譚仔雲南米線 (金球閣)

營業中

休息中

有一天，我和爸爸去食宵夜，我看過時間了，當我叫食物(米線套餐加低)時，是11:15pm，等下等下，到了11:35時，旁邊那個比我還來得遲的人，=.=已經有得食了，之後，我爸爸很憤怒\_/，回家時，家人都話是因為旁邊叫的食物成六十幾蚊的關係，而我只叫了36元。~_~

平時去開深水分店...今次去開呢頭又知道呢邊有分店, 就諗住試下啦, 點知...叫番平時一樣兩要中麻辣再加杯野飲深水兩間分店我都經常幫襯...要麻辣或者酸辣都唔洗加錢, 但長沙灣呢間就要加$3啦!!!仲有, 食開一碗米線加$3有一杯野飲, 呢度又無呢個規矩ga wo!!!明明都係譚仔...點解收費唔一致ga

我好鐘意食辣野．．．但又唔可以太辣。譚仔有得揀辣既程度就０岩晒我！雖然佢ｄ程度有時準確，即係就算２小辣都有時好辣，有時唔辣．．．不過唔緊要丫～我依然好鐘意食～雞翼好好食～食過晒３隻～４川果隻好辣～新疆果隻好香～誠意推介紅油涼瓜～唔辣！好清涼～註:我去開jordan果間

前幾日去SSP買野去了譚仔叫了一個豬潤腩肉3小辣走了韮菜, 因為我唔食的加多3蚊仲有杯凍奶茶添另外佢既過橋米線真係好大碗如果一對情侶去,兩個人一碗, 再加碟土匪雞翼,會好正的如果大家想食埋牛柏葉就一定要去總店!!總店響邊?響長沙灣MTR D出口, 永隆街一直行就到了大家得閒要去試試, 本人誠意推介^~^

我食咗都有4,5年,個湯好味,唔味精唔濃,個湯係甜,雞翼好味,我唔食得辣,但我可以食酸辣,如果太濃太雜,就唔好食架la!

有一次同路路到譚仔米線.... 路路話佢讀ive　果陣成日食架.... 我地一人一碗米線.... 後來睇到有個米線全餐.... 好似仲抵食喎^^ 見到好多人都叫土匪雞翼食... so 我地就試下啦入口係好麻既感覺.... 不過都幾好味呀^^ 下次可以再試下其他野食喇~~

看過很多關於此店的食評, 身為譚仔捧場客超過十年, 我可以好清楚話你知: 1. 所有落單亞姐只有一個係好d , 不是落錯單就是漏單, 而寫錯枱號更是家常便飯. 佢哋唔會覺得唔好意思, 要去譚仔食米線, 我勸你係心情很好且不是最餓的時候去, 否則怒果個好有可能係你.2. 譚仔正店的水準是最好的, 其他通通不能比, 不是湯底味道拿得不好, 就是配料煮過頭, 再不米線太淋, 沒了應有的爽口, 最差的是連麻辣的份量都做錯.3. 基本上, 譚仔沒有環境可言, 全舖擺位/佈局連茶餐廳都不如, 用"地方淺窄"來形容已相當客氣, 實情是座下後你雙手的動作只可吃在你前面那碗米線, 其餘一切動作均有難度, 千萬記住不要將自己往後伸, 因為你一定會撞到隔離枱背住你食緊米線嗰個人.如果你對以上問題都無問題, 且仍然會捧譚仔o既話, 咁你就要好似我咁, 好醒目咁楝個"非繁忙時間", 搵到個醒目亞姐, 食番碗"炸雞潤旦大辣米線".

食物普普通通, 係土匪雞翼好味d, 但d服務就真係非常唔得, 問佢攞杯水已經要三吹四請, 跟住就攞杯熱滾水來, 問佢有冇溫水或者可唔可以比d冰, 就啋都唔啋頭岳岳咁走左去, 要我走出去搵人理論先話加兩粒冰都話要加錢, 我地已經叫左八set飲品加食物, 只因老人家要食葯先攞杯暖水, 咁加錢問題都唔大, 但一早d態度簡直離哂普, 請著d咁既伙同埋重有d咁既制度, 簡直等執....

譚仔, 我已經食咗十幾年, 基本上所有食物款式都食過, 由一間舖食到而家多間舖, 由盲中中入去食到老細見到都怕咗我.推介-1. 炸雞潤旦酸辣湯底(即炸醬雞肉豬潤魚旦) - 無敵2. 土匪- 香口美味3. 紅油青瓜/ 苦瓜- 香/ 爽/ 辣

食評內都多次提及此食肆，今次路經長沙灣，午膳高峰期又過，襯機光顧一下。第一次光顧，點最簡單及常規的包試到真將。酸辣底，黑柏葉、竹笙及腩肉。米線奉上，份量據食友在食評內都說比較少，但個人覺得可以；三種食物與酸辣湯底的配合相當好，尤以竹笙及黑柏葉，而黑柏葉的鮮味是冰鮮貨所沒有的，反而腩肉不夠肥，與KC的說法一樣，正宗的五花腩是赤白相間，達到五層的效果最好，個人而言五五比最好。酸辣湯底很好，在奶白帶黃色的湯底顏色下是想像不到的酸辣，初嘗確覺酸多于辣，但後段已經適應及熔匯兩種味道，是與港式滬菜的所謂酸辣湯的另一層次。米線普通，米香味不太凸出，跟我在昆明食的差遠矣！但因湯底了得，最後碗底朝天，是近年小有的行徑。後話：下次需光顧四川麻辣米線來作比較才辮出分野。

自己基本上對米線興趣不太, 但食過此店米線, 對米線食品有所改觀. 但此店午飯時間, 例必爆場. 麻辣雞翼及土匪雞翼都好味. 不過20元5只好似貴了一點. 火線配料, 腩肉入味, 亦唔太肥, 其他魚蛋, 牛丸, 墨丸較一般. 湯底方面, 清湯底很鮮味, 有別一般味精湯, 麻辣湯及酸辣湯(要加3元) 好像貴了一點. 個人覺得, 麻辣湯好味過酸辣湯, 不過, 不太吃得辣得要量力而為. 伙計招呼麻麻, 好似有點"唔休做" 要有心理準備

重陽節的下午, 想話到總店食番個清湯米線...份量唔萛好少..但料的確少過以前...咁比起四川更加唔使講, 呢度一定少d...但我認為最重要係味道(我食普通一碗都會食唔晒的^^)個清湯...真係幾淡...唔係"甜湯"囉....食呢度的酸辣又覺得太辣...譚仔可唔可以照顧下我呢班唔食得好辣又唔想冇味的米線食客呢?

我食開四川d米線既,不過聽聞四川既老細以前係譚仔做過,咁就想試下譚仔d味道如何啦,點知勁失望囉,點左個套餐,d份量連四川普通一碗米線都不如,份量少都算啦,如果好食都冇所謂,至弊一d都唔好食,d湯淡而冇味,材料又少,炸醬又唔好食,酸菜又勁酸,唉真係食完都好似冇食咁,唔該譚仔唔好只係識賺錢啦,咁既質數同份量就收$33一碗套餐? 過份左d wor我只係有個句講個句je,我d fd都話譚仔唔掂,唯一優點就係比四川多d菜式,如果譚仔可以改善一下既話咁我地都有多個選擇,不過如果繼續咁落去咁就算吧啦

只係睇佢由原本一間, 到而家開到七間,成為最大的米線連鎖店, 就知佢有幾掂!!~不愧為米線大王, 譚仔米線的味道是不容置疑的,我同男友/家人平均每星期幫襯一次, 我最愛佢既酸辣米線, 同埋土匪雞翼!!!~不過佢近來真係要檢討一下,雖然冇加價, 但就偷工減料,尤其係過橋套餐細碗左好多....d料好少...叫一碗普通份量既料仲多過佢...離譜....相比起, 人地四川平d又大碗, 仲係足料架!!!呢d野此消彼長...長此落下係點都估到啦....仲有四川的服務態度好好多...今時今日服務都好緊要架嘛!!!~~努力呀!! 謤仔!!

我覺得個米線好好味, 又大碗, 男仔可以挑戰過橋米線, 乜餸都可以食到, 酸辣味道唔突出, 最好食痳辣!本人就食3小辣, 覺得都ok ! 仲有雞翼一定要食, 醃得好入味!