誠記

營業中

休息中

沙嗲牛肉米 $28作為沙嗲牛肉麵關注組一員 去誠記食當然要試下沙嗲牛🐂湯底唔係超重口味超杰身個種 但飲得出花生醬香味 咸甜適中 對我嚟講係微微辣 牛肉都食得出新鮮唔乾 份量都算多 呢個價錢算超值🤩🤩🤩炸豬扒煎雙蛋公仔麵 $31炸豬扒可能浸耐左 外層冇話特別香脆 不過食得出豬扒新鮮公仔麵底煮得岩岩好 湯底就普通 正正常常啦🫣西多士 $16第一眼望落去 好細心已經切開左6份🥰火口控制得好🔥所以食落去唔油膩唔熱氣 滿滿嘅牛油同煉奶基本上已經冇得輸🤤但的確比一般西多士好食啲 見網上有人話因為中間搽左薄薄嘅咖咉醬🥸揭開黎睇又唔係好覺 我自己就覺得係因為麵包同蛋漿做得好🤭🤭

今天來到堅尼地城，到了士美菲路市政大廈的誠記吃午餐。因為12點前到，所以餐廳還有很多空位，餐廳位於熟食中心內，有空調，可與枱之間的距離寬闊，都幾舒服。叫了雞蛋沙嗲牛肉麵和熱檸茶，沙嗲牛麵的份量不少，可以吃飽，雞蛋有燶邊，半生熟，仲有蛋汁流出。牛肉的份量也不錯，有七至八件，有些較硬，有些較軟身，軟硬適中，沙嗲湯底偏甜，不太辣，沒有很強的花生味，不過整體味道不俗。熱檸茶正常，有四片檸檬，整體質素幾好，可以再試。

沙嗲牛肉麵有好多種、有食完洗腎、有凋、有稀，牛肉有擦子膠、有全100%梳打牛肉、如果沙嗲濃味表表者係九龍城方榮記的話，咁誠記可以話係沙嗲牛肉嘅Prada , 湯底清飲落去帶有淡淡的沙嗲味、微辣、好高貴、優雅、牛肉有咬口適中另外呢個炸雞扒三文治烘底可以話係另一舉世之作，第一件無懈可擊、只可惜第二件由於雞扒太熱關係，令到底嗰塊麵包濕咗，如果呢塊雞扒可以炸完之後好似雞蛋仔咁用風扇吹吹風乾佢、我認為會更上一層樓

個幾月冇去幫襯，今日襯有時間，快快去。好立克/齋咖(大杯)好立克甜度岩岩好，唔會話落得太多沖劑粉而渴喉。咖啡都係一貫茶餐廳風味，大大杯好抵飲。雞扒三文治(烘底)雞扒用少少五香粉醃過，唔會太搶味，肉質鮮嫩，炸得非常香脆，加上搽左少少蛋黃醬食落唔會覺得好乾身，做得非常出色。西多士西多士炸得外脆內軟，加埋牛油練奶真係下午茶首選，同埋咁切法，件件都係邊，唔駛爭。菜肉雲吞生麵菜肉雲吞餡料勁足料，菜多豬肉肥瘦適中，醃嘅味道都啱啱好，生麵就鹼水味重d，但都好爽口，可以下次叫淨餃或者其他麵種。誠記總係隔個幾星期就心思思想去幫襯嘅茶檔，無論食物出品、服務、一事一物都盛載住人情味。

我對沙嗲牛肉嘅認知係好濃嘅沙嗲酱炒牛肉而餐廳係沙嗲牛肉群組榜前幾名所以都好想見識因為我其實好怕去街市所以諗住食一次就算所以我叫咗牛肉墨魚紅腸煎蛋麵牛肉新鮮唔係用發粉拿到淋晒冇味墨魚都係新鮮紅腸唔係有啲餐廳薄砌燈影，厚砌所有材料有咬口兩隻煎蛋其中一隻差唔多熟所以只有一隻可以拮穿混沙嗲湯沙嗲湯底我覺得咸咗少少同埋掛唔到汁牛肉紅腸墨魚煎蛋同麵係各自為政所以最後我只係食咗半碗麵差唔多要走嘅時候聽到有食客order樽装維他奶我想飲麥精但可惜唔再有玻璃樽硬係覺得玻璃樽維他奶係最好飲正確嚟講餐廳賣沙嗲湯麵

士美菲路街市，其中一個好出名既熟食中心，有好多間都係出名特色野冷氣夠又大，好舒服，今日食誠記，誠記沙爹非常出名，星期六日必爆滿，沙爹粉麵正，沙爹飯都好正收費匀真，淨係食碗麵既$2x-$3x都有，豐儉由人沙爹 💖💖💖💖💖💖💖💖💖雞絲 💖💖💖💖💖💖💖💖炒蛋 💖💖💖💖💖凍檸茶 💖💖💖沙爹雞絲炒蛋飯，份量超多，賣相一流，見到都流晒口水，沙爹好香濃，沙爹汁濃，撈飯一流，多多都食得晒飯中亦有菜心，沙爹菜心，都好好味雞絲亦係誠記名物，黎開既就會識食，雞絲多，大小適中，肉質嫩滑，有口感，相當好味，湯食汁食都好正，配埋沙爹汁就完美炒蛋嫩滑有蛋汁，加埋沙爹同飯又滑又有蛋味，凍檸茶就正常既，茶底唔錯

🥢沙嗲牛肉煎蛋麵👉🏻食左人生暫時排第一位嘅沙嗲牛肉麵👉🏻先講湯底 沙嗲有花生香甜味 味道濃得黎唔會過鹹 平時食麵唔飲湯嘅我都忍唔住邊食邊飲左一半👉🏻牛肉新鮮唔韌 無落鬆肉粉 有牛肉味之餘仲同沙嗲煮得好入味 份量好多 食極都仲有👉🏻可能因為太多人幫襯 所以沙嗲牛肉係食得出嘅新鮮煮出黎 👉🏻公仔麵煮得唔軟爛 輕帶嚼勁 就算碗湯好熱辣辣都唔會食食下變到糊哂👉🏻跟流心太陽蛋兩隻🥢西多士👉🏻老牌茶記嘅西多士係永遠都無得輸嘅👉🏻兩片麵包中間夾著薄薄一層咖央醬👉🏻配牛油同煉奶食 新鮮製作 一上檯仲見到塊牛油溶化緊👉🏻表面炸得香脆 麵包體夠鬆軟 好好食*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*真係好好食 不過要遇鬆動啲時間同多少少耐心等食星期日去等餐等左半個鐘 見到好多人都會催餐

堅尼地城站一出已經見到熟食中心，山長水遠嚟到梗係要叫番啲好嘢食😂😂😂誠記全部嘢食都可以自由配搭，啱哂啲咩都想試，有選擇困難嘅人😬📍沙嗲牛肉煎雙蛋公仔麵身為沙牛麵關注組嘅其中一份子，梗係要嚟試下港島區嘅沙牛麵代表。沙嗲湯底夠曬味，牛肉亦都夠淋，牛肉味重。煎雙蛋同朋友share 每人一隻就啱啱好。📍炸豬扒墨魚頭公仔麵豬扒炸到好脆身，份量十分足夠。墨魚頭喺出面少地方有得食，爽口亦都唔會覺得難咬。📍西多士西多即叫即整，送到上枱面已經切好哂，仲好熱辣辣。最驚喜係西多中間有層咖央，勁邪惡!!2個人埋單都唔洗$100，一定會再嚟食😝😝😝

下午茶真係為懶洋洋既下午充充電🤭上次介紹既茶記, 大家都話比較貴😂唔夠親民~~冇計啦新嘉美係💛店我點都想介紹既..今次食依間下午茶, 就真係夠貼地, 都算係抵食的😋💬沙嗲牛肉公仔麵 - $28同平時食既沙嗲牛麵有啲唔同?! 佢沙嗲汁 係本身湯底度, 唔會浸哂啲汁落湯就冇哂沙嗲味, 佢既湯就有味精feel🤭🤭冇特別飲~不過係濃濃既沙嗲味~就咁食都幾開心既(邪惡公仔麵😏😏💬西多士 - $17佢係一黎到已經切好同落哂啲醬, 有種茶記爽快既亂中美(誤)!? 😂 對於要打卡港女我黎講...呆咗一秒, 心諗希望味道搭夠! 食落味道ok, 煉奶 牛油同花生醬係好朋友, 點整都應該好味既, 不過滿足唔到我想食糖漿西多既欲望 (成日臨訓就想食)🤤🤤小總結:沙牛麵有驚喜, 西多都不錯, 食既係由細食到大既人情味啦~諗起以前同爺爺嫲嫲落黎食三文治 🥺~~any肥撐小店🥰小妹愈來愈麻甩, 成日食茶記, 真係要參考多啲foodie前輩, 食多啲少女心cafe平衡一下, 不然呢我就由宅貓奴變大叔😑😑sad❤️誠記❤️堅尼地城士美菲路街市及熟食中心❤️2817 6931

•誠記•士美菲路熟食市場中的沙嗲麵專家每次去堅尼地城，第一站一定要去一去士美菲路熟食市場入面嘅誠記，食個沙嗲麵先安樂。👍 沙嗲雞絲雙蛋麵沙嗲唔係一定配牛肉，誠記就話咗比我地知，只要沙嗲出色，配咩肉都咁正。沙嗲濃而不咸，又唔會太稀，每條麵都掛湯。雞絲同荷包蛋吸咗滿滿嘅沙嗲味。建議一定要加隻蛋，流心蛋黃大滿足！👍 花生醬西多士新鮮炸起熱辣辣，餡可以揀咖咉/花生醬，面頭配上牛油加煉奶。店家好貼心切好哂，食得好方便。👍 熱奶茶飲過兩次，一次得茶味，一次得奶味，大家都係著重返沙嗲麵同西多士😬📍誠記 西環堅尼地城士美非路12K號士美非路市政大廈2樓熟食中心

市政大廈嘅熟食中心從來都係臥虎藏龍嘅地方，今次試咗呢間備受香港沙嗲牛肉麵關注組推薦嘅誠記，雖然有傳質素比較飄忽，但今次嘅體驗好滿意( ´▽｀) 雖然只有單點，加加埋埋都唔平，但係絕對係會再訪嘅餐廳(๑⃙⃘ˊ꒳​ˋ๑⃙)-🍜沙嗲牛肉麵 $27🍜沙嗲牛肉麵+炒蛋 $33呢度嘅沙嗲湯底最岀名，基本上除咗常見嘅牛肉配，仲可以配墨魚頭、炸豬扒等等(˶‾᷄ ⁻̫ ‾᷅˵)湯底唔杰身，口感清爽得嚟有少少辣勁伴隨濃郁花生香，鹹甜適中，唔會食到好膩，爽口而又做到濃濃香香真係唔多😚牛肉亦都值得一讚👍🏻肉質新鮮，唔係乸到冇晒味嗰種，比起瑞記好太太太多🙂加埋炒蛋半熟綿滑超滿足- ̗̀ ෆ( ˶'ᵕ'˶)ෆ ̖́-🍞西多士 $16呢個價錢真係好抵，最喜歡佢炸到岩岩參參，邊邊酥脆，即叫即炸熱辣辣，本身睇到其他人評價話佢中間冇花生醬心裏都有個底🤔始終都俾咗牛油同煉奶都覺得已經可以，但係原來大家誤會咗😳中間其實夾咗一層淡黃薄薄嘅咖央😳😳😳正啊❣️而且仲要切好上碟好細心ꪔ̤̮‪ ෆෆ ̖́--🍜誠記🏡地址: 西環堅尼地城士美非路12K號士美非路市政大廈2樓熟食中心☎️電話: 從缺🕙營業時間: 06:00-17:00 (Tue-Sun)🌟只收現金

今日嚟到西環熟食街市中心 嚟到誠記 叫咗碗沙嗲豬扒炒蛋面 西多士 凍啡少甜少冰 沙嗲午餐肉麵🍻嘢食方面：豬扒好食 沙嗲湯底都唔錯 味道係偏甜嗰種 不過期望佢係會可以再濃郁啲 整體合格有餘 凍啡甜到飲唔到 彈咗佢一次 先至正常🙁。西多士一般 都可以唔使叫🙁環境一般啦始終都係熟食街市唔能夠期望太高，價錢都算平，兩個人今餐食$90就已經食到好飽好飽😮‍💨服務正常。總括而言，唔會特別再嚟，除非住開呢頭先會有機會再食，冇出邊報道講到咁好食，可能之前係好食啲嘅但出名左之後質素有下降，不過都唔伏，起碼唔貴先👍🏻

凍奶茶顏色靚，但只有甜味，可能太甜，沒有茶味。不過都可入口。沙嗲牛肉麵湯唔夠濃。味道還可以。麵就普通啦。最出色都係個牛肉，有咬口，唔會林啤啤。座位非常闊落，坐得舒服。

知道堅尼地城站隔離，士美非路市政大廈2樓熟食中心間「誠記」食沙嗲牛肉好好食。🥳2個同事都食”沙嗲牛肉公仔麵” (+腸蛋 & +蛋)😂，咁我就叫個”牛筋菜肉餃幼麵”啦😌。另外我地再食多個”西多士”。😙估唔到呢間餐廳😉除咗沙嗲牛肉好食之外，牛筋菜肉餃幼麵都令我有驚喜🤩。湯底腩汁味濃、牛筋炆到好腍、菜肉餃嘅菜同肉味道好分明。重點係幼麵冇咩鹼水味。而西多士係即叫即整，外脆內軟，送餐枱時，已經切好咗6細件，方便我地share食。西多士上面除咗已經有牛油同糖漿之外，仲落埋煉奶。好邪惡呀！但忍唔住要再食多2件。價錢仲好抵食。每碗麵都係27-35蚊。😍西多士16蚊。😎不過飲品就要另外叫，冇套餐嘅。

This place has always been a favorite go-to lunch spot for us. We like their:1. French Toast It is super good!! I crave for it every now and then. One of the best in HK I reckon. 2. Spiced Chicken Fillet with Fried RiceNothing beats pure comfort food like this one does. Crispy, well-seasoned chicken fillet paired with a classic fried rice. A little on the oily side but soooo good!! A classic in its true form!! Price is decent for the price as well.