蘭苑饎館

營業中

休息中

朋友話呢間餐廳有開心果糊食，所以就約左食晚飯好歷史，傳統風味感既Menu入面係彩色既一行7個人，我地叫左6個餸跟餐有中湯有飯（可轉粉麵）同有菜老火湯超足料，每碗都有柴魚，豬肉，瓜，好入味-沙茶蒸排骨好特別！-欖角肉片蒸豆腐大愛，個豆腐超滑-豉汁蒸白鱔有新皮味，好香-蜜汁薯仔洋葱牛仔骨呢個一般有d太肥-豉油雞好新鮮，有雞味-蝦米白飯魚蒸勝瓜家常小菜Feel-跟餐油墨菜主角就係佢了！！！以為來食開心果糊，點知係開心果糕真係食到好香開心果味嫁祝大家生日快樂

行過太子，下午六點左右，見到蘭苑饎館呢間鋪幾古色古香咁，都有幾多人喺入面食緊野，openrice既好評都唔少，又有米芝蓮，就入去試吓。入面都幾焗吓，本身好想食好多野，但焗到唔係好舒服，於是就唔係好食得落野 咁就決定食啲輕盈啲既野啦見開心果糕同糊咁出名，就叫左開心果糊$34，同埋菠蘿糕$16 我見其他糕都幾得意架 又有玫瑰味乜乜乜 不過見食評話菠蘿糕好新鮮，就叫左菠蘿糕菠蘿糕黎左先，講新鮮嗰個人要打Pat pat囉！明顯罐頭菠蘿味，不過有啲菠蘿粒俾我chew吓都無咁嬲既開心果糊諗住應該會濃味過糕。開心果糊一上，係熱辣辣既 但食落口 食唔到開心果味 友人形容得好好 係綠色既麥皮 你可以叫開心麥皮既 但食完係好唔開心囉

不知不覺呢度好似變咗係我哋嘅飯堂，每隔一兩日又來了，雖然呢度鋪頭好細座位唔多，但係呢度嘅食物真材實料好味道，而且仲有一份人情味添。來左幾次之後，有位阿姨好似已經記得我哋，仲有每次介紹我地未試過嘅新菜式俾我哋。不過，我哋來左咁多次，最欣賞都係佢嘅豉汁蒸白鱔，魚夠新鮮肉質厚實，另一款好味菜式係南乳蓮藕生根豬手煲，豬手炆得好焾好入味。套餐包一碗老火湯，最重要係冇味精。最後當然唔少得要食佢地招牌開心果糕同芝麻糕。仲有招牌龜苓膠都唔少得，滋陰補身，不過正正真材實料，真係好苦。

今晚都係比較早來，所以好快有位，可能2位比較易有啦。今晚都係ORDER比較傳統嘅餸啦，豉油皇清遠雞、欖角薑蔥豆腐鯇魚煲，今次個老火湯比上次好飲，合掌瓜，好好飲，隻雞都好香好入味，個魚都好食，因為上次食飯真係好飽，所以今次食米粉，飽度啱啱好！

今晚試咗間小菜館，我開頭以為自己去錯地方，但原來這裡係食龜苓膠、甜品以外，還有小菜食……聽聞好出名喎，所以排隊需時，今晚係星期五，七點左右，好彩吾係等好耐……等位期間，已經在門外個餐牌揭來揭去睇下有咩食，吾講我真係吾知，原來呢度啲煲仔菜套餐的主菜、汁料及配料可在指定選擇內任你配搭，都幾好喎，睇完就決定要1.蝦醬蒸肉片及 2. 沙茶栗子欖角蒸鯇魚啦……這個套餐包括有一個小菜、一碟油菜、一碗仔例湯及一碗飯/麵/米粉/河粉，認真夠飽啊……等咗一陣，先來碗餐湯~紅蘿蔔菜乾湯，夠清吾覺有味精，冇耐蒸鯇魚到，沙茶醬欖角栗子蒸的味道幾得意，主要係沙茶醬味，有別於平時豉汁蒸，都不錯呀，送飯幾好，再來係蝦醬蒸肉片，因為好耐冇食蝦醬，所以點呢個，個肉片應該用蝦醬醃，好入味，肉也很腍，味道好好……雖然個碟頭份量吾多，但對我來說一個人一個餐確實好飽呀！拔兄果然冇介紹錯呢！

晚飯6點半就坐，叫了2個套餐，包括有湯，無味精，今後係靈芝栗子瘦肉湯。正。有菜，有主吃，仲有無限量添加嘅白飯，米粉，生麵。主吃叫了蒸雞同牛仔骨，再加埋甜品，好滿足。

久聞米芝蓮推薦的蘭苑饎館大名，今天特地到太子一試究竟。鋪面裝修與一般涼茶店頗為相似，坐下後不久點了兩個小菜套餐，本來想點雞，可惜這天來晚了，早已賣完，最後點了薑蔥蒸龍利柳與鯪魚球蒸豆腐。先來了隨餐的中湯，味道不錯，用料十足，飲光後可以看到很多湯渣。然後來了鯪魚球蒸豆腐，這道菜式不止賣相平平，味道亦是平平，只是家常便飯味道的清淡豆腐，令人有點失望。幸好後來的蒸龍利柳的味道在水準之上，簡單的薑蔥突出了魚的鮮味，而且肉質鮮嫩，可見蒸的火候很好，配上白飯後令人非常滿足，補償了上一道菜的不足。隨餐附送的油菜與菜心則無甚特別。飯後點了這裡的招牌糖水開心果糊，同行女伴見到實物後覺得綠色非常奇怪，我倒是早就知道，所以並無驚訝，吃下去味道淡淡的，不過含有一些清甜，也算不錯的甜品，只不過以中式糖水而言，三十四元卻是有點貴了。埋單合共224元，作為米芝蓮推薦的晚餐倒也不算貴，而且份量也足，雖然未必道道菜盡如人意，但總括而言也值得一試。

The restaurant was full so got a pistachio pudding to takeaway.I would have wanted the pistachio dessert soup but it is difficult eating that outside so got the pudding.The pudding was actually quite good because there was a fragrant pistachio taste and it was not too sweet.

這間店之前只係食過甜品，但其實一直都知道有小菜，難得今日經過開就話不如試下啦，我地去到大約7點半已經要等位，大約等左20分鐘就入得去，其實入面都吾叫大，所以講真如果坐滿都幾迫，我地今次叫左2個小菜套餐加一個甜品，大約$240都勁飽肚而味道都吾錯。但講真待應有點亂，所以我地只要菜心又比左雙併菜，蘿蔔牛腩最後變成枝竹牛腩…每個餐$100都不用都抵食的一人餐……首先黎碗老火靚湯先，湯濃又多湯渣！～如果有得添加就更好啦。之後主菜黎到啦..枝竹牛腩煲…醬汁濃又香，滲晒入去牛腩同枝竹好味道，而且牛腩和牛根非常淋身，送飯一流。而這裡的雞都話係新鮮雞當然叫個啦！～我地選擇左豉油雞，食落去好多肉而且夠嫩滑，豉油都幾入味連雞味都有豉油香，加上薑䓤就更加好食。每個餐仲要有蠔油菜和飯或粉選擇，都係收這價錢怪不知咁多人黎食啦。最後叫了開心果糊 $34芝麻糊，合桃糊就見得多，咁開心果糊呢？？？這裡開心果用伊朗出產所以大粒又香，而這甜品綠色也因而來，味道吾太甜剛好還散股獨有清香而且食落去滑而熱（即叫即煮返熱），而且除左糊狀還有糕狀，但要碰運氣有冇得買啦

全文無圖。為什麼沒有圖！明明我最愛吃飯前拍一拍，肯定不是因為菜太吸引，我太餓，旁邊的人太狼死。我不拍的菜只有一個原因：長得醜。長得醜不是你的錯，臭豆腐又醜又臭我都愛，不好吃才是你的錯。這家菜簡直是超越了我對難吃廣東菜的理解。白切雞，好大件，但無味哦！煲仔菜：各種食材自由混搭，用重口味醬汁隨便撈一撈，勾芡。我覺得和合成甜品一樣，沒有技術，沒有好的調味，更別提神馬火候的講究。老火湯，多水版。開心果糊和開心果膏，綠得可怕，開心果味又缺缺，想必是加了很多我不知道的東西吧。真的沒有下次了，連門口我都不想經過，這個經歷太可怕了。

久唔久就會想去「蘭苑」食飯，因為佢d湯好飲，d餸以蒸及煲為主，煲係可以自由組合材料，無咩味精之餘，煮法亦比較用煎、炸更為健康，所以食完幾舒服。幫趁左佢好幾年，雖然價錢都一路加，但難得水平仍然算係保持到。以前多數見老闆坐陣，近年就佢個仔(估計)開始坐陣，餐廳亦開始少少與時並進，見到有Facebook page，招呼亦比以前殷勤左。順帶一提，呢度d龜苓膏幾出名(不過我就未試過)，佢的甜品亦唔錯，尤其係膏類，可以留意下。呢晚叫左兩個套餐，分別係「客家豆腐」同「白切雞」，套餐包「例湯」、油菜」，「粉麵或飯」(任添)。例湯差唔多每日唔同，而佢d湯真係幾好飲，湯渣都唔錯，但細碗d。呢度d雞好快賣曬，所以想食雞要早少少黎。「白切雞」皮係屬於少少厚身帶脂肪果種，皮骨比例得宜，雞肉亦算滑，有雞味，唔會滲血水，點埋自家製蔥油薑蓉一齊食，非常唔錯。「客家豆腐」豆腐豆味濃，雖未至於好滑身，但食落好有一份實在感，吸收埋豆腐面豬肉球的肉汁精華，配合咸甜度適中的豉油汁，亦唔會誰搶了誰風頭，令人回味。豆腐面豬肉球有馬蹄碎，味帶甜鮮，口感結實中有爽脆，甚有層次。雖然可以選飯麵粉，不過我通常都會要飯，配搭蒸餸比較對胃口。

朋友之前分享過太子有間食開心果糕同開心果糊嘅店。今日食完晚餐黎試試開心果糕。第一次食開心果糕，顏色非常綠，但絕對唔係加左人造色。店員好貼心咁將開心果糕一開四，方便食。質地夠硬身，唔會一叉就爛。好清甜嘅開心果味，又唔會太甜，唔錯，可以再黎。

呢期成日都係菠蘿... 就算食到好飽都要點個菠蘿口味既甜品食...呢度就算咁爆場都好好服務態度~ 上菜又快又好食~新鮮菠蘿糕好鬼 fresh 既感覺... 中間仲有菠蘿粒粒... 真係唔食唔得~ 最重要係唔會太甜~幫襯過幾次... 每次都要試唔同既餸先得... 次次食都咁好食~豆板豆腐梅子排骨煲超開胃~ 酸咪咪好岩婆仔口味~ 但底個 d 豆腐就會帶點辣... 估唔到仲有婆仔愛吃既山根喎~ 正~金針魚肚雲耳滑雞煲好足料好夠味~ 好多雲耳正呀~ 雞又夠晒滑又多肉~是日老火湯每次都有唔同既老火湯... 好正... 無味精... 好似媽咪煲既湯~油菜中式套餐都會包埋既... 呢碟係兩份既份量~唔特別問多數都會菜心 生菜... 兩個人食夠晒份量~河粉本來想上米粉（肥丁話好食... ）點知想落 order 個陣聽到話米粉賣晒... 但河粉又大碗又好食喎~ 唔夠可以再追加~甜品餐牌好多食客堂食完都會外賣甜品走~

以前成日食佢d飯餐，覺得好住家屋企feel，水準不錯，今日經過，見到開心果糊好似好少地方有得食，顏色又奇怪，好似幾得意。首先開心果味唔夠濃，唔知係因為唔足料，定係呢種烹調方法好難帶出開心果嘅香味，而且口感都幾糊口，個人唔係太鐘意，好似食緊綠色嘅豆粉漿咁又未至於難食嘅，可能係我期望過高啦，好彩嘅係唔太甜，但係唔會係超水準出品囉

星期六的午後，回到家剛好是用餐時間；下着滂沱大雨，真正是寸步難行，不用多想，午餐就在附近解決吧！店舖裝修甚為古式古香，餐牌封面也是以木制成；看到它的樣子也知道店子已經營了一段時日了。這店子最出名的其實是龜苓膠，價錢也分很多種；由幾十元到幾百元不等，視乎選用的藥材數量和種類而定。小菜方面以蒸、煮或自選汁料煲仔小菜為主，標榜無添加味精 ;健康無負擔。點了自選套餐，先來是日例湯 ～ 番茄薯仔湯 ,很喜歡這裏的湯品，全部都真材實料，不加味精；吃的是家的味道。看湯色便知道很「溶」很夠味，入口甜中帶微酸，難得的是煲過湯的豬肉仍然非常嫩滑，一碗喝罷真有點意猶未盡！粉絲、節瓜和鯪魚球煲 ～ 自己一向不大喜歡太濃味的食物，尤其是湯底，所以選了清湯。相信沒有人不喜歡粉絲吧，這裡的煮得滑溜但依然保持爽身，索了湯汁，更顯美味。節瓜煮得很入味，鯪魚球爽滑無「腥氣」。隨套餐奉送青菜一碟，今次揀了生菜；翠綠爽口，以一個人的份量來説真的不少。雖然價錢比之前上升了不少，但食物水準和質素沒有下降，在這租金及通漲不斷上升的社會，也實在值得支持。**最近太多人的食評出現問題，以表示支持及配合（不想誤殺良民，又白費自己一番心血