豆腐巴克

營業中

休息中

去得石門食午餐🍽，當然要再去食翻一間良心甜品店💛啦！今次去咗豆腐巴克食🤤！真心好好食👍🏻，甚至食完堂食之後，仲買咗個外賣返屋企。-🍴傳統豆腐花($12) - 雖然只係得豆腐花，無配料，但係都好食。質感好滑🤤，不過豆味唔係好重🤭。店家會提供黃糖同糖漿，放喺每張枱嘅枱面，可以選擇落幾多。-🍴招牌三色芋圓($28) - 包括咗豆腐花、紅豆沙、涼粉、花奶、煉奶同芋圓。雖然睇落平平無奇，但係好好食🤩，超推😍。有芋圓同蕃薯圓，芋圓真係有芋頭味，而且好煙韌。加上有豆腐花同涼粉，所以好豐富💛！-🍴一口炸花枝丸($18/5粒) - 炸物都係既叫即炸，所以都好新鮮熱辣😆！會有孜然粉係面，而且配有蜜糖芥茉醬，好好食！

打算用熊貓app 訂外賣，才發現沒有店的優惠午餐，可以係OpenRice 留意返個餐牌，打電話叫。38 蚊叫左個雞翼清湯（可跟酸辣湯）再加2 蚊有薯粉...如果叫湯雲吞（8粒），加個豆花都好夠食午餐有埋甜品真係夠晒食

睇youtube知石門呢邊多黃店！趁週末黎支持下d黃色經濟圈🥰唔想食得太heavy又想試多d唔同野食，所以揀左呢間豆腐巴克～午餐都有飯有麵有甜品男友叫炸醬撈麵，我叫個韮菜雲吞酸辣粉。撈麵正常水平，我就覺酸辣粉可以再辣d同重口味少少🙈韮菜雲吞好食！皮薄餡多～我地仲叫左炸燒賣同炸雲吞，全部都炸得脆卜卜！外脆內軟，炸雲吞會爆汁咁😋最後仲叫左個炸芋圓，睇落唔起眼，仲擔心會食剩，點知食左一粒後，好似中毒咁不斷食！外面脆脆地入面煙un有咬口！點d 煉奶甜甜地好好食！食真d會食到有芋味，紫薯味同蕃薯味～本來男友話唔食，試左一粒就同我爭食...仲有野要提既就係！豆漿有無糖！岩晒要減糖/醣既女仔🥰 好滿意既一餐～

口痕，想搵啲價錢合理既小食，哩間野絕對可以滿足到我😍難我見到有我最中二食既韭菜餃，即刻要試下！韭菜餃個皮炸到好酥脆，表層仲撒咗啲孜然粉，幾有心思。咬落去都好多韭菜，幾足料，味道又唔會太咸。而家即叫即炸，聽講佢地啲餃子仲要係自家製，好加分！熱辣辣既燒賣，係冬天既comfort food! 配埋貼豉油同埋辣椒油，正😃而且店員都既配盒裸買，我拎個食物盒比佢，就會自動幫我裝，唔會覺得我阻到佢，抵讚！唯一有少少可以改善既係啲嘢食味精多咗少少，我食完之後好口渴😅

芝麻糊豆腐花$14 炸芋圓$22本來無諗過要叫炸芋圓，不過細佬話炸芋圓應該就同炸年糕都差不多同一個意思，估計都係入口煙韌有QQ口感嗰類食物我覺得又好似係幾有道理。再加上睇到之前有blogger 介紹過話好味，所以就叫左。炸過嘅芋圓再加埋煉奶睇起上嚟有d似小饅頭，賣相都合格嘅。裏面是半空心，咬落無左芋圓的應有嘅煙韌度和香味而芝麻糊比較稀，都無咩芝麻味豆腐花亦欠缺荳味呢餐的確係失望嘅。不過撇除食物質素，女店員嘅服務態度都幾好嘅，值得一讚。

石門由荒島變成美食小區尤其呢間豆腐巴克 成為我既糖水食堂*今次我地ORDER左~~招牌三色芋圓 $28芒果豆腐花 $22芒果西米露 $28混醬豬腸粉 $15/5條招牌一口炸豆腐 $22/12粒招牌香脆雲吞皮 $22/9塊*所有食物都係即叫即整份量好足 芋圓又夠煙韌豆花又香又滑 食完好飽好滿足 --------------------------食物質素：9/10環境氣氛：8/10回頭指數：10/10-#豆腐巴克 沙田石門京瑞廣場1期2樓209號舖免收加一

天氣凍，好多人都好鐘意打邊爐。疫情底下，大家都比較多留係屋企食飯。推介下💛豆腐巴克（石門）既韭菜餃👍🏻👍🏻👍🏻之前有朋友介紹，知道佢地啲餃係自家製，於是買哂佢地3款返屋企試下，有菜肉、韮菜、粟米😄朋友鐘意粟米，我地一家就比較鐘意韮菜，真係好好味😋😋😋打邊爐又得拎幾粒去煮個麵當一餐又得，正🤤$30一盒/20粒，平靚正💛每次去開石門都一定買1-2盒返屋企備用😂佢地其實係一間甜品店嚟㗎，有甜品，亦有粉麵餐，都好多元化。

石門嘅甜品舖少之又少，所以基本上都係食豆腐巴克🙈甜品種類唔算多，主要都係中式甜品為主，另外有芋圓同埋有得食餃子餐。好耐之前食過一次芋圓，覺得做得幾好食，有味同埋夠煙韌！中式甜品就未點叫過，有機會試完再同大家分享　～🔸雷沙湯丸($20/5粒)不過我最近去親食都係食雷沙湯圓🤣因為我覺得真係幾抵同好食😆5大粒芝麻湯圓上面灑上花生碎，佢湯圓唔會話煮到淋哂身偏哂，仲keep到圓形，所以每一粒都好有咬口！💛

自從從澳洲回香港……香港經歷民運……疫情餐廳變得慢慢從沒有人，到開始有人願意出來吃東西😍😍香港都需要苦中一點甜，從小就愛吃豆腐花，最近收工都會來到黎到報到，食下豆腐花，綠豆沙，芒果椰汁西米露，還有我喜歡既酸辣粉♥♥

平民小食，唔使下下雕花嘅，最緊要平靚正。推介食炸燒賣，落單即炸，香口又唔會過火，熱住食剛剛好🤤🤤🤤小魚蛋都好夠彈口，辣度正常，唔係煮咗全日霉晒嗰種，係正常嘅魚蛋，呢個價錢無乜得挑剔啦😬

豆腐花唔滑，芋圓無味，成碗嘢無味，好似食緊橡根咁😰好好好難食店內座位已經好少，只有三張枱，有兩張枱已經食完好耐，等咗好耐都唔走，我哋只有係出面呆等，店員無動於中，由得佢哋霸住張枱，由得你哋等，你等得就等，唔等得有得d客走，無客入去可能仲好，唔洗做添！我哋食完果兩張枱d人都未走，吹脹🙄店員只掛住卿卿我我，其實佢哋唔係返緊工咩，再且也算是公眾地方，可唔可以放工先呢？！眼都怨埋。這間是不知所謂甜品店，唔會再幫襯，等結業。

我同同事叫咗兩個糖水，其中一個係我既芋圓桃膠，芋圓好軟，起碼熟咗，唔會好似某店內里係生既，但芋圓無咩紫薯味、芋頭味，唔及太子間芋圓圓，反而桃膠份量頗多，幾好食，同埋唔太甜。

難得入一次石門，諗住行吓京瑞廣場，竟然發現到有間隱世甜品店，決定一試！非辦公時間ge下午茶時段舖頭都冇咩人，除左我得一台客，唔會好逼。坐低就叫左碗熱芋圓豆腐花同一碗凍淨豆腐花，好快就有野食，唔洗等好耐。豆腐花算ok滑，芋圓都夠煙韌！個雞公茶壺入面就係糖水，好得意！可以自己落糖水或者黃糖，岩哂減肥人士！

連住幾間都係小店😚 食完隔離西餐去食埋個中式甜品啱啱好😙 除咗有豆腐製品佢都有小食㗎～ 但因為連續食咗幾間黃店，去到呢一站已經好飽試唔到好多嘢🧐🍨 傳統豆腐花 $12豆腐花夠滑，而且都有豆味，熱辣辣上枱，枱面仲有黃糖任你自己加😙😙🍧 綠豆豆腐花 $14實冇死嘅combination😙 綠豆沙唔算好甜，食完覺得自己冇咁熱氣😗 見佢除咗有豆腐花之外亦有唔少小食，下次要去再試～ 有冇人同我一樣鍾意食小食多過鍾意食正餐😚

呢排天氣實在太熱，成日都好想食甜野，今日經過石門見到有芋圓食，就入去食返碗順便涼下冷氣甜品類好多選擇，最後揀咗個招牌三色芋圓，貪佢咩都有啲唔駛揀，材料份量好足，芋圓煙韌有口感，豆腐花又香又滑，涼粉大大粒，仲有紅豆口感十分豐富，食完已經飽了，好滿足。