薔紅餐廳

值得一試燒春雞🐤之前食過灣仔薔紅隻燒春雞都唔錯，咁岩去奧海成行街，梗係睇下有咩新餐廳，咁就發現薔紅開左分店。一去到門口就見到好多人坐係到等位，心諗應該有排等，點知二人位唔洗點等，好快就入得。一入到去新餐廳係唔同d，整體裝修環境都好美觀，最緊要夠冷氣唔會覺得局促。坐定定睇餐牌，依家有套餐推介，一直以來我食量都幾大，而呢間餐廳份量真係岩哂。落單冇耐，上餐速度都好快，值得一讚。重點黎啦，梗係要講下隻燒春雞，大大隻就不在話下，仲要熱辣辣，撕開隻髀過時，d汁即刻留出黎，咬落口d肉係好嫩口不會覺得硬同un ，水準依然保留到原組店味道😋😋😋…查看更多

薔紅餐廳喺大角咀奧海城二期，位置方便，環境乾淨企理，唔算豪華但坐得舒服。整體感覺係一間主打港式西餐同中式小菜嘅家庭式餐廳，價錢親民，適合一家大細或者朋友聚餐。今次試咗幾款菜式，以下係真心分享：酥炸脆皮牛腩：牛腩本身炆得入味，口感唔錯，但炸漿偏厚，冇乜融合感，似係兩樣嘢夾硬湊埋，唔太夾。金牌脆皮燒雞：皮脆肉嫩，啖啖肉又唔乾，真係有驚喜，值得encore。鐵板至尊牛肉眼扒：牛扒厚切，火喉控制得唔錯，肉質唔算特別嫩，但都有牛味，類似Fairwood水準，唔差但唔突出。餐飲配套：送餐速度快，侍應有禮貌，唔會催你走，感覺舒服。價錢方面：以呢個地段嚟講，算係抵食，唔使二百蚊已經可以食到三款主菜，仲有飲品，性價比高。整體嚟講，薔紅餐廳唔係走高級路線，但勝在穩陣同抵食。唔會有太多驚喜，但亦唔會踩雷。適合想食得飽又唔想洗太多錢嘅人。燒雞係亮點，牛腩就睇你接唔接受炸漿風格，牛扒就當係填肚之選。…查看更多

成日聽人講話佢d燒雞好出色，但係我同女朋友都係住係九龍區，一直都冇乜機會特登出灣仔食，直到後來先知道原來九龍區開咗好多分店，包括我地常去的紅磡同埋大角咀都開咗，於是乎嗰日喺奧海城睇完戲之後，就同女朋友去咗食呢間喺正戲院隔離又好出名嘅薔紅！金牌脆皮燒雞 $78酥炸脆皮牛腩 $88原價係$98，新張期間就$78，講真其實係抵！首先隻雞唔細隻先，我覺得好食嘅！雞皮好脆，撕開時見到好多雞油，好嫩滑，雞胸當然就唔會話好嫩，但整體真係唔錯！不過留意番加手套要比多1蚊，自問冇能力用刀叉分雞，所以我都係加左對手套！另外都叫咗一份脆皮牛腩，佢跟左一兜咖喱汁同埋一兜細碗嘅意粉，牛腩就冇乜特別，不過都算幾嫩滑嘅，個皮都好香脆，不過牛腩味就唔算好突出！下次應該會想試吓佢其他餐牌上嘅嘢，整體嚟講速食的話都算幾值得試嘅！…查看更多

灣仔名物開到黎奧海城多人排隊 都唔介意坐出戶外但戶外服務就差少少餐具俾木叉木刀你手套濕紙巾調味粉要問先會俾你脆雞幾多汁 熱辣辣又嫩口🐣脆牛好酥脆 好好味 但好可惜大概有十舊 有三舊淨肥膏🐮…查看更多

位於戲院旁的舖位丟空多時最近終由快速擴張的薔紅餐廳進駐！餐廳裝潢基本與上手西餐Nathan's House別無二致，明亮格局和無敵海景露天用餐區依舊，僅轉用了其粉紅主題色調。比起其灣仔本店及其宅急便分店，新店走較悠閑精緻路綫，餐牌不如茶餐廳般多元化，精簡至2頁餐牌，主攻鐵板餐和招牌菜色如燒鷄、豬扒包。定價由$38到$88，加上住戶9折及大食代的會員制度，縱觀奧海城是非常相宜的選擇。——————————————————✨金牌脆皮燒雞✨開業價 $78個頭飽滿的燒雞甫上枱已知是水準之作！外皮如薯片般酥脆一撕開裏頭的滾燙肉汁便爆發。皮脆肉嫩的效果絕對源於餐廳對出品的堅持，上皮後有給予充分風乾時間。微鹹的風味過後是自帶的肉香，品質上乘✨香脆豬排炒滑蛋豬仔包 配肉醬意粉✨ $68CP值爆燈，加入茄汁的肉醬意粉是典型茶記做法，稍甜的濃稠醬汁依附每一寸軟腍意粉，離經叛道但又是不少陀地港人記憶中的comfort food。豬仔包酥化包體和滑嫩炒蛋的出色組合，加上扎實豬排，口感層次豐富，千島醬和酸瓜亦平衡了厚重。✨薔紅特色叉燒蛋飯✨ $68餐廳掛名擔保必食推介，然而此價位難以供應半肥瘦叉燒，只屬常餐湯意粉之流。餐廳亦意識到此點故附上秘製醬油彌補叉燒的乾癟，但仍與經典演繹沾不上邊。明白餐廳強調港式風味但在其他出彩配搭面前難免失焦。✨酥炸脆皮牛腩 配咖喱汁✨ $88會爲此回訪的滋味！牛腩肥瘦均稱不粘牙，入口肉味香濃，最驚喜是咖喱汁加入大量洋葱炒製香辣中帶蔬菜回甜，相當上癮。✨鐵板至尊牛肉眼扒✨ $75熱辣辣鐵板餐是餐廳另一高光，實誠價格來説不會有鬆肉粉的發苦和糜爛口感已是合格有餘，是恰如其分的香濃惹味豉油西餐。✨一口西多士✨ $42多做一步開成小份再炸，每一口都是同樣邪惡香口，如果有加錢轉鮮油的選擇會更佳。——————————————————人氣熱店開業初期爆場冧檔少不免，難得是人員仍維持有求必應，初訪向餐廳反映調味稍甜，翌日再訪亦有改善，加上出品水準一致，足以佐證小店在港守業多年的用心和堅持，相信街坊必定樂見且支持。…查看更多

如果唔係去睇戲經過，都唔知道係奧海城戲院隔離開左薔紅話說燒雞好出名，不過我地就揀咗其他野試吓鐵板至尊什扒餐跟薯仔沙律（$95）份量好足，扒既肉味同肉質都算好，好抵食重有咁多菜同沙律跟，唔會咁膩明太子鳳尾蝦海鮮扁意粉（$88）諗唔到份量咁大份，有好多鳳尾蝦同魷魚仔明太子醬唔會死咸，魷魚既調味可以再重手d爆打香水檸檬可樂（跟餐+$15）正！香水檸檬個味真係無得頂餐廳入面重可以望到外面景色，佢係屏風黎，唔知天氣無咁熱係咪可以坐出去呢？整體黎講都唔錯，一定會再黎試其他菜式…查看更多

最近喺大角咀發現咗一間好正嘅餐廳——薔紅餐廳，呢度嘅燒雞可以話係「地表最強」！啱啱開業就吸引咗唔少食客，午餐時間仲要等位，真係魅力非凡！首先，必試嘅「金牌脆皮燒雞」，外皮金黃酥脆，肉質鮮嫩多汁，真係一試難忘！呢道菜真係無得輸，絕對係薔紅嘅招牌之作。跟住嚟就係「酥炸脆皮牛腩」，外脆內嫩，搭配特製咖喱汁，每一口都係享受，真係「詞窮」，形容唔到嘅美味。老闆嘅獨門「咖喱汁」真係值得推介，香氣四溢，辣度啱啱好，搭配日本米白飯簡直係絕配，令人一口接一口停唔落嚟。而旁邊嘅「茄汁意粉」，睇落似好普通，但味道卻令人驚喜，清爽嘅酸甜味道加上蒜香，為整餐增添咗層次感。總括嚟講，薔紅餐廳每一道菜都展現咗廚師嘅用心同技藝，特別喺咁熱嘅天氣中，見到食客竟然唔怕熱，願意坐喺戶口區用餐，依然食得津津有味，就知佢咩料！最後要讚下啲服務，好勤快、好周到，繼續努力啊❤️…查看更多