薄餅怪獸

營業中

休息中

係mikiki行完街，想搵地方食飯🤔朋友帶左我去附近搵食，話有好多街坊小店😯呢間裝潢走年青人風格勁大個LED怪獸招牌掛住在收鋃處 十分養眼😎舖面枱數不多，環境幾闊落枱之間的距離唔會太近同迫👍🏻餐牌的主食為薄餅同意粉焗飯由於朋友唔飲酒，否則有相當多啤酒選擇好岩成班Frd一齊吹水，氣氛一定好好🥰點左兩杯梳打🍹青檸梳打$32 柚子梳打$32 幾大杯，酸酸地、又涼爽🧊岩哂夏天，夠解渴😆PIZZA分大中細批🍕口味都有成十幾款醬汁仲可以揀！！好驚喜有成六款分別有蕃茄醬/千島/麻辣/香蒜汁/燒烤/泰式辣醬花多眼亂 選擇困難下😵‍💫最後叫左中批食肉獸 $138 薄批好脆！比起厚批相對地無咁易食到滯好足料，塊塊都平均有餸係上面同埋已經切開哂俾你，唔需要再費神分食得好方便呀🫶🏻芝士煙肉焗薯蓉$42 🥔🧀表層焗到脆面、內裡非常Creamy👍🏻份量大概3人份芝士很濃厚，呢個價錢CP值幾高炸洋蔥圈$52 🧅有成十二件，夠四人份新鮮炸起上，好香口炸粉適中唔過厚，完全食唔停呀😝見到隔離點炸雞，個賣相好吸引🥹可惜已食唔落，下次會想再黎試

作為新蒲崗打工仔既我成日都搵新蒲崗唔同餐廳食Lunch～ 😆之前有同同事食過呢間薄餅怪獸既pizza外賣，pizza很不錯，今次堂食佢地既午餐！餐廳環境坐得舒服，重點係好乾淨企理，有自助區可斟水同拎調味料，自助QR code 落單。佢地既午餐有好多嘢揀，當然都有pizza迷李批套餐，另外有意粉/焗飯，炒意粉，熱狗套餐，素食者有沙律配蒜茸包選擇！所有午餐都包熱飲或餐湯。最後我揀咗是日午餐既意粉，仲有小食同埋包飲品🥤 🍝是日午餐 - 招牌肉醬意粉招牌肉醬我鐘意蕃茄醬酸甜適中～ 肉醬亦夠哂多，可以掛汁係每條意粉上🍗小食 - 秘製檸檬烤雞意外地有烤雞件可以加購，而且上脾定下脾都可以任你選擇。秘製檸檬醬很開胃，甜酸甜酸的，雞烤得剛剛好不會老，雞皮烤得金黃金黃的，配意粉一齊食好襯好夾。見佢呢個烤雞仲有麻辣味，下次會想試🥤飲品 - 凍檸茶本身以為會係汽水既凍檸茶，點知係標準既茶記凍檸茶，正！

最後一日假期依然唔想留係屋企煮飯, 同屋企人近近地去咗新蒲崗呢間薄餅怪獸, 丫女稱呢間係佢平時返學嘅飯堂, 話好食又抵食, 咁就真係要去試下啦!Pizza有分大12吋, 中9吋, 細6吋, 為左試多一款口味, 今次就選擇細pizza.怪獸多寶(細):第一次見到心型pizza, 賣相相當吸引, 加上係厚批, 所以都好夠份量, 食落更加估唔到係咁鬆軟, 表層微脆, 加上大量菠蘿, 火腿, 青椒, 蕃茄, 蘑菇,  牛肉, 豬肉等等, 口感豐富又好食, 真係怪獸級別的pizza!千島海鮮(細):同樣係心型厚批pizza, 配料有大量蟹柳, 魷魚, 菠蘿, 洋蔥, 蜆肉等等, 非常豐富, 加埋千島醬, 美味無得輸招牌肉醬焗意粉:份量足, 肉醬鮮甜味美, 如果再酸一點會更好, 闊條意粉彈牙。芝士蘑菇焗薯蓉:大大份, 薯蓉面上配有沙律菜, 薯蓉內亦有些少蘑菇片, 加上大量芝士, 軟綿又有淡淡芝士香。雞翼4隻(芝士):內舖滿厚厚芝士, 雞翼嫰滑味美又JUICY, 芝味十足。主食都免費跟是日餐湯今日係羅宋湯, 真材實料, 絕非罐頭湯, 酸酸甜甜加上辣辣地, 夠哂開胃。

同朋友咁岩經過，見到間餐廳裝修幾chill，入面又坐足9成就入去試試，總共叫左4款食物，估唔到啲食物平得黎都幾高質。 -麻辣雞翼（6隻）熱辣辣上枱，隻叉吉入去仲見到啲雞油浸出嚟，食慾大增，雞肉好嫩滑，完全無雪藏雞味！個辣度算係微辣，主要係雞翼上的麻辣醬最辣，唔食得撥走佢就ok-芝士焗西蘭花 芝士鋪滿成個表面，輕輕鬆鬆拉絲，好重芝士味又有點焦香。雖然下面係普通得西蘭花，但軟糯的芝士加清爽的西蘭花呢個配搭出奇地夾！-香蒜大蝦意粉擺盤幾靚，幾隻大蝦係上面，食落好香麻油味，面質適中，但略厭唔夠蒜味，蝦彈牙，總括就普普通通。如果重啲蒜辣會更正。-千島海鮮愛心pizza見到佢即刻心心眼，少女心爆發，放咗一段時間先食，個皮都仲係外脆內軟，幾煙靭。上面嘅料一啲都唔馬虎，鋪滿成個Pizza。細細個，一個人食啱啱好！

最近想食pizza但又食連鎖店食到厭哂 上網見人介紹呢間Pizza Monster就決定嚟試下啦呢度最出名就係限量供應嘅心型pizza 除咗有唔同種類嘅pizza仲有炸雞 意粉 焗飯等等 價錢仲好親民添! 怪獸多寶 (細) (千島醬底) (走洋蔥) 一上台就見到我心心念念嘅心型pizza 有青椒 辣肉腸 火腿 蘑菇 菠蘿 牛肉同豬肉係入邊 咁多饀料食落口感真係好豐富 同埋雖然係厚批但就算凍咗少少食個餅底都唔會好硬 仍然keep到好鬆軟海鮮焗長通粉 (白汁) 本身呢款係焗闊條麵不過比我轉咗做長通粉 每一條長通粉都裹滿濃濃嘅白汁 入邊仲有蟹柳 蜆肉同八爪魚仔檸檬蜜糖雞翼 (4隻)雞翼烤到外脆內嫩 面頭再淋上檸檬蜜糖醬 酸酸甜甜咁食落好開胃飲品方面叫咗凍檸茶同柚子梳打(少甜) 非常解渴!

全港戲院日，試新戲院，開場前搵到呢間，喺新蒲崗算幾貴，但肯定睇過連鎖店嘅Pizza餐廳，主打美式Pizza、意粉同炸雞，我地都試到唔同種類嘅嘢。睇下餐牌先環境都好chill是日餐湯今次餐湯係意大利雜菜湯，番茄🍅湯上面好多椰菜，送嘅質素來計，唔錯。(細)怪獸多寶·厚批·蕃茄醬 $73一叫就收到限定嘅心形，會相信佢係餐牌所講嘅手製，唔係來貨啦！雖然係茄汁底，但呢款材料最多，有洋蔥、青椒、辣肉腸、火腿、蘑菇、菠蘿、牛肉豬肉，所以我地第一次食，就會試呢款。厚批都好鬆脆，一啖麵包一啖肉。牛肉好似有啲特別香料味道，芝士仲可以拉絲，非常滿足。黑松露雞柳炒意粉(無汁)$78意粉炒得好乾身，唔會因為無汁而煮得太腍，保留少少咬口。意粉本身有少少菇香味，配料都有落蘑菇、青椒、菠蘿、洋蔥同雞肉，意粉非常～flash，雞肉都有用香草醃過煎香，細節都好用心。小食拼盤 $92有洋蔥圈、春卷、咖哩角同雞翼，味道好食，但好多都係出面試過嘅味道，可見大部分小食都係來貨。不過雞翼係有驚喜。雞翼煎得好香，咬落去有好多香茅味，連雞醬都唔需要點。4件台式辣味炸雞$78雞肉都係雞上髀或者下髀，佢嘅配方係美式麵粉硬皮，上面調味有蒜粉

最近去咗「Pizza Monster」食lunch，餐廳嘅環境舒適，充滿著輕鬆嘅氛圍。可以坐在那裡，悠閒地享受披薩同意大利粉的美味，店員服務態度友善，令人感到舒適。佢有好多款創意十足嘅心形披薩❤️，好睇又好食👍🏻吞拿魚特色千島醬披薩，餅底上面鋪滿了鮮美嘅吞拿魚同香濃嘅千島醬，每一口都好有層次感！白汁海鮮焗闊條麵，濃郁嘅白汁融合海鮮嘅鮮甜，加上彈牙嘅闊條麵，真係唔錯香濃鮮茄豬扒焗長通粉，通粉入味，豬扒同鮮茄嘅組合更加豐富味道，每一口都好滿足！檸檬蜜糖雞翼，雞翼炸得酥脆，再淋上檸檬蜜糖醬，酸甜味道完美結合。招牌炸雞亦係一個必試嘅選項！外脆內嫩，每一口都充滿著美味！🍕🍝🍗有機會會再去

Pizza Monster今日星期六同朋友喺附近揀咗一間食嘅餐廳。係好多地方都有Pizza Monster 分店。價錢實惠又夠份量。All Day Breakfast $ 78牛角包外皮酥脆內裡鬆軟。食落去好香牛油味香腸咬落去有小小香料味 又唔會太鹹。好特別。 Pork Ribs & Chips $178Pork Ribs 用香料醃製過。經過烹飪後，香料滲透入肉好香。肉質每一口咬下去都好juicy值得一試！！Hot Honey Mint Tea $19味道清新，飲落口好舒服

主打手製pizza及多款意粉，裝修別緻坐得舒服🎈香蒜大蝦炒意粉炒意粉有濃郁蒜香及牛油香🧄口感偏煙韌，唔錯👍🏽配料有蝦肉、粟米粒粒同青椒、洋蔥絲，整體口感豐富午市時間加$16可以配油醋沙律🥗🎈香濃鮮茄豬柳焗飯以QT code落單時可以揀少飯，幾貼心醬汁加有蕃茄粒同菠蘿粒🍅酸酸甜甜好開胃，豬柳份量都唔少，肉汁豐富唔油膩，送飯一流🎈芝士焗西蘭花即叫即焗🥦西蘭花加香濃芝士🧀基本上見到都會點嚟食，特別在加咗沙律菜裝飾，擺盤有誠意🎈檸檬惹味烤雞烤雞皮脆肉嫩，內裡熱辣辣好有肉汁，醬汁甜甜哋又有檸檬清香🍋幾有驚喜，推介👍🏽🎈蜂蜜薄荷茶🎈即磨咖啡

今日去左新蒲崗搵食，呢間薄餅怪獸，真心推介，價錢平民得嚟又好食，覺得佢pizza仲好食過連鎖店。呢間位於仁愛街，出面有錶位，我同朋友入去食，都見吾少人揸車來外賣，仲有吾同搵食平台，係開party嗌嚟送返屋企都正喎。我同朋友點左兩個意粉，吞拿魚白汁扁意粉，同雜菌忌白汁意粉，即叫即整，勁大碟，食完都勁飽，吞拿魚配白汁很夾，而且佢都幾多汁，每條意粉都有汁，好正。而雜菌都好岩口味，因為點了pizza同雞，所以配呢個菇意粉食冇咁膩，佢落好多菇，有冬菇，金菇，雞脾菇等，同樣都係多汁，yummy.Pizza是最好味的，嗌了吞拿魚特色，勁好食，即叫即整，個餅底外脆內嫩，有吞拿魚，菠蘿，煙肉，芝士，好食啊。價錢又吾貴，先73元，個pizza 仲係心心形，打卡一流。仲點了雞翼，36元4隻，有幾隻味，點左甜酸味雞翼，雞翼大大隻，是泰式甜酸辣醬嗎？少少辣，很惹味，一咬雞翼仲保留到肉汁，好味呀。餐是包餐飲或湯，整體都很好，會再光顧或點外賣。

我最近試咗千島海鮮pizza，覺得味道一般般，唔算特別出色。我訂咗外賣，送到嚟嘅時候，我嘅pizza已經變形晒，有啲失望。首先講講味道，千島海鮮pizza嘅醬汁好淡，一啲味道都冇。我覺得配料方面有啲問題，海鮮嘅新鮮度唔夠，有啲海鮮嘅質感唔好，令整個口感有啲失敗。同埋個pizza嘅餅底，我覺得唔夠鬆軟，有啲硬硬嘅感覺，令我食嘅時候少咗啲享受。另外，外賣送到嚟嘅時候，我發現個pizza已經變形晒，好似被壓扁咁。可能係送貨過程中嘅處理唔夠細心，令到我嘅用餐體驗受到影響。我對pizza monster嘅千島海鮮pizza嘅評價一般般。味道方面有啲普通，材料新鮮度唔夠好，外賣送到嚟又變形晒，令我嘅用餐體驗唔太滿意。如果

📍PIZZA MONSTER同家人/朋友聚會成日食酒樓都食到悶搞下新意帶佢地幫襯pizza小店🥳要暴風吸入食曬D pizza‼️🍕🤤🤤🍕怪獸多寶大批 ($178)呢到既pizza真係勁足料‼️比pizza既份量震驚到❗❗❗怪獸多寶有洋蔥、青椒、辣肉腸、火腿、蘑菇、菠蘿、牛肉、豬肉🫑🧅Pizza底係厚批底新鮮熱辣辣焗出黎批邊脆卜卜好好味👍🏻😋🍕辣肉腸大批 ($178)辣肉腸批除左有辣肉腸片既香辣味之外仲配有海量既芝士🧀一拎起個pizza會做到芝士拉絲既感覺🤤勁吸引❗🍕曼克頓大批 ($178)曼克頓材料有洋蔥、青椒、辣肉腸、蘑菇、豬肉🫑🧅如果唔食牛肉既可以嗌呢款👍🏻都係非常足料❗pizza食落口又脆又香會令你一啖接一啖食唔停🤤🍕🍗招牌炸雞 ($20件)估唔到pizza店都有高質既炸雞‼️呢間既炸雞即點即炸所以每件雞都係熱辣辣🔥炸雞既炸粉唔會好厚仲食到雞件本身既肉汁係又脆又juicy既感覺👍🏻值得一試✅🍗惹味烤雞 ($21件)如果唔想咁熱氣但又想食雞🐥可以嗌呢款焗既烤雞烤雞用蜜糖烤焗出黎仲有片檸檬比你吱檸檬汁增加酸甜感🍋雞件皮脆肉嫩睇相都見到佢焗得幾靚👍🏻🐥檸檬蜜糖雞翼 ($53 6隻)蜜糖雞翼既

黎開新蒲崗整野就搵下有咩好西食！叫到呢間薄餅店好似唔錯就試下啦招牌炸雞果然叫得做招牌冇令人失望老公大讚佢炸得岩岩 肉汁夠juicy！心形夏威夷pizza夠灑浪漫 岩灑同另一半一齊食 味道都幾好 手工製餅底好鬆化！香蒜大蝦炒意粉好足料 有好多配菜（洋蔥青椒）雖然係炒意粉但一d都唔dry~美式拼盤有洋蔥圈、德國腸、炸魚、薯條估唔到炸魚有驚喜，外脆內軟好好食 喜出望外 本身仲以為係個d急凍炸到好硬既魚柳，下次都會再叫

打波前係附近搵野食見間鋪細細間但都唔少人就入左去試下入到去見到個quote 好正令我諗係Friends 入面嘅Joey🤣見間鋪叫薄餅怪獸無理由唔食薄餅所以叫左個細嘅Mexican Chillies佢係厚批黎，兩個人食啱啱好其實我個人黎講鐘意厚批多啲餅底岩岩好熱辣辣 完全冇燶🤩仲要好多料不過本身以為佢好辣，點知又唔算可能因為我揀咗蕃茄汁底冇揀到辣嘅醬所以所有辣嘅來源都係來自嗰啲辣椒然後我哋嗌咗兩件烤雞我朋友揀咗檸檬烤雞 我揀咗麻辣雞肉好滑 個麻辣醬汁好夠辣！正！然後我哋再叫咗豬手拼香草腸仲要有勁多薯條食到超飽一睇啲薯條嘅顏色就知道唔係用啲萬年油去炸好味！！食咗咁多嘢先$300 唔使好抵以後打波前有多個選擇㨂🥳🥳

去完睇戲想食d heavy野，朋友介紹我黎呢間野食，新幕崗平時人流唔會太多，野食種類唔少叫左薄餅、闊條麵、檸檬雞翼、芝士焗西蘭花、烤雞和炸雞，加杯梳打千島海鮮心型薄餅 $73🩷🍕嗯…係心心形狀🤣 好似話細薄餅都係心型🤣🤣 海鮮配料不少，千島醬風味配海鮮就一向都開心的😆。薄餅口感厚度適中海鮮焗闊條麵 $65 🍝白汁+海鮮，繼續係經典配搭，闊條麵軟硬適中，份量十足檸檬雞翼4隻 $36🍋🐣🪽推薦一號🤣，檸檬的清新調味，配上烤得剛剛好的雞翼，外脆內嫩，開胃小食必選😂芝士焗西蘭花 $63🥦🥦晚飯食個菜🥬 口感爽脆配融化左的芝士，fresh+濃郁的配搭檸檬惹味烤雞 $23+2轉脾🍋🍗外皮焦香內肉嫰滑汁唔少，勝在滿口肉肉😍招牌炸雞 $22+2轉脾🍗🫢外皮蘇脆唔算太油膩，裡面鎖到汁，調味唔重，食得到雞肉的鮮甜味柚子梳打🍹+$15朋友喜愛的油膩上加上fresh drink，成件事變得無咁邪惡（感覺上）🤣🤣🤣