蟲二

營業中

休息中

我今日到了一間很久之前已想去光顧的食店，位於旺角上海街頂樓餐廳，地點在繁華閙市中，到達餐廳頂層後，有一種寧靜舒服的感覺，環境優雅，佈置很有特色。我今日點了一個招牌菜《一汁三菜》選 燒鯖魚，跟一塊木牌教你食用方法，飯香口鬆軟，灑上高湯和慢煮蛋，口感味道又另一層次；飲品轉蟲二酒釀桂花啡，清新爽口，桂花味濃；甜品伯爵茶麻糬班戟, 好香伯爵茶味，中間夾雜麻糬有暖暖口感，灑上薄脆和雪糕，冷與熱味道互相交織配搭很好味，而且很飽肚。總結，下次會再光顧，仲有好多食物試過。

蟲二 旺角上海街618號頂樓一個被活化嘅重建項目 頂樓係空中花園有室內室內用膳地方 天氣好嘅時候坐喺新有feel又舒服一汁三菜便富PoachBento一：是日副菜作為開胃前菜 不時會更換圖中 半透明膏狀裏面有啲西蘭花紅蘿蔔其他蔬菜二：63°C慢煮蛋 日本生食級雞蛋製成忌廉狀蛋黃加入蟲二蛋篮油大阪燒風味黑胡椒烤雞塊配牛油野菜餅木魚絲黑椒烤雞焗得幾好香口後面用類似pancake混合埋菜蔬一齊整成一個迷你版大阪燒和風便當 有個牌仔教你點樣食 佢哋嘅梳打特色飲品，味道調味料都係自己 調劑得出嚟不是喺出面入貨 呢點值得欣賞

人生第一次寫食評，食物就唔多講，質素平平，主要係想講服務今次去本來為兒子生日，上網book 枱時其中一欄可以註明生日者名字，本以為餐廳有搞作，結果係廢嘅......算再黎佢個餐牌寫全枱人點一汁三菜可以無限添湯添飯，咁啱兒子想食烏東，果個一汁三菜menu 又無烏東，我就問waiter 可唔可以加個烏東，最多俾錢，佢居然話...唔得，waiter 姐姐面口重好難睇，火都黎埋，本來想食完主餐後叫埋甜品同兒子唱生日歌，最後急急食完就閃人，好明白現時生意難做，咁嘅服務質素我真係同大陸無得fight，本來唔想寫差佢，真係忍唔住......., sorry, 食完成肚氣，無下次

旺角朗豪坊後面有楝保育建築，頂樓找到這間特色小店，主打日式家庭料理，餐牌上有數個無肉之選，平日午餐亦可以蛋奶素食。如果要約不同飲食習慣的朋友傾偈聚會都好方便，環境也舒服好坐，記得先Save低啦。上海街618號係活化建築項目，入面有餐廳和小店，蟲二佔頂樓全層，直接搭升降機上去最方便。室內空間座位舒適，穿過花園去另一邊還有更多室內座位。鬧市中的空中花園，中午時份陽光猛烈，晚上來到較有情調。平日午市有烏冬和杞子飯便當系列，其中兩個唔見有肉，不過烏冬應該用鰹魚湯底，杞子飯附果個湯亦係鰹魚湯，可以自己選擇落唔落，算係方便素之選。另外有個蕎麥麵和北非蛋係蔬食，食北非蛋仲可以試埋佢地既手工麵包。另一個招牌名物係麻薯班戟，共有四個口味可以揀。野菜慢煮蛋茶漬杞子飯 HK$98 / 味噌燒豆腐 HK$68 / Latte HK$38想試日本料理所以揀左午餐既杞子飯，椰菜份量蠻多，吃到牛油香氣。找了一輪才把慢煮蛋挖出來，蛋黃濃稠幾好味。驚唔夠蛋白質加多個燒豆腐，我仲以為係炸野，原來用火槍燒的那種，唔知係咪因為我有表明係素食者，豆腐上面無柴魚而係腐皮脆脆，都幾有心思，但個汁我就唔肯定係唔係素食了。慢煮蛋藏在椰

去完日本🇯🇵仍然懷念旅行點滴，尤其是日本既鄉土料理，令我諗起4年前去過的日洋Cafe——蟲二。印象中呢間餐廳開左好耐，挨過疫情既餐廳都唔簡單。今次點左一汁三食lunch set + 甜品，非常滿意👍🏻。日洋料理源於明治時期，當時政府鼓勵向西方學習，而且想增強日本人體格💪🏻，所以餐廳出現了日本化的西餐，即洋食。我覺得蟲二的洋食由外觀到味道都幾正宗。🥢烤芝士漢堡扒:漢堡扒既易咬又健康，食完兩大塊都冇heavy 感覺，好啱女士補充蛋白質。🥢大阪燒風味黑胡椒烤雞扒：雞扒嫩滑，如果咬到黑胡椒有刺激感。下面是鐵板牛油炒椰菜餅，是廣島燒的迷你版，十分有趣😆。🥢高湯蔬菜凍： 🔵🌼 fancy的蔬菜凍賞心悅目，味道清爽。🥢慢煮蛋🥚+蟲二醬油： 嚴格來說唔似醬油，似高湯，因為帶清新茶味🍵所以同肉食好夾。🥄Tiramisu: 口感軟滑比一些意大利餐廳的tiramisu 出色👍🏻，手指餅好似海綿蛋糕咁fluffy ，底層咖啡酒香而不苦澀。🍨「淹沒」：即Affogato，濃縮咖啡好甘香，而意大利杏仁甜酒好易入口。

旺角必食Coffee Shop，環境好舒服，頂樓好好View，仲可以Pet Friendly，必推介。燒豚肉片慢煮蛋杞子飯＄110豚肉片超多，好香豚肉味，唔會太鞋口，仲有得埋二食添，倒埋湯做茶漬飯，一個價錢2個食法，正，配埋高質咖啡，高質！醬燒雞肉慢煮蛋鰹魚湯烏冬$98大大塊雞扒，配埋醬汁好好味，上面鋪滿我最愛既芝麻，充滿着芝麻香，烏冬亦都好煙靭，一啲都唔林，岩曬我值得一提嘅係佢哋全部既便當都會配埋有小食，好抵！另外，再食埋蛋糕，超香滑，大大份，我哋兩個人都食唔晒！好滿足嘅一餐，一定會二訪😘😘😘

係上海街618號活化左既大廈, 估唔到係中間有個rooftop餐廳, 感覺比較日式風, 午市有好多款唔同既set, 全部都差唔多$150以上(仲有加1), 其實都幾貴 😓 佢會有個牌仔教我地用餐既步驟次序, 會教你先就咁試一啖飯, 然後加高湯, 倒隻蛋落去個飯度, 隻蛋入面已經熟左, 有啲失望, 跟住食個件類似大菜糕既物體同你既主食。 基本上就係一個漬飯set, 小編點左雞扒, 都煎得幾香既, 不過就有少少肥 😅 味道都唔錯, 幾鍾意佢有用餐guideline, 係個份量幾細, 食完唔太飽, 原本想食佢聽聞比較出名既梳乎厘, 但原來要20分鐘預備時間, 因為趕時間就無食到。

店內分為室內和室外座位，露天座位環境開揚，清幽寫意，使人身心無比放鬆，在繁忙中找到一絲恬靜，是繁華鬧市中的有一個喘息的地方。Grilled Pork Sourdough Toast ($145)酸種麵包酥脆柔韌且有嚼勁，塗抹了自製杏脯醬，配搭甜滋滋的烤玉子蛋、微辛蛋黃醬和炭燒豚肉，一口咬下去味道豐富，有多重滋味。半湯烤五花腩片配讚岐烏冬 ($135)火炙叉燒大塊香口，讚岐烏冬煙韌彈牙，咬口十足，將wasabi、秘制醬油冷湯及日本忌廉慢煮蛋拌勻，清爽開胃，很適合夏天享用。Tiramisu ($70)Mascarpone cheese口感creamy軟滑，手指餅咖啡味香濃且帶點酒香，整體不甜膩。伯爵可可 ($65)光看賣相就已經覺得很細滑，伯爵茶與朱古力揉合在一起，既有茶香，又富有可可香氣，香濃幼滑。

位於上海街由百年唐樓活化商場內的頂層，連天台全層，餐廳以日式簡約和風家庭設計，帶點香港懷舊感。有室內位置和室外的空中花園，地方開揚，環境優美，感覺舒服。食物比較健康又創新，餐牌內都有不少創意料理。主打日式家庭菜，提供多款便當同一汁三菜套餐。餐廳都非常貼心，叫一汁三菜的客人都會隨餐附上一張木牌提示最佳食用步驟。一汁三菜有杞子飯、蝦米和雞蛋，杞子飯夠哂健康，口感軟糯煙靭，加入醬油香氣十足，再加埋高湯和醬油飯攪拌一齊食，變成茶漬飯更滋味，很有滿足感。用日本雞蛋製成的忌廉狀蛋黃，加入醬油鰻魚便當，鰻魚嫩滑醬汁濃郁，但又不會太過甜膩，很好地平衡了整道菜的味道。茶漬飯的米飯非常軟糯，粒粒分明。鰻魚很大條，表皮燒得香脆，肉質有彈性，配埋爽脆嘅牛篣令口感更豐富，清酒醬汁好惹味。高湯蔬菜果凍，以西蘭花、蘿蔔絲、紫椰菜加高湯做成蔬菜果凍，像大菜糕的蔬菜果凍。

最近同朋友聚會，揀咗上海街618號頂樓嘅日式咖啡店，餐廳環境設計同食物質素都非常唔錯‼️主食同甜品都好高質😋😋我哋揀咗室外嘅位置用餐，環境氣氛一流，座位間隔都夠寬敞。❇️一汁三菜，可以免費添飯同湯。前菜酸酸甜甜幾開胃。清酒醬燒鰻魚，鰻魚肉質肥美亦燒得好香口，同埋醬汁送飯一流👍❇️海苔炸薯條，上枱嘅時候仲係熱辣辣脆卜卜❇️朱古力麻糬pancake。好多配料層次豐富，但又唔會太甜❣️🤤總結價錢唔算太便宜，但整體用餐體驗十分滿意，好適合朋友聚會，有機會會再來。

蟲二位於旺角戰前二級歷史建築「618上海街」頂樓，庭園非常有氣氛，空中花園中吹著微微涼風，在旺角鬧市中都可遠離煩囂。餐廳主打健康日式家庭料理，亦有加入日本元素的雞尾酒，一定試試!!🌿🌆- 大根蕎麥 HK$125 🍜🍢清甜大根蕎麥香氣!!大根使用鰹魚汁及甜醬油煮得入味又軟爛，味道清甜又無渣!!蕎麥麵質地扎實，沾上咸香鮮美鰹魚麵汁，蕎麥香氣突出!!- 惱春風 HK$90 ☕🍹深度茶香雞尾酒!!於酸中帶有微甜冷泡黑莓茶，加入香氣十足玫瑰酒及甘甜橙汁，雞尾酒味道層次豐富，酒精濃度不高，微醺剛好!!

穩左好耐先穩到閒舖，因爲係天臺，閒舖都幾大下，有分室内外，一般去新鋪食野都慣左叫招牌菜，定向思維挂，招牌都整得唔好食既話就唔洗霖其他了。一汁三蔡便當，一二分別係前菜、生鷄蛋，三菜可以選擇，六選一，我選坐漬燒鯖魚，另外搭配既茶可以補錢轉其他，我中意飲茶既，米飯係真係好Q彈，但是唔會覺得硬，同之前去日本食既飯一樣好好食，燒鯖魚醬汁好正，我終於食柴柴肉質d野，所以燒鯖魚好符合我要求既，set餐食得非常之飽，本身想再試埋班戟都食唔落了。下次再黎！！

同朋友行開旺角，試試這間在頂樓的樓上舖。先來肉桂朱古力蟲二西多，西多士上淋上滿瀉的朱古力醬及朱古力粉，非常邪惡，再配上雲呢拿雪糕及香蕉，減肥計劃告吹。後上海苔炸薯條/番薯條，薯條夾雜着番薯條，味道兩重奏，有不同享受。最後叫了櫻花忌廉草莓泡泡啤。其實也不清楚櫻花是什麼味道，不過滿滿的泡泡cream加上士多啤梨糖漿，甜甜的，感覺清新。

黎得蟲二緊係要食佢哋嘅signature 一汁三菜便當！會有定期轉換嘅是日副菜、慢煮蛋同鰹魚昆布茶高湯撈飯食我哋叫咗醬油清酒醬燒鰻魚，清酒味唔會好濃，鰻魚都幾大條肉質唔會好妹，調味啱啱好幾好食！見到佢哋出咗新嘢就試下佢哋嘅小食雞軟骨棒棒飲子～個名好qq haha🤣上到黎好似大阪燒嘅調味，食落好香口幾好食好多汁，不過其實唔係好食到雞軟骨桂花麻薯もち傳統班戟同之前比多咗奶蓋！更加多配搭同口味！感覺冇咁膩！有進步！好欣賞吖！

之前黎過呢度食午餐，我同幾個朋友都對呢間餐廳讚不絕口，今日晚餐同媽媽唔知食乜好，我就提議帶佢黎呢度享受下😎😎平日晚餐黎都好多人，好彩我地有訂位，唔洗等太耐🥳 晚餐都有午餐的一汁三菜套餐，今日就有六款選擇🤗我同媽媽每人各叫一客一汁三菜，再叫多個甜品🤓主食我地叫咗一個烤芝士漢堡扒伴海苔肉鬆和一個櫻花蝦豆乳味噌豚肉高麗菜卷配高野豆腐及年糕福袋再互相分享🤩烤芝士漢堡扒伴海苔肉鬆櫻花蝦豆乳味噌豚肉高麗菜卷配高野豆腐及年糕福袋肉桂朱古力蟲二西多葡萄綠茶（熱）櫻花忌廉草莓泡泡啤（無酒精）（凍）今次呢餐媽媽都大讚好味！仲多謝我介紹多一個地方俾佢同佢班老友聚餐🤩🤩蟲二 (旺角)旺角上海街618號頂樓