蛇王濤蛇店

琴晚同朋友搬完屋．．食左飯架啦．但搬完出完力又想食過．．涼涼地之下．．最後決定去左依間蛇王濤食蛇!! 小蛇羹 + 糯米飯蛇羹入口好多料．．肉C，木耳C，冬姑C，蛇肉C．．但感覺真係好似之前的師兄話齋．．這是一碗＜足料碗仔翅 ＞本生想叫”味飯” , 以前食過好好食．．老闆娘話無整．．只得糯米飯．．但完全唔合格．．又凍又濕，料又唔多．．這是一碗 ＜無料糯米飯 >最欣賞反而係．．薄脆入口脆，浸落去都唔會覺得好淋．．　個個膠盒都好乾淨．．唔會"痴立立"．．總評：有位坐門口又泊到車，唔算多人唔算嘈，傾到計．．都係唔好要求咁多啦．．街坊生意．．要讚既．．老闆見我泊好車, 主動話幫我睇車唔洗驚．．人情味足呀!!! …查看更多

近幾個月突然愛上吃蛇就來到這間蛇王濤我本來以為大碗也不會太大（因為在別的地方吃不是太大碗）但這裡真的很大碗。。。全碗也是料哦～蛇羹：食味就一般，有新鮮薑絲我喜歡的冬菇，雖然喜歡，但是吃下去的冬菇味比較重呢但真的很多木耳？和肉～糯米飯:幾好味呀~不過呢，我看別人都叫＂有味飯＂下次可以一試～總體來講１０分都有７分 …查看更多

同幾個同事去開奧海城見完客, 有人提議黎呢度食, 大家當然無所謂試下, 由奧海城行過黎好快, 但未黎過真係最好幾個人一齊去先好, 皆因夜晚陰陰暗暗, 前排仲成日聽大角咀區有好多劫案, 好在幾個大男人就無所畏懼, 最大問題原來係間店本身, 起係垃圾站隔離, 未行到已經臭到無食慾...終於行到間店諗住無死啦, 好多人呀而且都有得入去店入面坐, 不過唔好高興得太早, 坐入面一樣係有臭味, 係D人係街邊位食煙, 咁我地坐係入面一樣聞到煙味, 而且好嘈雜, D阿叔外面唱大戲咁, 幾個巴士阿叔係度咁...見其他枱有人食蛇煲, 不過真係唔吸引, 只不過一堆野係煲度滾滾滾. 而且要4舊幾, 不如出返旺角打邊爐任食仲正, 而且唔想再留係度太耐, 感覺返左大陸, 最後大家都無奈咁快快趣咁一齊點蛇羹糯米飯, 以為可以快快趣, 要叫個阿嬸黎落單都難, 根本成間鋪好似得一個人頂住同長時間無可以落單的阿嬸物體出現, 定係D阿嬸蛇王, 咁就真係襯返間鋪蛇王...., 雖然叫得少但都唔平, 5X 蚊飯同羹我真係食唔出有乜特別, 羹只不過用掩眼法裝滿以為好多, 其實因為本身碗細你裝到幾滿到瀉都係少而且整到"扇扇"下好麻煩, 味道同一般碗仔翅差不多, 飯好硬唔知係咪冬天關係, 呢個價仲貴過奧海城D店...呢度最岩都應該係俾返街坊食, 因為見佢有外賣, 起碼唔洗環境惡劣... 未黎過既外區人想貪新鮮可以去第2度貪新鮮, 唔好期望高咁你就可能食到唔同的感覺, 上網睇返, 原來大笑口好食的食評已經係幾年前, 就當買一次教訓, 最後大家都係出返旺角食D糖水下下火…查看更多

凍到咁，LUNCH 走去買左個蛇羹 + 糯米飯食，外賣價 $44蛇羹真係好多蛇肉下，不過有D UN~而且勁多冬菇，真係唔需要咁多囉，HATE 冬菇~~糯米飯好大碗，質到實晒，好明顯一個女仔係食唔晒……幾林，都幾香，可惜冇乜料~…查看更多

都唔知點解D人講到咁好食，都唔知係唔係做馬ga。話說見到咁到人係post話好食上星期五同幾個朋友去試吓，點知食到一把火，未去過ga朋友真係要想清楚先好去。七時去到已經冇位，門口有位,咁叫阿姐開五位啦，點知D唔氣巳經好唔禮貌，好算，可能D嘢好好食。點知個蛇一啲都唔店，又少蛇肉又唔好味，再叫個豬骨窩試吓，上面啲豬骨幾好嫁，但食到下面全是燒豬骨底。仲要食食吓上面有啲灰吹落黎加料。你話點算好！都有啲嘢好食，個手切肥牛同炸蛇，但平少少要食到一肚氣仲要唔係好好食。時夜每人$150元。…查看更多

這晚來到埃華街找吃，知道這條街有一間蛇店「蛇王濤」，卻不知確實位置在哪裡，於是沿著這條街一直行，結果終於找到。嘩！乜得咁多人，這店子雖然其實不太大，但除了室內之外，室外行人路上，甚至店旁的橫巷都擺放了這蛇店的桌椅。而在這店的斜對面街，更開了它的分店，生意實在旺得驚人呢！當然，來這裡吃東西的人並不是全為吃蛇而來，有部分還是為了豬骨煲和吃小菜晚飯來的。不過我自己呢？就確是為吃蛇而來。這裡的蛇羹分大和小兩種，假如加上糯米飯的話，大蛇羹加糯米飯售$66，小蛇羹加糯米飯則是$40。這裡蛇羹的特點是材料極多，整碗蛇羹全是蛇肉、冬菇片、木耳、肉絲等，實在十分足料，使整碗蛇羹變得非常濃稠，再加上吃蛇羹幾乎必備的薄脆和檸檬葉，材料更是豐富得很，至於味道嘛，這蛇羹帶有一點藥材味，不過不算太濃，還可以接受。一碗大蛇羹吃罷，已幾乎不用再吃其他東西了，不過既然還有糯米飯未吃，那便唯有「捨命陪君子」啦！可惜這個糯米飯的水準偏低，糯米飯不是生炒，質感過份軟腍，飯既不夠香，也不夠味，裡面的臘味亦少得可以，絕對是失敗的出品。雖然這裡的蛇羹是抵食的，假如下次想吃糯米飯的話，還是去其他地方好了。…查看更多

上星期與男朋友、朋友去食..以為只有食蛇,不來有其他~豬骨煲好大個呀,好多豬骨~不同出面的冬天與一大班朋友來食,應該好暖～^^服務也不錯,地方就有特改善。下次要再食其他煲~~…查看更多

七男女去覓食，友人推介這間蛇舖，說抵食夾大件，我們點了個四人套餐，套餐包：1. 蛇羹一窩2. 龍鳳煲3. 手切肥牛4. 炸蛇絲5. 椒鹽蛇6. 清蒸海鮮7. 油菜8. 汽水四罐才430元，真的便宜。我們另外加一碟魚鰾、一客羊腩和一客手切肥牛來十下十下。另外再叫多一客大蛇羹連一碗糯米飯、一客炸蛇丸和幾罐汽水。先說一說蛇羹，蛇肉真太多，也太粗了，比較起來汁液太少了，令這碗聞名以久的蛇羹杰得可以，吃一碗都已經半飽了，那有不抵吃之理吖！有點失望！這個龍鳳煲料很多，雞肉也很滑，但吃完一碗很抵吃的蛇羹後，我想沒有人會再想吃那些龍肉囉！至於手切肥牛，質素也過得去，起碼色澤鮮亮，沒有淤黑不鮮的情況。至後悔把炸蛇絲改做炒蛇絲，炸的起碼香口點，炒的卻一點也不出色，普通過普通，菜涼了後更加冇人吼！椒鹽蛇粉厚，真正吃到的蛇肉卻不多，並有細骨，味道太鹹了，連我這個出名的鹹濕婆都頂唔順，如果做來佐酒，可能會好一點。不知道海上鮮叫什麼名字，但蒸得過老，肉質很嚡。羊腩是用來做火鍋料的， ok，不過不失！炸蛇丸最有驚喜，很香，很爽，很像炸蝦丸，但是……其實會不會真是炸蝦丸來的呢？糯米飯可能沁有太多的白米飯，因此黏性不夠，雖然不能說不好吃，但總是不及格。套餐內附送的青菜份量很多，一籃子內有西洋菜、茼蒿及油麥菜，很豪氣哦！吃蛇連打邊爐算幾新鮮的組合，但這個舊舖的衛生麻麻，不斷有小蒼蠅來訪，打死一隻又一隻，可能是由後巷的垃圾漚出來的，想起都惡心！總括來說，這裏吃蛇是很抵吃，但不算好吃，如果想試試，最好對面那一間，衛生可能好點。…查看更多

心血來潮~~其實想搵朋友陪我食糯米飯點知被騙去左食蛇羹...第一次食...蛇羹~如果唔講,我疑為自己食緊<碗仔翅>味道冇乜特別,但就真係好多料.朋友為我找來蛇肉,眼睇有點倒胃,但..食落肚,又爽口~~美味糯米飯:有點失色雖然早已知道係(煮定)但口感一點都沒有蒸得太耐,好濕,好難,好淋如果乾身少少會好D.PS:我同朋友叫左一個套餐Share$60一碗大既蛇羹&糯米飯但唔明白,點解大既套餐,碗飯都係咁細碗??…查看更多

幫襯多年, 多次訂檯蛇宴, 只覺水準一路下滑, 味道越來越重味精, 對上一次再食臘味糯米飯, 竟然完全係公仔麵果種味精一樣味, 真係神奇, 蛇羹用料蛇肉係有, 不過再多會更好, 望有機會水準可以提升, 回復舊觀…查看更多

太公小時怕蛇，所以在25歲前，從來沒自己走去蛇店吃蛇。養成吃蛇之習，也只是這兩年的事，拜現任男友所賜。今天，二人走到大角咀。原本想光顧的店竟仍未啟市；走過兩個街口，見蛇王濤門庭若市，就去吃蛇了。太公要了蛇羹+糯米飯的套餐 ($37)；男友則要了蛇湯+蛇羹+糯米飯套餐($45)；比其它蛇店平了一截味道呢？蛇羹，有點應驗了「一分價錢一分貨」 .....雖然，料是足的，但蛇肉撕/切得不夠幼，而且加了些也是撕得不夠幼細的雞肉，吃上去感覺很鞋；不過，味道還可以，配上,一點檸檬葉吃，不錯。糯米飯反而不錯；糯米沒有太硬或太軟，而腊味(主要是臘腸和臘肉)份量也足，油和香味都滲進糯米裏，配上香脆的花生吃，味道和口感都一流；只略嫌花生裹上了太多鹽，太咸了點，要扣點分。他的蛇湯，我也喝了幾口，相當鮮甜；不過蛇腥味相對較重，如不嗜此腥味者還是要蛇羹較好。老實說，全晚只有我們這一枱不是吃火鍋的；對，火鍋，是龍鳳煲，滋補得很；看它一個包火鍋包配料包蛇羹糯米飯的二人餐都只需$240，下次再餓點，可以一試。…查看更多

我同朋友共5人去試過, 先點菜, 狷個人叫一個4人套餐, 話明要等朋友, 因當時有三位未到, 同佢講叫先起, 點知轉頭就黎晒, 食品ok, 我地係飲啤酒, 到第日睇番, 原來套餐包4 罐汽水, 期間都冇人同我地提汽水既事, 咁就少左4 罐汽水…查看更多

昨晚試左:蛇羹多料,但味道一般,鮮甜欠奉.椒鹽蛇碌,味道可以.炒蛇絲..普通.蛇湯..袛有胡椒味.糯米飯..夠大碗.蛇/雞鍋...份量足.結論,我們5人一至認為最好味係蛇/雞鍋既湯底.…查看更多

說來慚愧, 筆者高中其實係大角咀返學, 之後幾年都一直有係大角咀蒲, 但竟然一次都未食過此店, 今時今日都係因為"開飯"既食評, 我先第一次食重遊舊地, 大角咀呢一個舊區, 慢慢收樓重建, 今時今日佢已經搬左去對面新鋪, 大家唔好俾佢外表呃左, 其實佢已經做左好多年架啦 同女友兩個人食, 先叫左個大蛇羹 + 糯米飯餐, 原來女友未飲過蛇湯, 所以叫左蛇湯, 老闆娘仲平左俾我地添, 街坊老店就係呢樣好, 有人情味大蛇羹 - 真係好大碗, 有蛇味又足料, 如果你有食過以前工聯會之類既蛇宴, 我可以話你知, 佢足料好多糯米飯 - 無乜特別, 其實我到依家都唔明年點解蛇羹要配糯米飯呢?蛇湯 - 唔講我以為係魚湯, 工聯會蛇宴我食得多, 果d蛇湯係用雞煲出黎既清湯, 呢個湯係奶白色的, 又係另一番風味見到有食家話呢度態度嘛嘛, 臨走同老闆傾左兩句, 當佢知道我以前係大角咀讀書, 佢笑了, 問我以前一定有食過啦, 可能佢以為我係由細食到大, 食過番尋味, "慚愧"一詞, 由此而來...…查看更多

我們一家三口去了大角咀"蛇王濤",上次去到吃唔到,今日我老公放假,我當然要他帶我去還心願喇~但~可惜時間太早,去到才 16:45分,一家三口都未肚餓,只好叫兩個"小套餐"頂吓癮便算了~細蛇羹+味飯 , 細蛇羹+糯米飯埋單才 $ 67元~又抵食,又足料~如果在晚市去,一定要訂位,因為早幾日去都爆場,失望而回~價錢都好抵的呢~蛇宴 - 幾抵食架~價錢如下~二人餐 $ 240 四人餐 $ 380六人餐 $ 720 十二人餐 $ 1380照片參考 : http://hk.myblog.yahoo.com/kitypanghk/article?mid=14934…查看更多