譚仔雲南米線 (永光中心)

勁離譜，中午堂食米線，等咗40分鐘都未有。見到啲堂食客，一個個吹單，個lunch time都完啦，都未送到啲嘢上嚟。但係見到外賣嘅，就勁快拎到走。係咪因為諗住堂食嗰啲坐低咗叫嘢食，諗住啲堂食客唔會走，所以淨係顧住外賣客？由中午一點坐低，等到下午兩點，人哋下午茶啦，都未送到碗麵上嚟。吹咗兩三次都當你冇到，淨係俾啲貨外賣客。嬲得滯去咗第二間食，人哋叫完嘢食後，7分鐘就上枱。唔係要求你哋7分鐘就上到，但係都唔好40分鐘咁過分啦。…查看更多

今日收工就去咗登龍街，呢一間譚仔買外賣，整體的都唔錯，我就揀咗酸辣湯底，不要芽菜不要韭菜，米線嘅份量就普通，不過整體上都令我幾有驚喜，可能太耐冇食譚仔嘅關係😂😂😂 🔥酸辣湯令人非常開胃，而且加埋腐皮，吸收晒湯底嘅精華，而且米線做得唔係太淋，整體上嘅軟硬度，都控制得非常好，試咗佢嘅酸蘿蔔，酸酸地非常開胃，另外幾鍾意食墨魚丸，非常爽口彈牙，加埋湯底本身酸辣，味道更加好吃。整體嚟講呢一個價錢我覺得都可以接受，不過中午時間都好多人，大家可以選擇先外賣落單，可以慳返等候時間。…查看更多

晏晝時間都幾多人，今日我哋三個同事嚟食，就叫咗三碗唔同嘅米線同埋雞翼大家share，佢嘅雞翼土匪雞翼，少少辣再加埋黑芝麻喺個面度，非常好食，配上米線係非常夾，我就叫咗蕃茄湯嘅米線，正常味道唔會太鹹，就揀咗雞肉，雞肉就普普通通冇乜特別，不過就幾鍾意食朋友叫咗嘅炸醬，加上米線食，都幾好！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟…查看更多

朋友，今次我試咗譚仔米線喇，唔得嘅，呢個味道真係令我忍唔住要同大家分享下！🍲 我哋點咗個腩肉米線，清清地十小辣，食落湯底有種滋味密密地，腩肉嘅鮮香和恰到好處嘅肥瘦比例，啖啖肉食落嚼勁十足。🥩 然後係雞肉米線，雞肉偏向嫩滑，配上夠勁嘅湯底，汤汁撈埋麵度，啖啖麵都充滿咗雞肉、蔬菜嘅美妙交織。🍜當然，少不了咁經典嘅皮蛋一試。皮蛋上頭滿佈芫茜，食一口嬌嫩嘅流心，簡直係皮蛋界嘅奇跡！加埋少少麻油、辣椒，真係啱啱好，融合腩肉或者雞肉米線，每一啖都令人味蕾大舞。✨呢個體驗真係正宗街味，一啲都唔攞氣，純粹就係好味！同埋掂嘅係，店員服務周到，禮貌又親切，食得開心食得滿足，下次再黎一定會繼續試過，希望你哋都有機會去感受下譚仔嘅地道風味！👍🏼…查看更多

The very popular Tamjai Yunnan Mixian. A huge chain of noodle restaurants found throughout the city has never had tea sets. Where many restaurants in Hong Kong offer tea sets or a discount during tea time, this place never did such a thing. Until now! The tea sets now all come with a drink and there are a variety of options. Menu for the tea sets are in Chinese only. There is no English and no 10% service charge  but there are photos of all the food so it's fairly easy to figure out. The only problem was the rest of the menu. The organization was a bit confusing and took a while to decipher. But basically, you can choose A, B or C from above and match it with either 1. two snacks in soup and a drink, 2. a braised snack and a drink, 3. a fried snack and a drink and 4. just a drink. What makes it confusing is why there are so many different prices? After a lot of thought, it meant the price differences are dependant on if you chose A,B or C. It took us so long to figure out!On the back are more options. These are just a bowl or noodles or noodles and rice with a drink. Snacks are available at a discounted price.Since the front page of the tea menu was too confusing, we just opted for options D and E. Later we realized it wasn't as value for money as choices A,B and C because we didn't get a snack for the same price.This is Set E. The All In Noodle ($46). It had everything from pig intestine to pig liver, beancurd skin, beef ball and fish ball along with beef slices. The portion wasn't any smaller than the regular size.Boyfriend ordered Set D ($40). Choosing two ingredients of fish tofu and fish cake. Portion was not small like the menu listed.This set also came with a bowl of rice with their famous mince meat. Heavy on the tomato flavour and portion again was not small. The pickled cabbage was excellent.Good deals with the drinks if you can figure out the menu.…查看更多

雞肉鮮淮山黑蒜清雞湯米線 $43 ❌唔推笑死 以為俾錯第二碗我🤭我已經盡量幫佢還原幅圖🤣不過樣算啦 好味就得 但係！都係唔好食😉准山竟然係爽 我以為係粉！雞扒普通雪藏嗰d 個湯都重蒜味 但無乜雞湯味食完一次唔想再食 唔會encore !今日食lunch 見到新野又想試點知就瀨嘢😉沖擊👀 啱啱食完忍唔住即刻po可能係因為外賣 個樣先唔好啦唯一一樣嘅話就係嗰兩粒黑蒜！真係有🤭有5件甩皮雞到～4塊爽嘅淮山🥕總之就唔會再食thx～食完仲好頸渴…查看更多

今日又來到我最愛嘅譚仔啦！老規矩都係要食指定嘅麻辣中辣米線走韭菜，配上墨魚春卷，另外加配長蟹柳同埋烤豬柳（$10）今次仲試咗佢哋嘅新產品，紅油Omi新豬肉芹菜餃子，一份餃子（$19）一共有四隻，配上紅油辣辣地幾好味，反而我唔係好食到有芹菜嘅味，反而我唔係好食到有芹菜嘅味，另外又有兩杯新產品，其中一杯係熱情果青瓜特飲，我就揀咗楊枝蜜桃茶特飲，用咗OO HA白桃🍑烏龍茶汽水，唔會好甜甜度適中，加上柚子肉更加有咬口，配上辣米線，簡直係絕配。…查看更多

今日係附近上完堂 就搵下有咩野食 天氣有啲凍 原本想去隔離茶餐廳食個鐵板餐 點知冇晒牛 所以我想食啲熱辣辣嘅見到譚仔係左緊 就想靠冬天整碗辣辣地嘅米線叫咗雞絲脆肉鯇米線 泡椒湯底中辣 仲要出兩個小菜皮蛋皮蛋 隻隻都有蛋黃部分 好厚好滑好食😂🤣係咪我太耐冇食皮蛋😂細土匪 水準正常 熱辣辣 第一次食呢個湯底 叫咗中辣但係都唔算太辣 酸酸地～ 開胃🤣 脆肉鯇都唔錯 有4/5 塊 幾好食～ 唔知係咪太耐冇食譚仔 係幾好食😂 中間要咗包$3紙巾 姐姐話係捐去慈善機構 呢部分都好好～ …查看更多

實在係用咗好多時間都諗唔到晏晝食乜好，見咁耐冇食譚仔，就求其食碗譚仔算😛😛見佢哋而家新出咗好多小食，雞腳筋比較特別，但自己一個人，唔敢冒險叫嚟食，驚中伏😅😅另外有個炸醬撈米線，出面成日落雨濕濕，公司同商場冷氣又大，我驚又唔凍又唔熱嘅炸醬撈米會想嘔，所以穩陣起見，我都係叫返碗普通熱辣辣米線算。新出芫荽皮蛋魚湯米線，見到隔離枱都叫咗兩碗，但由於今日麻麻哋想食魚，同埋都幾懷念佢哋嘅辣湯，芫荽湯過幾日再試。叫咗牛肉竹笙酸辣，小米。$44喺銅鑼灣食個晏晝，價錢都算係平。碗湯唔算好多，最後比我飲晒咁滯。牛肉份量比較少，而且好硬….. 加上竹笙又冇乜味道，所以強烈建議大家至少要揀三種餸，如果唔係就好似我咁，成碗面好寡，去到最後就不停係咁食米線米線米線。譚仔有得儲印花，但比較麻煩，要用佢哋個Apps，仲要消費夠$60先至儲得🤷🏻‍♂️🤷🏻‍♂️…查看更多

雖然好多時出街都大魚大肉，但有時出街都想食清少少健康啲～聽營業師講，食譚仔其實都可以健康啲㗎喎(˶ ̇ ̵ ̇˶ )今日放工，想快快脆食餐便飯就返屋企，所以就去咗登龍街嘅譚仔食米線喇～根據營養師推薦，我揀咗清湯少米走邪惡嘅腐皮、蛋白質豐富嘅雞肉同脆肉朊，另加一碟充滿纖維嘅生菜至於病咗未好返晒嘅男朋友，就咁揀咗個牛丸米，佢唔想食粥就唯有咁食啦不過佢後尾覺得胃口比想像中好就想加餸，但發現全部都唔太啱食，啱食啲小食全部都係好油膩同辣，病緊就唔好食呢啲喇(；▽；)所以後尾佢再去time square買個包食😹整體正正常常冇咩特別，對於病人或on diet嘅人係一個相對好嘅選擇.最後特別要讚嘅係個到嘅姐姐好有禮貌，食過咁多間譚仔，呢間真係最好禮貌㗎(˶ˊᵕˋ˵)不過如果環境可以冇咁殘舊更好…查看更多

好耐冇食譚仔，今日特登同女朋友過去食。 我哋叫腩肉米線10小辣, 雞肉米線十小辣， 同埋一碟皮蛋。 首先我想講個湯底方面， 其實雞肉米線係會鮮甜啲， 至於腩肉嗰個湯底雖然都係十小辣， 但係會比較鹹味重啲， 冇咁鮮甜。 雞肉比較碎， 有少少難夾。 但係呢度嘅 姨姨嬸嬸侍應非常之有禮貌同埋好人， 服務都好周到。 最後不得不提嗰個皮蛋， 有芫茜響上面， 加埋隻皮蛋本身係流心， 一擺落口個蛋黃係即刻流動即刻溶化， 真係食極都唔會厭， 在不少少皮蛋嘅芫茜同埋辣椒油落去自己碗湯麵到嘅話， 更加會生色不少。…查看更多

最近天氣轉涼, 間唔時仲會落雨, 凍上加凍呀! 所以今日出街食飯都要揀間食熱野既地方。係我腦海入面即刻彈出既餐廳就係譚仔啦! 哈哈!!!😂😂🤣呢間譚仔係位於永光中心既地庫, lunch hour既時間都幾多人。不過好彩餐廳面積算大, 所以去到唔洗等位, 直接入去坐就OK。樓面既員工唔多, 只有3個人幫手。你以為佢地會忙到甩碌? 又唔會喎, 佢地唔會急急腳咁做野, 所有野都好似放慢左咁。但佢地仍然都幾留意店面情況, 當你叫佢地既時候, 佢地會即刻同你有眼神交流, 然後過黎。呢個速度令人覺得幾舒服。炸醬酸菜米線 (10小辣) ($41)大大碗, 熱辣辣上枱, 裡面放左好多酸菜, 正呀! 而炸醬係另上的。我平時食清湯的, 但因為冬天黎啦, 所以叫左10小辣, 令自己暖D, 同埋希望令自己慢慢食得辣D。另外呢間譚仔既酸菜好大舊好爽口, 而且夠酸! 而炸醬就甜甜地, 可以慢慢中和番D辣味。 …查看更多

過橋米線套餐 $57通常兩個人食譚仔有兩種玩法 一係一人一碗米線 二係一碗過橋加小食 是晚就玩左後者所謂過橋米線套餐係指咩餸都有...幾乎 今次數一數 原來係17/22樣餸 有興趣朋友自己找不同咁多餸就唔逐樣講 分享下自己通常叫雞肉 又多又平幾抵玩 炸醬都鍾意 細碟另上 魚蛋幾彈牙 幾好食既腐皮本身已經少少地跟米線上 而最鍾意既就係竹笙 譚仔之中既高檔餸 識食緊係知餸都係其次 湯底先係譚仔精髓 好似我都算食得下辣 要左麻辣小 順序係九級辣中既第四級 雖然覺得自己食辣能力退步左 不過真係辣得幾過癮 呢額外一蚊既湯底唔慳得順帶一提 +$10配清熱飲品 兩款之中叫左杯凍青蘋果檸蜜配龜苓水晶 冰多左啲 不過都幾好飲 又唔會甜 又有粒粒咬下 好過一罐肥仔汽水湖南土匪雞翼 (大) $34次次都叫既譚仔小食次次叫 差別只在於要大定要細 因為夜晚食 又一碗米線兩個分 所以食得落份大土匪粒粒焦既雞翼面唔少得 留意唔好一上檯就大飛禽大咬 雞翼內裡係好熱 一係擺下 一係慢慢咬開邊抖涼 佢呢份熱辣辣黎咁多次都無變過 值得一讚唔食得辣既都可以唔使叫土匪 雖然佢份辣唔係辣汁或者麻辣果陣 多少係佢既熱度放大左 雞翼大大隻 食得好滿足蒜泥白肉 (細) $26第一次叫 又幾好食白肉即是豬肉 切得超薄 有幾分韓國豚肉feel 而薄切加上辣汁同蒜蓉 味已入 幾印象深刻雖然只係細份平價 不過佢切薄左分左唔少件出黎 圍住隻碟開花咁 食飽唔會 過口癮絕對可以.重慶口水雞翼 $24好平既口水雞 份量都細細份 一過口癮話說食左一舊又一舊 我仲好奇點解咁岩全部都係翼 睇真啲原來呢份小食叫左口水雞翼口水雞本身都任辣辣地 辣汁果陣辣 不過呢碟我覺得差咁啲 唔夠入味 明明我就係食得辣之人…查看更多

譚仔係永遠都唔會令人失望既！依日lunch，發現好耐都無食過譚仔啦～好懷念譚仔既小辣因為之前成日都同男朋友泥食過橋，今日就自己叫一碗，發現份量好多！下次要叫小米先得我就叫左雞肉同埋豆卜！豆卜成日都會索哂d湯底入去！十分之好食！如果大家係味試過既都不妨可以下次依譚仔既時候叫下！…查看更多

食咗咁耐譚仔，今日決定為佢寫返篇食評。到月尾想慳錢又諗唔到食咩，梗係去食譚仔。響譚仔就算亂咁嗌晒所有小食，都唔會貴，所以我同朋友兩個人就嗌左雞翼，蒜泥白肉，皮蛋，青瓜，再加兩碗面。成個放題咁，好瘋狂！可惜嘅係，而家嘅譚仔冇豬膶供應，唔知幾時先有得再食番。不過，銅鑼灣呢間分店有個缺點，佢位置於地庫，訊號收得好差，大家要有心理準備。…查看更多