譚仔雲南米線 (金球閣)

營業中

休息中

譚仔的舊店在永隆街，在九十年代中開鋪，早幾年才搬到青山道金球閣現址。屈指一算，我都算係食了譚仔十多年的老客，是小弟中學時代的良伴，三哥當年在永隆街街頭的拉麵加麻辣湯都幾好味。溏心風暴、家好月圓看多了，總聯想三哥是否分了家，因為最近吃過數家譚仔，出品質素一直回落。而且譚仔多了一個「譚仔三哥」的brand，聯想起溏心風暴系列........永隆街舊店譚仔搬到青山道現址後，小弟一直是常客，水準雖不及舊店，亦比其他分店略好。但今日下午再吃，卻令我失望了，皆因吃過數次元州街的新的「譚仔三哥」，小弟相當滿意，出品貼近舊店水準，所以兩者一比較下來，今日的青山道譚仔才更令我失望。牛肉米線+小辣/ 中辣 一直係我的至愛，每次都先飲一啖湯底，但今日此碗湯底好明顯地不及以往：湯底不鮮，麻辣不辣，以往的譚仔小辣刺激感全都沒有了，加上米線似乎有點糊，吃了一半就不想吃下去...譚仔的買點就是麻辣湯底，其他材料絕對有其他米線店可取代。如果湯底回不到以往的水準，看來我以後只好多走幾步，到黃金幫趁「譚仔三哥」，什至麻辣川、四川，找尋兒時的麻辣湯底了.....今餐總評俾OK係因為此終食左呢間店十幾年，而且水準雖然跌，但如

2009年先寫返08年食評，第一次去譚仔的回憶。當日出城揾食，去到長沙灣約2:xxpm，等左5分鐘到就有位。位置好明顯唔會舒適，不過通常食粉麵茶餐廳，我都唔會對環境有要求的了。一心黎食米線，叫左:豬潤米線(小辣)--豬潤幾滑身，唔老唔鞋口，辣味剛好，湯底甜，好味。豬腩肉米線加炸醬分開上--炸醬味道較咸，米線硬度適中。腩肉入口唔會肥膩，正。土匪雞翼--大份5隻，小份是3隻。麻辣雞翼--2個都好好味，大隻，入味，新鮮熱辣凍檸茶2杯--加飲品，只需$3，大大杯，點可以唔加呢?米線份量算多，細食者會食到好飽。第一次食譚仔，回味無窮，當時諗出城黎食都值得。而家元朗都開左間分店，可以唔駛去到咁遠都有得食。真係好啦。埋單$89PS:因為雞翼黎左一陣，D米線先黎。D相只是我遮左D雞翼骨。

太公作為一位熱愛吃麻辣米線之人，其實從來未食過「名店」譚仔。因為，當初致令太公麻辣米線上癮的，是長沙灣的四川 (即現在的裕一品)；身邊各性喜茹麻飲辣的人士，五個有五個都指「譚仔」唔掂；而太公其中一位的「麻辣米線」buddy, 更是因受不了譚仔日漸退步的質素而轉投裕一品之懷抱。不過，近年譚仔急速冒起，心想應不會太差；所以今天就與之一會 - 明知山有虎，偏向虎山行也。早知譚仔的辣度較弱 - 是以，平素於麻辣米線店吃慣小辣的太公，要了個中辣的麻辣魚蛋米線，另加一杯凍檸茶。米線上桌，先連呷三口湯；中辣的湯都不太辣，喝罷感覺不大，比部份店家的「小辣」更弱；果然譚仔的麻辣度比其他麻辣米線店弱，幾乎要喝畢整碗湯才有麻辣感；韮菜和芽菜都是不過不失；米線雖然爽滑，但不夠彈牙，吃起感覺軟趴趴的，而且味道很淡 - 平時吃時不覺得，原來平時吃開，做得較認真的幾家麻辣米線店 (裕一品、川之味、麻辣川等)，米線吃起來都沒有明顯地「淡」，應該是放湯裏煮的，所以味道與湯底差距不遠；可是，譚仔的米線似乎放在清水裏煮，米線出奇地淡，與湯底未能混為一體。湯底又如何呢？只是咸，不是太清鮮；魚蛋有六粒，多是多了，但不夠彈牙也過

同男友放左工去食，時間仲早無咩人，所以阿姐的服務態度唔錯。兩個人叫左一個三隻土匪雞翼，一碗酸辣米線走芽菜要腩肉同墨丸，加杯凍檸茶。呢間譚仔比起其他店平，加飲品加三元，一個餸四元，較抵。呢間店近我返工地方，所以常同男友黎食。男友唔多鍾意呢間店，不過我鍾意佢就會就哂我。我同男友都細食，而呢間舖的米線又大碗，所以只叫一碗米線。雖然o的人話阿姐態度唔好，但今次阿姐不單無啤住，仲俾左兩隻碗我地，服務幾好。我以前唔鍾意食米線，因為米線太林，但呢間米線幾爽口，令我接受到，個酸辣做得o岩我口味，辣得黎唔會太嗆，佢唔似某些酸辣店，用辣湯加酸菜奉客而係直接用酸辣湯，呢個幾好。(雖然男友都食到流汗，因為佢真係唔食得辣)配菜有腐皮、九菜，同我走左的芽菜，腐皮同九菜份量充足，唔會太爛，合格。而腩肉真係幾正，肥肉爽脆，而且有成六七片，我同男友都夠分。墨丸墨魚味都夠，幾爽口，有四粒，不過我喜歡腩肉多點。埋單兩個人40蚊，真係好抵。其實第一次幫襯左後，我耐唔耐都會黎一次，好似上左癮咁，下次想試麻辣。(男友露出救命的神情)

和朋友買完東西 , 正在想附近有什麼好吃 , 突然想起譚仔 . 算起來也有兩年沒有來過這一間 , 找了一會 , 又問人才找到 , 原來搬到對面 , 之前的位置已經變成 7-11. 第一次吃套餐過橋米線 , 我們選中辣 , 奇怪寫單的亞姐用好懷疑的眼神對我們說 , "好辣喎 , 你們吃到嗎" . 被她這樣一說 , 真的有些擔心 , 不過 , 我們還是按原有的想法 . 米線到了 , 好香 , 碗中好多辣粉 , 先嘗一啖 , 味道好濃 , 有一點點辣 , 也可以接受 . 朋友就說好辣 , 但是又好好味 , 之前她吃過小辣 , 不過味道相差好遠 . 它那種辣是不麻但又不是四川的多油 , 正 ! 香草雞翼也好好味 , 炸得剛剛好, 又入味 . 這間譚仔的味道始終也是比較穩定 , 之前去過其他 , 不是麵發脹 , 就是味道不夠 , 下次一定會再來 .

我係由細細個就係長沙灣番church, 基本上係由細食譚仔食到大 但係今日,,,,,,,,,,,, 我真係忍唔住!!!!!!!!最近佢真係好差囉!!!! d呀姐真係想講粗口鬧佢囉 唔係講笑 我今日番完church, 好似平時咁去譚仔食野,,,,,,同我個fd都好似平時咁叫套餐 點知佢d餸真係少得可憐囉 明明應該係咩餸都有 依家就樣樣餸都得3件 係3件囉 d beep係可以數到得3粒, pork就3片, d chicken咪就係少到你搵到幾粒咁囉 最緊要係d豬"閠", 都係得3片,,,,,,,,,,,,,真係你見到果碗野,,,,,,,, 火都黎囉 之前都試過比少左野你 同d呀姐講 佢就勁唔好態度同你講 得啦 比番你囉 拎比你仲要好唔願意咁 今次我比錢既時候真係忍唔住鬧佢 話佢以前未搬shop未開分店果陣都唔會咁架 佢d staff咁既態度 d野食幾好食都假! 我不嬲都唔想離開呢間shop 但係今次真係唔忍佢囉 由細食到大就係會有對比我知 但咁樣真係好失望囉對佢 依家唔同以前 以前d呀姐會同我&朋友講叫我地唔好食咁快 小心唔舒服 買外賣會同我地傾計 叫我地去買d野飲番黎就拎得 依家就一定唔

我一向都喜歡食辣, 譚仔d辣真係食得我好過引. 琴晚, 屋企冇得食, 約左個朋友黎會一會譚仔, 一人叫一個套餐, 我食特辣, 朋友食小辣. 佢d辣食到你好開胃, 見碗野好似好大碗, 但食食下又會食得哂. 不過環境又真係迫迫地, d阿姐又唔係好得閒理你, 不過都唔緊要, 好食就得, 是日食得好滿足

今天工作完一行六人到青山道近永隆街譚仔食中午飯,我同事柯打?好大碗麥?都有?清湯米線,而我豬?拼雞肉大辣因我仲要辣配凍檸茶少甜,土匪雞翼。麥?都有大碗米線可以兩人用已夠飽,大家又知唔知此店售價$36比起旺角、佐敦分店平?$3,另加配飲品$3亦比起旺角佐敦平?$2-$3。每次我到任何譚仔食豬?都?得好有口感唔會過熟而勒,雞肉雖然是胸肉但不會鞋口。土匪雞翼雖然面有好似炸??黑芝麻但食落一D無苦味仲好香口又有肉汁,因是即炸。

豬腸米線﹐豬腸夠肥美﹐而且清潔得好乾淨﹐米線好滑﹐湯底係唔辣湯底﹐不過配料好多。土匪雞翅﹐好香香料味﹐雞翅好入味﹐肉唔實﹐唔算滑﹐不過吾老。幾好檸檬茶﹐同其他茶餐廳無咩分別﹐不過真係大杯好多。

中午去譚仔記, 預左係人山人海的, 而且等位的人, 係企係食客後面等, 甘樣, 對食客, 等位的人, 店員都係一種受罪三個人叫了兩個米線過橋米線 $36其實就係什錦米線, 將所有的材料煮係一個大大碗, 足夠情侶/兩個女仔分享的另加 $3有凍飲單點的米線 $19包一款餸土匪雞翼 $20有五隻, 味道唔錯但食得唔自然 ,因為太趕太有壓力下次來食晚餐, 無甘多人, 應該會好些

由長沙灣永隆街第一間到開埋隔離鋪"湘蜀風"到咁多間分店一直幫襯到而家,一個月總會食四、五次,好多間分店都去試過,但似乎每一間的辣度也是不同的,叫中麻辣又好似得小辣,間間餐牌上印住的黑柏葉又唔係間間都有喎,而且雞亦也越來越細隻同肉質也變"鞋",但這種無咩辣油浮喺面的麻辣湯底味道只此一家,搞到耐唔耐又想去食.........腩肉炸醬柏葉豬潤中辣,其實都食到慣晒,都唔知叫好唔好味？始終都係懷念以前逢星期二同四,夜晚七至九點,老細開張摺枱喺門口揸住舊麵粉又撻又拉即場表演做的拉麵,同埋以前的滑滑大隻雞亦!

星期日同老公2個出城揾野食，去左呢間譚仔食米線，去到等左冇幾耐就有位啦。叫左:腩肉米線+肉醬(另上)豬潤米線大土匪雞翼-$20/5隻後加大麻辣雞翼-$20/隻2杯凍檸茶--加$3就有一杯，好抵呀~~埋單$89食到好飽，夜晩8:00pm都未肚餓。下次會再去食

我係長沙灣人，譚仔真係由細食到大，睇住佢由一間慢慢開分店到SSP之後到其他地區，我都覺得好高興。但係真係認唔住要投訢一下，我主要去長沙灣兩間分店，啲阿姐嘅服務真係差得好緊要，幾乎次次去都要受氣...有一次試過碗米線黎到先發現原來阿姐落錯左單，咁同阿姐講，阿姐就好似審犯咁，係咁話張單冇寫喎係唔係我落單時無叫到，佢完全無意換過碗之餘，仲講到好似我講大話咁，糾纏左成兩三分鐘，阿姐先肯換，仲要態度好差。講真我都係黎食餐飯啫，如果一開始態度好啲，我真係唔會計較要左碗面。又試過有次繁忙時間，個阿姐拎住成盤大約十杯野飲，佢行過擺低左一杯之後拎起個盤，點知跣手倒晒落我隔離個男仔到，個男仔成身濕晒。我都明白繁忙時間係好忙，但係都唔駛好似打仗咁一味衝衝衝，如果真係應付唔黎嘅，一係就請多啲人，一係就唔好咁多客。講真而家好多時都好迫，食米線嘅時候都要就住就住怕篤到隔籬位，根本上間舖就容納唔到咁多客，硬要做咁多生意只會令客人有更多抱怨!尋日去食又係咁，冇要辣就俾個小辣我，咁又係同阿姐講喇，呢個阿姐check下張單之後就話落單嘅時候錯左，咁ok換過碗，我以為唔會好似上次咁，點知落單個阿姐即刻走埋黎聲大夾惡話我落單

上班前吃的午餐,叫了鮮荀米線,4小辣, $26跟凍檬茶原來4小辣真係都幾辣下幸好尚在我接受範圍內,其實酸辣比較討好,不過不夠辣ah.....鮮荀幾好味幾爽仲吸左唔少湯正呀喂!凍檬茶係一般茶記咁,ok~份量好大~2個女仔食都食唔晒啊因為我地根本唔餓~環境好擠...感到d呀姐好燥....因為太多人吧!

因為上次食既酸辣米線實在太正﹐所以特登黎呢度諗住試下唔同既米線。黎到都有好多人等緊位啦﹐不過可能我地2個人﹐所以好快就有位喇﹗我地個位都幾迫下.. 坐得好唔舒服﹐但算啦﹐野食先係重點﹗因為咩都想試既關係﹐所以同男友嗌左個套餐兩份﹐要左酸辣.. 望到對面食果碗真係好大碗呀﹐有齊距所有可以俾人揀既送。有豬肉牛肉雞肉腩肉牛丸墨丸魚蛋火腿竹笙豆腐卜腐皮黑柏葉豬潤酸菜炸醬.. 總知就有好多野﹐一次過滿足晒呀﹗但食完第一啖就有D失望喇﹐因為D肉好鞋呀.. 腩肉又無咩味道.. 黑柏葉鞋得誇張.. 煮得過火左啦﹗個湯底就偏酸﹐麻麻地啦.. 辣D會更好。最好味係竹笙﹐炸醬同埋D酸菜.. 距杯凍檸茶都好好飲呀﹗之後嗌多左個細既土匪雞翼﹐UM﹐我會覺得唔試都無咩所謂﹐因為唔係特別好食﹐同埋外面燶左D.. 仲有D阿姐感覺上都幾寸.. 整體感覺一般﹐都係比較鐘意雲南桂林果邊既酸辣米線多D﹗