豐受居酒屋

營業中

休息中

這家居酒屋的午餐菜單有很多好吃的料理，主打烏冬系列，我跟朋友點選了蕃茄肥牛烏冬跟豚肉豬骨濃湯烏冬 ，每個lunch set可跟配小食一份。今次我跟朋友小食選了炸物牛油雞翼和野菜魷魚。這兩道料理非常適合搭配啤酒或其他飲品。如果你喜歡喝咖啡，跟餐可＋$12轉飲特飲凍沖繩海鹽焦糖咖啡和凍榛子咖啡。哩兩杯咖啡都好好飲，我自己好鍾意加左cream既咖啡♥️而且轉飲價錢不貴，建議大家可試試這家居酒屋的門口擺設了一隻柴犬小狗，非常可愛，讓人感到很放鬆。此外，這裡的座位也很舒適，可以讓你在用餐時感到非常輕鬆愉快。總體來說，這家居酒屋的午餐菜單和環境都非常不錯，推薦大家去試試看！

最近見到呢間新開日本餐廳，見入面裝修都幾靚同埋座位闊落，啱晒我呢啲唔鍾意聽隔離枱講野既人。可能今日係假期，唔駛等位即入。入到去見比較凍，向侍應哥哥反應後即刻幫忙較細冷氣出風口👍🏻由於午餐諗住平平地，都係跟午市套餐咁叫，叫左炸雞他他醬烏冬同清湯牛肉烏冬，小食跟左兩款薯餅。可能我自己撈得太多他他醬，個撈烏冬變得略為甜，但酸度適中；反而個炸雞唔厚粉，雞肉出奇地嫩口，唔似一般乾身雞肉，食完一舊想即刻再食一舊😋牛肉烏冬既烏冬爽口彈牙，牛肉既生熟程度適中，易咬口，湯底有濃郁海苔味同一種唔知咩味，都幾香甜。最後兩個薯餅小食更是驚喜，簡單講就係皮薄餡靚，南瓜蓉同粟米蓉都甜而不膩，亦明顯地係新鮮即製。飲品叫左波子汽水，無咩好點評😙下次再試埋晚市居酒屋menu👍🏻

豐受店外面門口裝修十分日式，好看。入到餐廳裡面很鍾意它日式的裝修，坐的位置很舒適，最鍾意有皮梳化。整個環境都令整個環境都人心境舒暢。食物方面，番茄牛肉手打烏冬十分彈牙，分量剛刪好，用料蕃茄新鮮，蕃茄味道十分濃郁，牛肉分量剛好好好。牛舌煮得十分超淋，味道很入味。侍應服務態度好，牛奶抹茶十分香滑。串燒雞翼唔會燒得太燶，火候剛剛好，加埋七味粉，仲更加提升鮮味道， 加左柚子汁超好味下次一定會再幫襯 。5-4-2023

有日午餐時間經過見新開張 於是入左去想食下啦。點之個服務員話果日只招待親友 暫時無晒坐位。真尷尬....昨日終於再去 order左個炸雞烏冬，烏冬配有菜呢樣我喜歡，個炸雞外脆內肉質嫩，食落去雞肉係清淡肉質 唔似過度加料 有食物原味但又無雪藏味，碗內有4件炸雞 食落都無軟筋，本人係唔喜歡有較筋卡牙縫。至於個烏冬 係彈牙同滑身 混埋碗內配既醬剛剛好 口感同味道都幾好，套餐係送汽水或熱1柚子茶， 無問到凍飲加幾錢。座位都算正常 唔會偏細，最怕坐到迫劫。 下次會再試食其他餐款

Weekend 親子日，帶左小朋友去完觀塘海濱公園玩，喺附近搵間啱小朋友開飯嘅餐廳，經過鴻圖道見到有間新開既日本餐廳，見門面幾靚就入去試！原來呢間餐廳weekend都有午餐set, 好彩冇要求一人要點一個餐，如果唔係，小朋友自己一個餐真係會食唔晒，因為一個set有烏冬或者飯，配一個小食，仲有杯飲品！率先登場係蕃茄肥牛烏冬，餐廳標榜所有食物都唔加味精，所以好放心俾小朋友食。蕃茄湯底好濃郁，仲好多新鮮蕃茄，肥牛份量都多，烏冬的確好滑好彈牙。呢個餐好啱小朋友食，湯底唔會太酸。值得一試。之後到我自己覺得最好食既明太子溫泉蛋烏冬，明太子份量真係足夠多，溫泉蛋中和左我左明太子嘅濃郁，伴埋暖暖嘅烏冬，味道剛好。他他像炸雞伴烏冬，第一次食他他醬伴烏冬，酸酸甜甜好開胃哦，都幾啱小朋友食！炸雞有4件，表面嘅炸粉都幾薄，內裏雞肉幾嫩，大人小朋友都岩食。 小食係紫薯栗子薯餅，有完整一大個，紫薯好甜栗子又夠冧，SOGO買一個都$20，所以幾抵食。老人家唔食得牛肉，好彩有個炒豚肉烏冬，我試咗少少，味道都唔錯，份量都足夠。阿仔最鍾意食飯，所以叫咗個日式牛肉飯，牛肉份量都夠多，用咗日本米，所以口感增加。小朋友都好鍾意

一日之計，在於lunch time ！不但可以放鬆一下、還可以把瑣碎的工作有個分隔！所以有一個好的午餐，對於下午工作的安排，絕對有直接影響。剛好在公司樓下見到有間烏冬面店新開張、就膽粗粗入去試一下 ！我叫了一份$78午餐，裏面有蕃茄牛肉烏冬，（濃郁嘅蕃茄湯，我連湯都飲埋）無口渴感！帶一份小食，我點了紫芋栗子薯餅，（裏面真係有一粒粒栗子㗎）推介好味！再配一杯柚子茶！！服務都算唔錯喎，坐得都算舒服！下一次再過來要試吓其他口味嘅烏冬，因為入門口，見到佢哋有一部製烏冬機！難怪佢哋嘅烏冬的確同外邊口感唔一樣！

一間非常有誠意的居酒屋，話說有一日想去鴻圖道食點心，經過見到啱啱新開的一間居酒屋，心諗唔知伏唔伏入去試下先，跟住入去點咗個午餐蕃茄牛肉烏冬配一個野菜薯餅小食，我老婆就叫咗個麻醬雞肉烏冬，點知........真係好食到冇得彈，烏冬班牙爽口，不過呢樣都唔係最緊要，最緊要係個蕃茄湯底最有誠意，一食就知唔係用番茄膏開嘅，呢個烏冬我食到連湯都飲埋，另外一個麻醬雞肉烏冬都係好好食，但係感覺就比較普通冇乜特色，薯餅亦都係我最鍾意食嘅小食之一，配沙律醬都好正，不過因為晏晝食lunch嘅關係所以冇叫太多嘢食，下次一定要夜晚去再試下！

可能岩岩新開裝修完環境係幾新淨坐有日式和室同普通座位佢日式和室冇個窿位係腳度坐得唔算舒服環境講完但食物質素真係不值一提食左炸雞他他醬烏冬 真係得醬撈烏冬烏冬全部一嚿嚿牛肉飯同吉野家一模一樣冇其他主食推介落單果陣因為全部都冇相冇reference 都唔知會唔會叫到伏餐望住個「冷烏冬」 $65蚊就可能真係得碗凍既烏冬蕃茄湯烏冬入面有四五嚿牛肉同茶記茄湯烏冬下午茶差唔多總結成間烏冬鋪感覺似係阿信屋買到既烏冬或者係吉野家買到既牛汁牛肉飯擺落間餐廳度