豐味車仔麵

營業中

休息中

講到宇宙辣，諗住聽個名好勁丫點知係失望。。。。。。對我黎講同十小辣冇分別🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯蘿蔔唔夠淋好多野5入味

今日一早出旺角行街街，朋友帶我去食車仔麵，一黎到，成個裝修好堅，完全想像唔到香港店竟然夠膽用呢種裝修風格全店裝修就好似去佐一間四川地道店舖咁，唯一唔同係環境好乾淨同好整齊。望下個MENU ，除佐傳統車仔面，仲有D 麻辣小食，鐘意食辣既朋友可以試下。我點佐個傳統叫車仔面必點既油面，配魚肉春卷、金菇菜同牛腩。價錢唔算貴，同一般車仔面差唔多，四十蚊佐右三個餸。加十蚊8 蚊就有杯野飲。我就加佐個椰子水，無咁熱氣啊MA黎到個車仔面都幾足料，又大碗，我唔係太食得辣，但又想試下佢個秘制辣汁，所以點佐BB辣，試落口真係唔算好辣，反而幾香幾開胃，特別係個種麻辣香，幾正﹗餸方面都真係好足料，魚春卷好大條飽滿，魚肉都幾鮮，我腩好淋身，仲要大大舊，唔似好多車仔面檔咁切到細細粒咁俾人食，配埋佢個秘制湯汁，絕對係一個加左川辣特式既地道車仔面。椰子水俾既係罐裝椰子水，幾正，因為我都怕係個D 用杯裝住唔知用咩溝既椰子水，不過朋友帶得我黎我都有信心﹗佢話佢經常係度食，覺得乾淨又有水準，黎過我都同意。其實車仔面唔需要去賣曬廣告排曬隊個D 所謂傳統車仔面檔，香港仲有好多有特式有風味既車仔面店的

現在傳統的車仔麵真係賣少見少，而最近我行女人街內巷見到有間車仔麵，可以做到集齊新舊車仔麵於一身佢內裡裝潢得乾淨，最重要係呢度侍應同收銀幾靚女，立刻吸引到我入去！首先我見佢地餐牌上下午茶時段（2:30-6:00）送餐飲一杯首先我揀三餸一麵$42，分別有豬紅，豬大腸，牛腩加烏冬，另要腩汁加秘製辣汁，等左幾分鐘之後就有，豬大腸內豬油刮得幾乾淨，豬紅分量足，最後呈上杯凍檸茶，満足的下午茶！總結：價錢都算便，服務不錯，值得下次再來！

今日突然想食車仔麵，想起前一段時間新開試過一次的豐味車仔麵，時間已是下午茶時段送飲品，就決定前往。很久沒有食過薯粉，要了魚肉春卷雞中翼薯粉，腩汁少辣。飲品方面會送堂食的奶茶咖啡那些，凍熱同樣可以，但罐裝汽水就不包括了。我喜歡我要的凍奶茶少冰少甜真的明顯地達到我的要求，冰少了甜度也少了，跟很多明明要了少冰的餐廳還是跟正常冰量一樣的凍飲好很多。車仔麵也很快送到，店員還說如果覺得辣度不夠可以隨時要求加辣，很細心呢。對於大食的我來說薯粉分量正常，不會說是很飽但也足夠，如果男仔來食也可以加$8加底。薯粉質地彈牙，不會煮得過火一夾就斷。湯底食得出有腩汁，加了點辣更好食。其實兩個餸我都是上網看到其他人食過才叫來試的。上次食過牛腩，味道可以但分量少得可憐，再次回頭也許不會再叫了。魚肉春卷有兩條，跟一般我們在街市店鋪買得到的差不多，但煮淋了吸收了湯的精華味道濃些。雞中翼的size較細，不過咬下去的質感令人驚訝，弄得非常淋一咬就散，滷水汁入味，喜歡食雞翼的可以點這個。店員和老闆娘態度殷勤，效率快，加上環境都算舒適讓客人都可以有個不錯的用餐經驗。如果能夠改善，我會建議餐廳在車仔麵裡加少許蔬菜，既健康又更有車

慘慘又抽到返夜地獄更😵趁未落地獄前一枝公去吃個最後的午餐先🙈豐味車仔麵位於旺角通菜街喺旺角站或者油麻地站過黎都十分方便😆呢度環境裝修簡約之餘屋頂以古舊建築設計亦幾有心思☺️呢度除左車仔麵亦有重慶酸辣粉同埋四川麻辣燙選擇餸菜款色林林種種🤤呢碗重慶酸辣粉一上枱已經聞到陣陣香氣🤤小妹揀左魚肉春卷同埋菜肉餃兩餸😆因小妹唔太好辣所以揀左BB辣🙊食落麻而不辣好過癮酸酸辣辣既湯底亦好過癮🤪餸菜浸住酸辣湯亦胃口大開🤤重點推介既魚肉春卷口感滑嫩醃製既魚肉內餡亦十分濃郁😋菜肉餃就不過不失內餡滿滿的☺️

係附近睇完醫生，就搵間餐廳快快脆食完晏之後返工工。 係通菜街尾見到呢間舖，門口已經有menu, 款式選擇都好多，就食呢間餐廳啦除左傳統車仔麵外，亦都有酸辣粉，麻辣燙可以選擇， 唔想食麵就咁嗌餸都可以我今日嘅選擇係腩汁湯烏冬，腩汁湯底惹味濃郁，味道自然但又唔太咸，飲得出煲左好耐蘿蔔超甜，食落無渣，薄切有成四舊雞翼醃到入味，雞肉嫩滑冬菇好入味，而且份量都幾多最後餐飲要左杯熱檸茶，茶味濃度岩岩好，飲落口唔'結'

豐味車仔麵位於旺角通菜街，喺旺角站或者油麻地站過黎都十分方便呢度環境裝修簡約之餘，仲帶點舊香港味道屋頂以古舊建築設計亦幾有心思除左心思設計，亦煮出高質麵食餐牌上除咗車仔麵仲有重慶酸辣粉等等多樣選擇因為我唔太食得辣所以揀左車仔麵🍜呢碗三餸車仔麵一上枱聞到陣陣香氣，餸揀左雞中翼、牛筋同埋魚肉春卷另外配上腩汁更增加湯既鮮味，油麵份量勁多，麵吸收晒湯同腩汁嘅精華魚肉春卷口感滑嫩，醃製既魚肉內餡亦十分濃郁雞中翼煮到十分入味，肉質嫩滑！牛筋煮得好爽滑一啲都唔韌，好多骨膠原嘅感覺飲品方面叫咗杯熱奶茶茶濃奶滑，拍得住茶餐廳嘅水準

成日都去旺角行街 但甚少會行入登打士廣場隔離既橫巷🤭今日係Openrice竟然搵到間車仔面係入邊 而且評價都唔錯 一於行去試試😛原來呢度唔止得普通車仔面 仲有重慶酸辣粉同麻辣燙 實有一款岩你口味😍鐘意食辣既我毫不猶豫就揀左麻辣燙🤤食麻辣燙必點紅薯粉 爽滑彈牙 吸埋啲湯真係好鬼正🙈🤤🤤最重要既係份量真係足一碗 岩曬我呢啲餓鬼😳另一必點既係豬紅 完全唔鬆散 仲要好入味 係少數令我下次再去會再點豬紅既店鋪🙈

今日星期六下午去旺角行街等人放工，行到甘下自己又肚餓，所以食d輕便的食物，就是車仔麵！我見女人街後巷開左呢間叫［豐味車仔麵］，而且下午茶時段冇甘多人逼，岩曬我！呢個車仔麵有幾款湯底揀，分別有四川麻辣，重慶，港式三款！我揀左港式車仔麵配料有（豬紅，雞翼尖，冬菇）米粉，要bb辣，牛腩汁，另外加杯可樂。呢間車仔麵豬紅冬菇整得好入味，雞翼尖有五件，味道調配得岩岩好，食完不覺得口渴同重味精！最後埋單四十蚊有找，幾抵食！

胃食妹每次去開旺角區 諗食飯既地方諗到最頭痕,尤其係得自己一個想毒食就最難諗！最近路過女人街，意外發現呢間豐味車仔面店，見店又幾鋪闊，唔洗同人逼就介紹下啦！店入面刻意設計左好多個單人座位，入去食飯唔洗驚同逼生人搭台！店員推介我試酸辣粉，入面係用薯粉整，而且仲好有咬口！可以自選3或4款配料，我就點左豬腸、魚肉春卷同雞翼，魚肉春卷十分推介呀！好好食！豬腸都好入味，但略為肥左少少，如果可以瘦d就更好食！！

今日係旺角有嘢做，一條友唔知食咩好，行一行下就見到呢間懷舊裝修嘅車仔麵店，橫掂都唔知食咩好，食車仔麵就啱晒，可以揀餸，好過食隔離啲西餐。呢度除咗有港式車仔麵外，原來仲有重慶酸辣粉同川味麻辣湯底，啱晒鍾意食辣嘅朋友。但因為我唔食辣，所以我嗌咗個港式三餸油麵 ($42)，餸菜就要了咗雞中翼、龍蝦丸同冬菇，味道唔錯。湯底仲加咗腩汁，真係好好味直頭可以當湯飲。跟餐加錢仲可以嗌飲品，梗係飲椰青水 ($10) 喇。

今天經過旺角，看到間走懷舊風的車仔麵店。未知是否新開關係，人流較少，更站在門口的店員卻十分熱情叫我來試，所以最後決定一試捧捧場。食物種類也有不少，價錢尚算合理，畢竟在鬧市裡也很難找到平價食物。我點了四川麻辣三餸米粉 ($47)，餸菜就要了雞中翼、牛丸和菜肉餃，份量也不少噢，但如果雞翼可給多幾隻更好。湯底叫了中辣，已經辣度十足，吃得嘴紅紅的，蠻刺激。因為太辣令我口渴，這裡還可以跟餐加錢轉飲品，還有椰青水 ($10) 呢～

-港式車仔麵🍜 （自選3餸1麵）($42)揀左蘿蔔❤️，雞中翼☺️，魚肉春卷😍蘿蔔超好食，食落好甜又無渣，而且煮到好淋，蘿蔔真係必食❤️❤️而雞中翼都好好食，都幾入味，肉質好淋，容易咬開🤗魚肉春卷都幾大條，索曬d湯更加好食😋麵底就揀左薯粉，薯粉好滑😎，食落好煙靭，軟硬岩岩好，十分彈牙，不錯😘而湯底就係腩汁 和 秘製辣汁(BB辣)，秘製辣汁真係好正👍🏻，加左之後果然唔同曬，少少辣🌶，愈食愈好味，秘製辣汁真係一定要加😋-椰子水🍹（$10)味道清甜，天氣咁熱，飲椰子水真係好解渴😁，食車仔麵飲椰子水都夾❤️

星期五收工突然想食辣野，行行下見到我至中意食既重慶酸辣粉就急不及待地衝左入去🙈呢間豐味不止有酸辣粉，仲有車仔麵同麻辣燙，都係我最中意食既野☺️最後我緊係揀左最中意食既酸辣粉😆一餸一粉 $33,另加餸就$7一款。 我揀左3款餸，雞翼，魚肉春卷同芝士腸，中辣配紅薯粉。首先，比起大陸既酸辣粉，呢間比較岩我胃口。因為比起大陸既酸辣粉少好多油但又不失惹味。大陸既酸辣粉一食落口成把口都係紅油，好似食緊油咁易腻又勁肥❗️呢間就做得吾錯，辣得黎油吾多酸酸辣辣既開胃又香口👍🏻 不過，下次我會叫大辣，可能我又食得辣左🙈🙈入面配菜有炸菜同花生，增添口感。紅薯粉滑口，煙韌，但易咬斷，故此軟硬適中。極力推薦呢個魚肉春卷，超級好味用腐皮包裹住魚肉，有腐皮既香口又有魚肉既彈牙，好正❗️第一次食到呢款，真係好岩我食一次過食腐皮同魚肉呢款成為我下次必點之一鹵水雞翼好入味，雞肉嫩滑，皮薄。 咁流心既芝士腸非金妹牌芝士腸莫屬下次可以食下麻辣燙🙆🏻‍♀️PS. 相比起大陸酸辣粉，呢間除左小油，仲有一樣就係可以揀餸‼️大陸酸辣粉除左花生就只有炸菜，咁食好單調架嘛而豐味就融合左大陸同香港既元素，既惹味又吾單調PS. 超過加一既服務但冇加一

想食車仔面，酸辣粉唔一定要去深水埗排勁耐，又要急急腳食完就要走今日係旺角做完gym，行去女人街就見到衣間《豐味》坐得舒服冷氣又夠，最重要係有我好想食酸辣粉有50款餸任㨂，9種面底我叫左正宗重慶酸辣粉＄26包1餸，另加餸每款$7, 我加多2個款。total$40豬大腸係必叫，生根可以吸晒酸辣粉既精華，紫菜係我最愛下午茶時間（2:30-6:00)，重要送餐飲食酸辣粉點可以唔飲可樂等一陣已經有得食我叫左小辣，見到湯底紅卜卜已經流晒口水但其實都唔係好辣。配料有榨菜，芫茜，花生，份量都好多雖然係車仔面檔，但擺盤都無馬馬虎虎。每邊一款餸。豬大腸洗得好乾淨，又切得大舊生根只有2舊，唔係好夠嚨但整個面份量都係好多，好夠飽因為薯粉太容易整條吞落肚，一定要慢慢食但全程都無感覺到比人趕走幾個待應姐姐都係靚女好人