西門町台灣麵食 (已結業)

通菜街食肆林立，多國美食共冶一爐，今日到訪「西門町」，顧名思義就係食台式食品。一走入餐廳，以為入錯店，店內裝修猶如据扒既西餐廳般，另一番風味。台式美食當然少不了肉燥飯，豆腐肉燥飯，豆腐香滑，肉燥味道適中，而且份量亦很充足。紅燒牛肉麵，牛肉超軟，入口即熔，湯帶點甜味，味道一流鹽酥雞脆粉不多，雞嫩香口，簡直食過番尋味凡享用飯麵，再品嚐台式飲品每杯可減$15，最重要係唔洗加一，真係好味兼抵食

同友人去食午餐，味道不錯，雞絲粉皮好香，醬汁味道好好！！肉燥飯味道很好，但始終與正宗的尚有距離，不過已經比附近那間101好吃多了～已且午餐惠顧飯麵，加少食可減10蚊，計落一個小食都只係$10-12左右

朋友介紹呢間啲怪味雞唔錯, 而且有台灣風味好似真係去左台灣咁如果坐卡位都算舒服, 但係圓櫈就唔掂怪味雞對我嚟講, 香料太多太濃, 而且香料種類太亂, 真係好怪但唔係好識欣賞############腐皮卷好脆, 餡料仲有肉汁, 可以食到餡料有菜有肉的口感而且炸得好香############肉燥菜唔錯, 因為平時我都好少會食青菜, 冇咩味道, 但呢個加左好濃咪的肉燥食下一條, 食下一條, 都可以清哂呢個菜############擔擔麵最正係呢個, 湯底的花生味超出位, 好香可以飲哂啲湯麵質都彈牙如果可以大碗啲就更好!############珍珠奶茶台式食品代表不過不失, 係台式的多奶奶茶, 唔會太甜, 夠凍但珍珠好硬身, 沒有彈的感覺

今曰行經人龍小店, 見有位便隨即入座。杏仁奶茶：茶香奶滑，富香的杏仁味道，甜甜地幾好味！ 肉燕餃麵：肉燕餃十分鮮甜，麵條軟硬適中，但清湯味非常非常淡。 雞絲火腿拌麵：份量十足，有足料雞絲火腿同青瓜，拌麵醬十分惹味，有花生同芝麻香味略帶甜味，十分開胃！ 炸蝦餅：蝦餅彈牙，唔油膩，不錯！ 肉燥青菜：青菜爽口，配香甜肉燥，幾好味！

今日約左幾個朋友去旺角搵野食，諗起中學時期成日去食既台灣野，西門町。好！就去呢間。我地三個女仔叫左一碗紅燒牛肉麵，一碗香辣牛筋麵，另外叫左幾個小食。講下個麵先，湯底都幾香，不過個麵就麻麻，唔係好彈牙，有少少硬！ 小食我地叫左台式豆腐，怪味雞同椒鹽花枝丸。個怪味雞真係不得了，好好食，d醬酸酸辣辣，正呀！！！ 值得推薦，幾乎每次去都會叫。 豆腐同花支丸就還ok 啦！總括都幾好食。下次想食平野都會去呢家！

旺角西門町台灣麵食，看openrice好多人讚好，終於去了品嚐。叫了三道菜:圖上左:豆腐肉燥飯<--最好吃,似港式吃開的味道,甜甜的圖上右:嘉美雞<--雞肉太韌而鹹圖下左:冷盤魷魚包酸青瓜<--被賣相吸引而點,誰知跟我預期的有大出入,魷魚太韌,酸青瓜和蝦肉就正常沒什麼特別食完之後口渴，喉嚨有d乾.....或許少放點味精可改善吧店內環境細,餐枱小...2人如叫得多就感覺迫....

午市點了吃牛肉麵， 本人認為牛肉麵最重要是湯底， 但呢度牛肉麵啲湯底混濁， 完全無藥材味， 佢應該係全部麵同一湯底，另外啲麵亦無特別， 牛肉本身ok, 但湯底真係差， 不會再來

應該係第四至五次幫襯，都會介紹朋友，因為覺得佢哋啲嘢食都幾正宗。多數都要排隊，但今次就唔使。太好了！今次同男朋友兩個人黎，所以都唔可以點太多嘢食。點左個二人餐，係第一次試呢個餐。腐皮我卷第一次食，外邊脆、裏面熱辣辣。兩個都係迷你版，我自己好鍾意食，但係同男朋友share，只可以一人食到兩三啖，有啲唔夠喉架佢個醬比起其他餐廳嘅特別濃，所以味道都特別與別不同，我地都好鍾意。怪味雞都係第一次試。嗰汁酸酸地又有啲辣味，好開胃，好似其他台灣餐廳都唔覺有呢款菜。成個餐有四樣嘢食，同埋可以揀兩杯嘢飲。二人餐份量就啱啱好，盛惠$213

晚市叫兩個套餐，睇menu 好豐富有好多野，但係每樣都係一般，吾係難食亦吾係好食，偏咸偏重味，要飲好多水，肉燥飯太興反而重好d，招牌菜食完都無乜印象，吾貴但吾會再去。

本來打算去貓cafe，不過母親節休息，我便提議去西門町吃台灣菜，一來我未試過，而朋友們去過也覺得不錯值得再去，還好午飯時間還有卡位入座。本來打算散點，商量後覺得4位套餐菜式多之餘又經濟，希望不會眼闊肚窄吧。蝦仁玉蘭中卷： 一個凍頭盤，白色外皮似是魷魚，沒有味道，而內裡的菜、蝦仁也是淡味，要靠有少少芥末味似的醬汁來調味，整體味道還可以。北投怪味雞：看到大量蒜蓉、少量辣椒在雞上，味道少少辣帶酸，幾開胃，不過我只吃到小辣，要將蒜蓉撥走，不然會太辣太鹹。腐皮蚵卷：腐皮包得太厚，端上檯看到幾油膩，因為上菜速度很快，所以放了一陣子會變得硬，味道普通。香芒沙律鳳尾蝦：最特別是芒果醬汁，炸蝦點了甜甜酸酸，中和炸物油膩感，味道不俗。香鹵併盤：豆腐好滑好正、鹵水蛋也不錯，至於其他內都少內臟也少食，加上之前吃得太多飽了。台式燙青菜：連菜也有肉燥，是否正宗台式就不得而知了，但有肉燥令清菜變得不單調。最後的肉燥飯，肉燥調味適中，伴飯很美味，雖然之前吃很多很飽，最後還是將整碗吃完。飲品是珍珠奶茶，不算甜但茶味算濃，還有煙韌的珍珠，每次到台灣食店必點。而甜品似是黑芝麻雷沙湯圓，粉皮煙韌、有花生芝麻，內裡是黑芝麻幾香

第一次食呢間台灣麵，叫左二人套餐。北投怪味雞唔錯，有雞味，都幾滑，腐皮蚵卷鬆脆，口感好好。擔擔麵湯底有好濃既花生味，杰杰地，麵既硬度適中，湯掛喺麵度，真係擔擔滋味。魯肉飯調味幾好唔咸，多肉粒，所有食物都幾有水準。

咁有一日同班fd子係學校hea到夠鐘咁 又係時候食晚餐啦 其中一個fd就推介話呢間既台灣野夠飽又抵食 咁一行人3男4女total就7個人入左去食啦 見到果到最大既套餐都係5人套餐 因為我地都多女仔 所以諗住話叫住先，唔夠再加野 跟住就黎料啦!!!!一野黎左勁多野食打頭陣既有呢個魷魚蝦卷(其實唔係好記得咩名) 佢出面係魷魚之類既野，包住D蝦 D蝦幾甜，不過出面層野冇乜味又厚 要點醬先好食接下來呢味菜係怪味雞 D味又真係怪怪地 酸酸咸咸咁掩蓋左雞既鮮味(可能因為隻雞本身冇乜味) 總之就唔係幾中意啦呢個係老水拼盤啦，冇乜特別，正常水準呢個係雞絲粉皮，同怪味雞一樣啦 都係食個醬架姐 呢個醬就甜甜地既，有D花生醬既味係到 幾岩中意食花生既我，好食你冇睇錯，仲未完呀 呢個係牛展 D肉唔會話太老，D汁就正常水平(已經唔想再打….)呢個係炸蝦，七個人就分唔勻既 因為我唔中意係炸野既關係我就冇食到 正係影左相比大家睇下最後就係每人都有一碗既擔仔麵啦 因為已經好飽，所以冇乜在意個麵咩味 唔中意食麵既話都可以簡老肉飯架 最後埋單70幾80蚊 飽過食放題，大食既人一定要黎呢到試下啦

呢間餐廳係花園街已經好耐，今次係第一次來食。餐牌有套餐，但不合口味，點了散叫。就是圖中三款，還有一個普普通通的芝麻珍珠奶茶。整體來說，食物質素好，份量可接受。肉燥茄子煲也很夠熱，聽到"炸炸"聲，食落也特別開胃！

早幾日去左旺角食台灣菜，起香港算係第一次食台灣菜， 味道都唔錯北投怪味雞(雞好滑 )+涼伴粉皮(小小辣又有d酸 幾開胃)鹽酥雞球 好食 唔會太重粉味，因之前食過某Ｄ炸到咬落去成口粉咁。擔擔面+肉燥飯(睇落好似幾大碗 其實好細碗架咋)擔擔面d湯好快冇 所以要食快d肉燥飯幾好食 味好香 不過如果肉燥同飯比例再平均d就好整體黎講真係唔錯 最後佢仲有個芝麻湯圓做甜品

想試好耐, 終於去左食, 唔洗等位!入面D位有點迫, 但還可以!ORDER左以下, 同埋珍珠奶茶+香芋珍珠奶茶 (飲品水準好好!!!)我覺得腐皮蚵卷真係好好食XD 下次必ENCORE!!!繼茶木之後, 就係呢間西門町!!!!!!