蛇王燊

蛇王榮．冬至前再臨，果真不負「香港最後蛇王」之名。今次點咗B套餐$108，原來有田雞煲仔飯，蛇羹同埋一碗蛇湯。熱辣辣黑砂煲端上桌，胡椒香同米香即刻爆出。四隻肉厚田雞腿浸住金黃汁底，豆豉、薑片、葱段全部滾到入味，田雞肉嫩滑彈牙，煲底飯焦脆到要用勺刮，粒粒米吸晒胡椒田雞湯，一啖已經暖到心口。主角蛇羹更令人驚喜，琥珀色濃湯內蛇絲薄如髮絲，入口即化，配雞絲、木耳、香菇、薄脆撈落去食很好味！一邊撈煲仔飯，一邊飲蛇羹，暖上加暖。老店牆上蛇皮標本、泛黃老照，食緊一盅兩件嘅古早味。$108食到田雞煲仔飯＋蛇羹，真材實料到喊，2025年冬天最強限定，唔食會後悔！…查看更多

去過玩具街必定會經過這間食蛇的小鋪，以前還容許排摺枱係鋪外，可以坐的位較多。現在收緊了，只可鋪內坐，地方比較細，坐不到10個人。 點了A 餐 包括以下：- 蛇羮一碗- 龜苓湯一碗- 配支竹蛇腩飯 蛇羮：細碗，味道濃郁，料足！龜苓湯：細碗，味道OK，但不算濃郁。支竹蛇腩飯：份量：細細煲味道：蛇腩的味道及質感也好好，唔會太咸。賣相可能不是太討好，因為蛇腩望似蠶蛹。 整個餐 $115，性價比高！…查看更多

以雞肉為主的蛇羹，失望！食過很多間蛇舖，蛇肉最小就係呢間，$77一碗大蛇羮好像被騙了，地方很小，有脆脆，有檸檬葉，唯一就係碗蛇羮的材料名不符實，一碗蛇羮得三四條蛇肉，大家可以去試吓！🥲🥲🥲…查看更多

🧑‍🏫性價比：🟢🟢🟢🟢🟢🧭美食體驗：蛇羹好選擇，黎灣仔食~香港地有好多間蛇羹鋪，呢間我食過比較推介，先唔講佢本身個羹底好味，最正係佢配餐唔係跟蠟味飯，係跟煲仔飯，其中羊腩煲仔飯超好食。如果唔食羊可以食田雞煲仔飯，一樣都好好味🧑‍🍳服務：呢間鋪係有啲微妙，因為佢主鋪係細既，係做唔到煲仔飯，咁係你等位的時候店員就會問定你食乜野飯，佢地會係附近既廚房即時整，咁你等位等到差唔到有得入果時，佢地就會拎個飯埋黎。老實講睇到都覺得辛苦，可能係老字號懶得搬去大鋪掛。反正好食就得…查看更多

呢幾日終於有返d冬天既感覺，凍凍地就諗起蛇羹，呢度有幾個套餐可以揀，今年好似又加左價，$102套餐蛇羹蛇湯煲仔飯，其實價錢少貴啦，蛇羹呢樣野一年先食一兩次都ok既，份量係比較細份，如果食量比較大可能就唔夠飽喇蛇腩飯就比較少見d，第一次食就覺得蛇腩既賣相比較嚇人，但味道唔錯，煙煙韌韌咁，食到有薑既味道，冬天食都幾暖，d飯都好多飯焦，幾惹味蛇羹既蛇肉都算多，一條條都睇到蛇肉既紋理，不過同蛇腩比就榎身d，最後飲埋個蛇湯就飽晒…查看更多