譚仔三哥米線 (天耀廣埸)

營業中

休息中

其實相信大家都已經好熟悉我地香港人ge平民美食-無錯就係譚仔！無論係清湯，麻辣定係酸辣相信大家香港人都熟悉不已。今日趁天氣咁凍，就同女朋友去左佢屋企附近ge三哥黎餐暖立立又好味ge晚餐。一去到例牌我就一定係嗌雞肉炸醬三酸湯底，貪佢又多肉又惹味。至於我女友就叫左豬潤冬菇三酸，又由於我地都大肚餓ge緣故我地再另外加左份皮蛋同細土匪雞翼添，最後一定係食辣野唔少得同佢配搭ge凍檸茶(走冰少甜)啦！碗米線一黎到已經俾佢ge香味深深刺激到，想急不及待試下佢。咁三哥ge三酸湯底一直深得我喜愛，原因係貪佢惹味得黎又唔會太辣(當然你加辣另計la)。一開始梗係要飲啖湯底先la,果然我一飲 - 好正，夠重口味 (不過當然唔好飲太多la唔係腎虧都似)。佢ge米線粗幼適中，軟硬度都恰好，而佢ge雞肉亦唔會煮得太熟太鞋，亦唔會話淨係得冰鮮味，索埋d湯汁都咪話唔正。而另外一主角 - 炸醬，亦都係我每次必點，甜甜地又夠香口，配埋雞肉同米線一齊食簡直一流。至於女友個碗，豬潤鮮甜香滑，冬菇大粒得黎且鮮甜多汁，實在值得稱讚。至於另外兩個配菜 - 先講皮蛋，麻香綿滑，送米線又係一流，土匪雞翼熱辣惹味，亦係不可不試。總括黎講，

兩個人,一踏入門口,有張四人檯,侍應叫我地過去坐。坐唔夠一分鐘,有另一名職員趕我地走,去第二張已經坐滿四個人既四人卡位,話有四個人入緊泥。我地拒絕左三四次,佢地都唔堅持要我地去另一張檯。人地四個人,無位未要等lor,洗唔洗迫人地去一張已經坐滿既檯?呢間甘岩新開,想試一試,結果,我地即時走人,以後唔再去呢間職員態度當食客係動物既餐廳!

今日下晝三點嚟食，我們叫咗兩碗米線，一個係酸辣米線叫左兩個餸有牛肉雞肉，另外一個係麻辣小辣叫左兩個餸有竹生牛丸米線。這裏每樣餸要加五蚊，酸辣要加錢，麻辣要加錢，酸菜要加錢，各樣食物都要加錢，最便宜都要30元， 所以我覺得唔好。 我碗麵個酸辣牛肉雞肉米線， 我覺得個雞肉一般好食，好鞋，個牛肉好靭，食物個份量都算ok，唔會話好少，個米線好煙靭，個湯有味，但不是好好飲，得酸辣味，酸味重，個湯無特別，另外一個是麻辣米線，個竹生就冇乜特別，因為唔係太有味道，個牛丸就覺得一般，因為不是太彈牙及太爽，個牛丸味精好重， 個麻辣 少少辣 ，我覺得整體是一般好食

最近天耀商場新開了一間譚仔三哥米線，一向喜愛食米線的我當然要光顧。平時配料我都喜歡點乍醬，今次我想試試其他配料，所以就選了豆卜魚腐酸辣米線。點了２樣配料都已經鋪滿了整碗米線。豆卜吸滿了湯汁，一咬下去，湯汁在口內爆發，十分滿足。魚腐很重魚的鮮味，很可口。選了最愛的酸辣湯，有點酸又有點辣，但又不會太嗆喉，很惹味！！這間店吸引力真大，很多時都有不少人在店外等候。

從下白泥踏單車回到天水圍後，我與友人便到我們最愛的米線店 —— 譚仔三哥米線「醫肚」。晚上八時半，店外仍有長長的人龍，看來譚仔三哥米線的魔力，是頗大的！我點了生菜冬菇乍醬米線，友人則點了豆卜雞肉豬肉米線，我們額外點了土匪雞翼（小）。譚仔三哥令我們鐘情的原因是它的湯底非常惹味，配以鮮味濃郁的特調乍醬，簡直絕配！土匪雞翼香味十足，惹味可口，絕對是推薦之選！

昨晚與男朋友到這分店用餐，下單的時候服務員沒有專心聆聽，令我一共說了3次下單內容，用餐完時，男朋友在喝完的凍檸茶內發現有異物，其後我叫了服務員來（下單那位）看，她說換一杯給我，我說不用了已經用完餐了，我說了一句「點解會咁嫁...」她說了一句「我點知點解入面有呢個！」，之後仲啤住我太過分了！！！！！雖然話唔係咩高級食店，但作為服務員，沒有抱歉，沒有應有的態度，好似我仲得罪你咁嘅樣真係令人無語囉！！！