裕滿人家 (已結業)

好久沒來元朗人家，原因一是因為電梯只有上無落，bb車不方便。原因二就係樓底矮好嘈，加上雞地有好多茶樓，大把選擇喔。是日有事做來到交通廣場，就順便黎飲個下午茶，唔知係咪太晏，好多點心都無黎，追單先話售罄，最後只係食左三碟野…綠茶煎堆仔個皮真係有綠茶味，內餡係紅豆蓉，有啲芝麻香都幾好味。家鄉咸水角上枱時已經係凍嘅，有啲油又無乜餡，但勝在夠飽肚。海皇煎薄罉人造蟹柳都無條，海皇係指咩呢？同樣係凍嘅，無咬口又無餡，純粹食左一餅粉囉。好似做到3月31號就唔續租，雖然食物麻麻，但多過地方嘆下茶都好吖，可惜～元朗再無元朗人家。…查看更多

早上和奶奶去飲茶，今次試一試元朗裕滿人家~兩架BB車就有點逼，好在閒日早茶時段不算太多人，都可以接受~早茶點心紙高湯魚滑時蔬用料十分新鮮，味道雖清淡，不過也頗吸引~咸菜豬大腸的酸味十分突出，咸菜爽口而又不會過咸，可以一試~豉汁蒸鳳爪就略咸了一點，而且有少少辣，似乎是所用的醬汁太濃味:(砵仔鮮竹卷也是略為有點咸，不過內有紅蘿蔔，木耳絲，口感不錯~:)沙律海鮮卷外表十分鬆脆，而酸甜度也適中，成為了小朋友的最愛~~潮州蒸粉果一向是奶奶的最愛，今次的粉果皮薄餡多，雖然有少少辣，但連奶奶都說好味道，可以接受呢~其實今次的點心都算OK，只是略咸了一點。但惟一不方便是BB車只可以乘扶手電梯上去，卻沒有扶手電梯落最後需要我們人手抬車仔落樓，十分不便所以有BB車的朋友要考慮一下了~…查看更多

原來openrice個名叫「裕滿人家」唔係「元朗人家」，唔怪得搵佢唔到啦。今日清清地想食下素，估唔到呢間街坊酒樓有咁多無肉菜式，arm曬有唔同飲食需求既朋友仔。唉呀，個麥米粥真係一流，可惜無影到相….d豆好多同好淋，而且啖糖水好香麥米味，甜度均勻。第二好食莫過於南乳粗齋，細細碟。出面既齋都好多油，呢度既唔會，有好多種材料，最入味係蓮藕同荷蘭豆。個芝麻煎堆圓圓的，一咬開都相當流心。不過好唔夠熱，如果熱辣辣又流心咁就最正不過啦。叫健兒野菌炒米粉時，會跟一碟辣椒醬。我覺得個醬配得唔錯，甜甜地又無辣椒籽，比較似kfc個醬多過傳統中式辣椒醬。傳統中式辣椒醬﹝辣椒油﹞都係用黎配湯麵比較適合。…查看更多

清明節約左舊同事出黎飲茶，飲兩點的下午茶，仲諗住會好多人，原來黎到大把吉枱，唔知係咪去哂拜山未返到元朗呢，三個人坐張四人枱，夠濶又有位擺野，幾好。假期紅日都有特價點心，又幾平喎，好耐無黎，張點心紙更新左，多左野揀。香煎蓮藕餅（$18）一碟三塊，煎得幾香口，蓮藕都幾多，唔係好粉餅。香煎蘿蔔糕（$11）蘿蔔同腊味都欠奉，但呢個價仲想點。鮑汁扣鳳爪（$39）煲仔上有點意外，鳳爪有六隻，仲有大量花生，全部都炆得好淋好入味，花生超正。香脆魷魚鬚（$32）一早炸定所以係淋嘅，魷魚係細size易咬易食，而且都幾多份量。杞子桂花糕（$11）最有驚喜，濃濃的桂花香，加上入面有大量杞子，質感軟硬適中，不會一夾就散，呢樣係全日最好味的。食物水準實屬一般，茶水亦不會主動refill，但勝在有冷氣，枱與枱之間不算迫，加上純為吹水而來，坐了兩個多小時，除左茶樓，真係無乜其他地方可以食少少野坐足半日啦。…查看更多

初三赤口繼續拜年，新年流流通常都係飲茶，唔飲茶又真係好難搵到有位置坐低吹水，唔通叫班老人家坐咖啡店咩，黎左元朗人家，真係超耐無黎了，成個商場無野開業，水靜鵝飛黑漆漆，好在茶樓仲燈火通明，如果唔係真係以為自己黎錯地方。新年點心就梗係加價，今次又唔係好離譜喎，都係大中小點無左特價早茶啫，咁有良心嘅。咸魚肉餅飯，仲有特價$15，抵喎，肉餅係細塊啲，但加埋咸魚又幾好味，咸味夠，飯唔爛，但煲仔上幾有誠意。香茜叉燒腸，正正常常啲腸皮唔爛，甜豉油正。百花釀虎皮椒，轉成蝦膠而唔係平時嘅鯪魚肉，都係中點變大點，煎得香口，蝦膠彈牙，個汁好味。水晶賽旁蟹餃，勁多蝦再加蛋白同蟹籽，爽口又彈牙，咬落好多汁，賣相幾正又好食。四寶滑雞扎，等左超耐先黎仲以為漏單，芋頭淋到粉碎，魚肚酸酸地懷疑壞左，雞同火腿ok，算，新年流流唔好投訴。…查看更多

此酒家的 ＂百花酿鱼肚＂ 👍👍👍👍👍鱼肚爽口嫩滑还带有点儿清香的酒香气味道的，蛷肉也极为鲜嫩滑地再加上有片片的蛋白花儿的，算是卖相好看的呀！👍👍👍👏😀还有那＂蜜汁叉烧包＂👍👍👍👍👍此回更是好吃的呀！👍👍👍👍👍蜜汁四溢，香甜可口地更給那叉烧肉包子添上极为新鲜到極好的味道的呀！👍👍👍👍👍此2種岀品全都是好吃得不得了的呀！👍👍👍👍👍😀😀😀😀😀…查看更多

此裕滿人家岀品的＂籠仔云耳蒸龍躉飯＂👍👍👍👍👍龍躉魚肉可新鮮的呀！魚皮厚度也是夠可以的呀！彈牙地像是要把嘴巴給黐實般那樣的呀！自我感覺地像是在補充了許多骨膠原似的呀！😀😀😀😀😀👍👍👍👍👍美的享受呀！…查看更多

很久沒有來這裏了, 今天再來, 感覺好像不同了, 等了半小時位, 好多人呀, 我們是12點多到的, 可能是食中午飯的關係吧.叫左一些點心, 有煎釀青椒, 唔係炸的, 係煎的, 好味呀, 煎到唔會好燶的, 蝦餃好好味, 好爽口, 仲有黃金糕, 好少地方有的, 都好香呀, 前到金黃色咁. 薄撐賣相都好吸弔的, 有些蔥, 蝦仔, 帶子粒, 煎到好香口, 夠薄身, 好味呀叉燒包, 一定食自家製的, 個樣都好靚, 好軟身, 入面叉燒唔算多, 唔會好甜, 啱啱好, 好味道蝦餃好大粒, 好多蝦呀, 好好味, 又爽又甜鳯尾餃, 好大粒的, 有三粒, 又係賣相十分之好, 味道都好好呀, 有蟹子, 蟹柳, 蝦, 好豐富的呀, 又多汁又好味燒賣都好大粒, 又係有蝦, 蟹子, 唔會好多肥豬肉, 好好味喎, 好足料鳯爪排骨飯, 飯係熱辣辣的, 足料, 好多排骨, 同埋鳯爪都有兩隻的, 排骨唔算好肥. 鳯爪都係, 夠硬身, 唔會過熟, 淋晒的.酥炸魷魚酥, 這個好似迷你版咁, 都炸到金黃色, 夠香口的, 但係唔夠肥美.叉燒瀨粉, 叉燒賣相好好, 肥廋適中, 唔會好硬的, 夠淋身, 好香, 又唔會太甜, 啱啱好呀.下午茶都好多點心及抵食呀.…查看更多

小弟身為元朗人，都覺得幾幸福，因為我好胃食，而元朗又好多嘢食，我諗最衰嘅就係食肥我囉，哈哈。今日係星期日，係好重要嘅Family day，當中嘅活動就梗係食點心啦。今次就去左試一間都開左幾耐但無食過嘅酒樓，叫做裕滿人家 Honorary Family，而之前好似叫元朗人家，新名好似有多啲家庭味道。炸箭堆　幾好味喎而且係即炸，10HKD三件仲想點這個羅白榚就一般般，粉多了一點，羅白多點會更好。叉燒腸　平時啲腸粉至少要HKD20一碟，但係宜邊平好多，只係HKD15左右一碟，而且腸粉仲好滑呢。蝦餃就係正價嘅，不過都好好食，入面好多蝦。整體食物質量不俗，而且價錢幾平，可以再食。評分7.5/10…查看更多

今晚拖左咁耐，終於跟媽媽個邊做團拜！今年在人家book了廂房，方便大家可以打個牌消遣一下午到了晚上開席時間，先上嘅係燒味拼盤 賣相酒令令好光鮮每樣都試了點，海蜇類夠彈牙5係淋得消6個類，卤味還可以叉燒多瘦少肥，健康但無乜滋味感，似日式叉燒瘦肉油雞味道岩岩咸，皮肉分明，5會太肥，個汁醃得好，所以成隻都好入味！燒肉皮都還脆，肉不多，5會韌，薄切點了醬好食！燒鵝肉質好咬，肉味無蘇，點了香鵝味帶出，第2味試了西蘭花炒珊瑚蚌帶子蝦球，海鮮度爆燈！！西蘭花剛熟，還要用點牙力去咬，但還吃到甜菜味！珊瑚蚌好好好彈牙，5係5熟，係好食到想叫多碟！蝦球都5錯，中間開邊，咬落去聽到了少許咬開肉嘅聲，用嘅汁5多，但都係爽脆好彈但服務5夠人做5切，加菜時間耐一點…查看更多

水爺考試要放假溫書，水太太陪太子讀書，順便在元朗食飯。很久沒有吃點心了，便與水爺到元朗人家吃個點心試試吧。叉燒腸粉：餡料不多，腸粉皮普通，味道一般西生菜：想不到頗鮮甜，是不是因為是元朗自家菜呢？ 金錢肚：非常不行﹗馬拉糕：有軟綿綿的口感，好味道﹗炸雲吞：炸得脆，但皮不算薄，普通魷魚：有魷魚味（講甚麼？其實就是普通魷魚囉，沒有特別）桂花糕：普通燒賣：多餡，好味﹗水太太認為元朗西鐵站的水晶軒的點心比這裡好得多，但當然這裡點心實在較便宜嘛﹗…查看更多

今早要到街市買點東西，行過又見很久沒到元朗人家喝茶，就上來喝個早茶吧。早市有很多優惠點心，價錢相當便宜。叫了很多飽肚食物，午餐可以不用吃了。皮蛋瘦肉粥＋家鄉炒米粉（$16）粥好綿而且料唔少，好味。炒米粉少油，正。鳳爪排骨飯＋鷄絲滑粉卷（$18）粒粒飯再加上靚豉油已經一流，排骨略肥。粉卷皮厚料少，ok啦。臘腸滑鷄飯＋鮑汁蒜鳳爪（$18）鹹鷄加上臘腸夠惹味，正。鳳爪吸哂啲鮑汁，好味，不過底好油。五香鹹水角（$7）上桌味微暖，皮厚但唔油，ok啦。總括整餐不過不失，好吃是好吃，但未能留下深刻印象。早市不算太多人，尚算好坐立，久不久也有夥計斟茶，價錢相當合理，順路的時候會再來的。…查看更多

元旦日到寺廟還神後又到元朗搵食,買了何八記臘味後轉個彎就見到這家酒樓,下午三時半還有沒有下午茶飲呢答案是有的!但要坐外面,只因大廳裡要為晚市作預備。我們的座位原來近廚得食,茶水間及廚房皆在身後,所以不怕沒侍應幫忙!阿叔侍應所泡的淡普洱一點也不淡,浸泡一會後的茶色仍可在桌布上練習書法,街坊酒樓所用的普洱茶葉當不是什麼陳年優質貨色,茶湯入口還算夠滑也感到正在飲普洱茶,而不是一杯深色的熱水。桌上除點心紙外還有不少特價粉麵及小菜,姨姨想吃的咕嚕肉從其炸漿看來是新鮮現炸, 炸粉漿比切得薄身的豬肉還厚,幸而炸漿夠脆跟豬肉也做到脆軟兼備的口感,咕嚕汁酸中有甜,只是份量稍多及稍水漾,芡汁勉強黏上豬肉上,不算很出色但可以接受之咕嚕肉水準。傳菜阿姐一揭開鹹魚雞粒炒芥蘭那膠蓋,勁香呀! 芥蘭段每株新鮮幼嫩爽脆,炒得夠鑊氣令鹹魚香氣完全發揮!所用雞粒非常大粒,冷凍雞肉肉質保持夠滑只是鹹魚下得不多,香氣足夠但魚肉卻不太吃得到,但仍是很好吃的一道菜色。飲茶不點腸粉的絕不是我的作風!叉燒腸粉只有其中兩條加有芫茜,其中一條是完全沒有,師傅可以下得均勻一點嗎無論食味及外觀也會好一點哦。 叉燒切得細碎份量也不多,加了丁點香茜所以也沒有太重香味,聊勝於無嚕!米白色腸粉皮拉得非常黏軟,完全沒有彈性,好處是油份不多,不算得是上佳布拉腸粉水準,可以有進步的!另一盤牛肉腸粉從表面看來反而餡料均勻一點,用來拍照很好。除了腸粉,要是看到雞絲粉卷這四個子的點心也一定會點,雖然跟腸粉類似但我絕不介意多吃一盤。平時的粉卷大多以河粉卷成算數,這裡的粉卷皮卻和腸粉極相像,同有著黏軟的"特質"但沒有河粉翻蒸一夾即碎現象,莫非師傅有心的現拉粉卷皮 餡料像條肉團,細看下除了豬肉還有點西芹,甘筍,木耳的爽脆度極高蔬菜,它們的爽口平衡了肉感,今次覺得價錢便宜一點的粉卷比腸粉更好吃哦。蘿蔔絲酥餅比蒸點更快送到,三件蘿蔔酥件頭有點迷你,條狀酥皮外皮搓得未算均勻,看來不夠精緻。當中蘿蔔茸及蘿蔔絲也有不少,在這冬天時節,蘿蔔是最甜美時候,這款炸點心熱乎乎的不會太難吃的。姨姨和我也喜歡的蝦餃反而包得頗細緻,只是澄麵皮做得稍稍黏口,加上"鮮"蝦不夠爽口鮮味,內裡有點油份同是沒有筍絲,爽口程度更低。香茜鮮蝦餃是因為聽到本來想點的菜苗餃售罄而改的,香茜餃活像潮州粉果的模樣,餃子皮偏厚有嚼勁,一個人飲茶點它定必飽了一半;鮮蝦質素比蝦餃的爽口,不過仍是鮮甜不足,說是香茜餃但所用份量比唐芹更少, 改為香芹鮮蝦餃也許較恰當。有點爆口的叉燒包才算像樣,只是為何爆口在側邊的呢雪白外皮還算夠薄,叉燒同是切得幼細,只是芡汁調得偏鹹,不是蜜汁叉燒包那種鹹中有甜的惹味,餡料跟醬汁算是豐盛,可以一吃的叉燒包。有壽星在場,壽桃包也要點一籠,雪白包子用力切一刀後,灑上一點食用紅色,勉強都算個桃子形狀, 包子皮做得鬆泡泡的一層,不太甜的白蓮蓉餡還算夠滑但未油潤,本已不多的餡料中還有一小角鹹蛋黃,因而蓮蓉份量更少,不夠油潤略為過實的鹹蛋黃為甜味加了一點鹹甜混合的變化,只是個人愛純蓮蓉多過有蛋黃的壽桃包。餐牌上燒乳鴿湯米線比燒鴨米線只貴$2, 為何不吃乳鴿呢雖然只有半隻,但十多元連湯粉也算抵吃呀! 半隻炸乳鴿炸得外皮香脆,這隻小鴿子也夠肥美,炸脆後仍有點肥羔的外皮更加甘美,小鴿不算太厚肉,總算有點肉可吃,不用沾淮鹽也夠味道,難怪經常見到傳菜阿姐為客人送上乳鴿粉麵了;這裡的米線爽口有彈力,配合加了燒鴨汁的湯底,好吃!服務方面落差很大, 阿姐侍應面對這三名生客真的面無表情, 跟熟客則換上另一張笑臉,臨近年底關係!反而傳菜阿姐則禮貌週週,其中一位更不忘向我們讚賞這裡的食物很好吃的, 要多來吃呀!多盡責懂宣傳的好員工哦!另一位則主動向我們說新年快樂,突如其來的一句祝福真的窩心!吃得飽飽還可外帶也只是$289,下午茶的確抵食得多。…查看更多

今年的父親節飯選址這裡. 因為近返住響新界西的我們, 我地揸車去好方便,因為果度有一個好大既停車場, 雖然酒樓沒有消費既泊車優惠, 但都只係每個鐘$12, 唔駛怕泊響街邊怕抄牌因為今日係父親節, 都有幾款父親節套餐. 但唔鐘意套餐既, 都有一些小菜比大家選擇我地最後都係選左5款小菜: 勝瓜炒雪花蚌, 什菌燒豆腐,大海班2味, 金磚京都骨大海班2味 ($228)蒜蓉蒸頭腩: 蒸出黎好滑, 而那些皮既位置, 有好多魚既膠質, 好好味!班球炒西蘭花: 西蘭花炒得岩岩好, 因為我唔鐘意食太林既, 而班球都好新鮮我覺得全晚最好食既就係呢樣: 金磚京都骨原來金磚即係炸豆腐, 44方方咁一舊, 薄薄的一層脆漿,脆漿好似有dd椒鹽,但佢又唔似平時食果d 椒鹽咁, 食落好香口! 入面既豆腐好滑! 正!今晚爸爸都好滿意呢餐飯! 作為子女既都好開心…查看更多

晚上去食飯,一上去巳唔多妥la,成個場連我得3抬人食,心知不妙,接下來是呀婆待應推介抵食大龍蝦,佢話有斤己,煮出來勁多殼,又冇乜肉,看來得半隻,d芝士又難吃,埋單一睇成五蓞己,連煮龍蝦都要收錢成三十蚊連埋其他菜成千己埋單,碟花生成四十元,各位小心…查看更多