蛇王燊

蛇王榮．冬至前再臨，果真不負「香港最後蛇王」之名。今次點咗B套餐$108，原來有田雞煲仔飯，蛇羹同埋一碗蛇湯。熱辣辣黑砂煲端上桌，胡椒香同米香即刻爆出。四隻肉厚田雞腿浸住金黃汁底，豆豉、薑片、葱段全部滾到入味，田雞肉嫩滑彈牙，煲底飯焦脆到要用勺刮，粒粒米吸晒胡椒田雞湯，一啖已經暖到心口。主角蛇羹更令人驚喜，琥珀色濃湯內蛇絲薄如髮絲，入口即化，配雞絲、木耳、香菇、薄脆撈落去食很好味！一邊撈煲仔飯，一邊飲蛇羹，暖上加暖。老店牆上蛇皮標本、泛黃老照，食緊一盅兩件嘅古早味。$108食到田雞煲仔飯＋蛇羹，真材實料到喊，2025年冬天最強限定，唔食會後悔！…查看更多

是日行完婚展就search下附近有咩好食朋友話想食蛇羹之後就搵到呢間自己都好期待食蛇因為已經無食好多年最後做咗個餐有蛇羹蛇湯同埋煲仔飯首先介紹蛇羹明白到咩叫做啖啖肉真係好豐富味道真係好好之後就係蛇湯飲完之後暖笠笠好夠味道啊！加左錢要咗個糯米飯因為真係揀唔到煲仔飯定糯米飯好最後貪心地兩個要晒雖然細細碗但係真係好好食勁多花生！最後再介紹煲仔飯！因為我本人好鍾意食田雞佢啲田雞都好大隻！又係啖啖肉！等候時間都需時好趕時間嘅你就要考慮一下啦…查看更多

秋風起，一班同事都想去補補佢，為身體打個底。所以就去左灣仔最出色食蛇的蛇王去食個蛇羹！我點左最鍾意的套餐組合「蛇羹+蛇湯+田雞煲仔飯」。煲仔飯其實重有好多種，例如臘味飯丶滑雞飯丶蛇腩飯等等，但係田雞飯係我的至愛！點完餐就去左對面大廈2樓的露天天台度等食，好有風味。裝到超滿的蛇羹非常足料，蛇肉一絲絲唔會硬，木耳夠爽口，口感非常好。勁鍾意佢台面任食的蛋散，同蛇羹真係一個無得輸的組合。食完岩岩好煲仔飯黎到，再焗佢一陣，貪佢有飯焦。飯已經調左味，所以唔需要用到台面上的煲仔飯醬油。田雞肉勁鮮甜，肉質好爽口，每舊田雞肉都好脹卜卜，夠哂肥美。而且田雞每舊都好乾淨，証明店家好用心處理食材。冬菇肉質都好厚，菇味好香。食到最底有少少飯焦，脆卜卜勁惹味。食完個飯重有一個蛇湯，有少少杞子同藥材煲，甜甜地又消膩，一個美好的句號！…查看更多

蛇羹永遠也好好味, 但真假蛇肉, 蛇肉厚薄, 足料與否完完全全影響蛇羹好唔好味~叫左2個B餐, 即係蛇羹+煲仔飯+蛇湯 = $62, 再加$20變大蛇羹蛇羹: 不會水, 是羹, 蛇肉厚切, 完全感覺唔到有豬肉或雞肉. 正~ (一大一小, 約1.7倍~)田雞煲仔飯, 花膠蛇腩煲仔飯: 真正的煲仔飯, 有飯焦, 不會有生米之飯又唔會太爛, 剛剛好. 田雞量多, 而花膠味道很好, 亦唔細隻 (2隻) , 加上枝竹及冬菇, 蛇肉香口, 一定encore~ 等10mins也值~~ 蛇湯: 不是清清, 是有著濃濃蛇及藥材味果一種, 而且感覺有花膠.. …查看更多