶廣名物稀有豚肉丼(並盛）】$108上枱個賣相已經非常之得，燒肉既醬汁夠香濃，幾香好口食！ 不過個豚肉肉質不夠軟身，不過尚算ok, 未至於太失分。估佢唔到既係，飯隔離細細碟配菜仔竟然幾好食！ 小編平時最不喜歡呢d配菜，因為通常一定唔好食要黎伴點裝豐富😂但呢間呢一碟小小的配菜竟然煮得幾好味！小編有被驚艷到！分數：（10分滿分💛）味道：7.5價錢：7環境服務：7.5（以上評分只是小編個人口味而已）

有一日夜晚同屋企人一齊食飯，經過見到呢間日本野睇落感覺唔錯，就諗住試下，入到去坐低發現呢間嘢係自助落單嘅，扮晒高級自動化咁，就睇下係唔係真係好食，就叫咗個雜錦海鮮天丼套餐，包括刺身，副菜，味噌湯同甜品黑糖果凍，上餐速度算幾快雜錦海鮮天丼配溫泉玉子🌟🌟🌟🌟雖然係天婦羅但食落唔會話太油膩配搭上溫泉蛋，真係好夾，因為本身天婦羅好乾，就咁食會好滯，依家咁樣就好啲，但如果可以加返啲醬汁會更好味噌湯🌟🌟🌟🌟🌟味道濃郁，亦唔會太鹹，但本身我都鍾意食味道比較濃嘅食物，所以非常符合我嘅口味

黎到九龍灣，想試一試比較特式，出面少d有既餐廳，就揀左呢個專食豚丼同天婦羅既餐廳👨‍🍳帶廣名物稀有豚肉丼🐽（$95）呢款係店內推介的，上碟時表面望落微微焦香食落肉質充滿油香，豐富醬汁令到豚肉好juicy,加上5粒青豆做點綴😂南瓜茄子天婦羅🍤 （$12/一件)味道正常，南瓜都幾粉甜&茄子中間都有汁，作為小食都唔錯！如果唔想食咁多，可以跟我地一樣叫一個帶廣豚角包（$38），類似刈包🥙，夾左一塊厚切廣豚肉連同醬汁，食落面包會中和豚肉既油膩，係一個好既配搭！😋❣️溫馨提示：呢間只係收電子支付 (❌💵)豚丼のぶたはげ (德福廣場1期) (九龍灣)📍九龍灣偉業街33號德福廣場1期地下G54A2號舖

這裡出名食豚肉🐷，第一次來當然叫個帶廣名物稀有豚肉(特盛)$112，加$30要個餐，一個要豚肉🐷味噌湯，另一個要蝦味🦐味噌湯，另加$58要一個特上刺身。 副菜係薯仔🥔沙律，味道一般，份量則兩啖就食哂。蒸蛋🥚，只係得半杯份量，有三粒冬菇🍄，味道正常。主菜豚肉共6片，四四方方的，肉質頗有頭，邊有點肥肉，味道主要來致係個燒烤汁，類似teriyaki味。🍚飯的份量吾算多，但飲完碗湯，一定夠飽夠飽。 反而，今餐亮點係個湯👍，平日通常吃左d料便放棄，今回😅飲曬。。除了味噌，蝦味🦐噌湯仲有好多紅蘿白片，櫻花蝦🦐，蒟蒻粒，油豆腐皮，薯仔粒，好多料，而且蝦味非常濃郁，正。而個豚肉味，由幾片豚肉，代替櫻花蝦，味道亦非常好，但個人喜歡蝦味多點😋。 刺身，也算抵吃，有一隻蝦🦐，兩片三文魚🐟，一只帶子中間開一切成倆片及一些大粒三文魚籽。 甜品，寒天加黑糖，哈😅，吃左一啖便放棄了，除了黑糖味+卡路里外。。。 沒什麼吸引。連加一，$376.2， cp值ok啦!

夏天熱辣辣，熱辣辣🔥，最啱食清新嘅海鮮料理🐙！今日同媽媽撐枱腳，嚟到源於日本北海道嘅超人氣豚丼專門店「豚丼のぶたはげ BUTAHAGE」，佢哋嘅稀有豚肉丼曾經喺日本「全國丼飯大賽」中榮獲金賞㗎🥇，絕對係最正宗嘅日式丼飯滋味。雖然其他丼飯同天婦羅都好吸引，但係見到餐牌有期間限定新品「什錦海鮮天丼配溫泉玉子」，當然要試新嘢啦🍚~————————————————👅 什錦海鮮天丼配溫泉玉子定食（$152）👍🏻套餐非常豐盛，天丼配刺身、前菜、茶碗蒸、味噌湯及甜品，海鮮愛好者不能錯過🤩👍🏻天丼以帆立貝及小貝柱兩款貝類海鮮為主，亦有其他豐富海鮮及野菜🐚，包括甜蝦、露筍、南瓜、本菇同埋茄子。食材切粒狀再炸成天婦羅，不得不讚天婦羅外皮薄脆金黃，秘製天婦羅醬汁同溫泉玉子裹著每粒日本宮城縣A級米飯🥚。想更加滿足？仲有赤海蝦、三文魚及三文魚籽三款刺身延續海鮮滋味~👅玉子鰻魚丼（$108）👍🏻媽咪係鰻魚愛好者，鰻魚魚油豐盈，比其他餐廳更大片，甜玉子吸收晒鰻魚汁精華，超級下飯😋👍🏻另外加$18升級定食，多咗果茶、副菜、茶碗蒸同甜品，幾抵食！————————————————🚩總結：好似去咗北海道旅行咁正😍—————

📍去開九龍灣做嘢，跟著過咗德福廣場食晚飯，見到間食豚丼店就入咗去試吓。🐷Menu寫話用北海道豚肉的肉眼製作，同埋用沾上八十年歷史嘅秘製祖傳醬汁之後再烤熟，米飯用日本宮城縣產特A級米。😊我叫咗個稀有豚腩丼 (特盛)$108，再升級做丼飯定食，加$30就包括有前菜、湯同甜品添，另可再加$5換豚肉味噌湯。👈🏻👈🏻食落豚肉薄身、肉汁豐富兼入味同有少少焦香，飯粒都有米香，個豚肉味噌湯都幾唔錯，食到好滿足！！😃📍