薩莉亞意式餐廳 (西寶城)

營業中

休息中

好想食意粉, 鋸扒, pizza, 沙律...而家出街食個西餐閒閒地都要 $100 咁上下, 一個份量唔多既意粉都要成 $60-80, 都真係幾貴!😖好在有薩莉亞意式餐廳🤭 野食多元化, 價錢仲好抵添, 一碟意粉只係 $3x, 仲要無加一服務費呀🙌🏻 另外, 店內飲品係自助形式, 只要 $13一位就可以任飲幾款熱茶, 咖啡, 汽水... 真係超值! 叫哂鐘意食既野都唔會好貴😅野食就最愛蒜蓉包🧄, 蒜蓉味勁香, 個包熱辣辣, 仲要超級非常軟熟😋 必食!!

太夜收工，但又想平食，即刻捻起開左冇耐既薩莉亞，頹食首選。雖然外賣都等咗幾耐，但個味道都幾值得等待，之前食過北角同紅磡嘅分店，都係一貫連鎖式嘅頹食，飽肚大份但唔算特別好食。堅尼地城呢間分店，完全感受到即煮即食，同埋味道非常有水準😍尤其是青醬野菌雞肉意大利粉，個切到好細粒嘅蒜炒得好香，同埋青醬唔會太過草青味強，加上剛剛好煮起，香味撲鼻既意粉（唔係al dente)，一啲都唔乾身，硬度都啱啱好，呢個價錢係個超值之選！

薩莉亞早前醜聞不斷，繼荃灣店有食客發現有甲由，到青衣店發現有米奇，已經知佢衛生質素麻麻。今日決定壯壯膽，試下呢間西環新開既「殺你啊」。西寶城呢間環境幾光猛，坐位闊落，門面算乾淨，唔似其他分店咁咁龍蛇混雜feel。入到去禁鐘仔，禁左成10分鐘都無人應。老實講，lunch hour唔算多人，無理由要咁耐。好啦過左10min，終於有個waiter過黎落單，咁我就叫左呢個lunch set。意粉味道ok，比想像中好，呢個價錢咁既意粉都算合格，性價比高；平時一個大快活意粉起碼都45up。粟米湯幾好，夠濃，唔似普通沖濟又多粉又多水。整體合格。total都係＄42，非常之抵。唯一係佢既服務真係要改善，員工態度不太友善，一黎禁完鐘好耐先過黎同你落單，二黎送餐時成碟經過我膊頭fing上枱面，fing完個waiter就咁走左，勁無禮貌，仲爭d整污糟我。

講到平價意大利野，個個都會諗起薩莉亞，以前讀書嘅時候，最鍾意約埋一班朋友去食份量細細個，可以叫好多，一大班人食最開心今日兩個人去食，都可以叫到好多嘢<意大利菜湯$12>意大利菜湯，個味同羅宋湯差唔多，酸酸甜甜幾正<意式菠菜伴煙肉$19>呢個意式菠菜煙肉，下次真係唔好叫，啲菠菜妹侮到飛起朋友都唔知係咪玩嘢，叫完之後又唔食<歐陸風烤香腸$19>烤香腸可以揀全部或者半份，因為兩個人，所以淨係叫咗半份，咁就有兩條香腸係脆皮腸，仲要都幾大條，下一個人食一條其實真係差唔多<青醬雞肉野菌意大利粉$34>青醬雞肉意粉，真係超正，同平時出去食西餐廳差唔多味道

薩利亞終於係西環開分店，急不及待去試。同屋企人係平日夜晚去，行到餐廳門口已經見到好多人等緊位，我地等左幾十分鐘先有位。望落環境新淨，裝修光猛✨，間隔分明☺️1️⃣ 🥖蒜香法包 ($10）👍🏻味道評分: 8/10每次去薩利亞都必叫蒜香法包🥖，$10有兩塊，超多蒜蓉，好香口，唔會覺得好漏，因為係用法包整，外脆內軟，口感十分好，食完兩件都仲想再食😋2️⃣ 原味雞翼(4隻） ($18)👍🏻味道評分: 7/10好惹味，好香，🍗雞翼都大大隻，多肉，肉汁豐富，雞翼新鮮，唔會令人覺得係冰鮮雞翼，好味道👍🏻3️⃣ 肉醬多利亞 ($27)👍🏻味道評分: 7/10加了大量芝士🧀和肉醬，焗得好味味，啖啖芝士+肉醬，味道濃郁🧡，但唔會覺得漏，略嫌份量細左少少4️⃣ 🥬意式菠菜伴煙肉 ($19)👍🏻味道評分: 6/10🥓煙肉比想像中少，竟然只得1塊，有d失望😕，不過菜既份量就都幾多，🥬菠菜都幾嫩既

香港島本身冇咩分店，呢度咁近地鐵站開咗間分店真係好開心🥳！夜晚7:00去到唔算好多人，啲間隔同埋裝修都好新唯獨是啲射燈好似有啲燦眼最值得讚賞就係啲嘢食全部都夠晒熱，因為個人對食物熱度嘅要求好高，呢間餐廳啲食物一嚟到嗰時全部都出晒煙，啱啱整起就啱啱送餐過嚟啱晒我心水雞肉多利亞啲飯軟硬度適中，食得出一粒粒嘅飯粒因為時間處理得唔好嘅話好容易就焗過龍，變咗爛飯仔黑松露蘑菇意大利粉唔算好多汁，同埋唔算好濃味Pizza 就係薄底所以食落感覺有啲似餅乾

薩莉亞終於登陸西環相信好多人都食過每一次都超級多人今次佢啱啱開 個個都貪新鮮晚餐時間個個都企晒喺門口等外賣芝士焗薯角 $19雞肉多利亞 $29原味雞翼(4隻) $17水牛芝士薄餅 $30⬇️薯角眼見份量有10幾舊仲有幾片煙肉醬汁係芝士底味道唔會好驚豔 都係expect到嘅不過$19咁平 冇咩要求🤣🤣薩莉亞雞翼係必食啦！人數唔多所以淨係叫咗四隻不過外賣冇堂食咁好味🐤🐤🐤🐤雞肉多利亞又係第二個必食🙈🙈鋪咗芝士白汁同埋雞肉粒份量係唔多架啦不過薩莉亞就係勝在價錢夠平！薄餅冇咩特別就係水牛芝士加番茄醬不過佢條切痕切得唔夠深 🔪個Pizza有啲難分開佢外賣同堂食Menu有啲唔同因為佢堂食Menu有啲冇得外賣📌📌📌📌下圖s係外賣menu📌📌📌📌⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

西寶城新餐廳，作為街坊一定要試試。這裡的 menu 很多完化，差不多你想像到的都有，而且價錢實惠。首先來的是周打蜆湯，非常 creamy 好味，蜆肉不多也算鮮味，12蚊真是超值。再來是焗田螺，比較細粒，但焗的 sauce 有點蕃茄粒，中和了油膩感。主菜墨魚汁意大利粉上場，墨魚片不多但好有咬感，墨魚汁好濃，正正是整個意大利粉的靈魂。超推介。最後是甜品，我點了 Tiramisu，餅點的 lady fingers 浸到勁林，勁重酒味。上層淡淡芝士味但 texture 好滑。正！