蠔站 (荃新天地)

營業中

休息中

我同阿妹都超級無敵鐘意食生蠔，之後朋友介紹我們就試下，食完一次絕對會有下次！去到環境舒適，坐得幾好，光線充足。去到還要見到塊牌寫住優惠！真的剛剛好！生蠔的味道又夠鮮甜，味道一流又平又正！扺食

朋友介紹好抵食嘅$10 蠔，星期六下午喺OpenRice book 晚飯7:30pm, 唔使排隊又有9折都唔錯😃 🚙揸車嘅朋友可以泊荃新天地一期停車場🅿️，$200/1hr, $400/2hrs 我哋2個人叫左一打$10生蠔🦪、炭燒美國CAB 肉眼扒(12oz)$388, 自家製焗蟹餅，1杯白酒Chardonnay. $10生蠔🦪雖然唔大隻但夠新鮮，呢個價錢冇得輸😋 肉眼扒望落唔似12oz, 我哋叫左5成熟，肉質都先鮮嫩，配菜亦幾豐富，有薯蓉粟米翠玉瓜燒蒜頭🧄。 但配菜溫度只係微暖，燒蒜頭亦唔夠熟，呢個價錢嚟講差少少🤏 蟹餅幾足料，屬比較乾身口感總概黎講70分，環境會比較迫，上菜快，staff 好快手，如果你好似我咁怕等，又想食西餐，都唔錯😊 Dinner for 2: $726

看了評語說這里的生蠔不错，又做特價10/隻，在附近就來食午餐，順便試下生蠔。可能是平日，午餐時間只有兩檯客人。 叫咗一個午前--澳洲肉眼扒配薯菜。包餐汤和饮品，我加钱要了杯白桃乳酸。餐汤是罗宋汤。要了半打生蚝，不肥美，但鲜甜，加上柠檬和cocktail sauce，$10/隻，抵。👍😋牛扒要了七成熟，有一點過熟，會能看到少少红肉，吃到一半就全熟了，再生一點就好。里面的牛筋都煎得刚好，不会韧，好香。👍😋除了给了一兜黑椒汁，还配了芥末酱在旁边，还要少许的海盐分开放。细节满满。配菜有节瓜，薯蓉，沙律菜。很满意的午餐，还会来。

叫左1 set $199 8隻唔同產地嘅生蠔，加一杯酒嘅生蠔套餐，再加左半打$10/隻嘅生蠔試下先，一上枱就知點解$10咁平，對比完後就再加單要多set $199，好正，啖啖肉，好鮮甜，同埋真係食得出好明顯嘅分別，每個產地嘅口感同鮮甜度都唔同。而套餐配嘅白酒就比較澀，好似係Chardonnay，唔太岩我口味。講返生蠔set先，最明顯嘅係美國嘅好鮮甜同爽口；愛爾蘭就極極極極咸，好似食咗一口鹽；日本就非常creamy，一pat嘢咁，我個人就覺得佢無乜口感。另外仲有一隻係比較重海水味，不過唔記得睇返咩國家呢個set我一定會再食！可以試勻哂咁多款，又新鮮又甜，口感非常豐富，回味無窮$10隻蠔聽落都相當抵，但上到枱大小嚴重不一，有隻都未發育完，身無半両肉都可以擺得上枱，同十蚊銀差唔多size真係，你可以話呢個價錢唔可以奢求咁多，但係冇諗過可以咁樣都擺得上枱，完全唔知食咗啲咩，其實都幾令人反感。雖然都知$10蠔都只係賣一個噱頭，但又唔係冇俾錢，如果我知係咁嘅質素我唔會嘥我$60，有種被騙嘅感覺。另外再叫左一個黑松露蘑菇意大利飯，同蟹餅。飯係偏硬身，偏乾，味道幾好幾出，不過冬菇味道不討好，應該係浸左

之前去銅鑼灣oyster station食蠔，環境唔錯，食物又好好，所以諗住想再食。見荃灣荃新天地有一間就想買外賣返去食。返到屋企一睇，嘩！買咗18隻蠔（唔係10蚊一隻果啲），隻隻都好似第3世界黎咁，瘦同埋冇肉，完全同我堂食差天共地。仲有開蠔嘅手勢好差，成隻蠔好似變咗啲蠔碎咁，完全唔開胃。啲蠔殼碎又唔清好，如果一兩粒我唔介意，佢隻隻都有真係好嬲。係唔係唔現場食，個客睇唔到就俾啲咁嘅貨做外賣🙄唔會再去荃灣果間買蠔食😣😣

呢間公司嘅分店去過都有三四間、尤其青衣嗰間分店每次去到食就算係食$10蚊1隻嘅特價生蠔都好、但係啲質素都真係好👍🏻今次呢間都曾經食過，但係今次嘅主菜明顯係比上次做得好、但係生蠔方面就明顯比較弱咗啲，因為偏細隻唔飽滿,但係新鮮度都好高,,因為鍾意食蠔嘅人來講覺得佢偏瘦弱一啲、可以肥美一啲嘅就更加好啦！記得早兩年食過兩三次納米比亞D蠔肥美得來仲好creamy添😁希望下次去食可以再食到肥美超值嘅特價蠔啦😅呢間餐廳總括來講已經做得好唔錯！好值得推介

嘩… 今日真係好開心🤩 因為好似唔駛錢咁食我最愛既生蠔🦪 點解我話好似唔駛咁😏 因為佢只係$10隻，每隻都帶住濃濃海水味，非常新鮮，唔覺唔覺我一個食咗2打半😂另外德國咸豬手皮脆肉香，燒豬仔皮又係相當脆，兩樣都係送酒一流🍺 西冷牛扒肉味濃，怕重牛味既朋友就唔多岩喇🤪 巴馬火腿哈密瓜就唔駛講，唔會差得去邊，鹽香岩岩好💯 但𝗣𝗶𝘇𝘇𝗮 就差D，餅底較乾但都叫有濃厚芝士🙂呢度環境唔錯，咁多分店中我最喜歡呢間，比較靜，幾位朋友傾偈飲酒真係好爽🍷

想平平地食蠔🦪，除左自助餐放題之外，餐廳特價蠔都係唔錯既選擇。就好似哩一間餐廳咁，長期提供十蚊一隻精選蠔🌟，吸引左唔少人黎大吃一番。超級海鮮薄餅 $178 + 10%有啲驚喜佢餅底做得好薄好脆，真係好似餅乾咁，我幾鐘意哩種pizza🍕。佢既配料望落畫面夠哂豐富，有蝦、魷魚🦑、蜆肉同青紅椒🫑，仲有魚籽同蟹籽點綴，當然唔少得芝士🧀喇。食落啖啖都有餡料，非常滿足。黃金軟殼蟹扁意粉 $158 + 10%軟殼蟹🦀唔算好大隻，炸得黃金香脆，不過個脆皮少少刮口，而且都偏向油身。意粉係忌廉汁底🍝，仲有洋蔥🧅、野菌同青紅椒🫑，味道整體唔錯，都幾Creamy又夠味。是日特選蠔一打 $10@ + 10% 是日係意大利蠔🇮🇹，分左兩次上。朋友覺得整體都合乎性價比，掂落去仲有少少郁。入口海水味🌊湧出，就未到好鮮甜肥美個種，平平地過口癮都唔錯。

成日經過呢間餐廳, 見到有$10/隻生蠔優惠, 所以同幾個朋友嚟試, 過下生蠔癮我哋先叫兩打生蠔, 入口鮮甜, 口感彈滑, 簡單用檸檬汁吊味就可以, 最後encore多12隻, 前後食咗三打🐷脆皮豬手🐷外皮烤到脆卜卜又煙韌, 肉質嫩滑, 肥瘦恰到好處, 配埋旁邊嘅酸菜和薯條簡直係絕配, 推介🦞黃金軟殼蟹扁意粉🦞 軟殼蟹炸得香脆可口, 唔油膩之餘, 內裡的蟹肉仲幾軟熟下, 而扁意粉質感剛好, 食完一口再一口

如果喜歡食生蠔嘅朋友，呢一間餐廳確實可以滿足你嘅需求，除咗一般嘅正常西餐又有pizza有意粉而佢嘅生蠔可以有$10.1隻色唔夠可以再嗌$10.1隻生蠔真係抵食到暈，你朋友慶祝生日，屋企人都好鍾意呢一間餐廳食，因為大家都係食號嘅擁躉，極力推薦呢間餐廳俾大家，不過記得六點前去食啦！

是日優惠生蠔係法國蠔（Jolie Mauger），$10隻可以任叫，總共要咗一打半（都係$180）。蠔肉唔算肥美，入口爽口，微甜味淡，但$10@嚟講算合理。再要咗一打生蠔推介（$120半打，即係$240），有3款蠔可以揀，我唔識當然每樣都要最好。南非（Saldanha Bay），爽口，清甜，少少creamy。愛爾蘭（Garbhann），蠔肉大，有海水味，creamy。澳洲（Tasmanian），蠔肉肥，海水味重，爽口。三款個人比較喜歡南非嗰款。另外兩個 Lunch Set，有包（香草包，普通）、湯（羅宋湯幾好飲，唔太酸）、餐飲（加$10轉特飲）、甜品（唔記得咗，結果埋單都冇上俾我哋）美國豬肉眼配薯菜香草蘋果汁（$118），厚切，煎得恰到好處，肉質未算嫩滑但一啲都唔嚡，薯蓉多啲牛油會更好味，烤翠肉瓜/烤雞脾菇唔錯。香煎深海福克蘭鱈魚柳配文也牛油汁（$118），同樣煎得好好，外皮微脆，魚肉嫩滑有魚汁，唔腥，不錯。整體嚟講，食物質素唔差，尤其兩份午餐比預期中好，生蠔味道及價錢亦都合理。

趁住堂食最後一晚食晚飯，book 左7點，7:04到，企門口5分鐘服務員經過但扮見你唔到，企左幾分鐘唔對路自己行入去，遇到另一個著便服既工作人員（似係店長，但都好無禮貌，衰過茶餐廳）安排了座位，一聽知你open rice book 好似百般嫌棄。 食物不過不失，2個人食左意粉、2打蠔、白酒加pizza。到埋單時，無比open rice 85折 , 再問職員，（好明顯佢係明知扮傻，慣用手法）因為我一入座已經表明open rice book （一開始又問哂電話問哂名book 幾點鐘. ） 所以一定一定一定要check單，同佢講明經open rice book。總而言之，服務真係衰過茶餐廳，但如果係想食平蠔嘅話就可以將就，不過肉嗰啲你可以慳返唔使嗌，上次尖沙咀店食過唔值呢個價。

收緊社區距離前+蠔癮發作嘅我同咗朋友去荃灣蠔站食Lunch，我哋分別叫咗兩個set lunch，加40隻生蠔，超超超大滿足~😍😍😋😋😋1.$10一隻生蠔 9/10（叫左34隻，無話超級肥美，勝在有人開埋蠔，每隻都非常鮮甜又無臭，是日係愛爾蘭生蠔）2.$120六隻生蠔9/10（會教我哋點樣食，由淡食到濃，是日係美國生蠔、韓國生蠔同荷蘭生蠔，最鍾意係美國生蠔，超級肥美，可惜單叫要$39）3.香草燒春雞配青檸蜜糖汁 8/104.豚肉絲意式薄餅 8/10扣分位：1.用OpenRice訂枱本來有7折優惠，但要叫正價野先得，ok無問題，返到屋企先發現餐牌上話星期一至五免收加一，結果收咗加一，比錢時大家要留意張單！星期三中午4人$712個人口味總評分：8.5/10（生蠔比想像中好，最初以為$10一隻生蠔唔係好得，點知食到停唔到口，間餐廳位置又方便輪椅人士，會再去幫襯！）😋😋😋

Hello 大家好，又係我地Hkfunlife小編分享好餐廳既時間啦 最近想食蠔，見呢間出名食蠔性價比高，就試下啦 呢間餐廳位於荃灣楊屋道1號荃新天地一期上層地下UG41號舖，叫做蠔站 (OS PLUS)。餐廳地方大，室內光線充足。我地到達餐廳後，於門外量度體溫，等5分鐘左右便可入座。埋到枱見到枱面清潔、沒有任何污漬/破損，衛生情況令人滿意。坐低之後，店員提供餐牌，厚厚的餐牌每頁都有膠套分隔，方便消毒。我地今次黎當然就係試下佢的生蠔，所以叫左一打。店員服務態度幾好，雖然好忙但亦好有效率。呢度既生蠔幾鮮甜，唯一打裡可能會有兩三隻比較細，但可接受。

大家好！今次第一次寫食評，多多指教🤗蠔站其實都黎過幾次，會再encore證明佢起碼唔伏先啦🤣 佢最出名就係十蚊生蠔，蠔引起想食幾隻過黎就岩曬！但原來，佢d意粉都好出色！！佢每日都會有一款指定10蚊蠔，今日就係法國蠔😋有時又會有愛爾蘭生蠔生蠔水準中等，唔會話好肥美，但都有蠔味同新鮮既！ 只不過，食左三次，今次叫左十隻蠔，居然有一隻係臭嫁！！🤢好彩聞到冇放入口😑但值得讚既係，同經理反映左之後，佢都願意即刻換番隻俾我🤔不過，除左蠔之外，其實佢d意粉都好值得一讚！🥳呢碟卡邦尼意粉，好香， 蛋味同芝士味好濃，feel到係足料既！ 唯一唔好就係比較細碟都要百幾蚊，只能說價錢反映質素🤣食肉朋友都唔洗驚，有好多選擇！個人覺得豬肋骨係比另一個貴d既黑豬斧好味！最後加番杯提子梳打，普普通通～總結而言，都推介大家去試下，記得用openrice訂座可以有9折呀，下次見！😆