薩莉亞意式餐廳 (農圃道)

營業中

休息中

今次多利亞變左水狀嘔吐物咁樣🤧🤧每星期都食幾次，每次必點肉醬或者雞肉多利亞，發現lunch time同dinner都正常，基本上4-6點唔好去，樓面1-2人，廚房得一個廚師，侍應講。試過幾次，呢個時間得幾檯客，叫份雞翼都起碼等15-20分鐘。今次黎左碟唔熟既雞肉多利亞，d醬同cream 係水狀，同侍應講完，佢拎左入去，隔左一陣直接放番我碟嘔吐物野落檯，乜都無講…最後問完話直接翻焗，但最後都係好水，溝完好似嘔吐物🤮 試左小小好酸，唔敢比小朋友食，費時肚痛。太恐怖了…

食物質素非常飄忽，今次吃嘅鐵板黑椒蜆肉係凍嘅，另外餐具衛生程度令人擔憂，本人乃餐廳常客，但發現晚市時段的餐具非常不衛生，永遠油淋淋，有時有啲食物殘渣黐住，幾個月嚟都沒有改善，負責清潔嘅同事要多加注意，我每次都要用餐廳提供嘅85度滾水去清洗餐具，其實好辣手㗎，作為一個客戶，我都覺得幾過分，因為餐具基本清潔係店家的責任，冇理由要個客去自行清潔，再者，刀叉匙羹，我都可以自己洗，但係為你奉上食物嗰啲碗碗碟碟你可想而知，希望有關方面見到留言會有所改善。

我一向深信平嘢冇好，但幾個月前，屋企樓下開咗間薩莉亞，即管再試一次，我點了鐵板羊架、原味雞翼和甜品，羊架相當堅韌，好似冇醃過咁完全冇味，切得開但咬唔開，再order包$1嘅茄汁，都吞唔落，吞得落嘅話，牙骹都勞損，相中嘅粟米粒和薯粒似剩菜，但其實我一粒都未食過，睇見都唔想食，雞翼炸得唔錯，只係肉質稍霉，但未變壞，仍可入口，最正常嘅係甜品。埋單$107，明白俾呢個價錢，係唔應該有要求嘅。幸好我一個人去，禍不及家人。