蜀客

營業中

休息中

葵廣多嘢食係人都知！😏但你知唔知有呢間蜀客？😮仲要係平民價，推介以下嘢食俾大家！💁‍♀️🍜涼麵 $20拌米線 $20涼皮 $25 我揀咗涼皮，一大塊配汁食得好爽！🤤香葱油招牌辣 麻辣 含花生醬 炸醬 $5重慶辣🌶️我揀咗招牌辣，但冇乜花生醬🥜炸醬，辣度對我嚟講係小辣🌶️青瓜絲 土豆絲 酸菜 $6青瓜絲好涼爽，土豆絲夠晒入味！👍皮蛋 腐皮 木耳 藕片 $8🥚皮蛋冇得輸，其他配料冇揀～炸醬肉末 雞腎片 千層耳 豬肚條 $10唔食内臟嘅我，呢個category skip!⏩香辣肥腸 慢煮雞腿肉 慢煮豬腩肉 慢煮燒牛肉 $12🍗雞腿肉同🥩燒牛肉好飽肚，又足料，$12抵食到爆！📍蜀客地址: 葵芳葵富路7-11號葵涌廣場2樓C07A號舖

係葵廣行街行到肚餓，發現原來葵廣都好多野食😋。尋覓美食期間見到依間舖既餐牌燈箱，啲相好吸引，依啲涼涼地既天氣好岩食辣野。本來以為分量細細地，點知一款都有好多，所以都要外賣啲返屋企食，返到屋企啲涼拌更入味。❤️‍🔥香辣青瓜黄瓜切成条状，搭配花生和芝麻，增添了豐富既口感，而且青瓜清脆講，調味料亦有辣油同香料，令依道菜既清爽又有層次感。適合鍾意清新和微辣口味既人。❤️‍🔥香辣腐竹依道腐竹非常美味，腐竹好入味，平時食青瓜涼拌多，好少見到腐竹，整體開胃，腐竹唔會太淋或太硬，而且唔會比辣味掩蓋咗腐竹原有嘅香味，鍾意食腐竹嘅唔可以錯過。❤️‍🔥麻辣藕片藕片望落色香味俱佳。藕片亦切得均匀，每一啖都好香脆，有別於平時食開粉粉地既藕片。味道濃郁，當中嘅辣油同蒜蓉帶出藕片既鮮甜。❤️‍🔥涼皮+慢煮雞腿肉（招牌辣）依個係食川菜必食既，個招牌辣汁同涼皮十分配搭，而且涼皮彈牙同唔會好大塊，岩岩好適合每一啖。今次亦都加咗慢煮雞腿肉，雞肉軟硬適中，滲入左不少辣汁係當中，十分配合。❤️‍🔥拌米線（招牌辣）另外嗌咗個拌米線，同平時既辣汁撈米線差唔多，每條米線亦都好彈牙，鍾意食嘅都可以試吓。

香蔥油涼皮(25hkd)川菜店都可以揀唔辣，比較重蒜香味，涼皮係有少少厚度嗰種，幾有咬口，同一般河粉的質感不同，加上青蔥和炸花生粒好香口香辣豆腐(18hkd) 同我想像中不同，用的不是硬豆腐而是滑豆腐，質感嫩滑，加上麻辣汁作為配菜很不錯香辣慢煮雞肉(36hkd) 份量充足，用料紮實，雞肉嚿嚿都好大，而且辣汁比得好大方，每啖肉都好入味，加個白飯都已經可以係一餐酸辣土豆絲(18hkd) 個人而言最欣賞呢個土豆絲，因為外賣店好少見，而且價錢非常相宜，可以話係餐廳的¼，份量味道都做到水準，辣味會重過酸味#foodiblum中式

今次繼續喺葵廣嗰度搵嘢食葵廣嘅嘢食真係好抵食，今次我搵到一間超抵食嘅四川餐廳，佢$20就有一碗麵，份量都OK呢個價錢雖然可能喺葵廣好常見，但係勝在佢有得堂食，而且裝修好靚，好少見葵廣入面有咁靚嘅裝修食物嘅味道好香辣，所以好香口而佢其他嘅川菜小食選擇都好多主要以涼菜為主所以我分別叫咗一個涼麵，涼皮同埋香辣慢煮雞肉，香辣青瓜等。另外香辣慢煮雞肉入面已經有青瓜，而且比較入味本身我仲想買一份甜品，可惜已經賣曬

♡‎ ♡‎‎ ♡‎ ♡ 葵芳 - 蜀客 ♡‎ ♡‎‎ ♡‎ ♡‎ 『 辣癮發作💥葵廣新開川味小食💖 』最近行葵廣見到呢間蜀客主打四川辣小食 / 撈米線當然有部分菜式可選不辣 / 辣度價錢相宜 $20已經有撈米線！！🔸重慶辣米線 $20半撈半湯的米線辣汁又酸又辣辣地重點係好香嘅辣味 食得出比較多香料外賣拎走食會等如撈米線我加左皮蛋+$8 原來係咁夾超正🔹香辣腐竹 $18腐竹份量多 而且帶點韌性配埋辣汁好開胃🔸香辣慢煮腩肉 $36雖然話係腩肉 但食落一啲都唔肥而且用左慢煮方式烹調感覺唔似腩肉 肉下面都舖咗青瓜絲🔹酸辣土豆絲 $18土豆絲切得均匀加咗小辣辣汁仍然係好爽脆◆*．◆*．◆*．餐廳資訊◆*．◆*．◆*．📍 蜀客 (葵芳)葵芳葵富路7-11號葵涌廣場2樓C07A號舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee葵芳🔎發掘同類美食：#ee川菜#hkfoodie #hkfoodblogger #instafood #hkblogger #hkkol

話說葵廣2樓前排開左間專食辣嘢🔥既四川涼拌小店💕店內充滿國風既佈置，真係好有特色‼️所以小妹都忍唔住入左去試下‼️小妹食左：⬇️⬇️✨拌米線✨$20🔥辣度有唔辣嘅香蔥油、招牌辣同重慶辣可以揀，我揀左招牌辣🔥，個辣辣中帶鮮，幾🈶️深度，唔會得個死辣👍🏻Q彈爽滑既米線加左呢個靈魂醬汁，真係香到不得了，超快比我清哂碗😋我仲加左：⬇️⬇️✨藕片✨+ $8薄切既手法令到藕片更加爽口❗️✨千層耳✨$10煙靭爽脆兩兼備，好重膠原感❗️✨雞腎片✨$10厚薄適中又入味👍🏻👍🏻✨炸醬肉末✨$10香過連鎖店嗰個，食落真係好惹味，又辣又香冇得輸👍🏻👍🏻👍🏻✨慢煮豬腩肉✨$12豬腩肉份量好足，脂肪唔多又夠滑🤘🏻✨熬制酸梅湯✨$10酸酸甜甜又唔會太甜，解辣真係好使🉐️🛑蜀客📍葵芳葵富路7-11號葵涌廣場2樓CO7A號舖 港鐵葵芳站D出口

葵廣小食真係花多眼亂，久違去掃街，鹹食緊係食我最愛嘅辣嘢🔥🔥🔥環境餐牌 凉皮 $25涼皮本身已包含青瓜絲、碗豆、花生及香葱，可以另加配料，加咗土豆絲(+$6)、慢煮雞腿肉(+$12)及慢煮燒牛肉(+$12)，超大碗🫣 而且好香，辣度容易接受，重點係唔會太油，涼皮個樣有啲似雞皮咁，薄身爽口，慢煮肉系列值得加😍 雞腿肉頗滑又掛辣汁，慢煮燒牛肉唔嚡口，好惹味。 香辣青瓜 $18 及 酸辣木耳 $20雖然家常小食菜式青瓜同木耳都係可以自己整，但小店售價恰宜，仲要小食全部大大兜🙈 講真食完青瓜木耳都飽咗一半😂抵食！青瓜如果係手拍仲入味～

見到葵廣依間新開店"蜀客"又要試試佢~一睇就知都係食川味風既野食~同男朋友一個叫粉皮一個叫涼麵底~都係蔥油風味既~分別$25同$20~ 份量黎講算係葵廣中比較多~鍾意食辣既朋友可以挑戰招牌辣同重慶辣🌶🌶🌶配菜有十五種,每種加$6-$12 不等~$6:✅青瓜✅絲土豆✅絲酸菜$8:✅腐竹✅木耳✅藕片✅皮蛋$10:✅炸醬肉✅雞腎✅豬耳✅豬肚條$12:✅香辣肥✅慢煮豬腩肉✅慢煮牛肉✅慢煮雞腿肉另外仲有多款涼拌小食~ 今次揀左紅燒肥腸~因為同男朋友都唔食得太辣😂 總括嚟講,佢地算係大份夾抵食既代表

葵涌廣場出名多嘢食，平時好少食辣嘢，天氣開始涼涼哋就想試吓食少少辣嘢，就去間蜀家，江湖菜，見到餐牌可以揀辣同埋唔辣，可以外賣或者企喺度食，我就揀咗買返屋企慢慢食。佢好似車仔麵咁可以揀涼皮，米線或者涼麵，之後再揀餸（有蓮藕、土豆絲、豬腩肉等等，有辣有唔辣！試咗涼皮配香蔥油，涼皮第一次食，感覺好似涼拌粉皮，不過細條啲，都幾特別，再加食豬腩肉，香辣枝竹同埋肉碎，香蔥油好香！紅燒肥腸見到佢特別推薦，所以試吓，少少辣，肥腸煮到好腍好入味，好味夠晒滋味，佢份量一啲都唔少，全盒大部份都係肥腸，性價比高！

葵廣越來越多好嘢食，舊的未試完，新的便出現🤣，正是它的魅力所在。今次試了間高質川菜小食店，確實不錯。✨蜀客蹄花湯✨ $38蹄花是四川傳統風味名湯，他們的煮法亦非常正宗。雪白色的湯底非常濃稠，鮮香味醇。而且內有無數白芸豆，蹄花煮得軟爛淋身，輕輕一咬，便骨肉分離😍入口即化，每一啖都充滿超多骨膠原，女士一定不可錯過。✨涼皮✨$25+$5招牌辣✨木耳$8+香辣肥腸$12+慢煮雞腿肉$12✨叫了涼皮，爽口彈牙，已包含了青瓜絲、豌豆、花生及香蔥等配菜。還加了餸，點的都是他們的招牌。香辣肥腸肥厚彈牙，雞腿肉份量不少，大件嫩滑，搭配他們的招牌辣，內含花生醬及大量炸醬，香滑惹味，辣得過癮😍，食到底也覺得十分滋味份量多，煮得入味，選擇多，真心不錯，誠意介紹大家。想睇更多介紹，馬上Follow我啦😁。#big_big_foodie #big_big_foodie食勻葵涌

葵涌廣場就出哂名多野食 掃街一流😂 雖然平時食開一間重慶涼麵小食店 但今次經過二樓發現左呢間叫「蜀客」既四川麻辣涼拌小店🇨🇳🌶️ 又食下先😆重慶麻辣涼麵 $40通常食呢啲麻辣野都由小辣食起😂 所以揀左小辣先🌶️ Q彈既麵條 ; 配上青瓜絲 ; 再加埋佢地獨家既麻辣調味 香麻同辛辣既口感 超開胃😳 另外我加左 +$8 有豆香味既腐竹 同 +$12 柔韌軟滑既香辣肥腸🥢香蔥油涼麵 $38吾食辣既朋友就推介你地試呢個😆 香味濃郁既葱油汁包住Q彈既麵條 聞到個香味已經食欲大開🤤 而呢碗加左 +$6 清爽香辣既土豆絲 同 +$12 啖啖嫩滑既燒牛肉🥢香辣豆腐 $18豆腐口感細緻軟嫩 配上秘製既醬汁 鮮香惹味😙新店開張‼️只要消費滿 $30 即可領取「冷萃回甘」/ 「熬製酸梅湯」一份🫗

最近在葵涌廣場新開了一間辣小店🌶️經過嘅時候見到都有唔少人買嚟食，作為一個喜歡辣味的人，我當然不能錯過！1️⃣ 粉皮配慢煮豬腩肉$25+$12粉皮的口感滑腻慢煮的豬腩肉有驚喜，好似食緊Ham咁，肉質鮮嫩2️⃣ 麻辣腎片$33麻辣腎片嘅辣度恰到好處，就咁空口食都好正搭青瓜一齊食，變得更加清爽3️⃣ 香辣腐竹$18腐竹的辣味不會太過於強烈係一道非常開胃的小菜❇️辣度本人譚仔小辣，今次就全部叫中辣下次會想挑戰大辣🔥以葵涌廣場嚟講，價格親民，份量都好足，味道也相當出色如果你都愛辣，就唔好錯過錯啦

今日收工好攰，去左葵廣逛逛，發現好多掃街小吃，所以決定買些回家加餸😋這間店為冷盤為主，我揀左重慶麻辣，加上自選配料😎 「雞腎片」有咬口得來又有麻辣味道，令我食過不停。「土豆絲」 一絲絲的爽脆，好似薯條一樣😂 「蓮藕片」脆口及有甜味，我仲加了皮蛋😋超豐富呀，特別想提及的是涼皮，這款涼皮不同外間半透，是有點腐皮感☺️另外加點了 「慢煮雞肉腿」超嫩滑雞肉❤️配上麻辣汁令更吸引，有點似口水雞，但就啖啖滑肉😊備註：🔺店內有位置可供立食😀🔺自選配料更方便

見到好多學生哥去叫，經濟又實惠，平平地又大份，好飽肚🍽️ 涼麵 $20+$8皮蛋 ❤️4/5一開始以為涼麵只有麵，卻冇想到有炸醬喺面頭，有驚喜！招牌辣辣度不會過辣，而且有花生醬，令人食慾大增！而且皮蛋亦十分入味，價錢亦十分親民，好抵食！😋😋😋🍽️ 香辣温煮雞肉 $36 ❤️4.5/5雞肉十分之嫩滑，而香辣的味度亦不會影響到食雞肉的意欲，配合埋青瓜，食完便有refresh 的感覺！🍽️ 香辣千層耳 $30❤️4.2/5千層耳口感十分爽脆，而且亦不會黐牙。份量十足，十分抵食！

去葵廣掃街梗係要食下啲重口味嘢😏2樓最近就新開一間主打「江湖菜」嘅小店－蜀客，其實就係食四川涼拌，好似拌麵、拌米線、涼皮，麻辣小食等🌶️麵類可以揀唔辣嘅香蔥油、招牌辣或重慶辣，可以加炸醬肉末、肥腸、慢煮雞腿肉等配料，加埋幾十蚊已經好大份好足料，可以share🫶🏻另外仲有惹味嘅小食，好似香辣腐竹、麻辣藕片，以及豆乳凍、冰粉等甜品🍧舖頭位於二樓，有位置可以係入面立食🥢🍜涼皮（招牌辣、木耳，豬肚條，慢煮雞腿肉）份量好大，超級足料😍😍好似配料多過涼皮咁🤣豬肚有咬口，毫無腥味；雞腿肉啖啖肉；木耳爽脆。醬汁有辣勁，好惹味，另外仲加咗唔少炸醬，鹹香嘅感覺正好為整體味道帶來層次😋涼皮呈白色，質感滑身但食落又帶些微彈牙口感，掛滿醬汁幾刺激😛😛🥒青瓜皮蛋小食嚟講份量都唔少，醬汁微辣惹味🥳🍹酸梅湯酸梅湯好解渴仲解辣，一邊食辣一邊飲呢個酸酸咪咪嘅酸梅湯就啱晒😚推介指數（10分為滿分）：8分