薔紅餐廳

之前黎過一次，食落唔錯，今日再食質素大下降，要左個鐵版離扒個黑椒汁油到令人髮止，份量ok不過火腿濃哂，長仔又變味，睇下我食完果張相，唔怪之得星期六都唔洗排隊，走汁可能會好啲，反正枱面有茄汁😏侍應招呼各樣都無問題既，係質素差左，睇人地寫其他野好食…可能能會比多次機會試其他🤣…查看更多

之前食咗幾次幾好味，又抵，所以搬嚟咗大角咀再嚟食多次，今日去食發現加咗價，都冇問題，但係鐵板豬扒之前食過幾次都係有三塊，今日你剩係得兩塊豬扒，問職員，佢話要等等問一問，點知見佢行嚟行去都冇問到，我哋食完啦再問佢佢話要問吓，之後先問原來係比少咗一塊豬扒我哋。加咗價，仲要仲衰啲，今日去食明顯比起我之前未加價去食所有嘢都差晒，之後一定唔會再去食啦之後佢寧願去茶餐廳或大家樂大快活食，起碼又唔使排隊等咁耐，仲要貴咗之後所有質素冇好到 。 …查看更多

知道佢既燒雞好出名，估唔到已經靜雞雞開到黎奧運！位置有少少難搵，打風日去都要排一陣隊，環境闊落，係覺得張枱可以大張d，因為d野食全部都大大碟！✨金牌脆皮燒雞✨燒雞真心十分出色，外皮香脆，入面juicy，雞髀位滴晒汁🤤用手食最滋味，味道唔會好咸，有雞味（無雪藏味），中意重口味既可以去調味區加唔同既香料/調味粉✨酥炸豬手 配意粉✨超大隻，但都有留意到其他食客既豬手有機會係兩隻細隻d既，略嫌豬手既肉會老少少，豬手皮厚，食落會漏d油d，所以食晒d肉就算，點洋蔥汁食幾惹味.意粉味道偏甜，沾滿茄汁，細路仔口味既人一定好中意飲品都大大杯！…查看更多

值得一試燒春雞🐤之前食過灣仔薔紅隻燒春雞都唔錯，咁岩去奧海成行街，梗係睇下有咩新餐廳，咁就發現薔紅開左分店。一去到門口就見到好多人坐係到等位，心諗應該有排等，點知二人位唔洗點等，好快就入得。一入到去新餐廳係唔同d，整體裝修環境都好美觀，最緊要夠冷氣唔會覺得局促。坐定定睇餐牌，依家有套餐推介，一直以來我食量都幾大，而呢間餐廳份量真係岩哂。落單冇耐，上餐速度都好快，值得一讚。重點黎啦，梗係要講下隻燒春雞，大大隻就不在話下，仲要熱辣辣，撕開隻髀過時，d汁即刻留出黎，咬落口d肉係好嫩口不會覺得硬同un ，水準依然保留到原組店味道😋😋😋…查看更多

薔紅餐廳喺大角咀奧海城二期，位置方便，環境乾淨企理，唔算豪華但坐得舒服。整體感覺係一間主打港式西餐同中式小菜嘅家庭式餐廳，價錢親民，適合一家大細或者朋友聚餐。今次試咗幾款菜式，以下係真心分享：酥炸脆皮牛腩：牛腩本身炆得入味，口感唔錯，但炸漿偏厚，冇乜融合感，似係兩樣嘢夾硬湊埋，唔太夾。金牌脆皮燒雞：皮脆肉嫩，啖啖肉又唔乾，真係有驚喜，值得encore。鐵板至尊牛肉眼扒：牛扒厚切，火喉控制得唔錯，肉質唔算特別嫩，但都有牛味，類似Fairwood水準，唔差但唔突出。餐飲配套：送餐速度快，侍應有禮貌，唔會催你走，感覺舒服。價錢方面：以呢個地段嚟講，算係抵食，唔使二百蚊已經可以食到三款主菜，仲有飲品，性價比高。整體嚟講，薔紅餐廳唔係走高級路線，但勝在穩陣同抵食。唔會有太多驚喜，但亦唔會踩雷。適合想食得飽又唔想洗太多錢嘅人。燒雞係亮點，牛腩就睇你接唔接受炸漿風格，牛扒就當係填肚之選。…查看更多