譚仔三哥米線 (太興廣場)

營業中

休息中

今日前往尖沙咀太興廣場分店用餐，完全唔洗等位加上兩個人可以坐卡位以為好爽點知完來勁伏，我點選素酸辣湯底米線，發現湯底味道極其淡薄，幾近如水，完全不符合標榜的「酸辣」風味。本人遂向當值員工禮貌提出請求，希望提供少量鹽或豉油調味，卻遭一名佩戴「見習員工」名牌的男性職員無禮回應：「公司無提供鹽同豉油，有意見就send電郵去公司我們CS到。」我都係第一次聽，作用一間食店可以不提供任何的鹽同豉油，加上員工的服務態度極差，怪不得中午1點的繁忙時間可以靜到咁，惜日出名三哥友好的服務已經不再，湯底淡如水，不好講「酸辣」其實係水煮米線，如果大家下次想食水煮米線，這確實是一個選擇。

好耐冇嚟過呢一間三哥，閒日臨近午餐時段嚟講唔算好爆場(可能咁啱我今日好彩😂)，一嚟就入得，啱曬我攝個快Lunch。減脂期間嗌個清湯，加埋雞肉同魚清清地又一餐，味道嚟講其實三哥嚟嚟去去都係咁，啲餸正正常常。不過要讚一讚上菜速度都算幾快，一落完單三、四分鐘就上到個米線，仲要午市時段，真係算好快手✅不過個凍奶茶偏淡口，唔知點解茶味好淡，飲落去第一啖已經覺得有少少「水水地」咁嘅感覺😵比其他分店嚟講算麻麻，可能午市趕住出單比例較得唔太好掛？🤫

第一次幫襯呢間 雖然食物保持水準 但服務態度超差 真係食咁耐三哥未見過咁差有位唔call no.要大堆人門外呆等 西面係基本 晦氣係風格 無言！然後到咗21:15開始熄燈趕人走 簡單極品分店

黎到尖沙咀又凍凍地又唔想食太貴, 就要搵下野食, 醒起譚仔有得打邊爐就再search下見到呢間有就黎左試下啦70幾蚊有呢個質素同份量都叫做OK 可以接受既蕃茄湯底有雞肉有丸可以揀, 再加埋豬紅, 米線可以食, 份量算可以接受既, 食完都唔係肚餓而且都可以再另外比錢加既, 另外有金菇冬菇豆卜.再有杯野飲整體味道同食開既米線一樣, 不過不失啦,只係換左打邊爐模式, 當係另一種食法自己就覺得OK啦, 呢個價錢既打邊爐又同朋友食得耐D吹下水快餐店另外既一個比較平既打邊爐選擇

下午茶時段，2:30開始嚟到譚仔食下午茶佢有好多個餐，我就揀咗雙餸米線加兩個小食米線叫咗腩肉豬皮，小食就叫咗雞翼同埋豬耳，另外叫咗杯凍飲凍咖啡加埋都係$42 ，呢個價錢喺尖沙咀算係超值之選啦

他們的招牌菜 - 麻辣薯粉配燕餸絕對是必點之選。這道菜將薯粉與新鮮蔬菜和肉類完美結合,口感Q彈,辣度適中,非常開胃。另外他們的無骨鳳爪。鳳爪肉質鮮嫩,經過特殊調製,既不乾柴也不油膩,恰好的辣度令人一口接一口停不下來。最後不能錯過他們的經典麻辣皮蛋。皮蛋入口即化,滑嫩可口,與麻辣醬汁完美融合,令人回味無窮。今次外賣份量來說都足夠，我和太太都十分喜愛，對於喜歡川菜的朋友來說,三哥絕對是不容錯過的美食推薦。

唸不到食什麼的時間就會唸起譚仔三哥、因為以這個價錢及質素來說算係物超所值😂、不過要拎外賣自取、就一定要等半個鐘😅、所以係度食會快d😂位與位之間都闊落😁叫了煳辣10小、墨魚丸：彈牙有墨魚粒，酸菜：不會太酸、酸酸甜甜、配米線一流，炸醬：醬料出色、加上粒粒肉碎增加當中口感、每次都會叫😋麻辣三小、係正式的叫法、因為可以食到當中的麻、又不會流鼻水、對我來說🤭、雞肉鮮嫩、加上乍醬的醬香、一啖米一啖肉醬是最佳配搭

作為三粉，知道三哥又出咗新品，一於去開餐！.🔸 (HK$49)今次期間限定嘅米線，湯底辣度預設為10小辣，微辣而酸溜溜，味道濃郁，食食下愈來愈辣🥵。如果食得辣嘅朋友，就可以再加辣到特辣加辣🌶️。呢款米線嘅主題係「鴨」，主要食材有：煙燻鴨胸、鴨腎花，前者肉質粉嫩，充滿煙燻香氣，後者則爽脆，帶微微嚼勁，真係好Duck Duck👍🏻！米線嘅配菜亦同平時有啲唔同，包括：酸豆角、粗酸菜、指天椒、蜂巢豆腐、大豆芽、芫茜、韭菜，令米線食落更滋味😋！.🔸 (HK$16)今次期間限定嘅小食，辣度同樣預設為10小辣。睇落就好似黑色嘅紅腸，腸衣烤烘至香脆，食落香口而彈牙，伴隨含有芫荽碎同孜然嘅醬汁，十分惹味🤤！.🔸 (+HK$12，單點HK$16)今次期間限定嘅特飲，甜度同冰量都係固定。豆乳上面有層厚厚嘅黑芝麻奶蓋，飲落豆乳順滑，豆味濃郁，黑芝麻味香醇，拌勻後又係另一滋味😍！如果食酸菜湯米線覺得辣嘅話，飲一啖即刻解解辣！而且乳糖不耐症人士都適合飲用，十分健康💚！.💡妹豬仔話你知💁🏻‍♀️～「煙燻鴨胸」同「鴨腎花」都已經列作米線食材喇～如果唔愛好酸菜湯底嘅話，食其他湯底米線都可以加配呢兩款食材 (+HK9/款）。

譚仔周街都有，呢間分店相對少人d，場地也比較闊落。周不時都會同同事行過去食，出了新嘢大家都會想試下新嘢，番茄🍅湯底牛肉都ok，價錢51，相對於來講好便，上餸都好快

第一次食三哥下午茶，試下佢個土匪式芝士乍醬多士先！配熱飲只係$30！都幾抵食！外皮酥脆，啖啖乍醬，配埋芝士🧀️都幾夾！啲餡超多，每咬一啖都會咇啲餡出黎，超足料，抵食！唯一唔好既係揮極手都冇人肯落單，等左成10幾分鐘先有人理

路過入咗去食 一個人叫咗份細香草雞翼 蒜泥白肉 1餸麻辣米線 香草雞翼新鮮整出嚟香草味好出 蒜泥白肉都幾大份 蒜泥好多 冇乜辣味 麻辣米線唔錯 都幾辣辣得過癮😂一邊食一邊飲凍檸水解辣

見到譚仔三哥出午市套餐，指定米線及食材連埋冷/熱飲品$51，諗住都幾抵。蕃茄湯底跟餐食材指定牛肉同魚腐，個人覺得蕃茄湯都偏鹹😂😂，而且牛肉煮得太耐，咬左好耐，同事食完碗麵我都仲咬緊，建議下次揀其他湯底的套餐

譚仔三哥米線是香港著名的小食品牌，以其簡單卻美味的米線和湯底聞名。我最近去了一次他們的分店。首先，我點了他們的經典招牌菜——麻辣米線。我很喜歡米線的口感，它非常柔軟，咀嚼時有種細膩的感覺。湯底選擇了十小辣，配上煮熟的米線非常開胃。除了米線和湯底，還有一些配料，增添了一些口感和風味。總的來說，這碗米線是一種經典的香港小吃。最後，我點了一份蒜泥白肉小食。非常開胃，裡面有豬肉和辣汁蒜泥，味道非常好。份量都很大，足夠分享，而且價格非常實惠。總的來說，我非常喜歡譚仔三哥米線的食物。他們的米線和湯底都非常好吃，而且配料豐富。如果你喜歡香港小吃，或者只是想嚐嚐一些美味的米線，我強烈推薦你去試試譚仔三哥米線。

好想食米線就食譚仔三哥！平時只係食番茄+辣度湯底認為譚仔三哥的湯底比較香濃酸甜而譚仔的湯底是比較香辣，蕃茄味不足今日你都見到星期三做優惠素過橋米線一於試試，比平時平$5 湯底是素菇湯，有香辣版選擇個人覺得種類甚多入面有鮮淮山，芽菜，不同菇類，10分健康！呢個菜式的確好適合一些素食者而且素菇湯底的香辣可揀辣度總括嚟講係一個有下次嘅米線有時想食清清地唔想食咁多肉就可以揀呢條個清得來又可以食到譚仔三哥米線滿足到食米線嘅慾望

譚仔可以講係 知名度高 很受香港人喜愛既米線品牌味道唔錯 價錢又抵湯底都多選擇 配料都新鮮收工之後黎食一碗熱辣辣米線 就算一個人又如何 一樣可以自由自在專注食嘢 放空自己都係一種享受