證券商協會會所

營業中

休息中

已來過這店用餐幾次，酒樓格局feel，但座位較寬闊，人也不是太多。伙計大多上了年紀，有點懷舊feel。一行四人點了數款小菜：菜乾豬肺湯：湯底夠甜夠入味，能保持一貫水準。家鄉煎蛋包：蛋包內有蝦、豬肉、雜菌粒等等，可說是小型奄烈，味道有保證。唯一不足之處是用油略多。污糟雞：用紅棗、炸菜、紀子等蒸雞件。雞件本身都OK，配菜空口食鹹咗少少，配飯食都OK。雲腿菜膽：菜膽味微甘，整體OK。清蒸星斑：有鮮味，可惜蒸得唔夠滑，要扣少少分。蛋白燉奶：比以前差多了。燉奶本身唔夠滑，亦唔夠香，可以不試。

一行六人午餐, 點了 豬肚湯, 炸子雞, 鮮魷蒸肉餅, 荔苧帶子盒(需預訂) , 瑤柱扒豆苗, 鯪魚球煲, 腰果大蝦球.湯幾清甜, 炸子雞皮夠脆, 雞肉嫰. 蒸肉餅一般. 帶子盒酥皮好鬆化, 味道香口不油膩. 鯪魚球煲清淡了點. 蝦球大隻, 好爽.送了甜品 : 南瓜西米露午飯時間坐滿人, 所以一定要訂位. 如果想食一些特別的菜式, 都要預訂啊

這次來了久違的證券經紀會, 重溫童年回憶.平日只有小菜沒有點心, 只有週末才有點心. 在主意極多的伙計推薦下, 我們五個人叫了五菜一湯一甜品, 吃得捧著肚子.先來蕃茄薯仔瘦肉湯. 水準中上, 夠鹹又清甜, 薯仔味重. 肉不多. 雖是小窩, 卻夠每人兩碗.上湯浸莧菜, 雖用大量蒜頭, 菜仍不免有生水味.這裡非上海館子, 但賽螃蟹有其特色, 除蝦肉外也有看似是帶子(?)的肉, 加上有一種果仁, 西蘭花等, 沒有蛋黃.咕嚕肉較小件, 配以菠蘿燈籠椒等, 肉較乾瘦, 我認為不太酸, 這是好的.炸子雞半只. 皮香脆, 有些脂肪, 肉不算多, 且較乾身, 水準一般吧.麻婆豆腐分量多, 宜佐飯, 一點不算辣燉奶是女孩子最愛. 一人一大盅, 有淡淡的薑汁的香甜味, 沒有辣味. 質地算滑, 本身不很甜.附註: 非會員也可訂位, 不收卡, 不收加一.

呢度裝修一貫中式酒樓格局，以中環區的樓上會所菜來說，食物水準都算唔錯。都來過幾次，以前市旺時午市是一位難求，但不知原因曾結業，SARS後再開業已經風光不再。可能又因為生意淡薄，據知雖是會所但訂位都不行會員制。今日一行四人來飯局，一時多到來人是不多，都未坐滿一半。午市除了各式小菜亦有幾款點心供應，點心平就十蚊貴就十五，但以前食過水準一般，所以都係叫小菜好了。叫了今天的例湯~廋肉煲山地、半隻炸子雞、浸莧菜、咕嚕肉同涼瓜白飯魚煎蛋，甜品要了雙皮奶。山地湯色水黑色像墨汁一樣，很是嚇人，不過老火山地湯就係咁樣色，飲落夠味道，沒有味精，這個餐前老火湯仍有水準；四個小菜份量不少，四個人食都夠食。炸子雞完全炸熟，口感是差了，但沒有辦法，呢排食雞就係咁樣，但都好肉，味道亦好；涼瓜白飯魚煎蛋亦唔錯，煎得香口乾身，多涼瓜白飯魚亦大大條，是時令菜色；咕嚕肉都不俗，今日的豬肉是肥廋各半，甘美非常，不過怕吃肥肉的朋友會視之為毒藥；甜品的雙皮奶就比以前差了，吃落同蛋白燉奶一樣味，徒負「雙皮」之名。埋單四百幾，中等價錢，地方算好坐，亦可能因為人客不多，招呼都好殷勤。要注意呢度只收現金，不收信用咭。