蛇王海

食過咁多間蛇羹，除咗恒生博愛堂，暫時呢間係最好食，不枉我特登搭車過嚟，細蛇羹$48好多蛇肉，加上檸檬草香味更突出，食一碗都飽，秘方浸雞叫咗半隻超嫩滑$75，雞胸位置都吾鞋，加多個雙腸糯米飯，大滿足，地方唔大，座位不多，老闆有禮，街坊小店，價錢抵食，留意番只收現金。…查看更多

今日特登揸車落西營盤試下蛇王海，有時見到網民讚好食， 就落去試下，本人都試過北角、中環、 及西灣河， 呢間西營盤蛇王海真係不得了！ 好食到我影唔切相😅😅我叫咗個淨糯米飯， 一個細蛇羹， 另外一個大蛇湯，以及支竹羊腩飯； 呢個糯米飯對於我嚟講非常好食！ 佢唔太乾身， 係比較淋身juice，好似我小學食過一個糯米飯，所以今日係特別開心♥️ 蛇羹好多料， 蛇肉、木耳絲、冬菇絲非常多！ 好香！蛇湯真係不得了！ 係好濃烈嘅藥材湯，但係唔會令人接受唔到嘅藥材，好好飲嘅蛇湯🤤🤤 支竹羊腩飯，羊腩炆得好冧，唔錯！…查看更多

佢尋日第一日做生意。 我今日急不及待，雖然仲係30幾度已經要去。太耐冇食，好貪心叫咗個蛇餐改雞飯，加潤腸。蛇羹湯底鮮甜好味，充滿蛇肉，我已經叫咗少渣。 又唔覺有其他肉，同埋蛇肉好滑，好快食曬之後再飲埋個蛇湯。 呢碗蛇湯不得了，飲過之中數一數二，冇。乜藥材味好順喉，好味到一飲而盡。點知眼闊肚窄，飲完呢兩碗嘢已經飽到上心口。 乜鬼都食唔落。 只係食咗一件潤腸同埋一啖飯，其他全打包。好鍾意呢度膶腸，甘香鬆化皮脆滿滿嘅膶味又小肥膏。$115西環第一街蛇王海…查看更多

📍蛇王海香港其中一間蛇羹老店點了一碗大的蛇羹，每一口都是蛇肉另外還點了咖喱羊腩飯，馬鈴薯跟羊腩的份量都很大很多，羊腩超大的，羊味超濃配搭肥美的潤腸臘腸😋🤣🫣地址: 西環西營盤第一街119號地舖整體推薦: ⭐️⭐️⭐️⭐️…查看更多

天氣越來越凍，所以夜晚訓覺手凍腳凍好難訓著，跟住朋友中午話帶我去食好嘢，嗱嗱聲跟住去皇牌蛇套餐：🐍五蛇羹：成個湯羹比較濃稠，唔系水汪汪裹種感覺，用料對得住佢既價錢比較用心。蛇肉分量都可以。🐍五蛇湯：蛇湯需要趁熱飲用，有淡淡既藥材味，中意飲藥材湯既會覺得甘香順口。我就比較喜歡呢種味道。🥚單腸糯米飯(可選臘腸或瞤腸）：我選擇佐潤腸，糯米飯香味撲鼻，油香軟糯，潤腸甘香。環境：店鋪雖小，但勝在有人情味，感覺好多食客都系熟客同老闆有講有笑。…查看更多

差唔多中午1點到，鋪頭唔大，大20個位，已經坐滿人，自己一個嚟食，未試過呢間，叫個餐咩都有可以試到三樣嘢，皇牌蛇套餐，有蛇羹、蛇湯同單腸糯米飯，$92蚊算平，全部都係屋企飯碗咁大嘅份量蛇湯有啲辣，辣味掩蓋晒湯本身味道，只飲到有少少藥材味，唔知仲有用啲咩材料煲糯米飯正正常常幾夠味，潤腸好食，可惜成個碗都係漂白水味，食到底啲糯米飯都充滿漂白水味，但又唔想浪費。夾硬食埋佢蛇羹蛇肉唔多，但木耳就好多，味道不過不失…查看更多

早幾晚去了西環蛇王海處壹個人食蛇餐 。 這裏的蛇餐年年都咁好食和抵食. 套餐$ 92 元免加壹 上年也是這個價錢 . 首先食個蛇𡙡 . 味道保持水準 再淡番少少更好 . 再食個膶腸糯米飯 這個剛好合一人份量 . 蛇湯後上食完前兩樣先上 免得凍了 老闆娘也很好招呼 安排壹切 有板有眼 談笑風生 道聴途說 有很多街坊幫襯 也有很多人從好遠的地方專程到訪幫襯. 我也是誇大海到訪的已兩年了 還有另外的炆羊腩炆牛腩小菜跟飯也不錯他日也試吓 。 這是壹間提供秋冬補身的小店 . 不錯的選擇。…查看更多

蛇王海西營盤。食蛇是溫暖補身既食材，最適合冬天進食。蛇王海除了食蛇，仲配有蠟腸/潤腸糯米飯，羊腩飯。基本上我每次去都食糯米飯+蛇羹+蛇湯的套餐，可以飽上一整天。蛇羹多肉，羹底濃厚，只看顏色已經感到十足材料，加上店內會準備薄脆及檸檬葉作蛇羹配料；糯米飯軟硬適中，最後再以蛇湯暖胃，齒頰留香。這樣的一個套餐，都只係$100有找。中午時段都排滿人龍，特別是星期一至五，是附近街坊之選。小店一年只營業六個月，大約是從9月至4月。要去便要先打電話到店，確定已經營業才去，免得白走一趟。…查看更多

第一次來到蛇王海，店舖小小，但坐位算舒適，選了套餐，有蛇羹蛇湯及糯米飯，每樣都熱辣辣，足料，双腸也好好味，蛇湯好重薑好温暖。在店內感覺到人情味，很多熟客光顧，有一見如故的感覺。…查看更多

揾食肥華生於香港，植根於九龍半島，所以甚少揾食到港島，難得靚媽在1月15日要過，香港北角區辦公事，肥華趁勢同佢去，呢間在西環開業多年，憑五蛇羹及五蛇湯及燉品，打嚮名堂，成為人龍店的食店，一試佢兩個五蛇食品。先論個五蛇羹，味道甚好，蛇肉切得幼細，個羹底不濃不薄，恰到好處，A+評語，唔俾此羮唔得，賣$88碗，絕對值得。至於賣$3O多元，嗰碗五蛇湯就明顯不及蛇羹出色，而且同一質素嘅蛇湯，在官塘[蛇王娟]食店，係隨蛇羹附送，仲無限添飲，所以計埋所花車程時間，肥華呢個，九龍人仕，日後食蛇，都係去官塘揾，娟姐，實際啲…查看更多

香港的冬天雖然不算很凍，十零度都已有少少氣氛，去食蛇羹、羊腩煲、火鍋等，特別有 feel 🥰今次去了西營盤一間很多好評的蛇羹店，距離地鐵站一分鐘腳程，當時衹是晚上六點左右，小小的店舖已經坐滿了人，我們 4 個人等了 20 分鐘終於可以進店了，其間店員很親切，盡力幫我們安排坐桌，很貼心 🫶我們叫了大蛇羹，雙腸糯米飯，原來店內還有秘製浸鷄，咖哩牛腩，味道都有驚喜 😋 食評如下：招牌蛇羹 (大) $88古法炮製，滿滿的料，味道好味吾在講，條條長長的蛇絲，足證真材實料雙腸糯米飯 $46糯米飯雖然不是生炒，仍是很香很軟綿，潤腸+臘腸不算肥膩，不過為了留肚試其他的食物，我衹每款試了一口秘製浸鷄半隻 $85賣相已看出鷄肉嫩滑，食落好有鷄味，推介大家試下咖哩牛腩例牌 $110比較港式的制作，咖哩味香濃，牛腩炆得好稔亦入味，薯仔都一樣，最後當然全碟都食曬 😆…查看更多

有點事做，要去一去西環。順道拜訪蛇王海，去到要等一下先有位。落單後不一會便上檯。叫咗蛇羹(大)，糯米飯配潤腸。蛇羹足料，蛇肉份量正常，唔會偏向某一啲材料多，童叟無欺，蛇羹夠身唔削，味道濃郁，唔係外面某些店一係水汪汪咁，一係杰撻撻，佢真係羹。糯米飯，糯米飯吸收咗臘味嘅香及油潤，香味撲鼻，潤腸甘香。兩款食物份量都正常。唯一係鋪面比較擠迫，有時大家要遷就一下。戴返頭盔先，我覺得好唔好食≠你覺得好唔好食，好唔好食因人而異。…查看更多

蛇羹無咩特別，唔係特別多蛇肉，又唔係好食，甚至水準係中下，佐敦、北角同西營盤都有蛇鋪好食過佢。個咖喱真係好難食，好難食，好難食，真心要講難食，好稀好似溝水咁，又無乜味，係咖喱水黎。我唔知係食人情味定點，呢個水準真係完全唔值得俾人吹捧到咁。真係黑人問號理解唔到？？？？？見小鋪又多人讚，我真心特登去支持下，點知咁失望………..我食嗰陣係有個中年女人睇鋪，唔知係咪唔係老闆整所以唔好食？定佢已經係老闆？？…查看更多

大碗蛇羹+雙腸糯米飯+蛇湯加埋都唔洗$150，好低食，蛇羹足料，臘腸潤腸好味，蛇湯夠濃，巳好耐冇食過蛇羮了，所以今次遇到，必定會經常去食，還有其它美食一定要續一續一去嚐試，到時再寫評論。…查看更多

一年淨係做八個月，由9月到4月，碰巧我路過走入去食先知原來今年淨係做到4月6號，真好彩！鋪鋪頭好街坊，幾張折枱，不過每個客走都認真清潔，所以感覺好衛生。誠意出品，雖然已經完全唔凍，4月突然想食蛇羹，發覺卜脆同檸檬葉任你自己加，所以我食到一半又可以有脆卜卜既卜脆，好開心。蛇羹足料，味道非常好！雞髀飯交足貨，飯係另上既，雞好多菜墊底，配咖哩或薑蔥你自己揀。其實老闆推介羊煲，可惜我唔食羊。佢都有話依家濕氣重應該飲龜苓湯，不過我心有所屬，所以只有下次啦。…查看更多