西記粥店

營業中

休息中

一場「安心偷食」搞到 #小秘書 成個下晝喺度追蹤佢哋啲新聞，手機whatsapp仲閃過不停... 嘩哈哈😄 唔係想落井下石，不過單嘢真係好爆囉😅可能之前太費神，未夠七點 #小秘書 已經好肚餓，唯有早啲開餐啦 見附近開咗間粥店，就入去試試。我呢日叫咗 #艇仔粥、#咸肉粽，粥煲得好綿，料都幾多料㗎，水魷魚、牛肉碎... 至於隻 #咸肉粽 不過不失啦，口感硬咗少少，不過咁大隻都係收$15，無要求啦！整體味道係唔差嘅，街坊價囉👍🏻

晚餐好想食炸腸，之前食過呢間，係連鎖店黎講都覺得可以，粥食完唔會口乾今晚叫左粥套餐（免牛粥，炸腸，豆漿）+單點咸肉粽~免牛粥正正常常啦~炸腸（今日重點）唔夠新鮮唔夠脆，唔知係咪夜晚關係~豆漿一般貨色，不差~粽，隻咸蛋唔得，燸米可以

黃大仙鳳凰村真係食宵夜嘅好地方呀！粥粉麵飯樣樣齊，就連蛇羹都有！總有一款岩你心水！夜媽媽11點幾突然好想食生滾粥！見到西記粥店，完來已經有幾間分店，未食過就試一試喇！呢間西記開到零晨2:30架！真係夜晚瞓唔著都隨時可以食返碗除左生滾粥，佢仲有自選3餸湯飯同2餸湯麵！選擇都好多晚上11點幾都坐無虛席呀！炸兩炸兩可以更脆唔知係咪太夜的關係油炸鬼只得微脆所以比較失色生滾豬潤粥加豬紅粥底夠綿豬潤夠味不用點豉油亦都好夠林加$3有豬紅非常抵豬紅大大粒好夠滑推薦必加項目生滾雞粥雞夠滑粥底有雞味

小編呢一日同媽媽去鳳凰村買餸，媽咪話要買餸之前食下午茶，之後就嚟到呢一間好似餐廳嘅粥店，呢度有粥粉麵外，仲有茶餐廳嘅飲品，同埋甜品㖭~媽咪好鍾食熱嘢，所以佢下午茶都叫咗碗粥食，所以媽咪身型咪…花師奶咁囉~ hehe…媽咪二話不說就叫咗碗粥食，而我就叫咗碗糖水同埋炸兩，媽咪食得太快喇~ 手機都準備拎出嚟影，已經開波食咗一半… 偷食咗媽咪少少粥，粥嘅味道好綿。綠豆沙豆煲到已經起沙，同埋海帶嘅味道好出。炸兩粉皮唔太厚都幾滑但落晒豉油，油炸鬼就變咗冇咁塞喇，屋村都算好味嘅~

最近爸爸熱氣生飛滋，食咩都咁痛，搞到都冇來胃口。唔想自己煮，不如就去西記食個晚餐，乾手淨腳。一向對西記嘅湯飯都好有水準，竟然食粥熱辣辣，更加難入口，所以爸爸就揀食湯飯吧!三餸一菜嘅湯飯，我地食開豬潤、魚腩、芥菜...今次我地揀左豬心。依度嘅豬潤好淋，一啲都唔嚡口，整個湯都充滿濃濃肉味，加上芥菜幾靚，個湯好清甜爸爸食晒成碗飯之餘，仲飲晒成碗湯添!而我今日就揀食兩餸一菜的湯麵，魚腩係必叫。另外仲叫左肥牛....當中有4塊肥牛，真係肥到震，搞到個湯底好濁，見到都唔開胃，一啖湯都冇飲😂。絲瓜清熱一流，ok嘅...今餐都算唔錯，但比之前的份量真係少左囉以前多到滿晒，食晒成份真係飽到頂肚!

今晚唔煮飯，為左快手快腳趕下場，就去西記解決喇。這裏的湯飯質素不錯，所以夜晚都好多人食湯飯或麵。話事話，過左年後原來樣樣都加左一蚊。食過好幾次湯飯，每次一定叫豬潤，魚腩，芥菜。豬潤份量夠多，又腍又滑。魚腩大大件，相比鯇魚肉，魚腩完整一嚿，又冇乜骨。芥菜又比得夠多。成個湯有濃濃豬潤精華，芥菜又甜味，所以好!今次還叫了木耳，成碗滿晒，加埋碗大飯，十分足夠。另外一個，我都order了魚腩。今次鮮雞都有4件，啖啖肉。還有一個餸是秀珍菇。西洋菜都係好受歡迎。我地兩個交換啲餸食可能味道不錯，平時食開少飯的我，連咁大碗飯都食清光。最後，因為太過飽，暫且都食不下糖水，只好買外賣，綠豆沙和紅豆沙各一碗。外賣需要加多一蚊（$16）。紅豆沙除了有花生外，還好似仲係用粥水煲，有一粒粒米，幾特別。