譚仔雲南米線 (利都樓)

Review: 蕃茄湯雞肉米線啲米線好有咬口，個蕃茄有啲酸酸地有帶自然既味道。雞肉好滑，個湯有加到胡椒，整體來講都開胃。土匪雞翼外脆內多汁，肉質嫩滑，個皮香香的，好味😋。食過幾次，發現佢嘅湯底質素都非常好，尤其是重慶酸辣湯底非常好食👍🏻 啱啱幾次都係下午茶時段入去食雖然姐姐放飯，但係服務都好好，我主動幫你落單同埋沖出嚟幫你收錢，欣賞嘅泡椒酸菜魚湯米線加雞肉及墨丸，個湯底超級無敵霹靂辣，酸味足夠，如果唔小心食了粒泡椒，會眼水鼻涕都湧哂出嚟。啲米線索哂啲湯汁，所以非常之辣，雞肉滑滑的，墨丸就比較彈牙實在，整體來講味道惹味。…查看更多

点了个米线等了将近半小时，再在我们后面来的人都吃上了，服务人员动不动就甩脸色装听不见，区别对待，下次再也不会来吃了，点的鸡肉米线有些油………………………………………查看更多

蕃茄湯雞肉米線啲米線好有咬口，個蕃茄有啲酸酸地有帶自然既味道。雞肉好滑，個湯有加到胡椒，整體來講都開胃。土匪雞翼外脆內多汁，肉質嫩滑，個皮香香的，好味😋。#譚仔 #蕃茄湯底 #土匪雞翼…查看更多

話說今日打電話去叫外賣下午茶，諗住叫個2餸米線+2款1人小食。我叫咗2款小食之後個啊姐就問我仲有冇，我當時唔知有3餸小食呢個option啦，我就話：「乜唔係淨係要揀2餸咩？」個啊姐即刻好唔耐煩噉樣講：「我問你2餸定3餸啊！」好似想教訓個客噉樣，搞到我都憫憫哋...其實啊姐你只要有番少少禮貌同耐性，噉大家都開心唔好咩？…查看更多

食過幾次，發現佢嘅湯底質素都非常好，尤其是重慶酸辣湯底非常好食👍🏻 啱啱幾次都係下午茶時段入去食雖然姐姐放飯，但係服務都好好，我主動幫你落單同埋沖出嚟幫你收錢，欣賞嘅…查看更多

做服務業就應該敬業樂業，打工心態缺乏熱誠，老闆遭殃入去食野好似要乞求座位，轉餐要睇樓面面色態度差勁大陸投資公司不驅禮節？ 還是不懂人事管理？管理也是一個經營學問呢！…查看更多

呢間譚仔不時都會去食, 如果趕時間嘅話去譚仔係最化算, 咁佢個價錢又ok, 又大碗, 肚餓嘅話自己一個人嗌一大碗過橋米線都ok, 有齊曬所有嘅餸唔使慢慢揀！不過呢間餐廳喺大馬路隔離, 係長期都好多人嘅, 不過如果真係等唔到嘅話隔離都有超多餐廳可以選擇.…查看更多

肚餓咁啱想食野，見大大個門口開住，咪入去食，遮遮話截單，ok即刻埋單，過左三分鐘就出菜。無睇時間，不嬲唔會問幾點閂門，食碗米線半個鐘九個字都好合理係咪？截單個下，完全無諗過，原來得10分鐘食！…9:43落單，9:55同我講收10點。喂我叫左過橋米線，最大個碗啊，碗湯仲熱到咩咁，你同我講要收鋪，但我都真係食唔切啊，跟住講完又講講完又再講收10點。你咪收工囉，我無阻住你啊。我比左錢坐低食我既米線，我仲食得好快，你收工唔駛話我知架。幾好食都無用，倒入口咁滯，最終10點都係食唔哂，浪費哂d食物，喂我黎食野唔係參加鬥快食比賽，我交番隻碗比個員工個時，碗湯仲出緊煙，檢討下啦！…查看更多

終於見到有墨魚春卷米線，真係要一試！外賣盛賣$38，好彩有6條墨魚卷甘多，啖啖肉，又夠飽肚，又好好食！對於糧尾既打工仔一族真係恩物，又抵食，又慳到錢！當然可以配返杯凍檸茶，我都好鍾意飲，夏天必飲。…查看更多

見以前只有青山道間分店有得賣嘅黑栢葉，依家全線譚仔都有得食，口痕就走左去買外賣返屋企開心share。叫咗佢新出個川風香辣黑柏葉小食😍，黑柏葉冇漂過爽口彈牙🐂，配埋川風香辣汁，又麻又辣🔥，開胃得黎又惹味。另外仲叫咗茉莉花清茶配糖圓子🍵同柚子利賓納🍇兩款新特飲解辣。茉莉花清茶超清新，仲有煙煙韌韌嘅嘅糖圓子，消暑解辣。黑加侖子味利賓納配搭柚子蜜，滋潤解渴。同場加映土匪雞翼。🐔依然好食。。譚仔。。…查看更多

前幾日同個朋友讚碗米線好食，然後佢問我係邊度，我同佢講：譚仔！然後，佢妖左我一聲。嗰種仇恨嘅態度就如正常人見到李小姐坐係個主席位就話自己係主席一樣。當然可能佢見我平時好鍾意食米線，平時讚好嘅米線店如數家珍，以為我會推介一啲小店或者係穩世新店，可惜令佢失望左，唔好意思。因為跟住落嚟我竟然係介紹譚仔嘅米線，可能你會即刻想轉台。不過，我又覺得幾特別，咪寫下介紹下，都有gimmick 。嚟緊呢個星期日係母親節，好多餐廳都推出左唔同嘅promotion ，嗰種熱鬧前所未見，撞正限聚令又解封，人人忍唔住都要出街食飯。基本上每條大街小巷，餐廳大大細細，禮拜六日都高朋滿座，有幾耐冇聽到自助餐分兩個時段都會爆到不行，相信呢個對飲食業來講係一個好消息吧。有好多唔錯嘅餐廳promotion可以講，不過先講過幾特別嘅譚仔母親節呈獻。呢個新攪作，就係蟲草花雞湯米線。見到個樣，好似真係好吸引，而且擺喺你面前呢碗個樣同個廣告都算好似，幾滿意，唔同麥當勞，常常真實情況同廣告相差甚遠，就好似嗰啲網上騙案嘅美女一樣。不過如果你想來吃辣嘅話，呢個湯就未必啱你，因為係飲雞湯嘅為主，冇得點一二三四五六七八小辣。先飲一口雞湯，感覺唔錯好鮮甜。有蟲草花、竹絲雞蛋、雲耳、杞子、雞卷，米線配上蟲草花和雲耳，加上清甜嘅雞湯好夾。不過好食嘅竟然係個竹絲雞蛋，當然你唔可以攞日本拉麵店嘅流心蛋來對比。覺得幾好食嘅仲有呢件雞卷，大大件，全部雞肉冇平常嘅咁乾身，件件都不錯。呢個期間限定，只係兩個禮拜，完咗就冇啦。說真呢碗米線驚喜度甚高，同平時譚仔米線有少少分別，聽朋友講譚仔三哥米線其實都有新攪作，果一碗就係花膠雞湯米線，同樣可以幫阿媽養顏滋陰。如果你訂唔到位，又唔知食咩好，同佢過嚟食碗米線都係一個小小驚喜嘅心意吧。凡事都係講心意，和媽媽簡單吃個飯，其實無論食乜嘢都一樣咁高興。可能你會話，食米線咁cheap，你估而家好好景咩？美國今日剛剛公布嘅首次申領失業救濟人數又話二戰後新高，慳啲錢都好。無論點，食乜好，都在此祝天下媽媽一樣快樂。譚仔雲南米線 全線分店譚仔雲南米線譚仔雲南米線仔雲南米線雲南米線…查看更多

今日lunch周圍行都唔知食咩好，最終都係去左譚仔買個外賣返公司食，係疫程嘅影響下，多左人叫外賣，所以都等咗一陣仔，不過都可以接受。酸菜豬潤麻辣米線－一打開個外賣碗放埋d米線落湯，機乎搵唔到d豬潤嘅蹤影，d豬潤切到又細、分量又少。即刻心諗就算豬貴都唔會俾咁少，再講一碗米線宜家一d都唔平。頓時扣哂分👎🏻👎🏻巴蜀爽脆生腸－呢味餸之前停左一段時間，所以今次見到都即叫。再之前水準一樣，個汁幾好味夠辣，而且個生腸唔會有一陣梳打粉味。幾好，可以一試…查看更多

呢一間餐廳係專係食粉麵，佢最值得推介嘅係酸辣湯底又唔會太辣又唔會太淡味。佢最值得推介嘅係酸菜，豆腐卜、魚腐、炸醬同魚片頭。佢最好的就是可以選擇多米線或小米線really yummy …查看更多

譚仔米線 ，由細食到大，基本上… 唔使睇過menu ，一坐低 ，阿姐行埋嚟就即刻可以落得單 。個招牌雞翼 ，更加唔洗講 ，唔嗌你就輸啦 但係自從譚仔畀人收購咗之後，我都冇再去食，今日係佢收購之後，我第一次去食。 我食開腩肉麻辣十小 ，唔知係咪因為太耐冇食…好似食唔返以前會上癮嘅感覺 你話係咪唔好食…又唔係，但係總之就係差緊啲嘢土匪雞翼當然冇得輸 另外有進步嘅，係佢哋嘅服務好咗，有禮貌咗重點係，上菜時間快咗好多基本上呢頭落單，嗰頭就上菜啦 。所以，返工放工lunch 譚仔依然都係 「平靚正快 」嘅選擇…查看更多

晏晝唔知食乜好，於是走咗去穩穩陣陣嘅譚仔雲南米線。對比起飯，猴子鍾意食麵多啲，即使都係由米製成嘅米線，猴子都覺得好食過飯。猴子叫咗個過小橋米線，個名叫「小橋」，但其實份量都唔少，睇過menu，有魚蛋、牛丸、墨丸、豬膶、牛肉、雞肉、豬肉、火腿、芽菜、韮菜、腐皮，仲有豆卜。老實講，猴子冇逐樣數下齊唔齊，不過食到好飽就係真嘅。猴子叫嘅係清湯底，有啲人話去譚仔食米線唔辣係唔好食，但猴子想食嘅係食材真正嘅味道，唔係嚟食辣椒油，所以清湯先係猴子嘅首選。講到材料，唔單止豐富，而且濃淡配搭得宜，一個價錢就可以食到多種味道，亦唔會咁易食厭。呢間喺北角嘅譚仔雲南米線，地方舒適又就腳，價錢唔貴，啲嘢食又好少會中伏，猴子唔想煩食乜嗰陣就會諗起佢。…查看更多