西樹泡芙 (沙田站)

營業中

休息中

之前經過, 見到每月二號都有做優惠, 昨天特意買來回家吃！六月份優惠$50是買兩個北海道牛奶泡芙, 送兩個忌廉泡芙. 忌廉的之前吃不少, 牛奶的反而倒期待的！北海道牛奶 ：泡芙夾着白色忌廉, 吃起來味道似牛奶慕斯、雪糕, 好甜美, 香滑. 反而牛奶布丁淡味了點, 但都幾嫩滑！忌廉泡芙： 這可算是泡芙入門版, 能被大眾多接受. 外層是一如以往的香脆, 很多時經過都是被焗泡芙的香氣吸引而來的。內裡包含着香濃嫩滑的黃忌廉, 試過一啖後, 感覺好似停不了, 再想吃多一 個！

今日出去沙田宜家傢俬買野，咁係沙田火車站落車後就見到e間泡芙店，本身都非常鍾意食甜品啦！係雪櫃裡面見到個蘋果金寶味道，不得了，咁就一定要試下啦。點左一個蘋果金寶味，再以優惠價8蚊買左支綠茶，唔怕食完口渴啦。好，試下先，表面個蘋果金寶好足料，啖啖蘋果肉，好香，而且同出面食果d新鮮焗嘅蘋果金寶味道係完全無分別，中間再加返d我最愛嘅吉士，而個泡芙皮就好似係朱古力味，食完之後好滿足呀，飲返啖綠茶中和返，之後就去食飯啦！

今日打算去沙田間一田行下街火車站一出就聞到陣香噴噴，甜甜地嘅咪道轉個灣就見到條人龍仔應該系新鮮整好嘅泡芙出爐了排左一陣隊，終於到我了買左粒剛出爐嘅外層香脆中間一層幼滑嘅忌廉再一一層朱古力醬口感好有feel. 好特别雖然有幾他口味嘅，今次就試左哩個先朱古力口味的

每次一出沙田站都會聞到勁香奶油味真係次次都會好想買黎食今次終於忍唔住要買返個食下先有好多款味款款都好想食掙扎左一輪決定試下牛奶忌廉同埋芒果乳酪牛奶味好香芒果乳酪酸酸甜甜唔錯

今日屎忽痕買左盒奶皇月🤣因為平時經過佢鋪頭總會聞到陣香味，會忍唔住買個泡芺食。今次就比佢既奶皇月吸引左。其實我幾欣賞佢既包裝，送禮幾靚幾得體，仲要係湖水藍😍😍.但佢既價錢算中位價啦，$168@4，除番開$42個，但佢既size比較細隻。所以平唔平就見仁見志喇。.一打開已經好大陣奶皇味，一路影相，一路流晒口水，仲吸引左好多餓狼黎搶食。.佢好鬆軟，所以好易切開，而一切開就見到流心既奶皇。因為得冇整熱食，所以可能影響到少少質感。整體些得覺得味道不太甜，不太膩，但可能得我冇整熱，我覺得成個餅好粉。所以就好似食緊以前果d一磚食十年都食唔晒，食到成口粉既花生糕。（如你有食過會明我講咩）下次我會些下整熱，可能會好食d。最後我都係要用花茶先送得晒成件餅。買唔買得過就u諗u 喇。.但佢最近做緊promotion$28一個，所以想試下岩唔岩味可以買下。

有choux creme 既地方，永遠烘焙香氣四溢。原味、朱古力三重奏水準隱定，水果口味都唔錯。夏天佢地推出左雪綿口味，包括阿華田、芒果等等，就點了較特別的阿華田試一試。一口咬落去，原來泡芙係空心冇餡既，啲餡全部都係上面。咩設計黎😂😂😂上面既阿華田布丁/糕味道係ok 的，不過整體口感比較單調，上面一大堆膏狀感覺既餡，下面一個空既脆泡芙。。。覺得choux cream 其他口味既泡芙比較好味，不推雪綿系列~正評比整體店舖~

平時都係食泡芙，收工芝士撻已經冇曬，今次經過見到有呢個半熟芝士撻，買咗2個試下，同其他蛋撻唔同既係呢個係半流心既狀態，食一個還不錯，兩個還是有點膩，喜歡食芝士可以一試。

📍🇭🇰 西樹泡芙Choux Creme.經常都有唔同口味出的泡芙店！在香港不同地方都有多間分店-旺角、尖沙咀、沙田、大埔。今次行經沙田，肚餓餓地，同朋友一人一件吃返件泡芙醫下肚先！.🥯 芒果乳酪泡芙 {HK$25}Mango Yogurt.🥯 朱古力三重奏 {HK$26}Triple Chocolate.一人一件，邊行邊吃！泡芙外脆內軟，各人所揀的味道都好突出，尤其朱古力味，真材實料，吃到甜苦度剛好的朱古力！至於芒果味泡芙亦有原粒芒果配合埋cream，好好味！

同朋友行完街經過旺角地鐵站見到有puff食, 見有D口痕就買左嚟當下午茶食今次買左個忌廉牛奶布甸泡芙, 塊puff都幾大件下可能因為個puff因為係預先pack好, ,食落其實唔夠脆, 不過牛油味都夠香, 不過牛奶布甸既味道好濃, 係用3.5日本鮮牛奶整既 有香又滑連埋cream一齊食個種滑流口感簡直冇得輸 

今日放工經過火車站，見到呢間店，不發其想，不如買返屋企今晚當飯後甜品都好喎，呢間店好多時都推出好多唔同款式的泡芙，令你每次都有新鮮感，不會吃厭，今次見佢有幾款都未試過，就買幾款試下先！第一款係朱古力脆皮泡芙，面頭鋪了一層朱古力脆皮，入面仍然係普通忌廉，食落面頭係脆脆的，但朱古力味唔太濃，因為有朱古力鋪面，所以泡芙質地唔會因濕氣整到腍晒，整體都算唔錯，但入面只係用上普通忌廉太普通，同埋如果朱古力味濃一些會比較好。第二款係Tiramiu泡芙，面頭有啲朱古力碎鋪面，入面用上咖啡味忌廉加多一舊仔手指餅，口感幾豐富，忌廉有淡淡咖啡味道，泡芙亦冇變腍，手指餅就有少少腍左，但都算幾好食。另一款係北海道鮮奶泡芙，好香鮮奶味，但泡芙就腍左少少，雖然入面冇其他餡，但佢因為用上北海道鮮奶令成個泡芙味道提升不少。最後一個係芒果乳酪泡芙，泡芙入面有幾舊芒果肉，芒果香甜，乳酪有啲酸酸咪咪的味道，加埋芒果一齊食味道又幾唔錯喎。整體都算唔錯，係朱古力脆皮唔夠朱古力味同用上普通忌廉失左啲分，其他都同泡芙都幾夾味，下次可以再試下其他款式！

路經沙田站，本身無唸過食野，但被瓢過泥既香甜味吸引到停低，睇下係咩咁香…………啊~~ 原來係泡芙！ 佢剛出爐緊朱古力三重奏，個樣又靚，香味又濃，就係咁，我無啦啦食泡芙了佢有幾款其他味，芒果聽落都吸引，但最終還是選本宮至愛的古古力！ 拎上手係室温，仲以為會熱呼呼。古古力不太甜，啱我呢d怕肥又鐘意古古力既人，感覺無咁罪惡個泡芙一般啦，但個cream就好好食，果仁也ok, 中規中舉啦$26個大洋，唔算平，幸好都算可以啦！

西樹泡芙平時行過口痕都會想食，啱啱行過見到出咗個喜茶版嘅泡芙，叫做芝芝芒芒😂😂 有奶蓋喺面，中間係粒粒芒果，下面就係忌廉芝士，睇落都覺吸引，即刻買個試下先嗱，睇上去好似幾大份，仲好似大份過平時嘅款，點知...喂，一打開咁嘅樣，咩事😂 勁山寨喎！扁晒咁，芒果喺邊呀喂？努力打開之後就揾到個芒果啦。奶蓋來講，味道唔算濃，個質地都唔係太rich，亦冇咩奶味。今次好好彩，芒果非常之甜又大粒。個忌廉芝士睇上去好rich，食落就還好，而家奶味唔太覺，反而食到咸咸地。自己覺得味道唔算太夾，唯一有樣好係食完唔覺好膩，同埋個puff依舊咁脆。下次都係食返士多啤梨乳酪🙈

一行入沙田站，#西樹泡芙 既香味吸引左我...其實明知佢聞落去就香，食落去一般，但都扺受唔住陣香味...HKD24 買左個#Tiramisu 泡芙泡芙皮唔脆，又冇乜朱古力味塊餅又硬又乾，但唔係脆cream就不過不失下次經過唔會唔會唔會再買！回頭率好低既一間店，就算我係甜品控，澱粉控都唔會再幫襯！有老伯伯嘜頭個間泡芙店好味好多囉！😡Hangry! Hangry! Hangry!#比肚餓沖昏頭腦#抵受唔住誘惑

人哋話女仔有兩個胃見到甜品係冇抵抗力嘅講得真係冇錯食完飯飽飽經過西樹泡芙都忍唔住買咗個朱古力三重奏（ $26 ）做飯後甜品🍦🥧🧁🍨🍩本身朱古力已經好邪惡而家三重朱古力係極度邪惡外皮唔係好脆果種，你見佢有咁多氣孔，反而係鬆鬆軟軟得黎，帶少脆。中間有一層朱古力味cream，朱古力味好濃郁，而且啲cream好滑，另一層雲呢拿味cream中和下，成個感覺唔使太甜。成個泡芙上面仲會淋左啲朱古力醬，名副其實係「三重」。中間又加咗啲果仁，提升口感。呢個泡芙其實都幾甜，唔鍾意甜野嘅人，應該會有少少吃不消。

2019年4月20日下午四時15分左右，在沙田分店買泡芙，準備排隊已經已經被一個白色上衣的男人打尖，當時已經冇出声，但應當到我時，被排在我身後帶着小孩的母親打尖，當時已經排左5-10分鐘隊，我已經講左我排緊隊，佢地仲要幫排在我身後的女人收錢。當收完錢，在等泡芙的男人示意到我，仲要比職員反問我有冇排隊？請問一下一間店有多名店員係米都冇一個會睇下排隊嘅狀況？