影片
港鐵西灣河站 B 出口, 步行約4分鐘
繼續閱讀
電話號碼
98746096
開飯介紹
供應西餐為主，晚市則加入可自選辣度的串燒料理，定價相宜，讓你一餐盡情享用不同滋味；加上營業時間長，也是宵夜的好選擇。
繼續閱讀
營業時間
今日營業
18:00 - 23:45
00:00 - 02:00
星期一至二
18:00 - 23:45
00:00 - 02:00
星期三
00:00 - 02:00
星期四
18:00 - 23:45
星期五至日
18:00 - 23:45
00:00 - 02:00
公眾假期
18:00 - 23:45
00:00 - 02:00
公眾假期前夕
18:00 - 23:45
00:00 - 02:00
以上資料只供參考, 請與餐廳確認詳情
-
網上訂座服務暫停
招牌菜
成日去開西灣河呢頭都想探索下有無有特色嘅小店，今次經過呢間西餐，門面無咩特別，但見到menu嘢食好多選擇，價錢又好抵，就果斷入去試試。店鋪面積唔大，只有大概3-4張四人枱，店面有一位疑似老闆，加一位廚師，係標準嘅小店模式。食物選擇方面有西餐主菜或套餐，仲有唔同(比較接近日式嘅)串燒，食物選擇非常多。單點一碟意粉或主菜都係$100樓下，以呢區西式晚餐嚟講係非常實惠。法式野菜茄汁燒春雞配焗薯 ($82) ★★★★★完全感受係即叫即整，雖然要等大概15分鐘，不過呢碟燒春雞的確非常高質素，雞肉非常鮮嫩，茄汁唔係就咁茄膏，而係有鮮茄蓉酸酸地好開胃，焗薯非常香口。如果唔係好大食嘅話就咁呢碟主菜都夠飽。唔夠的話仲可以叫其他小食或者串燒share。精選串燒：雞腎串 ($20) ★★★★✰進膳期間留意到其他客人似乎都係熟客，同老闆/店員有傾有講，而且店員都幾友善，完全俾到小店温馨嘅vibe，下次定會再幫襯！
繼續閱讀
食過好多次 每次都覺得非常滿意😋😋😋成日見附近意X屋咁難食都咁多人食💩呢度性價比同質素高好多倍！！！！絕對值得大家試！所以黎投稿🤣🤣🤣基本上menu上所有野都可以試今次食咗冬季限定嘅「黑松露牛肝菌雞肉意大利飯」、「M9+和牛肉眼上蓋」🤍黑松露味道香濃 雞肉嫩滑 飯嘅口感好好🤍和牛油脂好夠 入口好香 配菜用心 薯蓉香滑另外都推薦大家試下「美國頂級封門柳」、「西班牙豬鞍」肉質好 無論牛定豬都係好嫩 配菜都係好好食唔喺專業foodie唔識形容得好好但真係鼓勵大家試下🫶🏻🫶🏻Ps. 佢地間唔中都會有特別限定menu推出每次去都有新鮮感！
繼續閱讀
好耐無寫食評，通常因為差而寫 但今次忍唔住要讚一讚。利申：我唔係打手。今晚叫咗熊貓，見到間價錢唔貴嘅西餐所以叫，無唸過係好味。我叫了豬鞍，封門柳同埋一個輕量一人餐。唯一可以話唔好，係個輕量餐份量太細，所以唔好，但老實，人哋叫輕量，硬細，只係太好食所以我哋覺得唔夠。豬鞍份量不細，配上燒菠蘿同配菜，豬鞍咸味剛好，能帶出豬的肉味，近骨有少少粉紅，剛剛熟所以更好食，竟然還配上蘋果蓉，美味。封門柳份量有4塊，總份量跟豬鞍差不多，我叫七成，到咗真係七成， 牛肉腍而有牛肉味，配上薯蓉，焗完整蒜頭 及配菜，好味。輕量餐 係卡邦尼+前菜+甜薯條+香草飽同嘢飲，卡邦尼creamy ，奶油味度和意粉軟硬剛好，甜薯條隔咁耐仲脆，前菜有誠意及帶驚喜。
繼續閱讀
係正既，同一班朋友晚市點左好多野食，老闆有用心介紹不同美食陪下客人吹水，輕輕鬆鬆，享受晚餐時光。因為都係即叫即整，老闆話提供新鮮美味食物要時間準備、所以都係吹住水，飲下野，邊食邊等咁。ok既，唔算太慢，成晚又飲又食，都試左好多不同串燒新鮮熱辣辣，辣度可選、熟食口味可以微調、小食多選擇、主食大份夠飽肚咁。點左：半左燒春雞、豬鞍、四芝士pizza,黑松露牛肝菌闊蛋麵，炸蕃薯條等。試哂之後我個人最喜歡&推薦係：四芝士pizza（四種享受）黑松露牛肝菌闊蛋麵（重口味推介）炸蕃薯條（熱、脆、甘甜）。
繼續閱讀
今日同另一半行開西灣河做嘢 夜晚都想係附近食埋晚餐先返屋企 點知就比我搵到呢間餐廳 見到OpenRice都話係開新 不如就試吓啦入到去坐個環境都唔錯 隔離有齊曬餐具同水 仲有紙巾落咗單之後都好快上到菜 原來佢哋係用QR Code落單 都幾方便佢地個QR Code落單都幾順幾快一開始上嘅就係串燒 我哋就叫咗三串 分別係牛脷、雞翼同埋燒豆腐雞翼係中間𠝹咗一刀 啲味入好多 都好Juice牛脷都好厚 超仲意食牛脷嘅我勁中意燒豆腐本身都無咩期望 而且我都唔係好仲意食豆腐 但係都係試吓 點知嚟到真係有驚喜之前我哋都叫咗兩款意粉 首先係櫻花蝦明太子珍珠帶子意粉 面上面有櫻花蝦同埋紫菜絲 最緊要係佢每一條意粉都有滿滿嘅明太子醬 而且啲明太子嘅口感好似蟹籽 有爆珠嘅感覺 啲料都好足之後係卡邦尼意粉 佢哋面上面有勁多芝士 入面係滿滿嘅蛋黃醬包著啲意粉 不過我本人就覺得煙肉可以多返少少可以增加返啲口感佢地個Menu都好有心思 個Cover都幾靚食飽飽行返出去見到原來佢哋有生啤飲 一開始無留意到 下次再嚟食一定要叫整體上都好滿意老細話佢哋嘅Pizza同埋主食都好味 叫我哋下次都可以試吓 有機會再嚟西灣河一定會再嚟食 價錢唔貴又食得飽
繼續閱讀