豆腐巴克

營業中

休息中

聽朋友介紹，呢度嘅一口炸芋圓好好食👍🏻👍🏻👍🏻👍🏻👍🏻而我十分中意食芋圓,💕💕💕所以今日就黎食啊！ ！ ！最後，兩個人叫咗一份一口炸芋圓，1份自選芋圓。炸芋圓仲落左煉奶😍😍😍😍十分肥，但係超級好食啊😋下次都仲會食💕💕自選芋圓就比炸芋圓普通啲🙈😛因為食過好多間芋圓，呢間既芋圓本身係煙韌有咬口，但佢既配料就比較普通例如西米同埋佢嘅糖水都唔算好夾～～～～但係要支持😋😋

抗疫在家想吃糖水和炸食物，更要叫「豆腐巴克」！炸燒賣、炸牛丸來到仲熱辣辣！炸燒賣皮很脆、牛丸很彈牙呢椰汁桃膠好好味！養顏必食！椰汁味濃、桃膠爽口誰說抗疫在家無野食呢

叫左四款甜品，每款都十分有心。1. 紅豆沙- 好重陳皮味，一啲都唔重糖，好天然超級好食2. 芝麻豆腐花- 芝麻糊超好味，唔重糖，屋企有糖尿病嘅人都。豆腐花好滑，芝麻糊好有心機做3. 桃膠芋圓 & 三色芋圓- 好重桃膠料，成碗都係。三色芋圓食到唔同味道，好有口感！

人在 沙田-石門 , 未夠鐘晚餐，循例諗住飲住咖啡，跟着 "和你EAT" 找 #黃店，便發現 京瑞商場 的 "豆腐巴克" 這家售賣鮮製豆腐花、豆漿的小食店 .... 於是暫且撇下咖啡不喝 , 先吃甜品 , 支持一下黃友手足 ~ 店舖雖然沒有連儂牆 , 但都有不少文宣 , 可見應該是黃店 ~Menu ~我們簡單點一份小食，兩碗甜品 .... 招牌一口炸豆腐 : 有椒鹽和孜然粉灑面，豆腐外脆內滑可以蘸甜醬及蜜糖芥末醬一齊食 ~號稱補血、養生、保健的 "招牌2號" : 一碗熱豆漿甜品內含大量養生的食材 : 紅棗+桂圓+紅豆+薏米+紅糖+豆腐花，味道小甜，豆腐花幼滑，食材都配合得恰到好處 , 是十分不俗的甜品 ~涼涼的黑糖仙草桃膠 : 質感稠稠，黑糖的焦蜜味帶起仙草的清香，桃膠口感爽滑煙韌 , 味道誇啦啦 ~本篇完 ~

一家人喜歡吃豆花，見有芋圓，而且一向喜歡支持小店，入來試下，點知中伏。入到去坐低，没人理會，2位員工在open kitchen 嬉戲，閒話家常，走入去厨房望望才出來為我們點餐。落單狀甚可笑，員工對答出奇，問佢三色芋圓是什麽？她答三色是有三種顏色的芋圓！！咁問當然是問口味，不是問顏色，妙問妙答。之後，等了很久……很久……人亦開始多，她們根本應接不暇，有2個人，偏偏楼面沒人睇，客人來唔落單，唔招呼，2個人不停在open kitchen内一邊整野食，一邊繼續閒話家常，外面的客人可以清清楚楚聽到她們的對話，對於食客，係會等到滾，因為外面有幾多人等，幾多人要你招呼，2位員工一於少理，繼續嬉嬉哈哈，此乃非小店一貫作風，一點人情味都無。好不容易等到甜品來，其中一款還是落錯單，食物嘛，普通，只想草草吃完想走。最後埋單,無單，無講幾錢，我付上500蚊及問幾錢？那服務員見我有此一問，妙我一眼，講出數字，問食咗幾錢都咁？她答的數目都跟我算出來不一樣，不過算把啦，一貫作風，由頭衰到落尾，一日有她們在，不要幫襯！

近來再幫親巳有改善，我只需要正常，如夜了料不夠便不要夾硬做一碗，石門現時多了甜品店，只要保持，不用爭也自然有人來。需然我獨愛芋圓豆腐花，下次可試炸物，望到隔黎枱吃也不錯

公司附近，我最愛豆漿，終於有小店可以買.因為平時超市/7仔 都無味.....所以偏愛買新鮮小店制的.1） 豆漿： $12 杯，份量大約450ml ,但飲落口，好香濃 又唔會太甜，剛剛好.....👍🏻👍🏻仲有芝麻味豆漿，下次可以試下2） 炸芋圓$22 份 即叫即炸，熱騰騰.....雖然等咗10分鐘，芋圓味夠香，唔似有點芋圓可能雪太耐，咩味都無， 這間仲食到芋頭/番薯🍠的味， 炸完脆脆，又QQ, 配煉奶。正👍🏻 同事們都讚. 環境： 還可以，普通小店 有10 坐位左右服務： 讚👍🏻，主要我 為了環保♻️，自帶盒，杯。佢無厭麻煩， 有一些店家會唔願意，覺得額外功夫，但這小店很樂意👏🏼👏🏼等外賣時候，仲叫我坐一陣先.....蝸心小店值得再去幫親😊

今日去左石門，等仔仔放學時去左呢間食下午茶。店員好親切招呼我入內坐。叫左個一口炸花枝丸同三色芋圓(自選湯底配料)花枝丸即叫即炸，熱辣辣，調味粉味道好夾，其實有6粒，但太香，食左2粒先記得相機未食😆😆而三色芋圓，我自選黑糖湯底，配料加桃膠同西米。用料份量十足，滿滿一碗，芋圓、西米粒粒過心，QQ軟軟👍🏻👍🏻而且芋圓清楚食到芋頭、南瓜同紫薯味道😍黑糖湯底偏淡，飲晒都唔會甜到漏。桃膠都好大粒，唔碎架！秋天食夠滋潤，下次會再梨😋😋

招牌1號 💲28一口炸爆漿芝心丸（5粒） 💲18一口炸芋圓（配煉奶） 💲22魚肉燒賣皇（9粒） 💲12✅ 現煮豆漿豆味濃🤤 飲曬成碗好養生🤣✅ 炸芝士丸幾特別 即叫即整又流心🌋❌ 炸芋圓細粒之餘入面無左煙韌既口感 燒賣細粒無咬口😕👅Taste：3.25/5💰CP值：3.25/5🙋🏻‍♂️Service：3.5/5👁‍🗨Stylishness：3/5

之前久唔久都會黎石門呢間買豆腐花，外賣豆腐花係冇問題嘅，平日夜晚去亦唔多人，叫左好快就有。之前亦成日去河畔花園嗰間度食芋圓西米露，想信石門呢間係分店。星期六晚黎坐低食糖水，叫左芋圓西米露，$25， 價錢都算合理。當時鋪內都坐滿，約有10 個客人，但得兩個人做野。呢兩個人要做侍應加廚房。結果，我地真係等左好耐先有，起碼15 分鐘。其實叫左凍嘅，我以為好快有。終於黎到嘅時候，發覺芋圓冇咩味，真係麵粉咁，西米露太稀。如果下次黎，都係平日先黎，同埋買番豆腐花算lu~

呢間新食店叫 #豆腐巴克，顧名思義梗係有豆腐related既食物，不過除此之外，都有其他甜品同主食架——————————————————三色芋圓 ($25)不過不失，咬落幾煙韌，但始終覺得冇深水埗咁好食一口炸流心湯圓 ($10/3)幾有驚喜！咬落口感好特別，外脆內煙韌再流心，三重口感😍自家製雲吞＋讚岐手打烏冬＋豆漿 ($38)關於話說我地一路以為個豆漿係個湯底，於是好努力咁食但始終食唔出豆味，最後先發覺原來湯底係豬骨湯，樽裝豆漿係另上🤦🏽‍♀️🌚 雲呑烏冬幾有住家菜味道。一口炸豆腐 ($22)外脆內嫩炸得好好食，配上港式小食必備嘅甜醬，不錯👍

一班朋友食飯，少不免有食糖水呢個環節～今次大家想試啲中式少少既甜品，所以就入咗去先。舖入面嘅位置唔太多，大約可以容納到20個人，我哋一行六人，就已經佔咗唔少位大家見舖頭名叫豆腐巴克，相信豆腐就係主打，所以大家都以豆腐花為主調，再加咗唔同嘅野我自己就叫咗芝麻糊豆腐花，豆腐花冇咩問題，唔會整得太耐而老曬，入口好滑，有豆香但係個芝麻糊真係唔得，好稀，食得出係用水沖粉出黎，仲要係微溫，應該係微波爐啱啱叮一叮不過大家一心都係諗住傾計，對食物真係冇乜要求，而且一分錢 一分貨，不過應該冇第二次啦雖然主打係豆腐，但係打開門做生意既，都好應該改進下

純粹經過買咗杯豆漿飲，豆腐巴巴果然豆類嘢都好出色😂😂😂仲有分黑豆，有糖同無糖，我買咗杯有糖，本人喜歡食甜嘢，所以一定要有糖，佢嘅豆漿唔算好甜，豆味好重，好味，下次會試埋佢其他產品，睇咗個menu發覺都有幾多嘢食！

又再嚟幫襯豆腐巴克！ 因為好掛念出色的芋圓！三色芋圓雖然加了價，但仍然保持水準。芋圓口感煙韌！芋頭、番薯及紫薯三種味道非常凸出，配埋紅豆、涼粉及滑滑豆腐花，味道無得輸。只是不夠熱，可能被涼粉及豆腐花溫度影響了吧！

等朋友食lunch前突然想食啲甜嘢！豆腐花好滑～～成日食豆腐花都要係街邊或者買返屋企食，好難得可以舒舒服服坐係度食🤣可以自己落黃糖同糖水，好似仲有少少薑味，冬天食碗熱豆腐花就最啱！雖然要食正餐，但都忍唔住叫咗個小食！要咗個一口炸豆腐，熱辣辣好正～～