豐受居酒屋

營業中

休息中

有心機裝修，有自成一國既空間感，又同時感受到附近食客既氣氛，好自然舒服。平時去襯日式食店都硬係用石英燈，筒燈，黃光燈再配搭深沉木製品等等，感覺忽明忽暗好唔舒服，今次有驚喜。食物種類都算足夠多，有心機煮，今次試左個牛蒡冷烏冬，撞正又焗又熱又濕既天氣，食完連個丹田都清涼晒，呢個雞軟骨，唔明老闆點解唔推薦做主打，好食，又係心機菜，有咬口，有爽脆，乾身不肥膩。至於呢個軟殼蟹，份量都唔細，只係對我嚟講食開濃味既人稍為淡左小小。期待老闆同主廚再有新推出。