譚仔三哥米線 (MOSTown Street新港城中心大街(2期))

食評第二篇，當然要記錄返香港人嘅日常 comfort food —— 譚仔三哥米線。三哥同譚仔一樣，幾乎已經變成香港米線嘅代表，價錢親民，選擇多，仲可以自由配搭。🍋試新嘢🍋🍋鮮檸清湯米線 (雞肉、雲吞、鮮魚片)湯底清爽帶檸檬香氣，飲落酸酸香香，幾解膩。雞肉算嫩滑，雲吞皮薄餡足，鮮魚片新鮮滑口，整體清淡得嚟有層次，食完唔會覺得好heavy。🥒 手拍青瓜 (口水汁)麻辣微酸，青瓜爽脆，係個幾好嘅小食。🍋 凍檸檬茶茶底偏濃，檸檬片份量足，解辣一流。🍑白桃烏龍清香帶果味，茶味同桃香 balance 幾好，飲落舒服。⸻【評分】環境：⭐️⭐️⭐️ 快餐式，唔算舒適，但ok乾淨食物：⭐️⭐️⭐️⭐️ 米線水準穩定，湯底有層次服務：⭐️⭐️⭐️ 正常快餐速度，上菜算快價錢：⭐️⭐️⭐️⭐️ $100 左右食到一餐飽足，抵食⸻【總結】譚仔三哥一向係香港打工仔、學生嘅救星，價錢親民又有好多配搭選擇。今次嘅新口味鮮檸湯底，清新開胃，特別適合夏天。加埋小食青瓜同一杯凍飲，簡單滿足。…查看更多

今日下晝唔知食咩好，經過譚仔三哥見到竟然有$19就可以食到嘅下午茶，聲稱抵到震，所以就行咗入去睇吓係咪真係咁好食坐低之後發現原來佢有好多唔同小食嘅配搭，當然都可以揀食米線嘅，我就揀咗小辣，同埋食咗一個胡椒餅加咖喱魚片頭魚蛋，仲加$3叫咗個凍檸茶因為下午茶嘅時段唔係太多人，所以啲嘢食都好快嚟咗啦，米線同平時一樣都係保持水準，仲辣到我成頭汗㖭啊，個咖喱魚蛋真係好重咖喱味好有香港嘅味道，如果胡椒餅呢係有蛋㗎，放埋一齊食呢？另外諗起有啲台灣嘅味道㖭啊。個凍檸茶都好重茶味，果然係香港人嘅至愛啊我覺得呢個價錢都好抵呀，因為我係新會員嘅關係仲減咗$15 ，最後50幾蚊埋單真係抵到爛啦…查看更多

馬鞍山嘅譚仔三哥啲姐姐既服務態度係最好，尤其是係攣頭髮嗰個阿姐🙂，雖然佢最近被調派左入廚房度做☺️人手不足嘅關係，所以都係叫外賣好啲🤗😋雞肉麻辣10小雞肉係我每次都會叫嘅餸亦都係咁多年嚟再保持到水準嘅🫢一向唔太食得辣嘅，我都係會叫10小辣😀而麻辣就最啱我呢啲唔係食得太辣，但又想食辣嘅人😎雖然我係叫外賣，但係亦都保持到嗰個熱度，而且米線亦都係我最鍾意嘅米淋😜😋豬耳麻辣汁三哥嘅豬耳同譚仔好唔同🤓而三哥嘅豬耳特色係一條條但又軟骨嘅我就最鍾意因為夠爽口😎 舔舔脷指數👉🏻8😋/10😋滿分 值得一試😋…查看更多

想問一間食店可以因為人手短缺而沒有樓面 ，而譚仔個app 癈㗎，scan 不到QRCode 下單，這樣服務真的好差勁，不過如你改全部online , 全部客外賣自取啦不要因為人手不足而多多借口，香港飲食菜因為伱哋才會這樣😡😡😡😡…查看更多

好開心喎，啲人完全唔使等位，而且小人好快可以有嘢食上枱！譚仔飲汽水最好自己買定，因為呢度加$10不太抵嗌咗兩碗過橋米線阿哥介紹之下決定試吓胡辣湯底都幾特別有啲藥材味 五小辣啱啱好食得得好過癮！材料好豐富！豬潤就不嬲矜貴有三片左右嘅啫米線份量都足夠！全部材料都不過不失非常穩定，唔會有啲咩變化因為都唔係有啲咩特別其實🤣🤣🤣有牛肉豬肉雞肉食落好實在！雞翼就比薩莉亞大隻新鮮，不過阿媽就鍾意薩莉亞嗰種甜甜辣辣嘅雞翼嘅味道…查看更多

今次來到三哥米線，心思思想試佢嘅招牌三哥酸辣雞肉米線。湯頭一開真係香氣撲鼻，睇見湯底紅艷艷滿佈辣椒碎，添埋啲綠色蔥花，賣相已經好吸引！第一啖湯飲落，真係酸辣得嚟又唔會太過火，正到飛起，夠晒kick！雞肉部分嫩滑入味，每啖都食得出真材實料。配上啱啱辣度嘅米線，真係一流享受。再講講佢地嘅水煮鴨血米線，仲要等咗成半粒鐘！但絕對值得，米線軟硬啱啱好，鴨血滑溜又唔會腥，豆卜吸滿湯汁，每塊都芳香四溢。點咗五小辣，對我嚟講剛剛好，但唔食辣嘅就要小心啦，刺激度可能會令你手忙腳亂！手拍青瓜做小食，麻辣味道足，稍嫌辣油有少少多，不過爽口又開胃，一啖接一啖，停唔到口！嗰個香氣同口感，就算行到天涯海角都忘唔到。食完呢餐，真係心滿意足！ 🌶️😋🍜…查看更多

見到呢度有新Menu不過冇食，因為今日一心諗住食過橋轉菜底，都知而家細份咗好多！今次個蕃茄湯都係好甜，唔係好感覺到辣睇落好似好豐滿，其實底下都係冇乜嘢 食咗幾次譚仔就發覺其實唔好嗌過橋嗰啲餸嘅份量實質好多！好似今次嗌咗豬膶墨丸，豬膶就非常靚仔大大件，平時過橋嗰啲碎濕濕唔靚嘅不過今次墨丸差咗好多，冇晒味嘅！今日唔使排隊直入，唔知點解成個馬鞍山嘅食肆好似都唔會話好多人可能去咗郊遊不過呢度侍應都仍然係好少量 舉手舉勁耐先有人嚟…查看更多

📍譚仔三哥米線今日遲左食早餐，搞到午餐唔三唔四，所以就走咗去食譚仔三哥下午茶比較適合。😊👍雖然三哥譚仔嘅地址冇咁方便，但係我認為都值得行過嚟嘅。因為我自己比較鍾意三哥多過譚仔。湯底係比譚仔更加好味。💪💪💪我今次叫咗雞肉小辣米線，仲有兩份雞翼同埋一杯檸檬茶。其實味道都係一如既往，雞肉唔會話太鞋，米線嘅軟硬度啱啱好，外賣雞翼同埋嘢飲好飽啦。🍴🍴🍴✅✅你雞翼會有少少燶咗呢啲，希望下次可以冇咁燶啦如果你係比較細食嘅話，就唔需要嗌兩份小食。…查看更多

我要走九菜 跟著拎佐出黎有九菜都算 個員工拎番入去 我諗住自己夾出嚟 結果佢拎番出嚟入面都係有九菜 最後都係自己夾出黎 廚房入面真係唔知搞乜但其他野都正常 有個年輕人態度都唔錯 不過另外一個就麻麻地…查看更多

好耐冇食譚仔（三哥）因為三哥好味好多一般我哋講譚仔都係去三哥食我都係鍾意食過橋米線！今次食好少少一個人食過橋米線，加$3轉返茄湯10小辣，菜底都係加$3 ！揀咗韭菜，因為喺出面少啲機會有得食最後佢比嘅份量都OK唔錯， 韭菜又唔會太老今次個蕃茄湯同以往個印象好味好多！龍好多亦都見到好多蕃茄係面不過以前好似加兩蚊而家要加$3我哋自己再加$13要魚片，好似好多片，但係食完回想返其實佢好好技巧，每一片都切得好薄！譚仔都係同以往一樣價錢比較唔會俾返嗰個份量，雖然佢已經係大家所講算係平少少嘅選擇不過我就特別覺得佢唔應該揀送㗎送我哋價錢，佢仲要減本身嗰樣餸嘅份量可能我太計較啦🤣過橋米線每種材料嘅味道都同平時差唔多，每次嘅份量都係豬潤得好少，豬肉片同牛肉都多，雞肉都OK，不過每種丸試得一粒都係加$22要咗個麻辣豬肚同埋$18有一個白灼生菜，生菜一上枱覺得好大份好足料成個球不過一夾落去佢凹咗🤣🤣🤣好犀利點樣整到空心不過好味嘅麻辣豬肚細細份，但係好鍾意佢嘅調味嫲嫲地又唔會話太過辣朋友就試咗新出嘅胡椒豬扒炸兩米線個湯底幾特別，有啲藥材味又有啲黑椒味，又有少少三個嘅辣味我試完一啖之後到時多幾啖不過朋友就鍾意平時嘅酸辣味多啲通常本身食好嘅米線包埋嘅餸其實都好少，朋友另外加竹笙再加豬潤啲先有多少少幾難得🤣不過呢度環境好舒服，味道又唔錯所以食咗$100一位都OK啦…查看更多

食過橋米線，酸辣湯底但係唔係好辣，一邊加價係正常因為好多食肆都係咁，但係平時好少少質素嘅三個，而家質素都開始下降過橋米線嘅份量同埋材料味道都好似冇以前咁好，豬養好似得三條非常之薄同埋細嘅圖中所見應該差唔多係全部豬膶，牛肉就有三至四片，好味嘅，而且份量就慷慨少少冇咁薄！譚仔嘅牛丸好好味，我記得墨魚丸同魚蛋平時都OK，但係今次魚蛋有浸怪怪地嘅腥味墨魚丸就好似你咁乜品味加菜份量正常但係佢米線嘅份量其實好似唔會多過普通米線，甚至咁少疫情之下唔使等位，不過侍應都永遠好似好忙咁…查看更多

諗唔到食咩就會去三哥雲南米線，特別係有胃口個陣。咁三哥同譚仔邊間好d，我個人就覺三哥，湯底濃口d，份量又多。今日專登去試佢新出既肥牛菇沙沙湯以及芒果特飲。 碗麵一上到黎，即刻聞到勁強麻醬香味，即刻食慾大增，迫不及待試下啖湯，入口香濃而微辣，大熱天飲辣湯別有一番風味。肥牛數量不多，但牛油脂香口，菇就相對一般，當菜食。 呢碗麵我純對會encore，好食！芒果特飲一般，不建議飲。…查看更多

見到譚仔三哥🥳最近一口氣推出咗新款米線丶新小食丶新飲品同新食材！即刻去嘆吓先！🔶三哥水煮湯老油條鴨血米線 湯底香濃辛辣，金黃老油條香脆可口，浸湯後盡吸濃湯精華👍🏼鴨血入口即化又嫩滑～台式風味！正！🔶蒜香雞翼尖及蒜辣雞翼尖 涼拌雞翼尖一向我都好鍾意🥳今次三哥仲推出咗2款口味添，仲配以秘製醬汁同埋雙重香蒜👉🏻蒜泥及炸蒜，而蒜香雞翼尖仲有埋香濃芝麻油，而蒜辣雞翼尖 就加咗三哥秘製紅油，2款都好香口，食到停唔到！ 🔶鴛鴦哈蜜瓜爆珠梳打香甜清爽嘅特飲！帶有檸檬香茅香嘅哈蜜瓜汁，再配上哈密瓜味爆珠，味道豐富又解渴 !🔶香醋芝士鮮原茄 依款涼拌小食好清新開胃！以原個去皮番茄再配上秘製紅油丶香醋醬汁丶芝士粉，酸酸甜甜又多汁，配搭好新鮮。…查看更多

三哥水煮湯老油條鴨血米線 :鴨血入口順口滑嘟嘟，上面有啲細孔吸晒水煮湯辣辣精華🤤 老油條估你唔到幾香脆，蘸浸水煮湯濕潤少少嚟食仲正香醋芝士鮮原茄：鮮原茄同芝士同香醋原來係fd 子，入口芝味酸甜辣辣地幾清新。…查看更多

本身諗住食牛雜，但係又驚街市餐廳嘅環境污糟，疫情關係都係改咗食其他！喺馬鞍山呢頭都冇乜特別嘢好食，記得三哥譚仔坐得幾舒服，幾好味，所以就一心諗住嚟食過橋米線🍜嚟到門口已經見到大概10個人等緊，有啲可能外賣有啲就糖食，但係估唔到我哋最後竟然要等40分鐘！不過望入去，見到其實啲枱同埋座位到唔多，因為本身已經安排枱與枱之間好寬闊嘅三哥譚仔，喺疫情之下更加寬躺！兩人座位嘅話，佢而家只會安排一台人坐兩位客，如果搭枱嘅話，只係會有一位搭一位我反而寧願等多一陣但係咁樣會舒服啲，又安全衛生啲！諗咗一陣要麻辣定係算啦，都係食佢嘅麻辣！原來呢度冇九小辣，10小之後就要係五少辣或者中辣平時食開10小辣就OK， 但係今次想挑戰下過癮下，因為超級耐冇出街食所以就叫咗5小辣最後食到調味充滿感覺，麻又辣好過癮而且其實佢都幾足料！只係覺得最好味嘅豬膶得三小片太少！因為佢一片都真係非常之細粒整體而言，環境滿分！服務就因為人手好少，所以就會效率超級抵… 呢個係其中一個原因令到等枱要耐啲。如果你係唔趕時間有限嘅話就OK嘅～…查看更多