蠔站 (亮賢居)

營業中

休息中

為$10@生而嚟，本身book咗尖沙咀分站，店員好貼心通知生未有貨，立即轉去大角咀店兩個人order 18隻 ，加兩份薯條一個set lunch. Set lunch 有驚喜揀咗虎蝦海膽意大利飯。虎蝦海膽一啲都唔流虎蝦大隻海膽鮮甜飯夠creamy炸薯條無得輸，食完要encore ，記得以前叫啤酒薯條，而家改咗名叫炸薯條但同樣yummy$10生當然抵，美中不足店員無介紹生品種 另一抵讚可能係午飯關係，今次係即開嘅總結set lunch有驚喜，環境舒適，可以encore

🦪每人食左大約10隻生蠔😄價錢$10/$39 我地去個日既$10蠔係愛爾蘭蠔 食落無太大驚喜 $39就食左幾個國家既蠔 （🇯🇵 🇰🇷 🇮🇪 🏴󠁧󠁢󠁳󠁣󠁴󠁿 🇪🇸 🇫🇷 )我地最最最中意都係其中一隻愛爾蘭蠔(Claggan) 好creamy&厚身&重味!!💖食完要再encore黎食😂其他國家既蠔就還好 但建議大家去既話唔洗試🇰🇷 (佢地公認唔好食😂）🍴Tom Yum Seafood Pasta🍴Italian Beef Meatball with Jalapeno Peoper Sauce主食淨係叫左個pasta & meatball😊pasta都幾有驚喜!tom yum sauce好香口 意粉又掛汁!可以一試😚

戒生蠔好多年，原因係有個玻璃肚。自從搬出黎九龍之後，膽粗試過一次無事之後，都忘記食過幾多次了。主因係食物新鮮和衛生安全至上，尤其依家呢兩年咩時候至得架！？無嘢重要得過食物衛生啦。

依間餐廳以$10一隻蠔而出名，好多年前已經成日幫襯佢地。每次都嗌2,3打生蠔，捧上張枱嘅時候已經大到令我哋讚嘆不已😍除咗生蠔之外，我好欣賞佢嘅炸薯條，好入味同埋好脆口。 媽咪話佢牛油果沙律都好好食，不過啲咁健康嘅嘢都係唔啱我😛😛另外，軟殼蟹天使麵都好食，天使麵煮得好入味，啲汁好多。 今次嗌左個Pizza，分別用唔同芝士，因為我係芝士迷，所以覺得非常好食。 突然之間傳來一浸好臭好臭嘅味道，我同屋企人周圍望，原來係隔離枱嗌咗個Pizza，嗰隻芝士臭到我頂唔住😂😂😂可能叫得太多嘢食，已經食得太飽，所以之後再上嚟嘅牛扒已經食唔到，同埋就覺得一般般。總括來講佢啲嘢食係好食，不過服務員就好少，所以叫咗好耐都冇人幫我哋落單同埋冇人幫我哋fill水，忙到做唔切。

這間oyster station之前幫襯左好多次，因為野食都幾好味，所以今次朋友生日,我推介這一間我地都叫咗好多嘢食,其實都上得好快生蠔-都幾新鮮👍蒜蓉包-每一次都會點,因為真係幾好味香辣炸雞翼-推介好味😋大菇意大利飯-這款有黑松露，幾香西班牙海鮮飯-飯唔夠入味黃金軟殼蟹意粉-這個好味，意思係天使麵，加埋d汁好入味，最欣賞係軟殼蟹，脆卜卜食物係ok,但我地叫左好多次比水都無人認，食完之後因為朋友生日要上蛋糕前有個女店員來執枱，佢黑口黑面咁，執野既時候掃左小小野食我件衫到，我都算當佢真係好忙，但最嬲既事係，我朋友放咗個口罩就係將台,他當垃圾咁執，之後我朋友出聲,之後女店員問要唔要番,同垃圾一齊掃走之後問要唔要番?這間店食物係好味,但服務就相反

依間餐廳性價比超高，主打10蚊一隻蠔蠔🦪雖然細但係好鮮甜，食落好滿足🥰一行6人食左10打蠔，每盤黎到都比之前個盤好食！西班牙乳豬外皮勁脆，肉質又嫩又淋，配菜都好好食，特別係薯蓉。德國豬手就一般般，但佢碎上係好貼心，唔使自己再諗應該點落手食，豬手皮都脆嘅但有啲位有有啲韌，肉質就有啲啲鞋… 西冷牛扒就唔多掂啦！多根又多脂肪！肉質鞋口又韌！哈密瓜配西班牙風乾火腿普普通通冇咩好講，唔難食又唔特別好食四重芝士薄餅好食！芝士味濃 餅皮一般環境就地方好細啲枱好窄，不過就性價比超高值得推介👍🏻

今晚訂咗枱在大角嘴店食 平時多數都會在土瓜灣 今次介紹咗一些朋友去 因為多人土瓜灣店比較細所以來到這店 我一行八人,食物我一向覺得ok 又低食又新鮮 點知來到這間大角嘴店佢哋D態度同土瓜灣好大分別 我一坐低因為來過次數唔多 咁我就問吓 這個帶眼鏡的哥哥 我問他有什麼海鮮低食 他即時很大聲答我 (先生呢到冇特價海鮮wo⋯⋯） 當時我即刻打個突 心諗洗唔洗咁大聲呀 這個問題要咁大反應嗎？ 這店差不多半個埸都望住我哋 問題係我之前在土瓜灣店食真係時不時有特價野食 而且佢會介紹 .不過都算 之後態度極差⋯到差唔多食完大約8:45pm 佢竟然五分鐘尼收一隻碟 (系一隻)系人都知佢想點 明白嘅 疫情關係想做多些生意 之後我留意到後面起碼有三至四張大枱冇人嘅 而出面門口又冇人等枱 真係食到火都嚟最尾埋單五大三小朋友約三千元一肚火 真係唔明白點解oyster station 老板會請個咁嘅人 喂大佬 茶記都唔會啦 (我哋小朋友一直坐喺度冇周圍走）

叫咗黃金軟殼蟹長通粉！未食過咁細嘅pasta ，係一人迷你size 。Pizza 兩個人食都勉強可以嘅，最抵食係$10隻生蠔🦪 。冇draft beer得bottle 或者罐裝。如果想食得飽一定要叫每人一個main 再加啲頭盤同小食。人手不足，想叫嘢要等好耐先叫到人。

今晚既十蚊蠔係南非既Namibia, 見好多食評話麻麻地，但我覺得十蚊都算係咁，又唔太細隻，都抵食。同埋waiter好強調叫我地記得生熟分碟食，都幾貼心，service都唔係其他食評講到咁差😂😂不過可惜第二round既十蚊蠔就好差，半打都係苦，好明顯同第一round 有分別，好唔新鮮第一round食落都新鮮，size又適中。之後再有叫正價既蠔，產地係New zealand同日本，大隻過十蚊蠔好多，個人偏愛日本蠔，比較清甜少金屬味唔腥。叫左個軟殼蟹扁意粉同risotto, 意粉味道正常，炸軟殼蟹炸漿偏厚。個risotto離奇地淡味 (直頭無味)，同左餐廳反映，都好好態度話可以煮過比我，有認真處理，不過本身都飽飽地，所以就算了，唔想浪費食物。最後送左個焦糖燉蛋比我地補償，都幾好味

本身住附近，見佢晚餐都幾旺場，某日下午去睇緊餐牌時有個人喺門口話有7折，先入去食。本身係會員，食過其他分店都覺得ok，order左 truffle risotto 、冬蔭功海鮮意粉同兩隻$10蚊蠔。risotto個菇好酸，意粉果兩隻蝦係霉既，隻蠔就係十蚊質素囉，無咩特別。我坐門口角落頭位，一路食一路有幾隻蚊滋飛黎飛去，拍死一隻仲有兩隻係度飛⋯⋯都唔理得咁多，諗住平平地由佢啦，拿拿淋食完拿拿淋走好過啦。跟住埋單無比7折，問落先知門口果個唔係佢地員工係客黎。問佢咁可唔可以比返7折我地，我地都係聽佢講有7折先黎食，個經理話唔得，要openrice book位先做到7折，walkin無折，埋單果時亦都無問我係咪會員。如果佢比返個折留住個客，住咁近黎講都可以當落黎食個頹飯，可惜佢就唔識做囉⋯⋯咁既食物質素同衞生，老實講無折就唔會再黎食，想book位既大家都要三思，食返其他分店好過。

好多香港人都成個食家甘，有時要求高並不是問題，而係你想平又食到珍貴既野，人地都要出糧交租啦。呢間來過幾次，見佢又有分店，都算係保持質素，十蚊一隻蠔，來親都叫一打先架啦。 每次十蚊蠔都有唔同產地，今次既都係有鮮味，而且入口仲有少少海水味，整體都叫新鮮。 午餐時間來到仲有lunch set 叫，真心抵食，平時叫個意粉都要百幾蚊啦。lunch set 就只需58起，仲有牛扒次類，但要百三蚊左右。個餐湯係有用心煮既。👍

上次叫咗個蠔站至尊pizza加卡邦尼意粉合共三百幾蚊。個Pizza係凍嘅，冇錯係凍嘅！serve一個熱嘅Pizza究竟有何難度？Size非常細，對比起佢嘅價錢簡直係一啲都唔值。長方形六細塊，每塊應該兩啖可以食完。上邊嘅配料真係除咗茄汁之外幾乎乜嘢都搵唔到。堅硬嘅程度有如喺焗爐翻焗左三四次以上。求其喺超級市場買嘅任何一款冷凍Pizza都俾佢更加優秀。重點係收人哋差唔多兩舊幾水，俾啲咁嘅嘢出嚟究竟有冇良知？咁樣去呃啲顧客究竟天理何在？個意粉就好一般。勸大家如果有其他選擇根本就唔需要幫襯呢一間野。

亮賢居這間舖在大角咀千色店對面馬路，不是對大街的，還要轉彎才到，有啲難找。今日食午餐，碳燒肉眼伴虎蝦，加$120，6隻蠔，再加6隻$10蠔。頭盤係沙律，有啲橄欖，小番茄，沙律菜。好新鮮。湯，好香濃，幾好。但，麵包籃有點咖喱在頂。要小心衞生。$120(原價$218), 6隻蠔，2隻美國，2隻蘇格蘭，2隻法國蠔。上枱時，有介紹食用順序。生蠔好新鮮，好食。可以話是$20隻，扺食。下圖左邊是, $10的蠔，新鮮，味道都ok. 但，有1隻細得過份，是一層皮咁薄的蠔可以試試。但和圖右邊的$120, 6隻的比較，真係唔同。真係一分錢一分貨。碳燒肉眼伴虎蝦,牛扒要5成熟。5成熟的牛扒，好淋，唔會痴牙。虎蝦，烤得好燶。但食落無燶味，蝦肉爽口，好食。甜品是瑞士卷，真係可能是嘉頓的沒有影相，似下圖的樣。

黎到大角咀，就試下呢間蠔吧，當晚比較忙，入到去未有服務員即時招呼。 安排座位之後，睇menu揀咗當日精選生蠔$10蚊/1隻，2個人共叫咗打半，另外再叫左6隻其他生蠔，佢地開得好快手，唔使等好耐已經上到枱，介紹亦都好清晰，有建議食既次序，而生蠔質素都ok, 幾新鮮。另外叫咗薯條，炸得都唔錯，同埋魚扒伴扒翠玉瓜同甜甜地嘅蜜糖醬配忌廉椰菜花碎作為主食，感覺中規中矩唔算好特別，最後最貴嘅甜品係大大件Tiramisu伴雪糕，但服務員對雪糕種類唔太熟悉，開頭話可以1半雲呢拿加1半朱古力，黎到變咗雲呢拿，要搵經理先轉返2溝味道， Terimisu都唔算十分出色，雪糕都一般，而且份量太多，真係有啲膩，埋單時睇到張單計多咗錢，因為我地想經理幫我哋揀d蠔，經理揀嘅時候冇講清楚，幫我哋揀嘅蠔會收貴咗，最後都有減返錢畀我哋，整體用餐體驗都ok既，氣氛唔錯，有大screen播MV

呢間野我都幫襯咗好多次，每次埋單叫埋酒都要300蚊一個人頭啦，但都物有所值，啲蠔係新鮮既，唔會話10蚊就hea你，有時覺得120蚊就一打真係好抵，唔知其他人點諗啦。佢地分店都多既，尖沙咀青衣都有，雖然一般意粉要170蚊左右，但係啲蠔平咗俾你呀嘛，當拉返條數囉。 酒就一般人都叫白酒既，但原來佢啲紅酒都唔錯，288起一支，佢地有加一架，甘都係果句啦，十蚊一隻蠔呀。佢地服務都叫可以啦，可能因為一般人都係飲少少酒加食下蠔，整體都係開心既。