袁記雲餃

營業中

休息中

【油尖旺區】【袁記雲餃】呢間大陸連鎖餃子店開到尖東新文華中心，為咗 1am紅館 系列，都要寫一寫佢。不過第一次食佢係叫 外賣平台 外賣嘅，叫咗 $64 嘅「全家福雲吞15隻」，揀花生醬乾拌，加 $2 平台費就 $66。味道可以，不過啲雲吞都幾細粒，我當一餐嘅話係一定唔夠。之後我現場食花生醬乾拌嘅「全家福雲吞15隻」係 $52，加 $9 飲「凍豆漿」，杯嘢似係沖粉嗰啲，得鋪甜。不過真係唔夠喉，食埋 $28 嘅「招牌煎餃5隻」，韮菜豬肉餡，麻麻哋。埋單 $89，都係爭啲。所以我之後再食一次，呢次我就一次過嗌兩碟雲吞。首先係 $52 嘅「白菜鮮肉餃12隻」，配網紅混醬乾拌，即係花生醬加辣醬，其實都唔係好味，餃子亦都相當普通。加 $9 飲「凍檸茶」走甜少冰，冇特別。第二碟係 $65 嘅蒜香乾拌「鮮蝦蟹籽雲吞10隻」，呢碟味道反而好啲，埋單 $126 其實都幾貴吓呀。。。（地址：尖沙咀科學館道14號新文華中心地下17-19號舖）

在尖沙咀東上班的地方開了一間新的袁記雲餃，咁我今晚返屋企就知道食咩了，因為平時收工去到街市，店舖都收工買唔到了，今次就買左粟米鮮肉餃同埋韭菜鮮肉餃了，店員都好細心咁幫我包裝好，回家後餃子都沒有黐在一起，引致煮爛。咁回家後老婆就放個湯再煮啦，即做的餃子質素始終都是比較好的，每一隻都非常完整，沒有穿沒有爛，而且每一隻都非常足料，樣子飽滿的。我最愛就是韭菜鮮肉餃，韭菜非常香口，根本就是餃子的最佳配搭，今餐非常完美。