豐味車仔麵

營業中

休息中

叫咗重慶酸辣粉同四川麻辣燙，辣度十分足，不是死辣，超香!!! 物美價廉 兩人吃才70元，以香港嘅物價嚟講，超抵!服務好，會主動帶你去好嘅位置店面十分整潔，會定時清潔。

新年後好多食肆都結業，包括平時最常去嘅聰叔車仔麵⋯麵都係要食，所以擇左其他良心店，結果我擇左去豐味車仔麵呢度除左車仔麵重有重慶酸辣粉&四川麻辣燙，因為太想食港式車仔麵就無忘初心，車仔麵keep going mode🏎🏎🏎🏎🏎一碗叫左菜肉餃、魚肉春卷&魚旦無一樣係驚艷，不過就有一樣野驚訝，就係粒餃個餡同皮分開上⋯好難講咁會好食囉另一碗係蘿蔔、豬紅&豬皮，呢幾個餸就好食！我最喜歡就係豬皮啦！兩碗都湯底都係腩汁+小辣，無咩特別相信其他湯底會惹味好多！有聰叔食嘅時候唔覺超好食，但無左佢，我又覺得佢其實相當唔錯⋯想食嘢嘅時候就快d去食，有啲嘢無左就無左⋯(;´༎ຶД༎ຶ`)Life is too short to Diet

今日同朋友突然間lunch想搵車仔麵食。行過見到呢間車仔麵好似幾抵食，下午茶送飲品。入到去坐低。座位都寬闊。我哋叫咗兩碗三餸麵。因爲我個人比較吃得辣，所以叫咗大辣，可惜唔辣，再叫佢加咗D麻辣汁 ，點知都係唔辣，😔有啲失望。 老闆介紹麻辣湯底要配薯粉食，我叫咗薯粉薯粉幾彈牙，好有口感。墨魚春捲一般。魚蛋好爽口。黑椒牛丸普普通通。午餐肉都幾大片。😍麵嘅分量好足夠。湯底都正常。

Lunch專程嚟食因為佢夠💛多選擇，可以揀港式車仔麵、正宗重慶酸辣粉或招牌四川麻辣燙，而且仲有好多種餸揀。要左三餸車仔麵，揀哂推介嘅餸(牛腩、雞中翼、魚肉春卷)，米線底，湯底要秘製辣汁(小辣)，送凍檸茶。加左秘製辣醬嘅湯底好出色，微微辣味慢慢滲出嚟好過癮，下次試埋中辣先得！米線同餸嘅份量都好足，米湯滑身，牛腩較爽身，雞中翼肉滑滷得入味，魚肉青卷則比較軟身，都幾特別。埋單只係$42，而且坐得尚算舒服，真係超值！Quick lunch 首選！一定會多多支持！

第一次嚟豐味車仔麵，都知係一間良心店， 但剛剛才食完一日三餐，所以其實好飽，只能夠喺度點一個淨面支持下， 雖然只係點淨麵，餐廳店員小姐都沒有太介意，因為旺角下午茶真係好靜，冇乜生意，周圍都係吉鋪。正宗四川重慶酸辣粉，好大碗呀，比起平時喺街邊食的大很多，$26實在蝕本價， 港式車仔麵就是這種價錢。就是街坊價。小辣都算幾辣。麻辣燙就第一次食，少少麻辣，但因為麻辣燙冇花生芫荽，所以我覺得重慶酸辣粉好味啲。特別一讚的就是我們帶了上次的一張贈券，可以贈送飲品，但今次都送給我們一杯飲品呢！感謝！

豐味車仔麵一個餸劃一全部七元, 以現時車仔麵的定價來説, 已經相當便宜, 餸菜選擇一般而大路. 還記得從前吃車仔麵, 母親大人會比二十元, 一麵三餸已經相當滋味. 現在有工作收入, 就會吃得豐富而刁轉一點, 反而在這裡會找回兒時吃車仔麵的回憶. 七元一餸的份量不少, 質素不俗, 像是豬腸不是腸頭, 但內裡洗得乾淨而脂層得以留下, 口感順滑而且我滷得入味. 豬皮和豬紅口感爽而不會糊爛, 同樣調得入味. 牛腩份量比十多元的還要多, 皮脂肉三層層次分明, 帶肉香耳肉質爽而不硬, 合格有餘. 麵身有不用加錢的紅薯粉, 吸汁能力豐富, 配以辣汁就是一對好拍檔.

同朋友去旺角突然好想食吓辣野醒醒神 就去咗呢間有酸辣粉既車仔麵店環境好寬敞 都幾乾淨 仲有Viu TV睇~#牛腩豬紅蘿蔔米線 (BB辣) $42滷水汁湯底好正! 微辣嘅湯頭帶點八角桂皮嘅香味 唔太油~令人忍唔住飲曬成碗湯 蘿蔔好甜無根 米線偏幼但彈牙仲吸曬湯汁 牛腩份量唔太多但無咩騷味#豬紅重慶酸辣薯粉(BB辣) $33豬紅夠硬身 個湯底紅卜卜 食左一啖成個人即刻醒曬 味道好正宗! 薯粉彈牙而且份量好多 炒花生 酸菜增加口感下午茶仲送冷熱飲~登打士街有好多黃店 間間都排曬長龍 相反呢間比較少人 下次會再黎食^^

食物質素好👍🏻👍🏻👍🏻👍🏻 真材實料👍🏻👍🏻👍🏻👍🏻 麻辣湯底十分惹味 正宗酸辣粉👍🏻👍🏻👍🏻👍🏻 員工態度友善 主動介紹唔同湯底迎合客人需要🙋🏻‍♀️🙋🏻‍♀️🙋🏻‍♀️ 送埋野飲 仲有主動幫我加芫荽炸菜👍🏻👍🏻👍🏻👍🏻👍🏻環境舒適 座位闊落 餐廳環境乾淨 價錢十分親民 人均四十蚊可以埋單 cp值十分高抵食！！ 推介大家黎食 一定會再返黎幫襯😄😄😄😄😄

晚飯時間，獨自一人就來到這間位於旺角女人街裏面的車仔麵食嘢。店舖環境很乾淨，很整潔，而且每個位置都有隔板隔住坐位👍🏻餐廳有很多麵食選擇，例如：車仔麵，酸辣粉或者麻辣燙。而且面底也有不同的選擇，我叫了碗重慶酸辣粉跟雞中翼和豬大腸。薯粉很彈牙，很有咬口，不會煮得過淋，而且也是我很喜歡食的粗薯粉。而湯底味道酸酸辣辣，很正宗，很濃郁，再配上榨菜絲，很好味道。豬大腸和雞中翼也是店鋪的推介，而整碗的餸和薯粉的份量也十分足夠。

叫豬皮送錯變豬紅😅唔單止，叫四餸麻辣燙，又比漏左豆卜，本身份量已經少，又不斷比錯又比漏野！得少少份量食都食唔飽雖然外賣都預左冇得追究，但係都希望你地可以好好改善！！

最近好像又開始喜歡港式了，瘋狂的吃茶餐廳，早茶店，今天又來車仔麵，不過想想車仔麵也沒有什麼創意吧，我點的酸辣粉淨送，味道一般，有點過酸，他的車仔麵更是完全沒有味道，服務還可以；但是真的不會再去了，有點失望

女人街嘅兩旁都好多餐廳，多到唔知點揀好，跟住小編去搵好食的店就唔會中伏啦！ 😋 魚肉春卷、豬大腸、蘿蔔油麵 $42 1個餸就28蚊，然後每個餸加$7，講真車仔麵食到呢個價都算貴，但喺旺角呢啲地方都唯有默默接受。魚肉春卷喺餐牌上面有隻手指公，咁就試吓啦🤣 其實即係腐皮包住魚肉，有兩條，一條粗啲一條無咁粗，好香魚肉味都唔會過鹹～ 豬大腸都幾厚身，但因為中間都多脂肪，咁就叫埋蘿蔔啦清清地🤪 蘿蔔堅係清甜無楂，有四嚿～ 油麵同其他車仔麵舖食開嘅好似有啲唔同，陣味無咁重同幼身啲～ 腩汁都香牛腩味，唔錯！

豐味車仔麵位於旺角女人街，店鋪不太顯眼，很容易會便錯過了，鋪面呈長方形，坐位不會太擠迫，員工有禮貌，地方衛生。⁣⁣港式車仔麵價錢便宜，一餸一麵只需$28、兩餸一麵$35、三餸一麵$42。⁣除了港式車仔麵外，還有正宗重慶酸辣粉、招牌四川麻辣燙，價錢一餸一麵$33另加餸每款$7。⁣⁣雖然份量不算太多，但勝在價錢相宜，食材種類是一般車仔麵款式，港式車仔麵味道正常，相信酸辣粉同麻辣燙味道會出色很多，下次可以一試。⁣⁣———————————————————⁣⛳️ 豐味車仔麵 (旺角)⁣旺角通菜街2A-2P號鴻光商場地下2J號舖⁣⏰星期一至六 11:30-22:00⁣⏰星期日 全日休息⁣

因為黃店所以特地幫襯，因現在疫情關係，地方清潔，有長BAR台位同4人台，我哋一行兩人一入到嚟就同我哋講要座長BAR台，明明就得兩三個人係到點解要咁安排呢？食碗線最多咪20分鐘，我哋無理佢照座4人台，當然有啲說話俾我哋聽喇，但我地全情無理個老闆娘，快手叫完野食同快手食就完就走，全程無15分鐘，今日就食咗以下嘅野：百葉大腸豬紅酸辣薯粉 (中辣)百葉正常百葉味但分量少，有4片，生熟程度有點過火，少韌，但可接受；大腸滷得幾好都叫做入味，腸帶肥膏，唔臭，不錯；豬紅有少許彈口，夾落唔散，合格；辣薯粉有啲淋唔夠爽彈，但都可以接受；麻辣湯頭飲落唔涸口，唔係死辣味，酸味與辣味平行做得一般，但食完絶無涸口。冬菇大腸腩肉酸辣薯粉 (中辣)冬菇食味正常，叫做煮得淋身同入味；大腸滷得幾好都叫做入味，腸帶肥膏，唔臭，不錯；腩肉正正常常，辣薯粉有啲淋唔夠爽彈，但都可以接受；麻辣湯頭飲落唔涸口，唔係死辣味，酸味與辣味平行做得一般，但食完絶無涸口。食物整體都滿意嘅，但唯獨係份量真係少咗啲，正常食量者三餸麵一定食唔飽，建議要加麵底，因為佢麵底真係份量太少了，另外以麵鋪嚟講佢嘅衛生同環境係合格以上，幾企理。個兩三餸連兩杯野

經過家樂坊嗰邊唔知食咩好又多人，於是行入行仔求其搵間嘢食，見叫做豐味車仔麵，於是行咗入去。由於我盡量少食澱粉質，我叫左麻辣燙，朋友叫左腩汁車仔薯粉。3餸$35+$7一個餸當兩碗面嚟到我面前，我比兩碗面嘅湯底香味吸引，但低頭望見發現餸嘅份量不多，心知唔夠大胃的我。我果碗 麻辣燙：滷水蛋1隻芋絲4舊菜心 碎條5-6小塊牛腩 （超肥）4舊仔朋友 腩汁車仔薯粉：雞翼2隻牛腩 （超肥）4舊仔生菜 4條薯粉份量適中兩碗都係小辣，湯底嘅麻辣幾惹味又香，但只係之前食開嘅車仔麵份量都比依間較為多，所以有比較下顯得份量較少。舖頭有兩個侍應，一個年輕一個比較成熟。年輕顯得那麼，成熟嗰個antie比較熱情，當佢見到我哋將牛腩放喺枱上面。先同我哋講落單時可叫瘦牛腩，咁就唔會造成浪費。臨走嘅時候佢有同你講打風問我哋有冇帶遮，好熱情好好款待。