薩莉亞意式餐廳 (Mikiki)

營業中

休息中

之前吃過很多次，現在無聊寫一下食評……主食方面，點了seafood pizza，有滿滿的海鮮（魷魚及蝦子），而且只要38元，物超所值！飲品方面，點了杯白葡萄酒，因為菜單上推薦海鮮配此酒，而且只要10元！整體來說：好酒！（溫馨提示：未成年人請勿喝酒！）最後點了個著名的意大利甜品：意大利咖啡凍餅，去意大利不可錯過的甜品，口感細膩飽滿！

今日係新年前最後一日朝早晏晝都忙住辦年貨午市時間周圍全部都係人想食餐飯都要排勁耐最後臨尾就係揀咗呢度可能太耐冇食過大鄉里出城唔知道呢度原來有酒飲好驚奇 支白酒仲要味道唔差都係$48沙律抵食 份量足整體嚟講好企理炸雞球 魷魚 送酒一流之後再加兩個意粉味道食咁多年都冇變喚起好多童年回憶最重要係佢意粉軟硬度適中好彈牙 水準全部keep到講真呢間分店服務OK 又好坐座位又乾淨同其他分店好唔同同以前細個食感覺差好遠抵讚會再幫襯

一到下雨天， 就唔想周圍走，就在mikiki中的薩莉亞是我常去的店， 皆因想食原型食物，加上盡量減少吃澱水化合物。薩莉亞絕對是我心中首選， 因為又經濟又夠飽。通常我會叫雞扒鐵板，還有大量蒜蓉、 粟米和薯仔粒 。加上餐廳有自助水吧，在月尾要 落緊褲頭 、沒有太多資金時，結帳就$35今天即使人很多 我也 只是在門口等了十分鐘左右 迅速經qr code落單後 十分鐘，份雞扒就上台了，非常有效率即使你一個人 去食， 都不設搭枱。 通常會先開放 近入口的枱，大概12張枱， 之後有人手的話，就會開落地玻璃那邊。 之前坐到入去，以為可以睇到繁忙的車道街景，但下了太陽簾，所以其實什麼都看不到

忌廉芝士菠蘿薄餅配意大利牛奶忌廉雪糕（限定分店）勁好食😋1. 周打海鮮湯 $14價廉物美，料多，忌廉重，易入口4🌟2. 原味雞翼（四隻） $20薩莉亞嘅雞翼一直都係誠意推介，雖然比以前細隻咗好多，但係都同pizza hut一樣好好食3.5🌟3. 肉醬多利亞 $30每次去薩莉亞都必定嗌，因為佢嘅意大利飯焗得啱啱好，軟硬適中3.5🌟4. 煙三文魚菠菜忌廉意大利粉 $42份量都夠嘅，不過呢三文魚呢就偏老咗少少2.5🌟5. 忌廉芝士菠蘿薄餅配意大利牛奶忌廉雪糕（限定分店）第一眼以為係一個好奇怪嘅食法，但係食落去又幾好食㗎喎，個餐牌上面有推薦食法呢，就係切一塊小型嘅薄餅再放上個牛奶雪糕，咁我試完都覺得ok好食嘅，但係其實佢兩個分開呢都very good 勁香牛奶味4.5🌟

🔸野菌芝士Pizza蘑菇食落無調味芝士有拉絲!薄餅好脆身👍🏻5.8/10🔹白汁雞肉意粉白汁濃雞肉粒正常意粉軟硬適中6.9/10🔸香煎三文魚三文魚無調味但煎得幾香配菜係粟米同薯粒7.1/10🔹辣味雞翼CP雞翼👍🏻好味😋JUICY 嫩滑8.8/10🔸雞肉多利亞必食雞肉多利亞～雖然份量吾多但味道世一8.8/10🔹檸檬雪芭雪芭有驚喜檸檬味好香食落酸酸甜甜👍🏻👍🏻👍🏻👍🏻9.1/10

星期日黃昏六點幾，諗住早早地唔使等位與家人在屋企附近搵地方食個簡單嘅晚餐，揀咗呢間嘢。去到門口無人帶位無人排隊，場內六成滿，於是自己搵位坐。坐落發現無自助落單紙於是問侍應。問咗等完一輪，突然有侍應來嚟要求我哋出去撳飛、等佢哋再安排至可以入嚟！當時門口的確有兩位客人，但場內仲有好多吉檯，而且門口嘅客人仲係我哋入座後至出現。我問點解唔可以照坐﹖你哋唔係無位喎﹖侍應堅持要我哋再出返去撳飛等佢哋帶位入嚟。呢間餐廳本身已經係半自助，客人自己落單自己拎飲品，侍應人數已經少兼無客人煩佢。佢哋嘅存在原來係「座位風紀」。咁嘅「服務」我哋唔再幫襯；亦唔好怪咁多人北上而唔留港消費！飯都未食就一肚火。飲食業請自省。

以便宜嘅價錢食西餐飛薩莉亞莫屬，當然啦西餐廳通常都係呢好多油呀芝士呀嘅配套，如果追求健康或減肥可以嘗試於薩莉亞進食此類餐，好似我咁是鐵點了蘑菇忌廉湯配三文魚沙律食。當中蘑菇忌廉湯味濃，特別是蘑菇湯比例好似平日在超市買的金寶忌廉湯一樣未濃，可於店內取黑椒粉嬸上黑椒味道更佳。旗幟其次，三文魚沙律通常沙律往往是食都唔飽，食完好似一陣風咁樣，配以三文魚粒，有口感資源亦有新鮮的感覺，透過三文魚肉讓你感到溫飽以及滿足。

唔知食咩好，又冇咩胃口，經過見到薩莉亞諗起好耐冇食，入面又有好多唔同鍾類可以選擇，所以就入左去食啦！ 呢間餐廳係以前讀書的時候成日都去食的！冇咩胃口之際就叫左一配羅宋湯，酸酸地咁樣好開胃，入面都有好多雜菜係入面。一路飲湯一路食到小小的湯渣，感覺好好另外叫左個菠菜，佢地呢啲應該仔係雪藏菠菜黎，配埋啲火腿一齊煮，食到啲咸香味，唔會太單調冇味，仲會有啲肉食到添然後仲叫左個意大利粉，簡簡單單咁食左又一餐，呢個價錢冇咩挑剔嘅地方，同埋食的係回憶呀！

夜晚打算過去食，問左企係櫃台嘅員工（女人，戴住眼鏡）一啲問題，幾點last order 同收幾點，點知佢態度勁差，即刻吾想幫襯，勁垃圾。。。。。。。。。。。。。。。

相信冇人唔認同薩利亞真係好平😂平平地又有意粉🍝又有pizza🍕又有其他小食，岩晒一家大細去食😂不過食物質素就有啲變幻莫測，間間都唔同😂mikiki呢間都算係維持水準得比較好既一間🙊同埋屬新維修，乾淨企理粟米薄餅（+$6 double cheese🧀) $36唔好睇淨係得粟米好齋，原來加埋啲芝士食味道又幾夾，兩者互相中和，有芝士香之外又食到甜甜既粟米，感覺冇乜熱氣😂而且今次好好彩地個批邊唔太燶，係一個合格既pizza😆邦哥尼意大利粉$32正常發揮，意粉軟硬適中，偏乾身，冇水味，蜆肉好好彩冇沙😂都係果句，30幾蚊仲想要咩質素😂😂芝士薯蓉 $28黎到好熱辣辣，幾香既，不過份量偏少😂唔好睇佢個焗盤咁大碗，佢好有技巧咁岩岩鋪平啲薯蓉😂😂😂厚度都唔知有冇2mm🙊甜品時間🎉意大利布甸$18呢排睇得日本動漫多，好想食雞蛋布甸🍮仲要係呢隻樣🍮難得呢到平平地又有就試下，都唔會expect 太多🙈焦糖醬會偏甜左啲，布甸亦硬左少少，冇乜滑溜既感覺，普普通通啦😂Tiramisu $20呢個反而好食啲，因為有可可粉係面冇咁甜😂不如如果再雪凍啲就好，曾經食過有間雪到似雪糕既質地，幾得意架😂

還是下雨天的日子，唔可以戶外活動，便約朋友新在蒲崗食晚飯。在商場行咗一個圈大概五點半，便入去食意大利晚餐。因這餐廳每樣菜式都唔太大份，價錢平均$20至$30幾元一碟，如柯打了飲品，第二杯可以免費refill。我們共四個人用餐，素描QR Code落柯打共15 款菜式。有菜沙律、pizza、田螺、意粉、蜆肉、菠菜、羊鞍、週打魚湯、甜品等。特別是羊架和田螺，羊架充滿羊騷味加香草，肉質juicy，喜愛食羊嘅朋友係唔錯嘅選擇。 田螺雖然細粒味道唔錯。甜品、意粉、pizza、菜沙律等，都係出面餐廳一般嘅水準啦，咁嘅價錢算係唔錯。CP值：- 價錢5/5食物質素：3/5甜品：3/5餐廳環境好光猛整潔： 4/5

新蒲崗mikiki 呢間薩利亞我已經唔係第一次食，平均一兩個月都會食一次，因為「以前」性價比高，又平又抵食。留意返，係「以前」！！星期四夜晚去到，等左10分鐘左右就入座，我地兩個人被分配近門口位置卡位，本身打算同朋友打對面坐可以傾下計。點知見到梳化位係超級污糟，完全唔想坐落去，抹都唔想抹，又粟米又頭髮仲有啲唔知乜。唔緊要啦，反正有位多坐其他位置都ok, 滿心期待地order 完之後就出去自取吧拎飲品，返到位就打算抹下啲碗同餐具，點知一望，WHAT THE F.......🙃仲要捽唔甩既。 nvm我唔用。一開始兩個意粉都正正常常，係個蕃茄意粉偏酸，但都可接受，係有食曬既，我仲同朋友講緊$29-$35 有個意粉有咁既份量真係算係咁。 之後蘑菇忌廉湯都係正常發揮，因為冇乜特別所以冇影相，直到個芝士法包既出現。。。其實我之前都有食過呢個包，之前係絕對唔係咁，之前係熱辣辣，個包好軟熟，今日個staff 一擺低我真係呆左。 又黑又燶，成嚿野都硬掘掘，唔緊要擺到落口我都ok 架啦。我朋友咬左一啖，苦既真係完全食唔到，之後我唔信，我食左少少包下面燶左既芝士脆脆，除左好好好好苦之外我諗唔到其他形容。因為

星期六下午，我和囡囡到新蒲崗的薩莉亞意式餐廳吃午餐，我們第一次到這間餐廳。坐下不久，我舉手叫服務員到來點菜，但服務員見到並沒有過來，舉了多次仍沒有人來，只好走去找服務員。服務員告訴我可按桌上小鐘，便會有服務員來。我們點了莎樂美腸菠蘿雙享薄餅和墨魚汁意大利粉，估不到價錢平，味道也不錯。薄餅沒有其他店Pizza的濃味，味道不濃，反而覺得有驚喜，可以清楚吃到腸和菠蘿的味道。墨魚汁意大利粉也不錯，淡淡的墨魚汁味更吸引。真是又平又靚的一頓午餐。

位於新蒲崗商場mikiki的薩莉亞意式餐廳。星期日約1時半，不算多人。之前經常食，因為有時安排到露臺卡位有直落玻璃可惜今次已經加了厚布廉，問了不能開😭佢景觀不錯，可看到啟德樓景全景。但為了任飲汽水吧(加$13一位)，也是值得我推介飲凍latte 咖啡，喝2杯也值回票價主要是找個地方坐下，飲幾杯。這裡的原味雞翼脆口入味，唯獨是薄餅比其他分店少了海鮮料，但食開溫泉蛋肉醬多利亞就高水準，濃厚芝士配上蛋汁，唯一不好，已上枱，蛋汁已經爆了。另外我最愛牛油焗田螺又一般，太過多油及田螺過熟變小了，味道也是不錯的。

抵食味道不錯網上外賣方便，去到門市即取，好過喺門市叫外賣要等15-20分鐘。叫左我仔至愛嘅水牛芝士薄餅、黑松露野菌意粉、墨魚汁意大利飯、黑椒蜆肉鐵板煮、脆脆蝦、原味雞翼。眼寬肚窄，4人食都剩意粉留來聽日做早餐