誠記

營業中

休息中

特登上網搵好食既沙嗲牛肉麵，就搵咗呢一間，港島區同冇乜嘢選擇。好耐未嚟過熟食中心，suprise 啲位都幾闊落,， 冷氣又涼又唔迫人。講返野食，沙嗲味夠，有少少花生香，牛肉又淋，我仲忍唔住飲左好多湯，凍奶茶夠凍茶味又夠，十分好飲。啲姐姐都好有禮貌。雞翼個皮雖然硬左少少，但新鮮炸脆卜卜都唔錯。三樣野$49算係抵食，食完覺得好滿足。應該會再encore，very good. 我見人地叫牛治，同沙嗲牛肉飯，下次可以試下。

特別推薦大家✅沙嗲蛋牛麵✅墨魚頭豬扒米+沙嗲《沙嗲蛋牛麵》鍾意濃濃沙嗲味人士必叫🟤❗️沙嗲湯底夠濃，但係唔係好漏嗰隻，唔會話過咸，同埋一定要配麵🍜😍😍勁索沙嗲味，好正🤭沙嗲牛好淋🐮，完全冇根，蛋都吸晒沙嗲個味🥚，好好食個麵嚟到要快d食，熱辣辣🔥，擺太耐d麵就會過淋架啦💰$32《墨魚頭豬扒米+沙嗲》鍾意淡沙嗲味人士可以叫依個😌因為依個麵本身係冇跟沙嗲湯底，你可以加沙嗲，不過沙嗲湯底就會稀d🤫佢其他餸都唔錯，墨魚頭爽口🐙，唔會覺得un，豬扒個肉質都唔錯🐽，唔會覺得木，米粉都幾爽，不過我就鍾意沙嗲味濃d(上面嗰個)多d😂💰$35*本身冇沙嗲汁嘅粉麵，都可以加沙嗲架😍**如果叫淨沙嗲牛肉麵就💰$27😋***奶茶味道都幾好，不過就冇乜特別🧋

近日對cafe有啲審美疲勞+厭倦，所以決定食翻啲不傷荷包嘅comfort food，佢第二次出現啦！！！一直以嚟都覺得街市樓上嘅熟食中心臥虎藏龍，呢間小店正正就喺士美菲路街市嘅樓上。；沙嗲雞絲菜麵 ($4x)呢度order非常freestyle，叫幾多個餸都得、咩麵都得，悉隨尊便。（朋友試過叫六樣餸，個碗成個面盤咁大🤣）沙嗲雞絲菜就必叫嘅，我通常餓就叫埋炒蛋，今次唔餓就無叫。啱啱坐低已經聞到好香沙嗲味，沙嗲湯超濃，有陣花生醬味，配埋掛湯嘅大光麵、入味嘅雞絲同埋索曬個湯嘅菜心。幾時都話簡單嘅嘢就越難整得好食，所以有誠記就係good day(◐‿◑)。• 星期一唔開！• 另一招牌係豬頸肉• 唔食沙嗲嘅家母食過蕃茄湯表示一般• 呢度啲伙記落單唔用紙，用超強大腦記得曬所有你叫嘅嘢😉• 無套餐，所有嘢都係散叫

大部分沙嗲牛肉麵都是味精湯加沙嗲汁，而誠記的沙牛麵是整個湯底都係沙嗲！湯底濃到好似打邊爐一樣！超惹味！佢既沙嗲微辣得黎有層次，食到少少花生碎同好細粒既調味料！絕對係我食過最好食既沙嗲湯底！但牛肉係大扣分位，牛肉醃製梳打粉醃得有點過火，太淋亦嫌欠了牛肉味，有點又老又柴的感覺👎🏻👎🏻比起招牌沙嗲牛麵，個人更愛誠記的西多士💛 西多即叫即整，麵包炸完之後仲好鬆軟！一咬落去勁爆漿，加埋煉奶同牛油好正！而且不算油膩！最重要是只售$16‼️😳 真係又平又正👏🏻（同一質素的泗益索價 $30...）

自從有沙嗲牛肉麵關注組之後，久唔久都望下啲會員有咩推介。多數都係推新界九龍區嘅餐廳，而港島區就只有呢一間誠記。星期六下午嚟到都等咗幾分鐘先有位。睇餐牌淨係粉麵都好多選擇，而我地一心諗住嚟食沙嗲牛肉麵，所以就叫咗兩碗沙嗲牛肉麵，兩塊炸豬扒 同埋兩杯凍檸茶。呢度個沙嗲牛肉麵只係$27 ，真係好平！不過飲品就另外散叫。沙嗲牛肉麵係成碗湯都係沙嗲湯，令我諗起我好鍾意食嘅永順食店。沙嗲湯好香濃帶微辣而且唔會太咸，但唔係好大陣花生味。牛肉有牛味唔會一陣蘇打粉醃過嘅味而且食落唔鞋，份量方面畀得好慷慨，約有8-9塊，估唔到呢個價錢都有咁多牛肉。炸豬扒 (兩塊$22)炸豬扒係無炸粉嘅類型，所以係脆嘅，但肉質軟腍又唔會好油膩。本來想食埋西多士做甜品，不過食完碗麵同炸豬扒都飽咗，唯有下次再嚟食啦。

👧🏻Wodafoodie in Sai Wan西環出名多好野食，今次係西環就揀左平民食堂，士美菲路街市！以前讀書鍾意過黎食早餐，但就未試過誠記，但近排太多人介紹就過黎試下佢！🍲招牌沙爹湯底 配通粉 豬扒🐷沙爹湯底非常濃郁😍😍有蒜香味而且鹹度適中，由色澤都睇得出唔係溝水再溝水果隻！因為本人鍾意食通粉，濃香既湯底同通粉簡直係絕配🤤！煎香既豬扒夠軟熟，唔柴都唔會一pag 鬆肉粉拿過既味，調味亦都足夠，單食同配湯都ok。（溫馨提示：同行朋友叫既係沙嗲牛肉公仔面，感覺公仔面湯底稍有不同，好似稀少少，加埋沙嗲牛肉既汁撈落湯到令成個味再蒜香多左，兩款都好味😋！）✨🥪西多士西多基本上無得輸，新鮮炸出黎香脆軟棉，加埋煉奶係無輸既餘地🤩🤩🤩。總括：大件夾抵食！想食早啲黎！😉

#lunch秘制叉燒+煎蛋+米粉🍳叉燒同蛋都好好食٩(˃̶͈̀௰˂̶͈́)و誠記湯粉面(米粉)🍅超級超級大碗！應該要兩個我先食得晒！大概係上面碗叉燒米粉嘅1.5倍･'(*ﾟ▽ﾟ*)'雞絲同墨魚頭好好食！個味道好特別，但又諗唔到究竟係咩味，可能隻味比較少食到。其他配料蝦仁蟹柳火腿絲個啲就好一般，可以唔食。番茄差唔多有落成粒，酸酸地好開胃ʕ •ᴥ•ʔ但係真係太大碗啦，如果唔特別肚餓/想要番茄底可以直接只叫雞絲+墨魚頭米線～阿華田☕️有冇阿華田fans!? early lunch飲杯好飲有花奶嘅阿華田真係好舒服٩(˃̶͈̀௰˂̶͈́)و 見到啲雲石紋就知好夠奶，加半羹糖已經好好飲好甜(⁎⁍̴̛ᴗ⁍̴̛⁎)同朋友食完先講起，原來呢間嘅沙爹牛肉麵好出名，下次要試下！

位於堅尼地城熟食中心嘅誠記，以前同媽媽買完餸就會上嚟食個下午茶。今日專登嚟到誠記，尋找返童年回憶。基本上所有嘅餸都可以mix and match, 好似車仔麵檔咁。=========================沙嗲牛肉菜米 $31呢度沙嗲牛麵同出面唔同，沙嗲湯底，而唔係牛肉上面加沙嗲醬；湯底有沙嗲香不過唔係超濃郁嗰種；牛肉同菜心嘅份量大方，牛肉腍身容易咬得開凍奶茶 $14入口好滑，唔澀唔鞋口，茶味濃郁=========================誠記📍西環堅尼地城士美非路12K號士美非路市政大廈2樓熟食中心

新界牛出港島區，一於試下香港區沙嗲牛代表-誠記沙嗲牛米+咖吔多+鹹檸七追加: 西多士沙嗲牛米(HK$27)港式沙嗲牛，豉味重，無乜花生醬味，好處係無甘油，但亦無甘香咖吔多(HK$7)佢係一片厚多士，岩哂過下口癮，外脆內軟，抵食👍🏿鹹檸七(HK$15)鹹檸夠咸配樽仔7 up👍🏿追加 西多士(HK$16)跟碟已經落佐好多煉奶，重蛋味👍🏿👍🏿😋

-<<🍜🐮>>位於堅尼地城熟食街市嘅店舖以前住hall成日都食🥰疫情就好少去超級掛住睇youtube見kikimay去食又心動今次去見到衛生情況良好👌🏼.✨沙嗲牛肉通粉 (7.8/10)湯底有蒜香微辣👅朝早食咗杯麵 所以要通粉每片牛肉都淋身入味加左隻蛋🍳牛肉分量慷慨有沙嗲香~但唔算濃稠私心希望花生味突出啲🙈都係平靚正的comfort food~.💰: $31.📍誠記 (西環)堅尼地城士美非路市政大廈2樓熟食中心

“沙嗲牛肉麵”($27)“鮮油多士”($12)“凍奶茶”($14)繼續尋找香港好味嘅沙嗲牛🐮🤣今次嚟咗呢間都幾多人推介嘅誠記誠記喺堅尼地城熟食中心入面細個成日嚟呢邊游水但就好少上嚟食嘢😂嚟到搵位坐底就叫嘢食😛要咗碗沙牛麵,鮮油多同凍奶茶😍呢道沙牛麵同出面唔同佢係個湯底已經係沙嗲湯而唔係喺啲牛上面加沙嗲醬碗麵超級熱辣辣🤣影極都有大量嘅煙飄出嚟🤣對我嚟講個湯稀咗啲唔係真係超濃沙嗲味加返啲辣椒油一齊食就好食啲🌶牛肉質算軟腍幾好咬🐮鮮油多嫌佢唔夠多牛油😂呢間沙牛經開堅城可以嚟試吓嘅但特登嚟食就真心唔駛啦😂

堅尼地城屬於舊社區，雖然已有唔少新樓盤，但仍有濃濃舊社區人情味。有口碑小店，老店不少，每個星期假期總愛到這裡尋味。今次到市政大廈熟食市場，感覺這裡餐廳應該都是街坊老口味。見到有幾枱人都食沙爹牛即食麵，就是這種香噴噴香港味😋，坐低點了沙爹牛通，熱華田，感覺像略到小時候。望望餐牌，有好幾種沙爹菜式，隨了沙爹湯低粉麵，仲有沙爹牛飯，沙爹牛濕炒河。似乎沙爹是此店特色。沙爹牛通賣相同一般茶記有少少唔同，唔係一pat沙爹汁牛肉撻上湯通炒上面，係成碗湯底係濃沙爹沙底，一口飲啖湯，哇～好滾熱辣，飲完一啖忍唔住再飲，佢唔算濃到杰撻撻，飲入口順喉，夠沙爹香，惹味。最怕沙爹甜味重，呢度嘅口味我鍾意。牛肉係有咬口嗰種，有牛味，無俾梳打粉醃到無肉味。有住家感覺。食完同自己講，一定會再黎試埋其他沙爹菜色😋

呢間位於熟食中心嘅一間茶記係唔少港大學生嘅食堂！而我自己最鍾意嘅都係佢嘅沙嗲麵，湯底完全冇得輸夠晒濃郁😋仲要餸嘅份量非常之多絕對唔會唔夠食!-佢哋嘅沙嗲面可以好似車仔麵咁自己配搭唔同餸！而我自己就偏好沙嗲雞絲麵，雞絲夠晒嫩滑入味，個人覺得好食過沙嗲牛肉麵😅豬頸肉都係一個唔錯嘅選擇，但係上次食嘅時候話冇咗，唔知遲啲仲會唔會有返呢👀嘢飲方面正常茶記水準不過不失冇咩特別，沙嗲面再配多杯凍奶茶簡直係冇得輸啊！我大家行過呢頭可以試吓，相信絕對唔會令你失望☺️

📍堅尼地城都有沙爹牛‼️ · 大大碗麵任你配🍜 -- 誠記·=========================一直聽聞堅尼地城嘅士美菲路市政大廈有好多平價美食，而誠記嘅沙爹牛麵都係沙爹牛麵🤤聽聞佢哋嘅沙爹牛麵都唔錯㗎🙈上個星期又咗@neverfullhk一齊嚟食早餐😙基本上所有嘅餸都可以好似車仔麵咁mix & match😹今次小編就叫咗三款餸🤤------------------------------⭐️沙爹牛肉+炒蛋+菜芯 公仔麵（$36）餸同麵嘅份量都超多，啲餸舖滿晒成個表面🤩公仔麵食落爽口有彈性～～沙爹湯底比好好運稀身，但都幾惹味，幾有辣勁🤤沙爹牛有勁多塊🤣🤣肉質軟腍，但沙爹味就無好好運咁strong🤭炒雙蛋好大份，口感嫩滑，蛋香濃郁💖菜芯同樣比得好慷慨，有成十幾條，又淥得夠腍!!!食完即刻覺得健康咗好多😹🤫整體嚟講呢到抵食大份，味道都唔錯，有機會會再encore~~------------------------------賣相：6.8/10味道：7.3/10性價比：7.8/10回頭度：7/10------------------------------店舖資料名稱：誠記地址：西

好耐冇食茶記，男朋友即興search帶我嚟堅尼地城熟食中心的誠記～😙中午時間都好多人，咁岩有位😛真係好繁忙～上面都有幾間食肆～但真係唯獨誠記係好多人～都有三四枱等緊位沙嗲牛肉炒飯最快到！我宜家先知原來係可以叫炒底😂見沙爹牛個賣相都唔錯～掛汁，似嫩滑沙嗲牛肉食落都唔差，唔老，沙嗲味香😍但係啲炒飯真係太鹹啦........有種要洗腎嘅感覺........下次都係叫返白飯好啦!我就嗌左沙嗲牛肉麵...一睇就覺點解差咁遠嘅我嘅沙嗲牛好明顯係煮老咗，又唔掛汁，可能係放咗喺湯入邊瓜，食落真係老咗啲，感覺好似水準不一⋯⋯小失望😞但係公仔麵個硬度啱啱好，沙嗲湯到好香😜加咗佢哋嘅辣椒油，層次提升！因為真係幾辣下。另外在叫咗個炸雞煎蛋三文治，烘底！不過不失啦！再加兩杯凍飲，總共係112！👍🏼