藝廊咖啡室

營業中

休息中

昨日和朋友去食，景然是這樣。我問這還是自助餐嗎？那個人說飛機唔點有很多拿餐卷來，所以……即然做不到還接客人進來這是什麼的服務，錢會收給出的是什麼，我聽到有個小女孩哭著說我未有食到龍蝦呢！那是她對著一個服務員說的，有人食白米飯，食自助餐呢！白米飯冷盤小得很熱的呢也是……魚不是整條的是魚件，怎麼啦！不是鮮魚也吧了，是魚件……水果也是手快有手慢呢！吃皮吧！唯一不決的，是麵條但也要排排隊等著呢！我結帳離場時，我看到一位外國女人問有冇有甜品，服務員問內面的師傅，景說沒有麵粉做不了，怎麼啦！酒店呀！說是海鮮主題的自助餐，冷盤上常有的只有蝦，長腳蟹只有給切成一段段不足三吋長的，龍蝦要看你出去拿是不是時候囉，又要眼明手快，不然龍蝦抓也沒啦！每出來我看可能只有十來只半隻的龍蝦。可笑的是客人要拿著碟站在那等著，才有可能拿到呢！這是什麼自助餐呀！差極了

打折來講都算還可以接受，如果冇折就吾ok啦！食客素質就真係差咗啲。攞海鮮 (如 : 龍虾，海虾，海螺，蟹等……)好似搶咁，有啲人重用手搶，好彩我都攞到隻龍虾食，但完全吾係想像中好食，可以話係冇味！點解要搶呢？整體只有70分。

突然心血來潮，約左個朋友仔食機場富豪自助餐，曾經有朋友推介晚餐抵食又多海鮮，價錢又唔係貴。18:00準時食大餐，冷盤有我至愛龍蝦任食，抵讚，刺身有帆立貝，螺肉，呑拿魚同三文魚，款式不少，去到熱盤位見到有鵝肝，雖然一般，但誠意可加，熱盤款式都好多，但小弟已經要留定肚。雪糕係全晚焦點，有movepick雪糕任食，款式都有好幾種，真係食10杯都回本！最後我地有機場員工證，又有折扣，平價食到龍蝦同movepick雪糕，真係值得下次再食！

來了幾次，今晚……突然勁多人……感覺食物不是不停供應？？好似選擇不多，食物數量又少！！失望既晚餐海鮮數量又少……完全好似無得食，甜品款式又少！！😒侍應服務雖然好好……但自助餐是多款種類食物才吸引……所以再光顧真是考慮清楚

記憶中機場富豪的自助餐性價比甚高， 闊別多年，今天有機會到這裡一試它的自助午餐。餐廳唔算好大，但平日的中午1點來到也不爆場。環境比novotel細而清靜，食物款式比想像中多。沙律都有6,7款，當中比較特別的有泰式青木瓜沙律和柚子沙律，鍾意食泰菜的不能錯過。場內有少量冷盤海鮮，翡翠螺，青口，大蝦並有多款醬汁以供沾吃，質素不俗仲有即煮麵檔, 有師父隨時為大家即叫即煮東南亞湯麵，湯底可以揀 越南牛肉湯，馬來西亞喇沙和新加波蝦湯，粉麵配料份量全部自己決定。我選的喇沙湯麵看似清淡，但實情湯底美味香濃，2口麵清光之餘，湯都飲左大半。甜品遠比想像中多，又有多款movenpick雪糕，令人驚喜。餐飲方面有咖啡奶茶檸檬供客自己斟用。服務不錯。埋單以大喵銀行信用卡有65折，折後180蚊一位，機場員工更只是150蚊一位，以現在去大乜樂食個午飯都要5,60蚊來講，呢餐真係又平又好食，入開機場等飛機有時間多的話真係可以認真考慮。

如果唔係有65折都幾貴吓。食物種類同質數都好一般。三文魚刺身有筋。都無乜嘢係特別好食，如果要講最好味就應該係佢個財記麵檔啦。我揀左喇沙湯，但其實都係普普通通，不過不失。

藝廊位於機場富豪酒店地下, 路途非常隔涉, 出開機場, 一試無妨, 由機場一號客人大樓行去大概五分鐘, 吸引我地去嘅原因係一個'平'字, 難得公眾假期用某信用卡都有六五折, 反正未食過, 沒有選擇下的選擇。藝廊沒有豪華的裝潢, 走平民化路線。食物同樣平民化, LUNCH BUFEET供應時間為 12:00-14:30, 食物方面有；牛肉、燒物、炒麵、壽司、沙律、熱食、凍海鮮及甜品等。沒有魚生, 只有壽司。甜品款式很多很多, 食味卻很一般很一般。幸好有你, 值回票價。凍蝦 ~ 蝦肉又點梅, 沒有鮮味。凍螺 ~ 螺肉爽口, 有丁點食海鮮感覺, 其實都好一般。青口 ~ 冇乜味道羊肉 ~ 有羊的騷香, 太瘦, 有點硬。牛肉 ~ 又係全瘦, 不過就冇羊咁硬, 淡口型。魚 ~ 鞋口, 冇里味道。全晚最精彩的熟食, 麵檔裡的凈肥牛及生菜, 其他配料及丸唔得, 難得湯底真材實料, 牛肉湯底真係堅有牛肉味, 蝦湯底亦堅有蝦膏蝦頭蝦殼餚出來的鮮味。冇咩好食, 甜品時間。MOVENPICK 六球...... 是常識吧, 其實想試勻所有味道, BUT 好飽。大膽講句, 所有甜品都非常之 HEA 做, 除咗蘋果

因為送機要黎機場突然間心血來潮想西餐所以就決定黎食，之前次次黎都係食buffet, 第一次散叫menu 野食唔食buffet,原來都唔錯架播散叫menu 原來除左西餐仲有泰菜同中菜連雲吞麵都有得order,不過雲吞麵要$148/碗簡直係天價，唔知同平時茶餐廳有咩分別呢西餐價錢比普通美式餐廳價錢貴少少不過都算係可以接受既。。雖然白金卡有8折不過同buffet 相比都係buffet抵食好多，下次都係揀返buffet lu

知道信用咭有半價優惠，加上其中一位家庭成員剛好在機場放工，所以決定一家人一起去機場酒店吃自助餐。呢到食物選擇唔多，不過都好新鮮，味道都ok。切魚生嘅師傅服務非常友善，而且會問三文魚想要肥定瘦我特別欣賞佢地牛排醬汁用小熱爐烘住，令到D醬汁唔會凍，呢個設計真係好出色其他自助餐好少會見到咁細心嘅設計。餐廳環境清潔，又唔多人，攞野食唔洗等好耐，最初都怕唔多人D野食會唔會放好耐唔新鮮或者怕D野食人地夾完就唔refill，但原來服務員係會不停refill 食物確保食物足夠同新鮮

一行人到富豪酒店食自助餐。一入去就見到芝士同埋海鮮。可能由於六點鐘開始，我地六點幾到，所以d 野全部都仲好整齊。芝士都有好多款色，貼心地有不同生果配答。當然小不了餅乾。不過本人不嬲都對餅無乜興趣。面包蟹既膏唔算太硬！食左個蟹蓋都無問題。刺身方面都有七八款：包括八爪魚、三文魚、甜蝦、劍魚、玉子等。冷人面可以自己加紫菜、蟹籽、芝蔴，夠貼心。食埋咖哩位，凈係食左海鮮咖哩，有魷魚、蝦、青口。薄餅夠乾身唔油，抵讚羊架夠蘇，連粒蒜頭都有羊味！最欣賞係有薄荷jelly.豆付花有黃糖同糖水㨂。我兩樣都落晒，只係女覺得糖水無乜薑味（或者只係我鍾逴心薑味濃d)雪糕有MOVENRICK. 有好多味㨂。本人試左咖啡（好濃）朱古力（無乜粒粒）冧酒提子（酒味唔水濃但有冧酒味，多提子）士多啤梨（有果肉）檸檬雪芭（夠檸味）仲有勁多甜品細細份俾我㨂。咁就唔驚食唔晒，又可以試多幾隻款。埋單仲有信用卡半價優惠，真係抵到爛呀 😋

someone arranged this boxing buffet to me. I am.very appreciated.海鮮龍蝦任食，肉多又有膏，我擔心膽固醇，吃半隻夠了，還有生蠔等海鮮。 Cold cut也好吃熟食，是常見的聯合國，由西，中，印度結合。有很多海鮮做的菜式，更感高級名貴，節日就是要吃好點，謝謝少爺，在少爺一起什麼都安排的好好，我根本不必廢心。甜點種類豐富，但當日身體不適並沒有吃太多， 其中的梨tart好吃，中心注入蛋漿口感嫩滑甜度適中。做成一口大小就可以多試幾款，但可以把甜度調低就更完美了。moverpick ice cream. I selected walnut and honey +tiramisu favour. 比較甜但可以自行加topping.

心血來潮想食buffet 所以就拉埋屋企人一齊黎食！因為東涌居民有75折食物種類其實都好多 海鮮既話 蟹腳同花螺都唔錯我都食左兩碟刺身就麻麻地 八爪魚直頭難食熱食都有十幾款以上 唔係咩珍貴食料 味道就一般啦！個人覺得甜品係最好既 款式多 雪糕係movenpick飲品有茶同咖啡自由fill 算係咁啦不過呢個價錢黎講唔係睡好抵 下次唔會再黎

時光荏苒，與八小福相識相處相交，已有七個月了！適逢小妹牛一，他們說，去自助餐去！ 地點，竟是遠在天邊的機場富豪酒店！😂 好吧，只要不用小妹用雙腳跋山涉水，有巴士直達，就捨命陪「瘋子」吧！ 始終位置偏遠，人少地方大，用餐環境蠻舒適的。可以慢慢吃，不用跟人搶﹗ 冷盤、熱葷、中西湯、沙律、星馬印食品、湯麵和甜品等，應有眾有。 第一碟，取回了三文魚刺身、火腿、沙律、凍蝦、翡翠螺和壽司等，三文魚油潤豐腴且鮮美，挺不錯的﹗ 「地頭蟲」E眼明手快，取回了兩個載滿了蟹膏的麵包蟹蓋，據說，是搶手貨之一，「手快有，手慢冇」。邪惡且膽固醇高的蟹膏，口感硬實，滿口盡帶甘香蟹膏，過癮﹗ 再來一碟韓式炸雞、越式香辣炒貴刁、蘑菇酥盒、煎蝦和煎魚等熱葷，中規中矩。 A豬和E豬，各自取回一碗熱辣辣的自選湯河，前者乃海鮮湯底，後者乃喇沙湯底。小妹試了少許海鮮湯底河粉，配以香葉和香茅，湯底鮮香，河粉嫩滑。 甜品，葡達外酥內香、雞蛋布甸香滑內甜美，而士多啤梨慕絲香甜中帶果酸。 酒店選用Movenpick雪糕，小妹士多啤梨、法式焦糖燉蛋和雲呢嗱味各要了一球，配上脆片和西瓜同吃。 謝謝你們！ 你們的祝福，這張

星期六返工比較free,book左一行七人去食lunch buffet。lunch buffet十二點先開始，我地十一點九到左可以入去坐住先。我地臨時再加兩個人，餐廳都安排得到。餐廳座位都幾多，環境舒服乾淨。枱與枱之間有足夠空間，感覺relax buffet食物種類都唔少。簡單介紹下：冷盤有海鮮(新鮮彈牙，不過無生蠔)壽司(問左唔會走飯俾剩刺身，不過三文魚出奇地肥美)沙律(有mix好同自己撈既揀，夠fresh同多選擇)熱盤有主要係東南風味，仲有個係清真area.我推介有以下幾款：海南雞飯(個廚師裝飯同切雞前都會confirm食客分量岩唔岩，雞肉細滑唔肥，飯有油香。)即切牛柳(肉味香濃，不過要識揀位置，舊肉既中間太瘦，唔好食。第二次揀邊位好食好多！)蜜糖雞翼(明明係普通野，不過又好好食，有encore)甜品種類非常多！糕點同凍餅分為兩個zone,再加個movenpick雪糕bar,要每款試一次都無咩可能。菠蘿同朱古力mousse,mousse做得好滑，菠蘿酸酸甜甜好清新。加埋機場員工優惠，$150抵啦！

家住東涌7年， 一直都未到過富豪機場酒店吃自助餐， 感覺上走平價路線， 不太好食似的， 所以這麼多年也沒有興趣前往。 碰巧友人有一個半價優惠， 就找了一個星期日試試看。 中午自助餐由12時開始， 我們到達時被通知由於室內已滿的關係， 按排於門口出面的位置。 我看一看餐廳來， 原來坐滿了國內旅行團的客， 很嘈吵。 心想坐外面也好， 可以安静地吃一餐。 取食物的時候， 大陸團的食客很恐怖， 大部份都是在搶食物， 人群足足有三層人， 根本拿不到食物。 壽司部的阿姐也大叫請他們排隊， 真的好像去了飯堂一樣， 心想真的很不妙！ 經理見到這情況， 加上隔離檯有客人開始發脾氣， 就跟我們說坐外面的可以到隔離餐廳的buffet bar拿食物， 這樣我才拿到第一碟。。。 食物方面， 冷盤真的很一般， 但熱葷是很有驚喜的。 當天的海南雞飯和蝦麵都很出色。 其他熱葷也是屬於自助餐中上的水平， 這方面確實很驚喜！