影片
以上資料只供參考, 請與餐廳確認詳情
招牌菜
真是一個非常非常差的體驗，食物價錢貴，兩個人都差不多500蚊，食品質素唔值呢個價，而最離譜的是讓客人在店內食煙。我同朋友坐二樓食飯，一開始全層只有我們一枱客，尚算安靜可以傾下計，然後來了一個男人亦很安靜地一個人吃飯，點知食到尾聲他們竟然讓一個客人走上來坐我們隔離枱食煙，我們於是即刻走。這間店，永遠blacklist。
繼續閱讀
琴晚第一次食，以為多人就入去試吓，點知啲中哂伏！一坐得睇到個餐牌見到個價錢都已經唔開胃，都算喇，啲嘢食一嚟到，嘩難食到癲，啲嘢食又唔熱又無味，叫咗個皮蛋嚟食，完全無味，個口感又奇怪，跟住叫咗個牛脷，呢個仲癲，食緊個陣個感就好似同緊隻牛打車輪，好難食！警世，唔好再去食！
繼續閱讀
本人昨天本來約3位朋友到這家店食燒烤，飲啤酒聊天的，我和一位朋友6:15分先到，見到店鋪門口開門了，我便准備和朋友先入去坐下，先喝啤酒等其他人到，一入門口店員說未開門，這時我便問什麼時候開門，店員就說‘唔知喎’，態度極差，這樣的態度還會再光顧嗎，我和朋友沒說什麼立即走人，大圍又不是只有你這裡有東西吃，吃東西沒必要受氣的，如果你們是未開門做生意，可以在門口掛一牌給客人看，客人便不會進來，不用受你們的氣了
繼續閱讀
自從疫情之後已經好耐冇去過食蠔燒..以前耐唔時都會嚟呢度坐響出面食下串燒飲下啤酒….一於叫番啲以前成日叫既野食先燒茄子🍆有小小燒唔熟…有生生地既feel..燒扇貝新鮮 + 大大粒….招牌燒生蠔即係蒜蓉燒生蠔…手掌咁大既size…鮮味十足…蒜蓉焗花甲..花甲都係大大隻…紅肉夠鮮甜…不過有D就有沙..燒翠肉瓜 ，燒雞軟骨，燒蒜頭翠肉瓜juicy燒和牛粒..唔像和牛粒….好重醃料味…呢個就一般..燒雞亦尖 ，正…叫左兩轉..
繼續閱讀
本身食開隔離嗰間點知七點先開心大心細咁入咗嚟做試伏專員點知真係瀨晒嘢 嘢食真心貴貴都唔緊要交唔到功課俾我九成嘅食物都係無味㗎 除咗條茄子有蒜蓉味之外其他都係淡茂茂 就算擺喺枱面嗰啲調味粉落咗都係無乜味 慘過食齋嗰串雞腎硬到好似石頭咁 完全食唔到食咗一舊擺番低 叫個職員收走佢佢同我講話仲有串嘢未食我話硬到食唔到 個職員已笑姐醜唔知食咗啲乜嘢食咗差唔多五舊水真心食返隔離168好過 千祈咪入去中伏
繼續閱讀