薄餅怪獸

營業中

休息中

去完Airside，行入新蒲崗覓食，發現有間裝修好似唔錯的pizza 店。雖然係平日晚上，但都有d外賣員等緊拎單，似乎係當地居民所愛。坐低打開Menu睇，簡簡單單有pizza意粉焗飯飲品。正想下單之際，原來係用qr code落單😂 掃完發覺原來有隱藏menu，有抵食套餐，餐湯主食飲品，1個set就有，岩晒懶人又抵又方便。問店員推介，佢仲話你下次多人又飲酒，可以叫包埋酒的set，我立刻screencap咗比兄弟，期待下次有酒說故事! 是日餐湯:羅宋湯 飲落幾足料，應該要有的料都厚，一定唔係罐頭湯，茄糕，水及配料的比例剛好 魔幻桃園(中厚批) 材料包括粟米、菠蘿、磨菇、蜜桃、金菇，全部都係筆者最愛，用料充足，批邊勁脆，有番咁上下實力👍 中批都可以分到6件，3個人食都無問題。 海鮮焗闊條面出街食飯質素好，環境細節都好重要，熱辣辣焗面配上靚靚兜兜，絕對增加食慾。蟹柳、蜆仔、蝦仁都唔會比少你，個芝士汁唔會過濃搶咗其他食材的味道。 美式炸薯條即叫即炸，厚身薯條令人食不停口，基本上都唔洗點點茄汁，本身已經炸得剛剛好，餐前小食必點😚 無糖生可樂第1次飲，以為coke zeo tim哈哈，就是可樂囉，健

間舖位於新蒲崗，鄰近Mikiki，啟德同鑽石山過黎都好近！入內裝修唔錯，打咭都幾靚，佢唔只主打Pizza，意粉薯蓉同啲小食一樣好出色，我個人覺得無論一班人黎定兩三個人黎都岩！怪獸多寶配料有洋葱, 青椒,辣肉腸, 火腿, 磨菇, 菠蘿, 牛肉, 豬肉，佢主打係每日新鮮即製餅底，係厚厚既心形批底，批係煙韌唔同於其他一般連鎖pizza舖已經值得我大推，加埋佢好足料既餅面，每樣都襯托得宜，蕃茄醬底更加剌激住我既胃口，令人一啖又一啖咁咬落去！芝士焗西蘭花本來以為呢味餸應該平平無奇啦，但我欣賞佢既係佢將芝士融入每一層西蘭花之中，其他舖頭通常都只會象徵式係咁面到就算，但佢竟然每一粒西蘭花都沾滿芝士，芝士愛好者一定要嗌！芝士白汁磨菇焗薯蓉如果芝士西蘭花係行新鮮+芝士濃度，呢個薯蓉又行另一種風味了，薯蓉滑溜溜但又唔會太Liquid，本身以為薯+芝士一定好Heavy，但佢到呢個小食入口好輕盈，唔會覺得滯，無論薯蓉抑或芝士都冇搶過對方既味道香蒜大蝦炒意粉無汁既炒意粉令佢意粉好有咬口之餅果浸蒜味飄住走出黎，之後我嘗試加少少tabasco同碎黑椒上面，又係另一種味道，鍾意食芝士既朋友仲可以瘋狂咁自己加芝士落去，

煙三文魚蕃茄醬pizza（細）$73 +$20芝士餐廳好特別，會有分兩種細批嘅厚底，一張係普通出面嘅Pizza另外一種係心形嘅批底。今日早左食飯，咁啱可以食到心形批底！！厚批底食落去餐廳貼心咁樣安排批底醬自選項目，你可以自己決定pizza嘅醬。有蕃茄、千島同埋特色醬。煙三文魚pizza 好香，一到枱已經聞到好香嘅煙三文魚味。 +$20嘅芝士底真係非常推薦！食嘅時候芝士有拉線，超過癮！招牌炸雞$20 炸雞個炸衣夠薄同炸得夠脆，食落去油脂負擔冇咁大。大大隻、脆口好正，食pizza就要配埋炸雞食！薄荷蜂蜜水（跟餐）依個特飲冇乜其他餐廳有，暖暖嘅蜜糖水飲落去好暖喉同暖胃，好舒服。加埋薄荷葉有埋一份清新，帶走剩餘係口腔嘅油脂感

「薄餅怪獸Pizza Monster」位於新蒲崗仁愛街，環境簡潔舒適，適合朋友聚餐或一個人食飯。🐷 蒜蓉大蝦意大利粉大蝦新鮮彈牙，蒜蓉香味濃郁，意粉煮得啱啱好，口感彈牙，醬汁份量適中，整體味道非常出色！唯一美中不足係份量略嫌少咗啲，食完有少少唔夠喉。🐷 檸檬蜜糖雞翼檸檬蜜糖醬酸甜適中，不過有兩隻雞翼烤得稍微過火，外皮有少少焦。🐷 即磨熱咖啡咖啡香濃順滑，即磨嘅香味撲鼻而來，飲落去好舒服，唯一係溫度可以再熱少少，咁就更加完美！整體嚟講，「薄餅怪獸」食物質素唔錯，價錢合理，係新蒲崗區一個唔錯嘅選擇！薄餅怪獸Pizza Monster📍 新蒲崗仁愛街48號地舖#吃貨日常 #新蒲崗美食 #薄餅怪獸 #蒜蓉大蝦意粉 #檸檬蜜糖雞翼 #hkfoodie #foodiehk #即New chat

新蒲崗出名多隱世美食，咁啱放假去開附近參加工作坊，完咗周圍覓食，行到去越秀廣場附近就見到呢一間Pizza店！Asahi朝日啤酒1罐（買一送一）$29見到餐廳嘅裝飾寫住「有酒有故事」，當然要叫返幾罐啤酒嚟送炸雞，咁啱撞正買一送一，啱啱好一人一杯！🤓熱情如火 $138 （中）新鮮焗好熱辣辣！仲有芝士拉絲添🤤食落唔算好辣，係我好鍾意蕃茄、肉粒同埋西班牙酸瓜嘅配搭！😍 雖然話就話係厚批，不過配埋蕃茄醬同其他配料唔會話好濟！🔥台式辣味炸雞 (4件) $78 炸得啱啱好，外脆內軟勁Juicy，完全唔比大型炸雞店嘅炸雞失色！驚食到濟嘅話旁邊仲有一堆沙律菜~ 略嫌唔夠辣🤔檸檬惹味烤雞 (1件) ($21)烤雞上面塗咗一層蜜糖，好似仲有少少柚子味，再擠啲檸檬汁喺上面，食到勁清新！有驚喜！🤤Overall呢間Pizza店嘅食物都幾高質！價錢都尚算合理！

過左咁多個情人節，食過唔少有情調西餐廳，有小朋友後反而想回歸平淡(兼唔想再俾人劏哈哈)，寧願撐下街坊小店！黎到新蒲崗搵到間pizza店，畀佢個心心pizza吸引，咁應節一於食你啦！餐廳不大但環境幾chill都坐得舒服，除了主打每日新鮮手製無添加pizza，亦有小食同埋焗意粉及飯等，價錢親民，pizza又可以叫細批，兩個人都仲可以叫到好多其他小食。怪獸多寶 Monster $85全部細批都係心型，好多口味任你揀！本人偏好茄醬底，冇咁膩，第一次食叫返招牌款，餅底鬆脆，材料好豐富有洋蔥、青椒、辣肉腸、火腿、蘑菇、菠蘿、牛肉、豬肉，仲有拉芝效果，pizza控收貨！檸檬惹味烤雞 $21另一推介係店內既炸雞及烤雞，雞醃得夠入味，雞肉嫩滑，烤雞皮香脆唔油，配上檸檬汁食到唔停口。另外亦點了芝士焗西蘭花 $53、蒜香牛肉焗長通粉 $55 及香濃鮮茄肉丸焗闊條麵 $55，正常發揮，整體食得滿足！

今日同朋友去咗新蒲崗呢間薄餅怪獸食午餐，叫咗幾款菜式，整體感覺都幾好，同大家分享吓，支持小店😋😋我哋兩個人食，所以叫咗一個細size嘅怪獸多寶配千島醬🍕 呢個薄餅賣相好靚，從來未食過心形嘅pizza呢❤️薄餅脆身唔漏，真係好好食，上面鋪滿咗洋蔥、青椒、辣肉腸、火腿、蘑菇、菠蘿、牛肉同豬肉，好足料🧅🫑🥓🍄‍🟫🍍配上千島醬，酸酸甜甜咁，好開胃！另加$5就可以加杯凍檸茶，抵玩呀🍋我哋仲叫咗碟黑松露芝士焗啡菇，佢有兩大隻大啡菇🍄‍🟫🍄‍🟫啡菇好juicy，咬落去好有口感、芝士焗得啱啱好，拉絲效果一流🧀 仲有沙律菜做伴碟🥗另外，我哋叫咗個蝦兵蟹將，呢個小食拼盤好豐富，有炸蝦、炸洋蔥圈、炸蠔同炸帶子配沙律菜。炸物炸得金黃酥脆，唔會太油膩🍤🧅🦪甜品我哋叫咗個心太軟配綠茶雪糕，心太軟外皮焗得脆脆哋，朱古力味好濃郁🍫 配上冰凍嘅綠茶雪糕，一冷一熱嘅口感好正🌿特別欣賞餐廳播嘅歌都係廣東話流行歌，全部歌都好啱我聽，邊食邊聽歌好嘆呀😌 另外見到個下午茶menu性價比高，有機會再嚟幫襯😋

今日lunchtime同同事黎到pizza monster，發現佢lunch set都好抵。我地叫左兩個迷你批lunch set, 包野飲，加錢叫左個沙律。一個揀左怪獸多寶，另一個揀左經典的夏威夷口。沙律的菜新鮮，個醋汁好香，成個沙律食落好開胃。pizza原來係心形的，好有心思。細細個一人食都好飽肚。我揀左蜜蜂簿荷茶，好解膩同下火。另外也加錢叫左份招牌rib細份試，烤得唔錯，味道幾好!另外點左兩份炸雞，一份招牌，另一份係台式辣味，大滿足餐廳環境好，適合三五朋友來聚餐。

在土瓜灣店吃過很多次 第一次吃是朋友點外賣 大家讚不絕口見到下午茶個牌都好抵因為這裏不是大型連鎖店 食材的用料更好Lunch time都幾多人幫襯晚上都有唔少人點外賣 今次我就坐低慢慢食款式比較多 可以揀大,中,細揀咗招牌薄餅: 怪獸薄餅Pizza底每日新鮮製作 呢樣真係有誠意Pizza口感酥脆 但係內層又煙煙韌韌呢款有辣肉腸 勁好食 強烈推薦 加上青椒正好食程度係 20年前嘅Pizza Hut（以前Pizza Hut真係好好食🤤）性價比好高葡國雞飯 個汁好正 幾Creamy雞肉大大粒 呢個飯 我比80分！焗飯真係一定要夠多汁 滿意套餐另外+50幾蚊有小食拼盤半份有春卷咖喱角 洋蔥圈 檸檬雞翼好Juicy 好食炸雞都好受歡迎 見到有幾台人都有嗌揀咗台灣鹽酥口味 勁大嚿 肉質好嫩滑 掂！

去開土瓜灣探朋友就一伙走落去食這間街坊薄餅店格局有一點酒吧風就揀咗一個堂食中批餐有一個中批一個小食一個意粉飯是日餐湯係羅宋菜湯揀咗怪獸多寶+ 芝士白汁蘑菇焗薯蓉+ 炸雞兩件焗薯蓉 薯仔味香濃，芝士同白汁都好多，食落唔會好乾又唔會好單調炸雞，裏面非常juicy，外皮又夠脆剛炸起的炸雞就是好吃這裏的薄餅好有趣可以選擇不同的醬汁我自己最鍾意就係千島醬 真係冇諗到呢這又肉食的薄餅都可以配到千島醬批底鬆脆喺餐牌見到一個生可樂嘅選擇，就叫咗一罐感覺同平時的可樂真的有一點不同見到下午茶選擇好抵食 可惜今次時間唔啱， 下次可以約朋友再嚟食過

親民價錢高質Pizza店🍕每日新鮮手製無添加薄餅👨‍🍳提供最健康最新鮮最原汁原味的食材😃「食肉獸」薄餅啱晒肉食愛好者🥩包括牛肉、豬肉、雞肉、辣肉腸😍配上我最愛的濃濃千島醬汁，即叫即做，上枱熱辣辣🔥心型圖案夠心思❤️餅底保持香脆鬆化😋焗飯有魷魚、蟹柳、大蝦🦐海鮮新鮮，口感彈牙😙芝士味香濃，白汁帶點微辣夠惹味🫶心太軟即叫即做，焗至外脆內軟🥧切開有澎湃流心朱古力🍫可可味香濃，朱古力控必點🤩

位於新蒲崗的「薄餅怪獸」，這家店主打的當然是薄餅，但炸雞和飲品也絲毫不馬虎，全部都大大滿足。首先不得不提的是「食肉獸」薄餅。這款以厚批為底的薄餅，用料豐富，千島醬的酸甜平衡得剛剛好，完全不會搶掉上面滿滿肉類的風頭，反而提升了整體的風味。批底口感厚實但不乾，說是薄餅，倒不如像是超鬆軟的麵包，外層酥脆，裡層柔軟，超級好吃，個人十分推薦。他們的招牌炸雞外皮炸得金黃酥脆，咬下去還有汁水流出。雞肉本身鮮嫩多汁，還能吃到雞味，完全不油膩。這份拼盤就有點驚喜，有炸蠔、炸蝦、炸蟹鉗及洋蔥圈，每件炸物都炸得恰到好處，外皮酥香，裡面又不會乾。每種有三件，兩個人食也非常足夠！焗飯是一道很考驗功夫的菜，而這道葡汁雞皇焗飯表現得相當出色。濃郁的葡汁香氣撲鼻而來，裡面的雞肉滑嫩且入味，飯粒吸滿了醬汁卻不會過濕，每一口都充滿滿足感。飲品方面，「薄餅怪獸」也一樣出色。凍奶茶茶香濃郁，奶味醇厚，甜度剛剛好。而青檸梳打幾特別，特別是他們將梳打水分開上，讓你自己調製。

平時食pizza ，成日都食連鎖的。今日在新蒲崗，見到這間薄餅怪獸，中午時份，深受學生哥歡迎似的，就同朋友入去試試。地方舒服裝修型格，用qr code落單的，我地點了舌拿魚白汁意粉，怪獸多寶pizza,雞翼，仲有點了蝦兵蟹將啊。先講舌拿魚白汁意粉，本身是長通粉，佢可以比人轉其他或飯都得，很creamy 很夠白汁又有夠芝士，舌拿魚都好味，啖啖都食到，份量都多，很飽啊。怪獸多寶pizza很特別，很喜歡佢是心型的，外脆內嫩，很多配料，有海鮮，醬汁都可以自己揀，我揀了千島醬，好食。雞翼都好正啊，一共四味道揀，了甜酸雞翼，即叫即整，熱辣辣雞翼肥肥的，雞翼仲保留了肉汁，非常好食。蝦兵蟹將也很令我有驚喜，有炸蠔，炸蝦，炸蟹鉗，炸洋蔥圈，全部都即叫即炸，很香脆，好好味。整個餐廳環境舒服，食物又好食，價錢合理，下次帶埋朋友來食。

開喺新蒲崗偏僻位唔係喺附近做嘢應該唔會特登過嚟但確實相當驚喜😍裝修好寫意氣氛輕鬆座位都闊落叫個pizza小食炸雞啤酒食埋甜品真係可以坐幾粒鐘Menu都好豐富但我地得兩個人👧🏻👧🏻所以試唔得哂😟雙重芝士pizza🍕Pizza 應該即叫即整上枱熱辣辣勁新鮮芝士香濃拉絲好正😭叫咗個台式辣味炸雞share 🍗雞肉juicy調味啱啱好個皮都炸到好crunchy我地share食完忍唔住encore 多一隻炸脾😂🤣海鮮闊條麵又係熱辣辣上枱🍝都幾多海鮮同Pizza Hut 有得揮嗌枝hoegarden清清啲濃味主菜用甜品作結❤️❤️❤️❤️朱古力心太軟拼雲呢拿雪糕好多餐廳都有心太軟但真係好難整得好食小店嚟講佢真係好ok朱古力蛋糕外層焗到脆脆的然後入面做到熔岩流心效果朱古力味🍫都好rich唔假食完勁滿足再加多一個窩夫拼朱古力雪糕❤️個waffle 🧇又係新鮮又脆👏🏽加埋朱古力雪糕一冷一熱🍧好唔捨得咁食哂成碟🥹食到勁飽都係差唔多300蚊除返每人百幾但真係物超所值而且都不失為打躉好地方🙌🏾就算唔係咁啱經過我都應該會再去🤣同埋當日夜晚都爆場我眼光真係好🤣🤣

琴晚約咗朋友食飯，佢住新蒲崗呢頭，咁我話搵間坐得舒服D又唔太嘈傾到計嘅地方食，佢就推介咗呢間薄餅怪獸。首先講吓佢地個心形Pizza真係超可愛，餅底鬆脆，配料豐富，配埋佢地嘅特製醬汁，每一啖都好香濃满足，真係一流！另外叫咗個煙鴨胸焗千層麵，千層麵焗得金黃香脆，入面嘅煙鴨胸肉質嫩滑，味道濃郁，真係幾好味。最後佢地個黑椒無骨豬手拼香草腸，呢個組合真係唔錯，豬手煮得好入味，黑椒味道剛剛好，唔會太辣，而香草腸就香味十足，兩樣嘢一齊食真係絕配！另外見到佢地好多外賣送出，如果唔想出街食，呢間的確係心水推介！